焱丸水產

棉登徑都唔少日式菜，呢間係街尾，如果唔係之前睇社交平台都唔知。平日晚去7點比較Full，晏少少就無咁多人。➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ ➺ [ 吉列帆立貝 | HK$78 ][ 三文魚牛油果油漬 | HK$80 ] ☆☆[ 焱丸蟹噌甲羅燒 | HK$78][ 芝士蟹肉甲羅燒 | HK$78 ][ 烏賊磯燒 | HK$95 ] ☆☆[ 肉盛壽司盒 | HK$168 ] ☆☆[ 日式甜醬牛肉鍋 | HK158 ] [ 鍋用烏冬 | +HK$38 ][ 冰菠蘿燒酎 | HK$68 ] ☆☆[ 荔枝玉露茶燒酎 | HK$58 ]🦑 烏賊磯燒有驚喜，職員係枱即燒，配上嘅醬汁味道唔會過鹹，所以食到墨魚嘅鹹味，彈牙有咬勁，唔會過韌。🦀 甲羅燒，蟹膏X蟹肉，味道濃郁。不過食得多會膩，配上青瓜絲食就剛好。🐂 肉盛壽司盒，大顛瀑布生牛肉，我只係偷食咗一舊仔，肉味幾突出。中意食生牛肉嘅朋友表示食到大滿足。🍍 冰菠蘿燒酎，酒味容易入口，配上原肉菠蘿，飲完食埋大滿足。…查看更多

經常去日本旅行嘅朋友相信唔會陌生，去到日本必食嘅餐廳一定會係X丸水產😂 食到新鮮海鮮又有專人招呼浜燒燒烤，而且氣氛好好。原來唔使飛日本，喺香港都可以食倒🤩🤩位於尖沙咀棉登徑嘅《焱丸水產》 大門口已經好搶眼好有日本風情，步進餐廳內嘅裝潢佈置均99%還原日本磯燒水產餐廳嘅舊漁港風格！淨係個裝修已經可以打卡打唔停📸連呼叫店員嘅「鐘仔🛎️」都別具用心，係殺雞叫嘅玩具😂🔥浜燒 · 焱丸活貝特盛 $528❥焱丸蟹噌甲羅燒x2 ｜ 活鮑魚x2 ｜ 帆立貝x2 ｜ 牡蠣x2 ｜ 白蜆x4呢個活貝特盛超豐富，有每次食浜燒必食嘅甲羅燒。好香濃惹味。仲有好新鮮嘅活鮑魚，放上火爐上燒鮑魚新鮮到會跳舞😳 白蜆係超鮮甜，而牡蠣亦都相當大隻！ 兩個人食呢個特盛啱啱好🥰全程都係職員幫手燒埋🥰同喺日本食一樣㗎！✰生蠔刺身 $78/隻❥生蠔好大隻又好鮮甜😍 清爽得來有少少海水味，加咗日式酸汁好好食。✰火炙和牛刺身 $298❥對和牛刺身幾乎零抵抗力嘅蕃薯妹🥹 見到呢個又點可以唔試吓？😂份量都幾多！配埋大量洋蔥絲同埋酸汁，炙燒咗半生熟嘅和牛入口油脂好豐富🤤 🍺🍸各式酒品當然唔少得，日式居酒屋大熱嘅High Ball係我哋至愛，今次我試咗新口味「鹽檸檬High Ball」餐廳牆身仲有是日店長推介嘅手寫餐牌，會有多款固定Menu裏面冇嘅嘢，今日見到有其三文魚冷麵、龍蝦天婦羅等等😍不過我哋驚太飽都冇Order到😂未去倒日本旅行嘅日子，推薦大家嚟呢度試吓🫶🏻…查看更多

2022•05•06 ❤️日式海鮮燒全店整體空間正正方方，座位及枱面空間夠大，坐得舒服。枱下方仲有個籃仔可以放袋。焱丸蟹噌甲羅燒 HKD 68/隻話呢款係必食，賣相好吸引，仲有專人同你燒。雖然份量味道都唔錯，但個人覺得蟹膏香味稍為有些遜色。象拔蚌刺身（大）HKD 380呢到嘅刺身嘅切法居然係條狀？！雖然食落比較有咬口，但個人認為如果可以切片狀會比較食到刺身嘅鮮味。刺身口感爽口彈牙，帶有少少甜鮮味。鮑魚殼燒 HKD 68/隻鮑魚大概有女士手掌一半嘅大細，上枱時係仲未死嘅，都幾新鮮。有專人燒呢點係幾好，唔會因為唔識燒而浪費食材。燒出嚟幾香，食落都好彈牙，有少少鹹香味。焱丸號 HKD 158 呢款似係超少飯壽司，只有兩嚿軍艦壽司（雖然紫菜軟曬），有海膽、蟹子沙律帶子、吞拿魚蓉、蟹柳、三文魚子、蛋絲。唔係話好特別，但都好食嘅。白桃燒酌 HKD 58 Suntroy Premium Malt's HKD 58白桃燒酌飲落就係甜甜地嘅梳打水😅仲以為會有啲酒味（❗有酒精敏感嘅朋友都係要清楚職員有冇酒精成份會好啲❗）😅啤酒方面，個人冇感。整體用餐感覺唔錯，坐位好闊落，坐得好舒服。食材都唔錯，但要話去到好驚艷就唔係啦。服務態度、上菜速度等都好好。中間仲好有愛咁成間餐廳唱生日歌同同場顧客慶生，氣氛好好。溫馨提示：要提早訂枱。…查看更多

