翠林辣蟹舫

朋友生日，大家都好鐘意食海鮮，當然要嚟試下呢間得獎食店我地一行8人，book咗大VIP房，房入面可以唱卡啦ok。店員都好Nice好好招呼，座位寬敞，環境不太嘈吵前菜 黃金豆腐非常好味，外脆內軟。鎮店之寶避風塘炒辣蟹-$588一隻可以選擇大中小辣，蟹肥美多肉，相中o既係一隻龍蝦一隻肉蟹，我覺得肉蟹比較出色。避風塘拆肉瀨尿蝦-$328一隻我諗唔少海鮮愛好者，都同蕃薯妹一樣，就係好鐘意食蝦蟹類海鮮但係又好唔鐘意剝殼特別係瀨尿蝦！剝起上嚟真係好麻煩~ 呢度ga瀨尿蝦係拆肉先烹調，啖啖肉，一試就愛上了！黃金流沙蝦球-$28一隻呢個係店員超推薦菜式，亦係呢間舖得獎菜式，店員叮囑一定要襯熱食。咸蛋黃味好香，蝦球新鮮彈牙。潮式酸菜水煮魚-$128魚肉好滑，平時食酸菜魚都係魚片，已經拆件，少見有食店係全條魚上。豉油雞-$328一隻莞香粒粒炒粉絲-$88乾煸四季豆-$88其他菜式例如乾煸四季豆、莞香粒粒炒粉絲，都好味。豉油雞一般，太乾。海苔脆脆-$48其實即係炸蛋散，上面舖咗少少海苔。又甜又香脆。最後店員奉上超級大壽包，好壯觀為朋友生日畫上完美句號。…查看更多

連鎖酒樓黎黎去去都係個幾味，同屋企人已經食到有點生厭。 最近不約而同有幾位朋友對翠林辣蟹坊讚不絕口，重點係招牌菜明碼實價唔係海鮮時價，豪食得黎心入面都有個預算，就當母親節餘興節目黎見識下。避風塘炒辣蟹 ($588)炸蒜同辣椒既香味撲鼻而來，呢味每台都見到既招牌菜其實我已經期待左幾日。 二話不說食左個蟹鉗先，由於大隻肉蟹既蟹殼比較硬同厚身，先用工具鉗開蟹殼，到食既時候先發現炸得好透，原來就咁用牙已經可以將厚實既蟹殼咬得粉碎，真係前所未見。 大蟹鉗如想像般鮮甜啖啖肉，大家都不約而同大讚係食過咁多間最新鮮清甜既蟹，蟹身斬件炸得甘香酥脆得黎唔會油膩，香口又juicy，少有地連蟹腳我都食埋。 驚喜地發現蟹蓋唔係擺設，真係連埋蟹膏一齊炸，當然肉蟹既膏就唔預期會好香濃，但我欣賞佢真材實料，蟹膏豐厚甘香。肉蟹十分足料夠秤，開頭都擔心一隻會唔夠分，最後三個人每人都分到兩三舊，心滿意足過足蟹癮。 避風塘香料太惹味既關係，食完蟹之後忍唔住打包左d炸蒜同辣椒返去，打算用黎撈麵食。潮式酸菜水煮魚 ($128)難得選用左龍躉塊，厚實嫩滑有魚味，一條幼骨都冇，可以安心食用，最正係魚皮厚厚既骨膠原滑嘟嘟。 平時食既酸菜魚有時會好油或者太酸，好鐘意呢度酸菜味道唔會太搶，飲落係煲左好耐既老火魚湯咁，酸菜幼嫩似自家製，加埋芫茜好有夏天清熱開胃既感覺。 龍躉用量毫不手軟，每次夾幾大塊都好似食極都食唔完咁，大家瘋狂refill，最後一滴湯都清哂，完全係物超所值。飛天芥蘭 ($88)芥蘭平時比較少食，睇得出廚師花左好多心機準備左最幼嫩既部分黎炒，鑊氣好夠，香氣足以蓋過左淡淡既芥蘭苦味。 除左菜夠新鮮，配料肉碎同蝦乾都増添左咸香味，蝦乾尺寸唔細係屋企食開既靚貨黎，香就夠香，略嫌食到尾油左少少。家鄉炒米粉 ($88)簡簡單單用肉碎、蛋花、香芹、芽菜等炒成，香口唔會油膩，好有家既味道。海台脆脆酥 ($48)蝦片既外貌灑上煉奶同紫菜，成個組合好似好新奇咁，其實係似蛋散變奏版，個人覺得乾身左少少，小朋友岩哂。雖然門面貼滿左名人到訪既認證照，平日夜晚未算爆滿，反而比較清靜岩傾計。 幾位阿姐笑容滿面、服務周到，食物環境服務都稱心滿意。 奇怪如斯高質既餐廳以往聞所未聞，家庭聚餐同宴客都一流，必須要廣傳。…查看更多

