捌加廿陸天婦羅居酒屋

营业中

休息中

係旺角有間可以自選天婦羅丼飯既餐廳就好似doraya咁可以自選刺身丼好似幾有趣所以去左試下位置係廣華醫院格離對住窩打老道d舖位門口好多牌都幾易認我地星期日 五點八左右到達仲可以直入餐廳有兩層地下係bar檯位樓上係tatami位我地就坐左樓上座位就寬落d不過要除鞋牆身貼滿晒動漫野QR code落單都有寫明晚市要加一既好像車仔麵咁可以自己揀餸或者有指定丼飯既所以先話有d似doraya咁我地就揀左一個自選丼定一個指定丼自選定食仲可以轉烏冬咬口都唔錯另外仲加多左個吉烈豬扒香脆唔鞋口定食同自選都揀左虎蝦大大條自選仲揀左帶子都好大粒下連半熟蛋都有得揀天婦羅有d似炸蛋但無咁厚皮兩個定食都有跟味噌湯同沙津雖然要捧上黎樓上但都仲係熱辣辣唔會油淋淋麵衣亦都唔算厚整體係食得好滿足既落番地下門口埋單兩個定食加埋吉豬連加一大約三舊水正常價位餐廳有動漫feel服務OK都唔錯可以一戰有限時六十分鐘食完出門口見到已經大排長龍都有唔少捧場客係香港呢個時勢都真係算少見所以都係早少少黎比較穩陣

最近想食天婦羅，於是睇戲前嚟到附近嘅捌加廿陸天婦羅居酒屋，一入到去就見到牆身貼滿電影動畫嘅海報，充滿特色，加上今日仲有坐喺樓上Tatami位置，可以打卡影靚靚相🤭 食物方面，除咗丼飯、小食之外，仲可以自選天掃羅定食，人均都唔使 $150，好抵食呢！ 鍾意食天婦羅既朋友，記得過嚟試下呀～丼飯嘅份量都幾多，食材有兩隻黑虎蝦、那歌魚、帆立貝、鰝魚、四季豆同金菇等，麵衣充滿酥脆口感，忍唔住一啖又一啖。每一啖嘅天婦羅都外脆內嫩，油炸得恰啱啱好，唔會有油膩嘅感覺。而磯燒鮑魚入口肉厚爽脆，配埋帶子，好滿足呀！蒲燒鰻魚丼同樣吸引🤩 啖啖肉之餘又唔會乾身，而且丼飯加入蛋絲，口感更加豐富。✨特盛海鮮天丼✨蒲燒鰻魚丼✨磯燒鮑魚配帶子✨蘋果汁✨提子汽水

滿滿日本風格，牆上貼滿日本海報，掛上燈籠裝飾。有上下二層，底層bar枱，類似拉麵店咁，而上層日式榻榻米，好Chill感覺。✨特盛海鮮天丼 $108 👍🏻👍🏻👍🏻天婦羅質素高，表面淺黃色皮簿鬆脆，粉漿做得好好，食落好輕盈，完全唔油膩。套餐有7件天婦羅，黑虎蝦2件，那歌魚，帆立貝，鱚魚，四季豆同金菇，配上麵豉湯同橙。黑虎蝦同鱚魚大讚，蝦好新鮮，蝦肉彈牙嫩口。鱚魚外酥內軟，肉質好滑濕潤，完全唔腥唔乾。✨芝麻雞翼 $38一碟有兩隻，炸到表面金黃脆皮，入面仲保持嫩滑，非常香口。✨炸菠蘿雪糕 $28 👍🏻👍🏻👍🏻好有驚喜，估唔到炸完仲保持到表面咁鬆脆，入面又咁juice，再配埋雪糕酸酸甜甜好夾。