想試呢間好耐，今日放假終於有機會嚟食lunch入到去見到啲佈置都幾靚，好似去咗日本咁～但係有啲焗，唔係幾夠冷氣三文魚中卷：味道正正常常烏賊磯燒：侍應幫我地燒咗呢樣先，燒到有少少燶不過幾好食，唔難咬焱丸蟹噌甲羅燒：呢個燒得耐啲，去到最後先有得食，好濃蟹膏味！清酒煮白蛤鍋：好多蜆！都幾大粒肉，飲湯都幾正梅酒煮海老：呢個真係伏到爆，成兜得兩隻蝦，而且蝦肉有啲霉，洋蔥嘅味道都唔好食，怪怪地，所以成兜嘢都冇咩可以食整體嚟講呢間都ok嘅，係有少少失望，同埋越坐得耐越覺得焗同熱…查看更多

第一次幫襯焱丸水產係係銅鑼灣，自從銅鑼灣結業後就只淨返位於尖沙咀棉登徑呢間，相隔幾年無食，依然同第一次食感覺一樣，既期待又興奮店內裝修同日本磯燒居酒屋相差無幾，好有風味，真係好似置身係日本咁焱丸蟹噌甲羅燒食磯燒必叫的，蟹膏、蟹肉、蟹籽、鵪鶉蛋撈埋一齊燒，咸度岩岩好，蟹膏味香濃又好食日本令和生蠔好似隻手掌咁大隻，新鮮鮮甜，爽身唔係好creamy個隻，好好食焱丸活貝大盛磯燒點可以無貝貝，呢個大盛有帆立貝、牡蠣、鮑魚 & 白蜆，真係滿足晒我既貝貝慾望，全部都好新鮮彈牙，牡蠣唔腥，真係鮮味贏晒烏賊磯燒烏賊都都幾大隻，燒到乾身少少店員會幫我地搽上醬油再燒，燒既時間拿捏得好好，彈牙得黎又食到燒既焦香壽司盛合 & 刺身睇得出我幾鍾意食貝貝，刺身都要繼續叫，兩款貝都好新鮮，帆立貝鮮甜美味，赤貝鮮甜爽口壽司盛合款款魚刺身都好優質，海膽唔腥仲有甜味蟹籽蟹肉薯仔沙律兩大球薯仔沙律，有點後悔叫左，因為好飽肚，霸佔左我個肚既空間去食其他野食酒釀螢烏賊咸咸香香帶有酒味既螢烏賊，真係一流既助酒小食日式甜醬牛肉鍋牛肉偏瘦，食落都幾韌同榎，真係麻麻刺身海鮮好新鮮，仲有多款食物選擇，環境同氣氛都好好，對比其他磯燒店，呢度價錢係好抵食，果然無令我失望，讚！…查看更多

又到左一個星期最最最難熬既星期三，今日放工後同男朋友約左係尖沙咀食飯。由於我地兩個都太忙所以無book到餐廳食飯，所以要搵餐廳walk-in 食dinner 。我地係K11附近行左幾條街 都無咩心水 直到行到去棉燈徑既街未 見到焱丸水產。睇左兩睇個餐牌 見到好吸引 所以就決定行入門口問下試下有無Walkin位。點知打開門之後 見到裡面座無虛席 ，好好彩咁啱有人走有一張Bar檯空位，所以我地先有機會試下！ （大家想去既話 記得要book 檯啊 😉）餐牌裡面樣樣野都好吸引，我地樣樣都想試不過礙於兩個人既胃容量有限，所以我地好努力先選到以下既野食。< 松葉蟹膏帆立殼燒>< 焱丸蟹噌甲羅燒>< 醬汁焗原雙魷浜燒>< 三文魚雜菇牛油燒>< 日本甜湯牛肉鍋+烏冬>以上樣樣野都好好食，個人最鍾意係個帆殼燒同甲鑼燒，蟹膏真係好正！同埋，由於我係一個鐘意食牛肉鍋既人，所以我都推介 如果想食熱食 同少少飽肚既野食 可以一試牛肉鍋。因為尼個牛肉鍋既湯底 同好多係其他店食都既好唔同，唔會好鹹或者得甜豉油味，反而係一種淡淡既甜味，令你食左都唔會覺得濟，同埋最緊要之後 我地唔會瘋狂想飲水！總括而言，今次walk-in 食尼間餐廳 有好大驚喜！環境好 日本氣氛濃厚 加上野食樣樣都好食，搞到我地真心想即日比個好評佢！👍🏻（ps 我同男朋友已經決定左 下次慶祝咩節物節 真係可以再 Encore尼間餐廳 試埋其他野食！）…查看更多

