呢間冰室幾乎係我飯堂，唔只主打無味精瑞士雞腩脾同番茄湯粉好食，其他野都煮得比其他冰室更用心同好食。
例牌我食開嘅招牌瑞士雞脾番茄螺絲粉，抵食有營。啖番茄湯係屋企煮再濃d嘅版本，瑞士汁調較得香甜，雞脾非常入味而肉質滑溜，呢間係我少有會食埋雞皮嘅餐廳。番茄粉上面仲放有滑蛋，香濃蛋味撈埋番茄湯係超正！
呢度咖喱都好正，唔辣偏香同惹味。秘製咖哩牛腩飯牛腩份量多，飯餸分開裝，都靚仔。
冰室有菜食係少見，而且上湯浸雜菇娃娃菜更少見。難得係都煮得好味，娃娃菜索哂d上湯，上湯湯底好鮮甜，唔洗講啦，好味。
友人鍾意瑞士雞翼，同雞脾一樣好味，再入味d，佢連雞翼尖都食埋。
餐加$9有凍檸茶，加$11有特飲華田脆爆添，即係凍阿華田上面加阿華田脆脆，咁杯凍飲就超濃華田味又有脆嘅口感，得意有好味。我就係鍾意呢度員工有禮貌，野又好食，價錢又一d都唔貴，希望水準一直保持下去呀。…查看更多
仲要係配牛乳炒蛋，正
特飲紅豆奶茶，綠椰冰，紅綠椰冰係出面茶餐廳已經好少見，好有自己特色 最後點左一個蕃茄通配牛乳炒蛋加肥牛墨丸，朋友想食飯就點左蘚茄汁香煎豬扒飯加雙蛋，仲要share 左佢既招牌瑞士雞脾
蕃茄湯底味道濃郁，好香蕃茄味又唔會好似一般湯底得個鹹字，炒蛋好滑，配蕃茄真係絕配
加配既肥牛份量好足，墨丸有四粒算有誠意，而且係粉少墨魚多，質素不錯，抵讚:)瑞士雞脾果然係招牌菜，一上枱已經聞到好香瑞士汁既味道，雞脾好嫩滑厚肉又腌得入味，大大啖咬真係好爽
雞脾既最外邊已經咁厚肉
朋友點既蘚茄豬扒配雙蛋飯份量好多，豬扒又厚又大塊，佔左半個碟
豬扒腌得入味又夠腍，見佢齋點蘚茄汁就送晒d飯就知真係好好味最後我試埋佢個華田脆脆，連脆脆一齊飲，味道濃左好多，跟餐半價，絕對值得一試…查看更多
聽聞呢度最出名係雞脾同蕃茄通，我緊係點黎試下啦！
瑞士雞脾Size幾大隻！ 一見到佢嘅色,同埋有點骨肉分離嘅狀態，就知佢鹵嘅時候好夠。果然無令我失望！ 皮固然係入口即溶，雞脾肉亦夠嫩滑同入味真係忍唔住用手拎起隻脾，大啖大啖咁食先夠爽！蕃茄濃湯通粉，再加$8牛肉意想不到嘅係牛肉都幾多，肉質算唔錯蕃茄通真係名不虛傳！！！
勁足蕃茄，係食到好多蕃茄肉，湯係好濃而無「假」或味精嘅感覺！牛乳炒蛋好滑！ 如果鐘意蕃茄湯底嘅人真係唔會失望！吉列豬扒、厚切牛乳蛋治拼粟米沙律成碟有張枱咁闊，個蛋治勁厚身，朋友食完已經覺得6成飽 沙律有好多菠蘿同粟米吉列豬扒炸得很脆，皮薄唔乾身點左杯招牌飲品綠椰冰原來係綠豆加椰汁，差唔多有1/3至1/2綠豆蓉，椰香味濃。咸檸7欣賞嘅係一罐7喜自己慢慢加，但咸味唔夠，變左檸7...呢間冰室人流旺，但食物質素不減，係真心好食嘅平價美食！！…查看更多
