點心到 (鴻星大廈)

餐廳：點心到地點：油麻地彌敦道菜式：中式點心餐牌：餐廳推介、餃點類、酥點類、生滾粥、小食、中點類、包點類、腸粉類、飲品、蔬菜類、原盅燉湯、甜點類、籠仔蒸飯類。價錢親民。茶位每位$5。落單用QR Code。蝦餃 (4粒) $34呢度可以選擇叫蝦餃燒賣4粒或者兩粒！蝦餃塊皮厚薄適中，入面餡料爽口，無辣椒醬食都唔錯。燒賣 (4粒) $34燒賣真係有大大粒蝦係面，面頭再加上蟹籽，下底係啖啖肉爽爽脆脆。兩粒燒賣就$18。欖仁馬拉糕 $23欖仁馬拉糕係圓形蛋糕，蒸得好鬆軟，好香蛋味，面頭有少少欖仁。b]醬皇金錢肚 $28醬皇金錢肚有7塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上紅綠辣椒。下底居然有3粒冬瓜粒，可降低油膩感。蜜汁叉燒腸 $28蜜汁叉燒腸一客兩大條切開六邊，半透明白色腸粉皮包住叉燒餡，上枱時先加豉油。腸粉滑溜，入面叉燒餡都唔錯。楊枝甘露 $25楊枝甘露好足料，有新鮮芒果粒、柚子肉同西米，味道甜度適中，甜得黎帶少少柚子甘甜，西米超多，夏天食好正！所有點心都係即叫即整，熱辣辣上枱，質素高，而價錢並唔貴，食左咁多點心人均一舊水，無加一。平日午市要搭枱，環境算乾淨企理。…Read More

下雨天#出差食好嘢系列 ，繼去年在灣仔出差飲茶後，今年計第一次出差去飲茶。幸運地，返工行快兩步無落雨、放飯又行快兩步，入座後先落大雨😚上星期行過金雞廣場見有《點心到》呢間飲茶餐廳，今次望地圖見出差附近都有，於是乎就行咗過去飲杯茶食個包❤️落單方式有兩種，手機掃QR code或者平時的點心紙，而家手機落單都好方便，一次過望晒有咩揀❣️小妹與同事共落咗七款：1️⃣炭燒山楂鴨絲包 $30一上枱，即刻覺得佢係雪山叉燒包嘅壞人版 = 黑山鴨絲飽😂，唔錯值得推介👍🏻👍🏻👍🏻2️⃣蝦餃2粒$163️⃣燒賣2粒$16點心精緻，一籠兩粒，一人一粒4️⃣香茜牛肉腸粉$27皮薄唔錯份量多5️⃣香煎蘿白糕$22味道幾好，不過粉多過蘿白6️⃣籠仔煎蛋牛肉飯$35外表比想像中大籠😂 好彩只叫一籠，壓扁咗的山竹牛肉球配嫩滑煎蛋7️⃣薑蔥牛栢葉$28 （無相）同餐牌張相一樣，滿滿牛栢葉，薑蔥味都好香濃茶位每人$5而且無加一，港式茶餐廳兼飲茶，有咖啡奶茶飲添，午飯時段多人又會排下隊，今次小妹二人夾埋$184，抵食餐廳❤️…Read More

餐廳：點心到地點：油麻地彌敦道菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。蜜汁叉燒腸 $27 蜜汁叉燒腸一客兩大條切開六邊，半透明白色腸粉皮包住叉燒餡，服務員上枱時先加豉油。腸粉滑溜，入面叉燒餡都唔錯。醬皇金錢肚 $28醬皇金錢肚大概有5塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上一片辣椒。下底居然有4粒冬瓜粒，可降低油膩感。豉汁蒸鳳爪 $23豉汁蒸鳳爪一客有4件鳳爪，整得好淋，味道都唔錯。下底加左幾粒花生，伴有一片紅椒同綠椒。蝦餃 (2粒) $16呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。燒賣 (2粒) $16燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。楊枝甘露 $22楊枝甘露好足料，芒果味重糖水加有新鮮芒果肉，新鮮柚子肉同西米，味道唔過甜，滑溜清新。我地一人一碗。榴槤雪媚娘 $35榴槤雪媚娘一客兩大件，用錫紙放好。黃色薄身班戟皮包住新鮮榴槤肉同滑溜忌廉，榴槤味好香，食完成嘴都係榴槤味。所有點心都係即叫即整，熱辣辣上枱，質素高，而價錢並唔貴，無加一。環境算乾淨企理，食左咁多點心人均都唔洗一舊水。…Read More