▫避風塘炒辣蟹(HKD 588)🦀黎到翠林辣蟹舫緊係要叫避風塘炒辣蟹啦😻 蟹比想像中大隻，賣相都比其他店好睇💛 避風塘最重要係炸蒜，而翠林嘅炸蒜好香脆一啲都唔硬🤤 蟹肉結實又彈牙，食落好鮮甜，配埋炸蒜一齊食勁香勁好食😋好滿足啊✨⠀▫黃金豆腐(HKD 68)睇落平平無奇，但食落比起出面食到既炸豆腐好食好多😳外面炸粉超薄但炸到好脆，而入面仲係好滑好滑😚 真正嘅外脆內軟💛⠀▫話梅涼瓜(HKD 38)涼瓜浸左話梅汁酸酸甜甜唔會苦，食完蒜同熱氣野食返舊，感覺上減少左口氣同清熱解毒。⠀▫潮式酸菜水煮魚(HKD 128)🐟湯底用雞湯煮好清甜，唔油可以飲得放心，魚肉好大件而且結實彈牙⠀▫蟹油銀芽炒麵(HKD 88)蟹油好香🦀 鐘意炒麵夠多銀芽，不過本身夠咸，再落蟹油就會咸咗少少⠀…查看更多

居然尖沙咀有海鮮食喎，就響尖沙咀既亞士厘道翠林辣蟹坊。依樹固名思義就係出名食蟹啦! 蟹既煮法都有好多款，例如：避風塘、黃金流沙、馬來咖哩、黑松露焗、薑蔥乾焗、韓式泡菜....  薑蔥或避風塘炒蟹就食得多，今次就試下黃金流沙蟹。隻蟹送上檯我地個個都嘩咗一聲，隻蟹好大隻，用一個有柄既木盤盛放著出場，原來黃金流沙係一尐脆卜卜既蛋黃脆脆以為炸過尐肉可能會乾爭爭，但大廚既火喉又拿捏得剛好，肉質鮮甜而結實。潮式酸菜水煮魚身為潮州人既我梗係要試下依樹既潮式酸菜，我平時唔鍾意食米線店既酸菜，因為多數都酸得濟，我唔鍾意咁酸，小時候媽媽買回來的酸菜也會先用水浸一陣減低酸度。依樹既酸菜正正是我喜歡既酸度，淡淡的酸唔會令人抗拒 !魚肉啖啖肉而且份量頗多，以$128這個價錢實在超值 !  邊食魚邊喝酸辣湯呢 !飛天韮菜花即係將鐵窩燒熱，再將已炒熟既蔬菜倒入，就會"喳"一聲兼出晒白煙，令蔬菜更添熱辣辣 !韮菜花夠爽又嫰，另有蝦米提味 !香芒櫻花蝦炒飯除咗有櫻花蝦外，還有蝦仁芒果蔥花，飯粒粒粒鮮明，唔會過乾，喜歡櫻花蝦既鮮咸香味令整個炒飯加分不少 !…查看更多