瑞士雞脾未食已經被瑞士汁香氣吸引，濃濃的蕃茄味加上香滑炒蛋，簡單得來但又好滿足。咖哩牛腩飯不算名物，但味道比大集團已經好，睇得出唔係交行貨。難怪樓下經常高朋滿座，實在不難理解。…查看更多
唔洗排隊 但入面都幾多人 坐位都多 但坐得幾迫開始叫野食啦:)我地叫左兩份蕃茄通粉餐配瑞士雞脾不過就唔包餐飲如果要叫野飲佢都會有個優惠就係半價(Eg.凍檸茶$18 跟餐+$9)小狗公主就覺得有d貴⋯⋯哩度既擺設好得意我一入黎就比哩個可口可樂樽仔吸引左好得意雞脾好入味 不過我朋友個隻就無我哩隻咁入味可能太多人食整唔切掛哩個炸薯角係我最推介既佢一d都唔油 仲好脆 一定要試朋友食的蕃茄螺絲粉我地食的蕃茄通粉小狗老細最欣賞哩度既蕃茄通粉可以揀辣度同埋佢既濃湯都整得好好 蛋都炒得好滑大家都去試下啦:)…查看更多
尼隻大雞脾成隻手掌咁大，肉質嫩而不「鞋」，D 瑞士汁調較得剛剛好，可以令到隻脾食落口吾覺油膩，仲好惹味添!!! 下次會再 ENCORE 叫番隻雞脾! 除左雞脾喺尼度嘅招牌，又點少得芝士蕃茄滑蛋通粉呢~~我仲加左豬潤添~~其實芝士蕃茄通粉喺可以配埋招牌嘅瑞士雞脾做一個套餐架!! 一次過ORDER，可以食到兩個招牌菜喎，一定唔好錯過啊~~
其實我自己本身都好鍾意食蕃茄嘅，鍾意有蕃茄肉，真材實料嘅製品，尼碗蕃茄通粉就完全可以符合我嘅要求，D 味道一D 都吾假。而通粉上面嘅滑蛋好香蛋味同滑。同埋豬潤嫩而且同蕃茄都好夾，正啊!! 我今次食喺晚飯時間，令我忍吾住 希望聽朝早餐都食尼碗通粉。如果我啊媽D 早餐都咁好食，我一定會預足時間起身，嘆番個靚早餐。近排天氣熱到爆，叫番杯紅豆冰真喺無得頂啊! D 紅豆味吾會話好淡，相反濃得嚟又軟，好易入口，真喺有比足時間煲嫁!! 同埋嚟到冰室叫紅豆冰，完全喺令你回想起童年嘅美好回憶!! 尼個蕃茄肉醬意粉都好好食，點算!好幸福啊!! D 蕃茄肉醬好惹味，而且肉醬分量好多，同意粉嘅比例喺一半半啦，所以好過隱!!究竟喺肉醬伴意粉，定意粉伴肉醬呢?? 因為尼碟意粉喺我朋友嘅，我食左小小，已經覺得好正，回味無窮! 又吾好意思喺咁食佢碟意粉…………… 所以!!我決定下次都會叫尼碟意粉食!!!同埋呢，尼間冰室D環境都好靚，D 擺設有D 懐舊FEEL~老香港嘅味道!…查看更多
我自己其實都算係一個幾矛盾既人，一方面覺得香港傳統既懷舊冰室應該保留同多多支持，但又因為大多環境唔太乾淨所以我會卻步。。。。咁岩呢間樓下冰室正正可以解決到我既矛盾了！既保留左舊式冰室既風格，同時環境都算乾淨！我本身食野唔中意同人迫，所以今日冒住嚴寒既天氣，十一點岩岩開門就去食了，但係我未食完，短短幾個字就已經差唔多坐滿人了！證明都幾受歡迎！今次黎食之前已經鎖定兩大必食目標 
