行完街同另一位朋友都會合埋,去左禮記食晚飯.上網睇大部分人都比好評,兩位本地朋友都話好食,有過下午茶既教訓,決定比朋友點菜.菜單如下:雞煲中勾翅,金錢蟹盒,蜜汁牛肋骨,海蜇手撕雞,炸鮮奶,金銀蛋菜.十分鐘下來就上菜招牌菜雞煲翅,有專人幫你忽湯唔好意思影,MOP438 三個人食每人有兩碗半多少少,魚翅算幾多,抵食,湯頭好濃同平時去飲宴食既差好遠,超正!!!食緊翅已經出左兩個菜金錢蟹盒,入面包左蝦仁,蟹膏好香口.類似炸蝦餅但又係兩樣野,比較鬆脆,口感極佳.蜜汁牛肋骨,個蜜汁有黑椒,甜中帶辣好有層次,但牛肋骨肉質較硬,扣少少分,仲要注意要熱食,唔係蜜汁凍左會痴牙.海蜇手撕雞,咸淡適中,雞肉好似剛岩浸熟一樣鮮嫩多汁,海蜇爽口形成對比,碟邊配菜按口味加入,正!!!炸鮮奶,雖然係炸但絕對係甜品,一啖食落去外面脆口內里香滑軟熟,淡淡椰香,令佢冇咁膩.賣單連加5%服務費 MOP 900左右,尼個質素既食物真係抵食!!!下次黎澳門要試下佢其他特色菜,好似凍蝦,今次都食唔到.…查看更多