棉登徑有唔少出色嘅日式餐廳，每間標榜嘅主題都唔同。而焱丸水產位於棉登徑嘅盡頭，唔刻意去搵／聽人推介，好容易會走漏眼。今次特意去試佢出名嘅海鮮浜燒。一入餐廳已經聞到好香的燒海鮮味！店內格局唔大，但整體嘅裝飾同布置都充分呈現海鮮作為主打嘅居酒屋格調。午市時段唔算話好肚餓，最後決定點一份招牌活貝大盛、初代甲羅燒同埋一份海鮮炒飯，主力試勻海鮮項目。首先上菜嘅係初代甲羅燒 $78。焱丸有兩款甲羅燒，初代同二代目最大嘅分別係二代目有黑松露而初代無。未燒之前可以睇到蟹膏嘅比例係最多。呢度嘅浜燒都係由店員幫手去燒，唔駛擔心火候問題。因為燒烤爐唔算大，每次可以燒嘅份量都比較有限，建議如果好肚餓嘅朋友要點多啲其他系列嘅食物，咁就可以邊食邊等。甲羅燒入口時隨即感到濃濃嘅蟹膏味，咀嚼時會食到蟹籽嘅甜咪同淡淡嘅蟹肉。份量嚟講呢度嘅甲羅燒可以話係非常足料，食落時亦唔會話齋食到其中一款材料而其他材料被搶味，性價比非常高。緊接而黎嘅係今次嘅主角活貝盛。當中有兩只帆立貝、四只白蜆、兩隻蠔同埋兩隻鮑魚。第一輪先燒帆立貝同白蜆。帆立貝不用多講，作為呢度主打之一，肉身非常飽滿，每一只帆立貝基本就等於出面食兩只嘅份量；白蜆就比較有驚喜，大小上無咩特別，但入口非常清新，係好鮮嘅海鮮獨有嘅清甜口感！另一個主要原因係有店員幫手燒，自己燒可能會因為唔識掌握火候白白浪費好食材。第二輪燒蠔同埋鮑魚。兩款都非常厚身，尤其係蠔，燒完都無縮水。味道方面蠔正常發揮，而鮑魚係今次另一個驚喜。燒過後嘅鮑魚口感非常好，而邊身亦因為燒過所以食落脆脆地，名副其實外脆內軟，非常好食！海鮮炒飯喺甲羅燒仲燒緊時就上咗菜，味道普通，相比其他海鮮浜燒明顯失色。份量好足，兩個人食都覺得好飽，但想試呢度海鮮，都係食浜燒最有保證。而主食仲有其他選擇，或者會比炒飯出色。整體而言焱丸水產嘅海鮮浜燒水準可以算係一流。雖然地理位置令到佢比其他棉登徑餐廳難搵，但食物質素出眾，非常值得行多兩步到訪。…查看更多

今日同三個妹聚下食下飯大家都想食日本嘢，最後揀咗去焱丸水產焱丸海產大盛海鮮睇落都幾新鮮，鮑魚仲識郁㗎。扇貝x2、鮑魚x2、生蠔x2、蜆x4有店員會幫手燒，燒得唔錯，燒得剛剛好蟹肉味噌甲羅燒味道剛好，好味！有店手幫手燒蟹肉玉子燒蛋卷煎得唔錯 啱啱熟，中間有紫菜，蟹肉略厭有點少生海膽新鮮，原因加wasabi 係好食㗎喎海鮮炒飯炒飯好乾身，味道唔錯麻醬蕃茄豆腐沙律沙律因爲可以自己加醬，好好！好fresh青蘋果颱風乳酸好飲，酸酸甜甜…查看更多

