禮記魚翅海鮮酒家(新馬路總店)

於星期六來吃晚飯，不預期食貴野，一般菜餚都很有水準，員工有禮，服務態度非常好。點左豉油王蝦，芥蘭吊片炒肉片，蠔皇花膠，豉油王炒麵，紅燒翅，3人用餐，好滿足，期待下次再黎。…查看更多

今天下午和家人吃了 兩位的 紅燒大鮑翅，味道不錯！很足料！ 另外，點了辣酒煮花螺，蝦粉絲煲，都值得叫！每道菜上枱都好熱的，欣賞個新鮮👍🏻 下次嚟澳門都可以再試一下！…查看更多

復活節假期到澳門吃喝玩樂，晚餐預早訂位吃魚翅。我地兩個人叫左一份二人雞煲特大鮑翅，果然味道非常不錯，湯係用雞及火腿煲成，好夠味🫢。 二人份量有四碗，即係兩人飲到兩碗，好滿足！小菜，我只揀左餐單上話必既芥蘭吊片牛肉。難怪被稱為必食，真係好丫，而且芥蘭冇苦味🤭 吊片同牛肉既份量亦𠱸小😛雖然我地唔太肚餓，但這兩樣菜又係覺得唔太夠，最後我再加左一碟椒鹽魷魚🦑，呢個自己唔會係屋企整。吃飽後還送了每人一件西瓜🍉總體都好滿意，值得推薦👍食物有水準，價錢亦算親民貼地😛…查看更多

嚡，經濟起飛後魚翅需求狂增，遠洋船隊大量濫捕虐殺鯊魚，惹來衞道之仕強烈反感。禁捕拒食呼聲席捲全球之下，越嚟越多食開嘅酒家唔再做魚翅。然而自古以來，鮑參翅肚各有風味。魚翅嘅口感，花膠係取代唔到。今次馬交之旅呢，就係一日內連續幫趁咗兩家魚翅店。咩都係假，最重要係真翅份量足。呢間做嘅紅燒翅可以成疏翅上，翅裙又夠腍夠入味。唔錯唔錯，下次叫天九睇吓啲針會有幾粗先。魚我所欲也，喺香港想食方利一係貴，二係貨疏。一場嚟到，蒸條本地龍脷食下先。呢條魚有成尺長，肉薄唔削，裙邊夠嫩滑，食得好有滿足感。澳門龍脷泥味重，唔係人人接受到，前處理有進步空間。小菜鑊氣夠，色香味都有水準。星期六晚上七點鐘未夠就爆棚。後生仔接手冇丟伯爺架，加把勁！旁邊嗰間呢…….就係大半滿咁啦。…查看更多

美味晚餐，魚翅企理足料，芥蘭鮮嫩青翠，牛肉夠鮮。炸鮮奶唔太甜絕不油膩。蔥油雞夠晒滑。食過咁多間，還是覺得你最好。最後由於大好食的關係，要再叫多兩碟，芥蘭吊片牛肉和牛肋骨，小朋友大滿足…查看更多

禮記係透過互聯網同朋友口碑認識。所以今次真係要試吓佢。酒樓位置容易揾，路口都有燈牌帶路，用谷歌地圖都一樣揾到。酒樓地方舒適，服務態度一流，員工嘅推介又唔錯。去之前為咗確保有位就記得訂位。食物：雞煲特大鮑翅，海滲燴花菇，明爐燒鴨，禮記炒飯，招牌蜜汁牛肋骨。雞煲特大鮑翅：味道超正，個湯勁多膠質超好飲，啲排翅咬感都好正。海滲燴花茹：啲菇好大又厚好有菇味又彈牙。海滲雖然好似手指尾咁粗，但都好爽口。個汁都好好味，用嚟撈飯唔錯。明爐燒鴨：例牌份量夠 2 人食，鴨肉有咬口，鴨皮好爽。禮記炒飯：個炒飯一定要熱先好食，雖然味道同一般炒飯差唔多，但勝在多料。招牌蜜汁牛肋骨：牛肋骨唔錯，不過個汁亦都非常正。飯後甜品係西瓜。價錢：1491 (三人食，每人500)…查看更多

疫情之後第一次過嚟澳門玩，以前去澳門玩都會成日食魚翅湯，但係唔記得咗係去邊間，上網睇食評，見到呢一間好似吾差，就諗住試吓，當晚book了7:00鐘，但我們6:30已到達，沒有人等位，睇了餐牌，就叫了一個$398 兩位個魚翅湯，因為好耐沒有試過，都整得魚翅湯係好味嘅！但小菜就整得好差，我們叫了腐乳椒絲通菜，味道非常之淡，蒜蓉蒸帶子，帶子都唔係好新鮮，焗魚腸，好似有浸燶味，真係好難食，下次都唔會再幫襯！…查看更多