瑞士雞脾同蕃茄湯通粉！如果叫蕃茄湯通粉餐有兩樣選擇，上面$38果款就係蕃茄湯通粉加一味餸！不過因為我我想食埋個瑞士雞脾，所以我揀左下面$46既餐！如果大家唔食雞脾，想配其他小食，都仲有好多選擇既！其實我以前只會飲媽媽煲既蕃茄薯仔湯，係出面我好少食蕃茄湯製既東西的！不過呢幾年提倡健康既飲食，所以我都食多左蕃茄湯既野了！如果大家唔食蕃茄，唔駛擔心，都仲有好多午餐選擇！鎮店之寶之一。。。我揀左螺絲粉，因為細細個已經有螺絲粉情意結！佢個濃湯真係飲得出係即叫即製用心熬製的，無味精，濃濃既蕃茄味又唔會太酸！滑蛋都好過水準，唔會因為浸左落湯變淋！夠晒滑，連埋蕃茄湯飲。。。正！鎮店之寶之二。。瑞士雞脾。。。個瑞士汁味道岩岩好，有啲餐廳個瑞士汁會偏咸，呢度就唔會！成隻雞脾都滲入晒瑞士汁，好入味！唯一美中不足既地方係人手唔多夠，我叫左杯水飲，但因為人手唔夠，最後都無俾我！不過我明白的，因為客人真的太多了！而且侍應服務態度好好，好有禮貌！咁忙仲可以保持到好好既服務態度，抵讚既！…查看更多
…查看更多
是日午餐到了路德圍的樓下冰室，之前散步時已留意到這間開張數個月的餐廳。食店提供多款午餐選擇，以「蕃茄」為主打，另外還有改良過的懷舊港式小吃。雖然食店有冰室二字，但未能感受到懷舊氣息。午市套餐可以自選粉麵及配料，我選配了叉燒螺絲粉配蕃茄濃湯 $40，送上時非常熱辣！想不到這碗螺絲粉的份量頗多，螺絲粉浸在鮮紅色的蕃茄濃湯裡，裡面帶有少量蕃茄肉，湯底香甜。配料是叉燒，全部均為瘦叉燒，煮得軟腍，富有港式風味，整體不俗，而且很夠飽，吃著吃著都忘記自己還有脆豬！:)他點了牛肉公仔麵配豬骨濃湯 $40。豬骨濃湯反而較清淡，他說我的蕃茄濃湯比較好吃，哈哈！這是額外點的瑞士雞脾 $28，主要留給baka吃，他認為質素正常，價錢偏高。我加了$10選配紅豆奶茶，而baka則選了凍阿華田(凍飲加$3)。原本對這杯特飲有期望，可惜送到之時從其賣相已可看出不足料，奶茶顏色偏淡，而最底的紅豆亦明顯很少，果然奶茶味很稀，明顯地被冰弄淡了，而過份軟腍的紅豆不夠多及甜，整體反倒像普通的凍奶茶。:(我們吃完粉麵良久還未見送上脆豬，心知不妙，最近我們經常遇到漏單情況，唉！:(:(我們三度催促年輕店員不果後，再詢問另一位店員，然而隔了一陣只來了一份脆豬，等了一會，今次我們轉而向一位應該是較高級的店員查問，他了解情況後不用十秒便送上另一份脆豬，很感謝之後兩位的店員對應，但希望店方也可以檢討個別店員的服務態度及漏單情況，從第一次催促到送上食物約用了二十分鐘。 
說回食物，這裡的脆豬是蒜茸牛油，豬仔包的表面薄脆，中間的蒜茸很香。:)旁邊的火腿和炒蛋均屬正常水準，但其實吃到這個時候已因漏單的事情而大失胃口。
總括而言，食物正常茶餐廳水準，環境少許擠迫，然而因為漏單的問題，嚐過一次便算了～ :(…查看更多