想在香港吃到正宗日本濱燒和刺身，個人和朋友極推介焱丸水產，它的水產新鮮到不行，吃完保證回味無窮，當然不能天天吃，否則錢包會破產，所以我們都是一年吃一至兩次，少吃多滋味嘛。一開始當然是先來點蟹子蟹肉薯仔沙律，薯仔化身薯球，上頭撒滿脆脆的蟹子，內裡混合蟹肉，青瓜，口感多樣化，並帶有陣陣海味，拌入沙律菜更是青新無比，十分開胃。想一次吃到多種刺身的話，大關5點盛絕對可以滿足其慾望。大關5點盛包括三文魚，鯛魚，油甘魚，帆立貝和生海膽。油甘魚比一般魚刺身味道濃厚，當然其鮮度沒話可說，稱得上一流。鯛魚是我其中一款超愛吃的刺身，晶瑩的魚肉有著脆彈的口感，慢慢嘴著能夠帶出鯛魚味，吃完嘴裡有一股清香。三文魚滑溜之餘又富含油脂，鮮甜極致。生海膽入口之後鮮美甘甜馬上充斥在口腔，只有滑順，完全是入口即化的濃郁美味，好吃到不得了。帆立貝在燈光照射下閃著誘人亮光，咬下去全是鮮嫩，彷彿濃縮整個海洋的鮮味。首創焱丸號應有盡有，滿滿的海膽，吞拿魚蓉，魚子，蟹肉蓋在壽司飯上，一次過可以享受如同嘉年華般豐盛的美味。我們大啖大啖與首創焱丸號一親芳澤食材之鮮美，明明剛入口不久，海膽，吞拿魚蓉竟然在一瞬間又美妙融化，好不奇妙。焱丸的野菜天婦羅炸功總令我們驚嘆，不管是冬菇，南瓜，茄子，蕃薯和青椒這些野菜，不論裡頭是嫩彈，鬆軟還是綿香，外層炸粉都酥脆可口，毫不油膩。因為香港可吃到蟹味噌甲羅燒地方不多，故每次來都會點焱丸蟹噌甲羅燒吃。焱丸蟹噌甲羅燒以蟹膏，味噌，蟹肉，蟹子，鵪鶉蛋，蔥花調配，然後把它放在火爐上熱烤攪拌。熟透後，蟹味噌甲羅燒化成土色，濃濃甘甜的蟹膏伴隨著蟹肉，蟹籽在嘴裡盤旋，而味噌微微鹹香非常對味。白蜆殼燒超級抵食，45元就能吃到五顆。白蜆烤完顆顆飽滿，肉汁豐腴，急進的我急不及待放進口裡，天呀，絲絲鹹鮮的白蜆那麼燙，不過被它燙到也是一種幸福，真的很好吃。蟶子皇同樣令我們動心，在火爐上呼喚我們快點把它吃掉。蟶子皇吃來滿特別的，以海膽作蟶子皇的天然調味，爽彈的肉質還多一分海膽的甘美，太棒了。活生生的鮑魚殼燒在它最後的舞台「舞動」不停，足見它的緊實彈性，且烤得恰到好處，可嚐到鮑魚原有的大海鹹味，我們吃得不亦樂乎。吃了一堆熱辣辣的濱燒，整個人也火熱起來，我馬上點上一杯乳酸喝。乳酸清爽酸甜，可幫助消化又能解飽膩，可謂我心中最佳飲品。海鮮炒飯配色漂亮，橘紅的蟹子和翠綠的蔥花撒在飯上份外奪目，炒飯飯粒粒粒分明，同時做到不油不膩，頗具水準。海鮮用料豐富，青口，魷魚等盡在炒飯中，飯香溢流，我們不一會把炒飯吃光光。…查看更多

同朋友去慶祝生日，就揀咗位於尖沙咀呢間日式磯燒餐廳。雖然預早book位，但都被列入waiting list，不過我哋都照殺過去等，就因為喺個list入面，唔駛5分鐘竟然可以入座，太幸運啦😎所以大家一定要預早book位！入面嘅裝潢一貫東瀛風，座位尚算舒適，但枱與枱之間略嫌迫。喺門口已經聞到一陣陣磯燒海鮮嘅味，個肚已經餓到咕咕聲。打開menu完全唔識揀，實在花多眼亂，好多都好似好吸引咁！唯有將點菜嘅責任交比推介黎呢到食嘅朋友，由佢發辦！🔹焱丸活貝大盛 $368當中包括：帆立貝兩隻，生蠔兩隻，特選貝兩隻同白蜆四隻海鮮新鮮生猛，鮑魚仲係到捲動緊。成個磯燒過程由店員安排，咁我哋就可以傾住計食住其他熟食先。建議如果多人去食，可以叫多客，因為share得黎就變相好細份唔夠喉。🔹焱丸蟹噌甲羅燒 $68本身見到menu入面張相充滿蟹膏，有一刻諗過真實嘅可能係得少少。無諗過貨真價實！啖啖蟹膏架真係！😍而且混合埋蟹籽、蟹肉、鵪鶉蛋，即叫即燒！燒好之後質地變成杰身，好惹味好邪惡！🔹烏賊磯燒 $75原隻烏賊燒，燒到差唔多嘅時候，店員就剪開佢方便烤熟，件件厚切，肉質爽滑！讚！🔹三文魚什菇牛油燒 $48普通嘅一碟小菜，唔算特別，味道一般。🔹蟹子蟹肉薯仔沙律 $78沙律幾輕盈開胃，做飯前小菜不錯。🔹泡菜黑豬肉鍋 $98鍋內有粗身粉絲，好彈牙。泡菜會分開上，岩哂唔食得辣嘅朋友。🔹三文魚中卷 $88新鮮三文魚配甜蛋、蟹柳、牛油果，口感鮮嫩不錯，正常壽司卷身水準。因為幫朋友預祝生日，買咗個蛋糕黎同佢慶祝。當你同店員講上蛋糕嘅時候，佢會熄燈然後播生日歌，當下朋友以為真係停電，都幾suprise！💡溫馨提示：此店需收取切餅費用 $50📍尖沙咀棉登徑23號華楓大廈地下5&6號舖．．環境分數：7.5/10食物分數：7.5/10Encore分數：7.5/10．．…查看更多