今晚跟男友拍拖, 打算先吃個飽然後再去 i-square睇戲, 要給他一個讚, 找來了一間專食蟹的餐廳, 十分享受 餐廳的坐椅很舒適, 都有cushion 及沙發, 落地玻璃, 一邊享受晚餐, 一邊見到路人街景, clubbing 的外國人, 亞士厘道就是會自成一閣, 獨有風格門口睇得出好多名人過來幫襯! 黃金流沙蟹 根據店長所介紹, 這個黃金流沙蟹是鎮店之寶! 因為廣為人知的避風塘炒蟹,是香港的名菜, 只是本地人不會常吃, 因為覺得很熱氣又很油, 當然餐廳也有提供, 但叫黃金蟹的比較多啦  先說這個黃金蟹, 有一個日式的紅色拱門做 show plate, 跟黃金色的蟹做成強烈對比, 很有賣相! 店長叫我們先吃一口黃金流沙, 真的很有驚喜, 是脆口的而不油, 味道不太濃太咸, 也不太溜, 不會蓋過蟹的解味, 香口新鮮! 這隻蟹是一斤半的越南肉蟹, 因為越南位置是河川的總匯, 土地肥沃, 海鮮都特別肥美實肉, 有蟹肉解味, 比澳洲同樣大小的蟹, $588 一隻斤半的蟹, 性價比高很多! 就見蟹箝已經十分巨型, 好比我的拳頭了! 真的很誇張!!! 潮式酸菜水煮魚 水煮魚是原本沿自西北的雲貴川, 湖南一帶的菜式, 那裡的酸菜是比較重口味及油身一點, 而魚也只是用多骨但爽身滑身的淡水鯇魚。餐廳為了適應港人的健康口味, 改良用上了潮州的咸酸菜, 只是醃了3天, 不會過份地咸, 而且更用上龍躉, 所以會啖啖都是肉沒有骨, 十分爽身的肉, 大人小童都可以品嚐, 酸甜度都適合廣東口味, 不會過份重口味 話梅涼瓜 我沒有想過由揚州改良了的涼瓜小菜咬下去是清爽的口感, 而且有話梅及檸檬我原以為會很酸, 怎知味道是很甘甜, 不會有澀苦或者酸的感覺, 很適合用來做每道菜過場清味蕾的小菜避風塘海鮮炒飯 飯底炒得不錯, 飯粒分明, 避風塘式的蒜頭跟辣椒炒炸香口惹味! 簡單的炒飯已見廚師的功架! 2 個人食此餐, 計落都很化算! 可以再 encore! …查看更多

翠林辣蟹舫係尖沙咀亞士厘道, 從港鐵站過去其實只係需要幾分鐘路程, 由harbor city 行過去其實都唔係好遠。餐廳都幾大, 環境舒適, 有一系列的卡座, 不會太擠逼。今晚和愛吃蟹的友人一同來到, 就叫了幾道菜色, 當然包括這裡最出名的避風塘炒辣蟹。-避風塘炒辣蟹避風塘炒辣蟹最緊要蟹要新鮮，翠林的蟹大小合預期，蟹肉結實甜美，新鮮飽滿。而且金蒜滿滿的包圍在大蟹的其中，夠多蒜香，辣椒融和了炸蒜頭的味道，炒得非常香口，辣得過癮，集香、辣、惹味於一身，而且師傳也有將蟹鮮砍好，非常方便易吃，讓人吃完蟹之後仍然禁不住要啜指回味-黃金流沙蝦球大大隻鮮蝦拆肉後配上咸蛋一起炸成，蝦肉軟彈多汁而且蝦味濃厚，另外蛋黃炸至乾身，油香充沛。-潮式酸菜水煮魚很多重慶四川烤魚店也有水煮魚可以吃，但這裡最與別不同的是用了龍躉做主菜，龍躉肉肉質鮮嫩，且味道甜美。伴以酸菜煮成的湯，酸菜味道不會太霸道，啖啖肉非常滿足。香芒櫻花蝦炒飯夏天就是要吃酸酸甜甜的水果，翠林以夏天當造的芒果入饌，酸香好開胃，每一口可品嚐出蛋香、蝦仁的鮮甜及櫻花蝦的獨特口感，炒飯也可以炒得多層次。藥膳蒸雞由雲耳、雞、紅棗等作為主要材料的藥膳蒸雞, 具有補氣血、健脾胃的功效, 補得嚟又好味道!唯一美中不足的是我覺得茨汁比較杰左少少, 如果落生粉略為減輕少少可能會更好味。…查看更多