新式嘅點心店越開越多，所以如果想食點心，而家都未必一定要去酒樓啦。今日就試咗間係油麻地嘅新派點心專門店 "點心到"，除咗油麻地店，另外有兩間分店係佐敦及旺角。依度坐得舒服比起傳統酒樓嘅熱鬧喧嘩，更能享受點心嘅美味。入到去，店內裝修明亮簡潔，地方雖然唔係好大，但坐係卡位會比較闊落及感覺舒服。依家所有點心即叫即蒸，更設有香港工場，確保食物新鮮。茶芥每位$5，無另收加一，可以 QR code落單。黑蒜螺片燉肉排湯    $40燉盅熱騰騰的，湯真的有好多材料，有螺片、黑蒜、淮山、雞腳、紅棗、杞子、排骨及桂圓等，係濃郁而不油膩嘅湯，也有香濃嘅黑蒜味，非常足料。籠仔鳳爪排骨飯 $37依個飯size都幾大，鳳爪同排骨醃得好入味，肉質鬆軟，米飯吸收咗排骨嘅肉汁，食落好滋味。蝦餃    $32 蝦餃餡料粒粒飽滿，爽口足料，蝦肉新鮮都好大隻，外皮晶瑩剔透，皮薄餡靚，可以揀2粒或4粒。濃湯鮮竹卷 $21牛奶色嘅上湯，香濃順滑，腐皮裡面有紅蘿蔔、沙葛、木耳等材料，浸在清甜嘅湯頭，食起嚟好爽口，好清新。潮洲粉果  $21外皮呈半透明，餡料多、好新鮮，有花生、白蘿蔔、豬肉、蔥等，口感豐富。燒賣 $16可以揀2粒或4粒。燒賣皮薄餡靚，上面有大大隻蝦，內餡口感香嫩，豬肉又夠軟滑，食起嚟好爽口，味道豐富香濃。濃湯杞子浸時蔬  $22  菜心新鮮份量足，湯底濃厚，但飲落清甜，抵食。…Read More

餐廳：點心到地點：油麻地彌敦道菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。蝦餃 (4粒) $32蝦餃塊皮少少厚，入面餡料爽口，無辣椒醬食都唔錯。燒賣 (4粒) $30燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，真正皮薄餡靚。呢度可以選擇叫蝦餃燒賣4粒或者兩粒，價錢除返每粒係一樣，好貼心！黑松露菜苗餃 $27黑松露菜苗餃一客三隻，煙韌透明餃子皮包住爽口蝦肉同菜苗，面頭加上紅蘿蔔絲同黑松露醬，賣相不俗。食落口感唔錯，味道就清淡，黑松露醬味道較淡。豉汁蒸鳳爪 $21豉汁蒸鳳爪一客有4件鳳爪，整得好淋，味道都唔錯。下底加左幾粒花生，伴有一片紅椒同綠椒。醬皇金錢肚 $25醬皇金錢肚有4塊，口感係完美爽口彈彈地牙又滑滑地，個汁少少辣，好惹味，唔會太油或者重口味，加上紅綠辣椒片。下底有3粒冬瓜粒，可降低油膩感。燒汁釀虎皮椒 $24燒汁釀虎皮椒一客四件，紅綠椒各二。面頭鯪魚肉好彈牙，鯪魚味鮮，鯪魚肉份量都唔少。食落只係微辣，油份略重。面頭加上幾條菜苗裝飾。欖仁榴槤酥 $30欖仁榴槤酥一客三件，一上枱就聞到好香榴槤味。熱辣辣上枱，連隻碟都係熱。食落外酥內軟，唔算太脆，榴槤味就剛好，唔會過火，面頭有欖仁。所有點心都係即叫即整，熱辣辣上枱，質素高，而價錢並唔貴，無加一。環境算乾淨企理，食左咁多點心人均都唔洗一舊水。…Read More