同隻旅行腳未就到時間一齊✈️🇯🇵食食 & 食, 但飯總係要依, 今日終於約到我隻旅行腳一齊去, 緬懷一下旅遊時光青蘋果颱風乳酸 - $68大大杯的青蘋果乳酸, 青蘋果粒爆滿, 味都唔會好假麻醬蕃茄豆腐沙律 - $58先嚟一個沙律開開胃先沙律菜墊底, 旁邊放上豆腐, 粟米片, 中間放上蕃茄預先去皮, 好細心, 啱晒怕食皮的朋友松葉蟹膏天婦羅 - $98一咬落去松葉蟹膏就會飛出嚟, 成舊放落口就最正喇, 蟹膏真係好好味呀!大關5點盛 - $280完全無諗過刺身會係咁肥厚, 魚生片口感柔軟夠新鮮, 5款刺身除開都唔使＄60一款, 仲要有海膽添芝士魚旦 - $35我總係抗拒唔到魚旦 x 芝士呢個配搭平時呢個配搭多數都係用炸的方式處理不過今次係用燒, 睇住啲芝士慢慢走出嚟, 一方面覺得好過癮, 另一方面又芝士🧀流晒出嚟心情好矛盾松葉蟹膏帆立貝燒 - $80 / 海膽帆立貝燒 - $85松葉蟹膏、海膽 、帆立貝 - 將呢3款不能抗拒的食材放埋一齊燒, 究竟邊個配搭正啲呢! 店員加了少少清酒🍶落帆立貝作調味, 一邊燒一邊聞到酒香😋松葉蟹膏就會鮮甜啲, 帆立貝就酒味會比較濃郁, 兩款帆立貝燒的配搭都係有輕微唔同嘅鮑魚殼燒 - $68/隻 | 大蝦鬼殼磯燒 - $58鮑魚好生猛呀! 店員喺你面前燒既好處就係清楚見到食物的新鮮程度, 可以專心同朋友傾計😂, 又唔怕自己燒會熟 / 過熟好似燒鮑魚 & 蝦蝦咁, 相信如果我自己燒, 好難將鮑魚燒至有彈牙口感, 隻蝦可能變咗蝦乾都仲燒緊😂😂焱丸蟹噌甲羅燒 - $68 | 南瓜蟹肉甲羅燒 - $68我留意到每個到焱丸水產的客人都必定會點選一份甲羅燒, 前者為"初代"...而後者為"二代目", 唔執輸心態就係叫晒兩款喇! 甲羅燒有最愛的蟹膏、蟹籽、蟹肉、味噌、鵪鶉蛋, 二代目則加入南瓜燒好的甲羅燒賣相已無原來的咁靚, 全部變成蟹膏的顏色, 但味道真係好香, 蟹膏濃郁的香氣、一絲絲蟹肉的鮮甜、爽脆的蟹籽, 唔怪得知咁多人食啦! 至於加入南瓜既甲羅燒味道就會帶甜, 口感會較竹稠身…查看更多