天婦羅🍤名店捌加廿陸朝聖，旺角同油麻地中間，油麻地A出口出沿窩打老道行過去，喺就快光榮結業既Liberty隔離。平時排長龍，今日就門口等5分鐘，坐樓下bar枱，皓逼，有鈎可掛嘢，QRcode落單，一心一意嚟食天婦羅🍤龍蝦🦞，點知賣哂，再問多次店員confirm，真係賣哂。叫咗特盛海鮮天丼（$108），有黑虎蝦兩隻、那歌魚、帆立貝、鱚魚、四季豆同金菇。等咗大約15分鐘上天丼。定食有埋面豉湯、前菜四季豆同橙。天丼個炸衣皓鬆化，最皓食係金菇，皓有口感，蝦就一般。飯🍚唔夠汁

旺角天婦羅專門店「捌加廿陸」係咪34😂店名好特別，好奇之下入咗去食lunch，lunch set都有頗多選擇，不過有D sold out。店內裝修都好日本feel，牆身貼滿海報，樓下坐bar 枱，可以睇住師傅炸天婦羅，樓上就係榻榻米，另一個小天地。🍤特盛海鮮天丼🍚$108黑虎蝦🍤兩隻、哥拿魚🐟、帆立貝、鱚魚🐠、四季豆🫛、金菇，睇住師傅炸天婦羅飯，零捨吸引，新鮮熱辣，炸衣薄薄一層，金黃酥脆。虎蝦肉彈牙，魚肉嫩滑，帆立貝有鮮味。天丼淋上特製醬汁，吧枱仲有其他調味料，柚子鹽、七味粉、鹽，增添風味。天丼附送麵豉湯🫕、漬物、生果🍊。我仲追加咗蘆筍、茄子🍆、牛肉餅🐮、半熟蛋🥚，散叫每件$8起，牛肉餅咬落似牛丸比較結實，我自己就最鍾意半熟蛋，加D柚子鹽送飯食😋。定食仲有麵豉湯，味道普通，漬物一小件青瓜漬，生果係一小件橙。

🇯🇵裝修充滿日式風格，特別喜歡高樓底位置掛滿燈籠座位不多，繁忙時間都會大排長龍。下層主要係bar枱，可以睇到即叫即炸嘅天婦羅。🦐特盛海鮮天丼 $108預設包括左黑虎蝦、那歌魚、帆立貝、鱸魚、四季豆、金菇炸物做得好出色，全部即叫即炸。粉漿唔厚，炸得酥脆但唔會感覺好油膩。虎蝦大大隻，蝦肉鮮甜。那歌魚係魚膠，口感彈牙。🍜自選天婦羅丼 $108只有只選可以揀烏冬/蕎麥麵。除左可以揀鰹魚湯/豚骨湯，仲可以揀冷烏冬。 烏冬口感滑溜，鰹魚湯帶有淡淡柚子香，非常解膩自選揀左鰻魚、竹輪、半熟蛋、紫薯、南瓜和香菇。⭐️推薦必點鰻魚，半熟蛋，南瓜。鰻魚好厚肉，醬汁香濃。半熟蛋非常流心，先淥後炸依然保持到蛋半熟實在高技巧。🎃南瓜粉嫩香甜，炸得甚至比上次封高松的烏冬店食嘅天出色。🧀芝士年糕 $38係天婦羅店食炸物真係特別好，外層軟糯，流心芝士好香濃。整體炸物出色，價錢親民。本來好少係香港食天婦羅，但呢間絕對可以再回訪！