好耐好耐以前係去港島果邊食辣蟹既, 但唔知從何時起就無再去過食, 因為怕海鮮價比人劏, 今次經朋友介紹, 話係尖沙咀有專門食辣蟹的餐廳, 價錢公道明碼實價, 就叫左佢帶我去試試我久未食過的避風塘炒辣蟹。今晚叫左幾道菜色:黃金流沙蝦球前菜先黎的是黃金流沙蝦球, 把新鮮海蝦去殼，新鮮蝦球肉質彈牙爽脆，配上炸至金黃色的咸蛋碎鹹香惹味。潮式酸菜水煮魚味濃帶微酸，濃郁不攻鼻的酸香讓人久久難以忘記，少少辣椒和花椒隱隱帶出香氣, 酸香並存，而且不計成本用龍躉魚片作為主菜, 看得出餐廳的心恩。厚切龍躉魚片鮮嫩甜美，鹹酸香鮮無人能抵擋。鎮店之寶避風塘炒辣蟹主角終於來了, 翠林的避風塘炒辣蟹，大蟹即叫即撈即劏，蟹肉新鮮甜美飽滿，沾上大量新鮮炸好的蒜頭同食，避風塘香蒜辣椒粒甘香搶口，香口得黎蟹肉鮮甜又惹味人，但又不會過油而且大廚廚藝非常精湛，功夫到家，能夠鎖住蟹肉鮮甜的肉汁，叫人欲罷不能。藥膳蒸雞有魚有蟹有蝦當然還有雞, 紅棗滋補強壯，有明目、降壓、降血糖之功效, 與雞同吃可以健脾補肺、滋陰強壯, 而且雞肉鮮嫩, 大小切得剛剛好一口一塊, 不錯。香芒櫻花蝦炒飯最後還叫了一道香芒櫻花蝦炒飯材料雖然簡單，但炒飯香氣逼人啊!!!鮮蝦，雞蛋、青蔥、菜粒等等炒至金黃,加上櫻花蝦帶點鹹味及香脆，讓整鍋炒飯又更上一層樓…查看更多

又係星期五約咗朋友食飯，諗嚟諗去都唔知去哪裏食好？ 因為朋友住大埔，所以他只想去旺角尖沙咀不想過香港區食， 那就在openrice 搵食了， 在openrice見到有這間餐廳便即刻訂位。當天上到餐廳有著卡位及圓枱， 座位感覺舒適，而且餐廳內不是太多人， 所以餐廳不會太嘈吵呀！ 我們只得兩個人所以不能叫太多嘢食，只點了 黃金流沙蝦球， 黃金豆腐，潮式酸菜水煮魚，蟹油銀芽炒麵，金湯芥蘭 整體食物質素不差， 而且在尖沙咀區來說價錢不算太貴， 坐得舒適和朋友一起食飯聊天是一個好選擇呀雖然只是平平無奇嘅豆腐，但炸成無比香脆而內軟的黃金豆腐，一口一口食落肚，真是回味黃金流沙蝦球是一隻隻叫的， 配上沙律一起吃， 黃金流沙使用鹹蛋黃做的, 咬一口好香的鹹蛋黃味道, 但並不咸呀配上蕃茄的芥蘭，有另一清新感覺這個潮式酸菜魚都給我一個驚喜， 魚肉肉質有咬感及滑口， 秘製酸菜的酸及辣配合得很好， 又帶點麻辣香，層次感豐富，非常惹味呢反而這個蟹油銀芽炒麵有少許失望， 因為麵食落好乾，所以食唔出有蟹油味呢？…查看更多