 C+搵食團 || 來自日本既真‧鮮味 - 【尖沙咀】焱丸水產 好多時食日本野 都只會講食刺身 但係原來食出水產既鮮味 都仲有好多唔同既方法 -- 今次ms.C 就同幾個閨蜜去左 【尖沙咀】焱丸水產 -- 焱丸水產 以日本居酒屋裝修為主 -- 主要食d海產 例如鮑魚蜆殼類 佢哋都有自家嘅魚缸 提供新鮮海產 -- 先來個沙律清一清腸胃同味覺 \\ 三文牛油果醋漬 - $80 呢個醬汁酸酸地既沙律 食落好開胃 啱晒開胃前菜 -- 日本野 當然唔少得刺身 先黎個 \\ 大關5點盛 - $250 -- 刺身固然新鮮 而且仲要係厚切上 食落新鮮夠晒咬口 -- \\ 云丹海苔芋天婦羅 - $80 海膽好多時都係刺身食 海膽天婦羅都係第一次食 可以食到天婦羅嘅香脆口感 同時食到海膽嘅鮮甜美 做到外脆內軟 好特別既口感 -- \\ 焱丸號 - $158 呢一款係餐廳嘅招牌手握壽司 餐牌上mark 住焱丸名物 用料勁多 唔好睇佢好似反晒 係特登做到啲料多到滿瀉嘅效果 有海膽、蟹肉、三文魚籽、有吞拿魚蓉等等 鮮甜口感味道層次豐富 -- \\ 蟹味增云丹 -- 入面有海膽、三文魚籽、蟹膏、蟹肉等等 見到大大粒三文魚籽 + 海膽 雖然有醬汁跟 食嘅時候只要係係蟹蓋撈埋一齊食 不過\\ ms.C就覺得 唔需要加任何醬料 就咁食都已經好好味 可以食得出材料嘅鮮味 -- 食完前菜&刺身就到另一主力燒海鮮喇 先食 \\ 南瓜蟹肉甲羅燒 - $ 68 \\ 焱丸蟹噌甲羅燒 - ＄68 -- 兩款都係用蟹蓋裝住蟹肉&蟹膏燒既菜式 頭先食既係刺身 呢款就係烤燒食 兩款主要既材料係蟹肉 + 蟹膏 熱食 & 凍食味道分別好大 -- -- 可能加上左鵪鶉蛋既關係 食落好滑 南瓜既味道就較清甜 焱丸蟹噌甲羅燒就味道較濃 -- 仲有其他貝類海產上場 鮑魚、帆立貝、蜆、蠔等等 焱丸設有自家魚缸 所以貝殼類上枱果時都仲係會郁 -- 枱面有齊燒烤既工具 + 醬汁提供 而且有唔同指引教你點燒 -- 又係地獄廚娘出手既時候 -- 幾款水產都厚肉鮮甜 如果怕唔知熟未 可以問下服務員家 -- 焱丸水產 | Flame Japanese Cuisine 尖沙咀棉登徑23號華楓大廈地下5&6號舖 --| ms.C+ Makeup Space | x | 講女C生活 |♧ 80′s 後 X 100%土生土長水瓶港女；隨心講，隨心寫…查看更多

好多人嘅happy Friday 都會happy hour但為食妹唔好酒，都係同姐妹搵下好野食啦一個月一次的聚會今次黎到棉登徑其實我有少少感觸但食物能治癒任何傷口望到餐廳外貌，好日式呢~~哈哈，正好滿足黎梗有排返唔到鄉下嘅為食妹一坐低先叫野食先啦限時個半鐘嘛幸好 好姐妹預訂了蟹蓋（焱丸蟹噌甲羅燒）蟹蓋有味噌、蟹膏、少許蟹肉、蟹籽及鵪鶉蛋撈勻後燒，味道竟然好好味好彩唔食蛋嘅為食妹無整走隻蛋撈埋一齊味道真係好夾再黎一個焱丸活貝大盛（帆立貝、蠔、鮑魚各2隻及蛤蜊 4隻）我地兩個人燒燒下，店員會埋黎講解加邊d調味及幫我地燒及剪開店員幫忙燒到，海鮮的熟度一定剛剛好鮑魚及帆立貝都唔會熟到難咬開，調味完再燒味道都唔會蓋過海鮮鮮甜味而且店員發現蛤蜊燒開後無肉都即時補上一隻比我地另外，我地再加了一個是日おすすめの飯安格斯牛肉飯牛肉夠多，而且個牛肉汁都好味，飯亦夠多呢個飯，價錢抵食！為食妹一定會再黎一解思鄉之愁…查看更多