呢到係一間兩層樓高既日式居酒屋🏮，痴滿唔同既日式海報，樓上仲有榻榻座位，打卡一流👍🏻 佢地主打平民價錢既天婦羅同天丼，而所有既天婦羅🍤都係即叫即炸🤩 估唔到咁高質，皮薄餡靚，脆口又唔油膩，食材新鮮鮮味，真係性價比高，唔怪得之咁多人食😍(5 😍 係滿分，🤩係半分）特盛海鮮天丼 🍤🐟⚪️🫛🍚 - $108 (好味指數：😍😍😍😍🤩)呢個天丼真係幾多料，包括有2隻黑虎蝦🦐、那歌魚🐟、帆立貝⚪️、鱚魚🐟、四季豆🫛同埋金菇～ 全部啲皮真係薄，同平時食開既天婦羅🍤唔同，所以質感更加鬆脆，唔會硬又唔漏👍🏻個蝦🦐肥美飽滿，炸完都無縮水，鮮甜彈牙～ 那歌魚🐟鮮味，質感軟嫩又無骨🦴～ 帆立貝⚪️雖然比較細粒，但一樣鮮甜彈牙唔會韌～ 鱚魚🐟細膩柔滑，清甜鮮味～ 四季豆🫛唔會有草青味🌱，清新爽口～ 金菇菜清新既菇味好突出，質感爽脆😋旁邊配左個天婦羅專用既醬汁，係由高湯🥣、味醂同醬油，味道清甜解膩，如果想再濃味啲可以加柚子鹽🍊🧂、鹽🧂同七味粉～ 另外仲有麵豉湯🥣做前菜，同埋兩舊橙🍊埋尾都幾貼心鴛鴦鰻魚丼 🐟🍚 - $98 (好味指數：😍😍😍😍🤩)跟住小編叫左呢個鴛鴦丼，一邊係燒鰻魚🐟，另一邊係炸過既燒鰻魚🐟，感覺幾得

回頭指數：⭐️⭐️⭐️食物質素：🌮🌮🌮服務質素：☺️☺️☺️消費指數：💰（TTL $290.4，人均消費＄145.2)環境質素：☘️☘️☘️冇諗過轉角遇到一個令人好似返返日本既餐廳，不論係門口既燈牌設計，甚至裏面餐廳既室内設計，都令我誤會自己返左去日本一個傳統橫街窄巷食飯咁 😍 餐廳有上下兩層，下層可以排排坐，上層有榻榻米，兩個位置都各具特色。 特盛海鮮天丼 (＄108)外觀已經充滿層次，黃金色酥脆既天婦羅鋪係飯上面，層次豐富。海鮮(蝦、魚、元貝)鮮味，食落去炸粉好薄好鬆脆，鹹甜適中，係日式料理愛好者既不二之選。。 蒲燒鰻魚丼 ($88)大大條已醃製嘅鰻魚，而且上面佈滿咗好多海苔，少少既焦香味+柔嫩既肉質👍🏻飽肚感十足。 磯燒鮑魚配帶子 ($68)兩個表面都佈有薄薄既炸粉，而且鮑魚同帶子肉質都好彈牙如果你鍾意我既分享，按右上角🔔，就可以睇到我所有既 update

喺旺角搵到間主打天婦羅嘅人氣居酒屋試下呢餐真係充滿驚喜同非常滿足!❤️海老穴子天丼大大塊新鮮海老同穴子炸得外酥內嫩 配上鬆脆嘅天婦羅衣每一啖都係鮮甜豐富嘅味道再配上微微咸嘅特製醬汁 令人回味無窮😋特盛海鮮天丼除左海老外 仲有其他各種獨特嘅海鮮 好似那歌魚、鱚魚、帆立貝目不暇給之外 一樣咁新觧惹味😚兩款天丼份量都好多每樣天婦羅都係大大塊無論係視覺定係味覺上都十分滿足😆幾值得欣賞嘅係佢地個天婦羅衣好鬆脆就不在話下 仲食到有蛋味又唔會有油益味 好好食啊!!🤩唐揚魷魚鬚呢個小食不過不失夠香脆 唔會炸得過耐魷魚依然有彈性👍🏻見到呢度有玻璃樽裝可樂同朋友就忍唔住一人叫左一支爽爽佢😆呢間居酒屋細細 但好多人排隊架如果想食嘅記得預返時間早D去排喇!