#MC帶你去油麻地.愈來愈多新式點心店林立，棄用傳統格調，以新派、創新點心吸引年輕新一代✨，今日就試咗間係油麻地嘅新式點心店，睇下啲點心同傳統茶樓有無分別😜。✨ 點心到所有點心即叫即蒸♨️，更設有香港工場🏭，確保食物新鮮。🥢 黑金流沙包（3個）$25黑色配金色，賣相好打卡able📸，相對上係新派點心。味道唔會太甜，食完都唔會好肥膩😋。記得一定要趁熱食🔥！🥢 金沙脆皮銀蘿腸 $28類似炸兩，除咗用腸粉包住油條，銀蘿就係白蘿蔔😮，其他點心鋪都比較少見，幾創新特別👍🏻！🥢 燒賣（4隻）$30足料大隻蝦仁🍤，口感彈牙爽脆，豬肉餡口感軟腍，調味啱啱好👌🏻，仲有少少豬肉汁，食完唔會口乾🥰。🥢 蝦餃（4隻）$32餡料夠曬飽滿，隻蝦夠曬大隻😝，蝦餃皮夠通透，皮薄餡靚☺️。🥢 醬皇金錢肚 $25牛肚坑紋賣相吸引😍，質地夠曬軟腍、好入味😋，蘿蔔雖然係配菜，但吸曬牛肚汁，好惹味‼️🥢 鮮竹牛肉球（3個）$21牛肉幾鮮嫩，肉質結實彈牙😉，食落芫荽味唔算太重，反而鮮竹味幾香；喼汁唔知溝咗少少香醋，有少少酸，幾特別😊。🥢 潮州粉果 $19外皮呈半透明👀，餡料又夠飽滿，都睇到曬餡料足料，食落粉果皮厚薄適中之餘而煙韌有彈性🤤，相當唔錯，推薦大家‼️！…Read More

平日好少夜晚出街食飯. 因為返學關係所以同同學黎呢間試下. 因為佢係學校隔離, 落緊雨就最就腳. 平日見佢有條人龍. 可能呢排成日落雨, 出街的人少左, 晚上六點零唔駛排隊即刻有位. 佢係用QR code落單. 落完單會比張單你望下岩唔岩. 可能因為我地接收network有問題. 驚落唔到單. 所以問左侍應. 佢就比張單我地confirm. 唔知其他人有無咁做.然後全部點心都似係即叫即蒸, 黎到都係熱辣辣. 出晒煙. 我地三個人叫左最傳統的蝦餃, 燒賣. 叉燒腸. 然後佢有鵪鶉蛋燒賣, 再叫埋一個籠仔飯(籠仔金針雲耳雞飯)同一碟菜芯. 點心唔差, 好足料, 蝦餃同燒賣都好清楚見到隻蝦. 鵪鶉蛋燒賣唔係度度都有. 因為係熱辣辣所以都好好味. 呢度的部份點心重有得選兩粒或者四粒. 兩位黎到都唔駛驚要食重覆. 個籠仔飯比想像中大. 重要好抵食$36. 每人都食到兩碗, 雞都好滑. 唯一係碟菜芯(無影相), 如果可以再林少少就好. 由於比較硬身. 所以都需要d時間完成. 最後呢度的茶無記錯應該得一款. 坐底已經見到壼茶係度. 你飲唔飲都會收茶錢. 不過佢除左中國茶之外, 重有其他好似奶茶的比你落order叫. 呢樣係唯一同平時茶樓唔同. …Read More