海鮮網上燒既體驗要追溯到幾年前我做孝順女同爸爸在東京既經歷，仲記得果時岩岩出黎做野無耐，一心隻身帶爸爸去東京玩，個餐磯丸水產係最貴既，今次黎到尖沙咀既焱丸水產，我覺得特別有感覺。話時話，下個月又同家人去日本旅行，真期待！無論門面到內在環境都好日本feel架，有大大小小既和風掛布，感覺好有活力，充滿元氣咁！一行入鋪頭，你就會聞到陣陣既蟹燒香氣，座位空間感都足夠，每桌放上燒爐！海葡萄細細粒既特殊口感海葡萄配個醋醬油食用，係沖繩名物。一粒粒綠色，猶如珍貴小玉石，在嘴裡爆開並散發出大海既芳香，特別既前菜呢！刺身三盛有油甘魚、三文魚、帶子最愛都係三文魚，超厚切，肥美滑溜下喉嚨去海草白飯魚子煎蛋簡單既一道小食，好似屋企煮咁，但入面捲著綠色一點點既海草同白飯香，份外香蛋卷很厚，食落滑同感覺豐富焱丸號壽司一食桌就問左句「咩黎架？」原來係朋友點既招牌壽司，都真係幾誇張，d料多到滿瀉似沙律咁！因為朋友超愛吞拿魚，所以個吞拿魚蓉完全滿足佢需要，鮮，咁多料蓋住，但塊紫菜仍脆，真了不起，特別喜愛個堆三文魚子與其餘既吞拿魚同蟹肉成對比既口感。蟹味噌甲羅燒呢道係必叫吧，但邪惡注意，因為膽固醇真係超高，但who cares，食左先算，加上我上星期行左山lol蟹噌甲羅燒即係用個蟹殻裝番住d松葉蟹肉、蟹膏、蟹子、蛋一齊燒，真係好夠「蟹」，真心佩服諗呢樣食物既人，因為真係精華之味！唔想睇個instruction點燒無所謂，因為有熱心店員幫你燒，包保岩包正確啦。睇住佢燒，聞住陣陣香味，真係口水流！用左鵪鶉蛋漿撈蟹膏入口特別軟滑，蟹肉又夠曬鮮甜，超正超吸引，大大愛松葉蟹膏帆立殻燒海膽帆立貝燒嘩！真係好鐘意咁樣超多材料mix and match蟹膏個個濃味好多，但海膽個隻都好清甜d菇呀、秋葵吸曬d甜味同清酒香，我仲拎左幾啖汁去撈北海道海鮮炒飯食！饑燒魷魚魷魚大大隻，燒時加d甜燒汁，食落爽口彈牙，新鮮象徵！梅乾highball味道有d似咸檸咁，好特別，只係多左微微whisky味道，我覺得易入口呢!不過無飲管無匙更，因為其實有d想食埋個梅肉！同朋友食完呢餐大海的味道配日本的感覺，我很期待我7月既鹿兒島之旅！！…查看更多