提前OpenRice book左位，去到唔洗等就入得。葱油雞嫩滑鮮美！等位時問老闆娘附近有冇蛋糕店想食完飯買個蛋糕同朋友慶祝生日點知原來附近冇就諗住作罷點知臨食完飯店員突然送咗一碟包上黎原來係老闆娘請我哋食金箔奶黃壽桃好驚喜！好sweet！…查看更多

見就圍都有呢間店舖，同埋咁氹仔果邊多人排隊，而且又見同咁多明星影相，應該唔會衰得去邊！雞煲大鮑翅好稀，好重雞味，都算可以，但比成千蚊價錢就唔值. 蔥油雞完全無雞味👎🏾，其他小菜一般貨色，食到落口囉🙄！總之無下次👎🏾…查看更多

面對大量正評 一早預訂左台 作為由香港過澳遊玩 嘅第一餐晚餐當晚一共叫左5樣送 鮑翅 中規中矩 唔可以話底食 但都對得住個價蜜糖豬肋骨 炸得過火 燶咗 上台一刻聞到燶味 要咬走有炭味嘅部分 但味道合格叉燒 隔夜唔新鮮 乾瘦 失望 收得78蚊 竟然比起普通燒臘檔嘅30蚊雙拼飯盒嘅質素 仲要差，上台一刻嘅賣相 當堂嚇一跳瑤柱扒西蘭花 額外等左半個鐘 吹左兩次 先講漏單 做法不被接受全晚 男人嘅浪漫 豆腐火腩飯 合格 味道唔錯人多廚房做唔切 無處理方法 食物質素水準以下對唔住禮記 呢個招牌…查看更多

尋日特登由香港過澳門食禮記，之前一個禮拜已經用OpenRice訂座八位，有一個疑似係老闆娘嘅人企喺門口話俾我哋聽只能夠接受親自訂位或者打電話訂位。用OpenRice訂位，佢哋係唔會有特別嘅安排。即係當我地walk-in 真係晴天霹靂，如果不接受，係咪取消OpenRice 個訂位登記。嗰位女士態度極差。唔會再去了。食物價是扺的，性價比高，伙記也很幫手。客人很多，但有招呼。只是？老闆娘不懂服務態度的重要性，有點失望。…查看更多

每次到澳門最少會去一次，已經是我澳門的食堂。已吃好幾年，水準一直保持很好，每樣食品都用心在做。雖然它以吃魚翅出名的店，但因本身不吃魚翅，在這裡卻吃都很多在香港已吃不到的傳統功夫菜😋…查看更多

本應訂了年初二一家大小去食開年飯, 但因應新型肺炎疫情感染及死亡人數不斷上升，顧及我哋又有幾個老人家及小朋友安全，故決定不敢一家大小出外食飯去冒險， 因此年初二中午便打去禮記問可否將之前 $1,000 的訂改期再食, 但可惜被拒絕，其實我訂晚上八時才食飯，亦相信有足夠時閒的通知，而我又不是想取回訂金，只是因疫情問題，為了公共衛生問題，暫時不敢外出免受感染，亦想減低社區傳播機會。澳門政府也呼籲大家不好外出，減低社區傳播機會，但可惜你哋也沒有為公共衛生問題，而體諒我哋食客暫時不敢外出免受感染的風險，而將我哋的＄１，０００訂完全被報銷。失望！請做個良心酒家吧！…查看更多

係澳門大三巴議事庭行完街睇完光影節表演，就走到新馬路找間飯店休息吓食餐飯就返港見到呢度有好多間飯店，隨便選左一間入去醫肚先睇餐牌有好多懷舊菜式和鮑參翅肚嘅貴價菜式，因下午食得好飽，晚餐食唔到太多，而且想食清d，問侍應有乜特別好介紹:)佢就介紹上湯豆苗、雞煲大勾翅和砵仔焗禾蟲，見佢介紹都唔太heavy，而且焗魚腸就試過，禾蟲就未試過，即管就信侍應嘅推介雞煲大勾翅（3-4人份量）每人有兩碗翅湯和幾塊魚翅，湯入囗好濃郁，有d雞絲和豬肚，翅幾大塊入囗好爽上湯豆苗：上湯幾清甜，豆苗嫩滑可囗砵仔焗禾蟲：份量適中，焗得未夠脆，得少少脆，蛋香味唔夠，聽我爸媽講禾蟲冇以前內地鄉下噤好食噤肥美，因我第一次食冇得比較，衹覺得同食白飯魚炒蛋一樣，禾蟲冇乜囗感，感覺唔太差，可接受呢間d菜都唔差，見其他枱嘅餸菜賣相都幾靚，唯一係價錢唔算平…查看更多

禮記魚翅酒家的 魚翅 質量不錯味道及份量 價錢 合理員工態度良好環境衛生12月15號星期日和家人 當晚點了 魚翅 椒鹽瀨尿蝦 招牌生炒骨 古法蒸魚腸上湯豆苗本人推介古法蒸魚腸 超正值得一試…查看更多