見到好多人都介紹呢間天婦羅史努比心思思又想去食🤪之前都有講過天婦羅點知為之整得好隔咗咁耐同大家重溫下啦🤭好嘅天婦羅食材系唔應該掂到炸天婦羅嗰啲油咁樣食落先唔會覺得好淋油用嘅油固然之係重要啦 但炸嘅技巧都系不可或缺嘅一部分🫣天婦羅其實就唔系炸熟而系蒸熟嘅炸嘅時候熱油會蒸發食材本身嘅水分而控制食材最後保留幾多水分就系關鍵!如果炸到水分乾晒嘅話食材嘅質感會變得好唔同所以炸嘅時間同油溫控制都會大大影響天婦羅嘅味道好啦呢啲咁學術性嘅嘢唔講太多我哋入正題😂呢間小店地方唔算大 只有一張長長嘅bar枱見到佢哋個menu幾抵食自選天婦羅定食都系$30 然後每款配料逐樣計分咗3個價大部分海鮮類都系$18其他肉類又或者系半熟蛋就$12蔬菜澱粉類就系$8我哋嗌咗一個自選定食同埋一個丼飯😛最後仲嗌咗個甜品🤪一於試下佢好冇食啦！👍🏿自選天婦羅定食 $30定食包咗一份主食 麵豉湯同埋前菜前菜系醃蘿蔔同埋橙食完更加開胃 有助alleviate天婦羅嘅油膩😚主食可以揀飯 冷烏冬 熱烏冬或者系蕎麥麵史努比就揀咗冷烏冬～質感非常之煙韌彈牙😳配搭唔會太鹹嘅冷麵汁味道啱啱好😆加埋wasabi落去更加清新 好好食🤤天婦羅就分開逐

捌加廿陸天婦羅居酒屋 ～ 顧名思義，主打天婦羅🍤。地下全是吧檯座位，即叫即炸，點餐後可以看到師傅即場表演😆，抽風系統不錯，沒感覺有油煙味👍朋友點了特盛海鮮天丼$108，包括了黑虎蝦兩隻、帆立貝、鱚魚、四季豆和金菇。我點的是海老穴子天丼$98，有穴子、黑虎蝦、蟹柳、南瓜、本菇、紫菜和四季豆，兩款份量都好足夠，粉漿又不會太厚，比較喜歡蟹柳和南瓜🎃芝士年糕$38，🧀芝士味道非常濃郁💯，芝士控一定要試😆炸蘋果伴雪糕$28，雪糕🍦可選豆腐或海鹽味道，賣相好靚，配搭好特別，第一次食，非常喜歡，而且價錢便宜，抵食又好食😋飲品是罐裝提子汽水$10和蘋果汁$10。餐廳門面色彩繽紛非常吸睛，內裡的裝飾亦毫不遜色，整幅牆壁都貼滿了日式海報，滿滿東洋味🎎，接近兩點仍然坐滿，價錢平選擇多，很不錯。

位於窩打老道，在好景商場後面的街道，一向都有不少高質店，而位於良心小店Liberty Coffe & Wine Cafe 隔離，有一間門面充滿歌舞妓町的 "捌加廿陸"(當日文讀會有驚喜😌)店內有兩層，下層像吧枱，非常熱鬧，上層的座位有4個，塌塌米配上旁邊的日系動漫和廣告相的牆身，一下子像真正日本一樣。💫💫重點💫💫食物以即叫即炸的天婦羅為招牌菜 ，會有一款為自選天婦羅定食，$30起跳，配上 +$8,+$12,+$18 的選項，帶有港式車仔麵味道。至於今餐點了 : 🔸活虎蝦天婦羅🔸活虎蝦本不容易，要以天然海藻自然養殖，新鮮捕撈後急速冷凍以確保新鮮度蝦身紮實Q彈，入口彈牙美味，吃得到的好品質特質為低脂高蛋白，配上天婦羅，蝦肉入口彈牙紥實，全晚最佳。評分 : 🌕🌕🌕🌕🌑🔸土佐豆腐🔸先冷凍，後煎香，佈滿鰹魚片，麵粉，醬汁的豆腐。換來一咬爆漿，口口香脆。評分 : 🌕🌕🌕🌕🌑🔸雜錦天婦羅🍤🔸餐單總共有27款可選擇，$30起跳，配上 +$8,+$12,+$18 的選項，可選擇飯，冷烏冬，蕎麥麵，帶有港式車仔麵味道。當中有比較少見的那個魚，紫蘇蝦膠，穴子，比較特別。但是這一點我覺得已經會是一個優勝點。評