朋友升職，說要請我豪吃一頓海鮮。腦海中浮現的是鯉魚門蒸石斑、炒聖子那些…「唔係啦！浜燒你有冇聽過？」他說。嘿！有google大神的世界就沒有疑問。浜燒日文寫作浜焼き(はまやき)，日本漁民把魚介類(即魚蝦蟹貝)在海邊即捕即燒，在日本比較有名氣的是瀨戶內海沿岸的鯛魚浜燒。在香港也能吃到新鮮浜燒海鮮嗎？原來他請客選的是這間「焱丸水產(えんまる水產)」，我收藏了很久卻一直還未試的餐廳。今天我就要狠狠地吃它一頓。為免失禮人前，我事前還查了一下，「焱」粵語讀音為jim6「艷」，不是「炎」。而焱丸水產是標榜海產每日由日本空運到港，而且餐廳還有個年資超過40年的日籍大廚今敏雄坐鎮，食物質素自然有保證。焱丸水產就位於尖沙咀綿登徑的盡頭，招牌上寫著「さかな加工センター」(魚類加工中心)、海鮮浜焼、寿司、活いか(生魷魚)。門口貼著不少明人合照和媒體報導。一開門，撲鼻而來的是陣陣燒蝦味，裝修亦富日本漁港風味，牆上用上不少色彩斑斕的布藝裝飾，天花掛了繩網和紙燈籠。有食評說這裡有沖繩的感覺，這一點我同意。一剎那我有One Piece揚帆出海的錯覺…揭開menu，選擇還真多！(等級所限，放最主要的5張相）不過，識叫一定叫是日推介（おすすめ）。點好菜就開始欣賞一下檯面吧！有醬油介紹，相信今天用得最多的會是黃色的海鮮醬油吧。檯面還有鉗、剪刀，還有如何燒海鮮的簡介說明。蟹味噌雲丹料理($108/客)朋友已事先預訂。「雲丹」指的是海膽，而且多數是指貴價的馬糞海膽。蟹味噌雲丹料理在蟹蓋上加入三文魚籽(イクラ)和蟹膏。附有兩個小杯，問一問店員，說是廚師自家特製的醬汁，聞上去帶微酸的清新氣息，舔一下味道有點像沙律醬。把醬汁倒進去，輕輕一撈，鮮橙色的海膽，香味撲鼻而至，絲滑而濕潤的質感包裹著味蕾，整個口腔都是新鮮海膽的氣息。中間有較濃味的蟹膏、三文魚籽，較淡味的蟹肉、昆布，混和之後，三文魚籽粒粒有「醬爆」之感，絲絲蟹肉和昆布沾上了蟹膏和海膽，濃淡相宜，口感多元化而又相得益彰，食完齒頰留香，餘韻無窮。 發現另一項店內招牌菜焱丸蟹噌甲羅燒(初代！蟹と蟹みそ殼焼き)($68/客)好像很吸引，但我們已點了一項蟹料理了。「Why not BOTH?」朋友說，一抹黠笑。也對，一個是生食，一個是浜燒，怎算是重覆呢？哈哈哈！焱丸蟹噌甲羅燒上面有鵪鶉蛋，大量蟹膏、蟹肉和蟹籽。與剛剛的蟹味噌雲丹料理不同，這個甲羅燒需要放在爐上燒，店員首先把鵪鶉蛋倒入蟹蓋，然後混和蟹膏和蟹籽。慢慢地，蟹蓋開始焦黑，這時候就可以吃了。蟹籽夾雜在蟹膏之間，鵪鶉蛋液融和蟹膏之後，發出陣陣蛋香，蟹肉加上小量的香葱調味，滋味又帶微微咸香，加上蟹籽夾雜其中，有如爆炸糖粒粒咬爆的感覺認真奇妙。與蟹味噌雲丹料理相比，甲羅燒的蟹味較濃而純粹，加上爐火烤過，蟹味得到昇華。「蟹lover」一定會喜歡這道菜，我也是。辣味燴豆腐(一味豆腐唐揚げ)($38)食了很多濃味的海鮮，叫一款清淡食物中和一下。我選了這個炸豆腐。表皮的炸粉很薄，但緊緊地黏著豆腐不會滑落。味道不算辣，有點像日式七味粉的味道。中間的豆腐非常滑溜，像吃奶凍一樣的口感，緊緻水潤，絕對是一味比想像中好吃的菜式。伊勢龍蝦鍋($380)非常霸氣的一道菜，龍蝦和鍋是分開上的，令我們可以更容易地掌握龍蝦的火喉，不致於煮太久。全隻龍蝦已經開邊切好，單看已可看到裡面的「黃」和肉，非常豐腴肥美。首先，把鍋放上爐火上煮開，由於湯很多，龍蝦就採取逐隻下鍋的方式。湯底是日式海鮮醬油湯，味道近似壽喜燒，裡面有冬菇、金菇、娃娃菜、紅薯粉等配料。龍蝦肉受熱之下，表面輕微收縮，肉汁仍鎖緊在內，咬下一刻，非常彈牙，肉質鮮嫩，龍蝦吸收了醬油湯之後，鮮甜味道迸發而出，鮮美絕倫！吃完龍蝦，不忘享受重中之中──紅薯粉，鍋物的絕配，我永恆的最愛！晶瑩剔透，附著海鮮的精華！刺身3盛，又名「關脇3点盛」(1-2人前)($160)有油甘魚、帆立貝和三文魚，每款3片。目測店裡不少人都點了這款刺身。由於是產地直送，而且落刀厚切，與放題食到的刺身完全不同的等級。魚脂肥美得在口中融化，含在口中捨不得吞的感覺。活生蠔兩隻($90兩隻)，上檯時是連殼的狀態。店員說這生蠔本身已是刺身生蠔，所以可以放心食用。店心幫手燒，燒到中段放一些海鮮醬油調味，看著生蠔在爐上冒出泡泡，此刻內心充滿期待。開始收水，食得！蠔相當的肥美，看著圓潤的蠔身，還真按捺不住，就讓我一口咬爆它，看看中間多麼肥美？烤過的生蠔絲毫不腥，反而在爐火的烘烤之下，海鮮獨有的鮮香味隨之散發。花魚半條(ほっけの開き)($100)朋友怕我不夠飽，加上飲品有酒，所以叫了些下酒菜，簡簡單單的一道烤花魚。擠一點檸檬汁，咸咸香香的，肉質不算嫩，但相當的香，配上燒酒類飲品，別有一番風味。鹽酸檸檬燒酎(塩レモンサワー )($48)喝下的第一口有燒酒的微苦，不過鹽酸檸檬的咸味很快就與燒酒合而為一，加上梳打的氣化效果，感覺像飲咸檸梳打般舒暢。這天我喉嚨不太舒服，喝下這個感覺很好。焱丸水產是一間高質素的日本料理，和坊間的「偽‧日食」真不可同日而語。我吃完這一餐後，只能用「大滿足」來形容。彷彿出海航行了一趟，在漁風中品嚐了一頓「海之盛饌」。 …查看更多