同長輩食點心決定去食新派d 嘅點心點心到好有人氣食飯時間都有人排隊入面嘅環境乾淨亦可以用QR Code 落單最後食飽飽埋單都係大概$80一個人 又沒有加一好抵食呀😍✨燒賣（4粒）$30熱騰騰的燒賣入面嘅蝦大大隻豐富多汁堪稱經典點心之一價格實惠又美味😚✨黑金流沙包$25黑金流沙包外形獨特流沙餡順滑細膩甜度適中😝✨蜜汁叉燒腸$25蜜汁叉燒腸色澤誘人肉質鮮嫩多汁🥳✨金沙脆皮銀蘿腸$28腸粉入面加上脆皮入面仲有白蘿蔔配撘有趣亦非常得宜🫶✨黑松露菜苗餃$27餃子皮薄而有彈性內餡則是以新鮮的菜苗為主搭配了黑松露的獨特香氣係健康之選🤩✨楊枝甘露$20滑嫩的芒果肉配上清香的椰汁外觀色彩繽紛吃起來爽口醇厚😋 🍴點心到📍油麻地彌敦道484號鴻星大廈地下📞52628465…Read More

優點- 有幾種點心可以叫兩件，適合一兩個人，如果所有都有半份，貴小小都OK。- 所有食物都非常熱辣辣。蝦餃 兩粒（ $16）4分- 都算大隻，皮薄同滑- 涵料應該大部分都系蝦，都算鮮味燒賣兩粒（$15）4分- 一大隻蝦系燒賣面，蝦味比蝦餃更好更爽- 肉應該系切肉吾系免治豬肉，有咬口，系肥左小小。山竹牛肉（$21）4分- $21蚊有三大粒，賣相都幾好- 牛肉味系有，但比原茜味蓋過吾少- 牛肉吾夠彈口。牛肉腸粉（$25）（4分）- 皮吾算食過最薄，但好滑- 牛肉都幾厚同滑碳燒山楂鴨絲包（$28）（$2分）-哩個系賣相同名呃到人的包，因為好多檯都有叫- 表面系乜真系吾知道，包皮有小小黐口- 涵料同汁非常吾滿，空洞洞- 一D 山楂味都無- ”鴨絲”質感一D 都吾似鴨，好似午餐肉，又無鴨味。…Read More

餐廳：點心到地點：油麻地彌敦道菜式：中式點心餐牌：餃點類，酥點類，生滾粥，小食，中點類，包點類，腸粉類，飲品，蔬菜類，原盅燉湯，甜點類，籠仔蒸飯類。價錢親民。茶位每位$5。落單用QR Code。蝦餃 (2粒) $16呢度可以選擇叫蝦餃燒賣4粒或者兩粒，價錢除返每粒係一樣，好貼心！蝦餃塊皮厚薄適中，入面餡料爽口，無辣椒醬食都唔錯。燒賣 (4粒) $30燒賣真係有大大粒蝦係面，面頭再加上蟹籽，下底係啖啖肉爽脆唔肥，仲有冬菇味，皮薄餡靚之表表者。豉汁蒸鳳爪 $21豉汁蒸鳳爪一客大概有6件鳳爪，整得好淋，面頭都多豆豉，味道都唔錯。下底加左幾粒花生，面頭有一片紅椒同綠椒裝飾。醬皇金錢肚 $25醬皇金錢肚大概有5塊，口感係完美爽口彈彈地牙又滑滑地，個汁少少辣，好惹味，唔會太油或者重口味，面頭加上一片辣椒。下底居然有4粒冬瓜粒，可降低油膩感。金沙脆皮銀蘿腸 $28金沙脆皮銀蘿腸兩大條，一開六件容易食。金沙脆皮銀蘿腸其實係厚身滑溜雪白腸粉包住一層酥脆皮，入面係滿滿一條條白蘿蔔絲，好特別。雖然係素菜，不過口感好特別，外滑內脆最入面就清甜爽爽地，食完唔覺油膩。面頭仲有一大條長菜心。燒汁釀虎皮椒 $24燒汁釀虎皮椒一客四件，紅綠椒各二。面頭鯪魚肉好彈牙，鯪魚味鮮，鯪魚肉份量都唔少。食落只係微辣，油份略重。面頭加上一條菜苗裝飾。燒汁釀茄子 $23燒汁釀茄子一客三件，彈牙鮮甜鯪魚肉下底有大大件茄子，鯪魚肉係脆皮架！食落好多汁，燒汁唔會過鹹，係略為油膩。面頭加上一條菜苗裝飾。所有點心都係即叫即整，熱辣辣上枱，質素好高，而價錢並唔貴，無加一。環境算乾淨企理，食左咁多點心人均都唔洗一舊水。…Read More