四季良晨 (新都城中心)

因為近期喜歡食酸菜魚, 上星期食過, 前二天晚餐又食過. 而這晚在新都城, 發現店門電子餐牌有酸菜魚, 所以我倆就選擇在此晩餐, 試試這家酸菜魚又會變出什麼風味. 職員安排在內堂就座後, 要做最重要的事 : 點菜.  早已鎖定酸魚, 另一款就點鹽酥雞排滷肉飯, 再加2款小食和2杯飲品.        特盛秘罈酸菜魚        酸菜魚, 每家店皆有自己的烹調方法. 不同比例的配料, 就變成不同的風味了! 可是前几天遇過唔多得&流到爆的酸菜魚, 希望今天會有驚喜. 一大碗酸菜魚呈上來了! 連皮的魚肉和酸菜之外, 有芽菜, 娃娃菜和大量的薑. 鹹酸湯底的辣味主要來自薑, 而辣椒的辣卻不太強. 由於没有花椒, 這鍋没有麻辣味的酸菜魚.  片片彎曲的魚肉外層没有蛋白漿, 但肉質很滑, 方便享用. 我倆食呀食, 就連鍋裡的酸菜都不放過...        酸菜, SEE YOU TOMORROW!!!          鹽酥雞排滷肉飯         看到隔離枱的客人所點的鹽酥雞排SIZE很大,  而台菜怎能欠缺滷肉飯呢! 所以點選擇這個飯餐. 鹽酥雞排外皮夠酥脆. 滷肉飯         滷肉飯以小碗, 2人分享.  連皮帶脂的細碎肉末, 混著香菇粒粒的滷肉飯, 味道很正常. 但自己比較喜歡搭一條酸菜, 用酸味來提升滷肉飯的肉香油脂香味. 加錢換的2款小菜     滷水豆腐   豆腐中間部份呈現淺啡色, 滷水夠入味.   豆腐口感較實在, 並非即開即食, 可以放雪櫃長期雪藏的滑滑豆腐.          上湯浸時菜 雖然酸菜魚有酸菜和娃娃菜, 但面對炸雞排有魚有滷肉, 就想要來碗青菜扮健康. 白菜煮得軟綿綿又帶甜,  没有臭青味或苦味.       香濃珍珠奶茶   到台式餐館, 當然要點台灣名物珍奶.     芝士奶蓋白桃烏龍茶    上層芝士奶蓋很濃稠, 難以跟烏龍茶融合.  於是小米之父就直接上下SHAKE SHAKE, 終於把二層合成一體. 茶味不太濃, 反而覺得芝士奶蓋帶鹹. 嚐過以鹹為主的烏龍茶, 再回到珍奶時, 就覺得珍奶很甜.  完成了一個滿意酸菜魚和充滿台式風味的晚餐, 順便在新都城逛街.    BODY REPORT : 酸菜排毒很有效呢!!!    …查看更多

星期六同男朋友去食台灣菜，2:00已經有下午茶餐叫。芝士醬酥排骨吐司配桂花雞翼+番茄湯米線芝士醬酥排骨吐司食落夠香脆，吐司亦烘到夠脆身，同香口既排骨夾住一齊食好惹味。桂花雞翼既桂花係要自己點附有既一碟桂花醬。雞翼炸得香脆惹味。番茄湯米線正常。加配滷水豆腐，唔會太鹹。煲仔 ‧ 塔香三杯雞定食配上湯浸時菜及白飯雞件份量夠，啖啖肉，不過三杯既味道唔太出，但本身個雞係唔錯既。拉絲芝士肉鬆蛋餅配地瓜薯條蛋餅略油但足料，地瓜薯條熱辣辣，唔會油淋淋。紫薯珍珠黑糖冰鮮草十分足料，有幾舊紫薯，大量珍珠、椰果、仙草，仲有黑糖冰，不過我嫌太甜。芝士奶蓋阿華田少甜好好飲，芝士奶蓋重奶味，阿華田味濃，無用水黎溝稀到，而且兩者好夾。夏日水漾鮮果茶半甜少冰果味同茶味兼備，都唔錯。…查看更多

經過多天忙碌的工作, 終於挨到星期五, 晚上真想休息一下, 所以今晚外出晚餐. 在這商場裡, 看到這家台灣餐館, 店門有多人等候. 可能食物有一定水準, 才會特別多客人光顧. 等了一會, 職員安排入座. 剛才在等待期間, 我倆已選定款式, 放下行裝即可以先去付款點餐.  然後到自助區取熱水和小碗.  不久, 食物就來到了! 麻辣紅燒肉麵  平時到台式餐館, 小米大都會選紅燒牛肉麵.  但這次小米選了紅燒肉麵, 也許因為看到燒肉, 所以點這款.  麻辣醬料是另外以小碟呈上, 小米可自行調校辣度. 士林胡椒豬肚湯飯   天寒地凍, TKO低至14度, 而胡椒豬肚夠暖身, 所以早己看中這個熱辣辣的湯飯. 真身 = 胡椒豬肚湯 & 白飯.  湯身白色, 不見黑椒粒/黑椒粉的踪影, 是用了白胡椒. 有豬肚, 鹹菜, 娃娃菜/黃芽白, 還有白果.  有豬肚頭豬肚, 質感不算韌, 至少我咬到...  自己真的很怕太堅韌 / 堅硬的食物.    味道清淡的娃娃菜浸在偏鹹的湯底, 如單食娃娃菜, 其鹹度是很和諧.   而直接飲胡椒湯, 未必能接受其鹹度, 但胡椒湯拌白飯卻是一流. 淡身白飯剛好中和了湯的鹹度. 而湯又可把粒粒白飯浸軟, 更能享受豬肚湯的精華. 早知道就在剛開餐 / 開動之時, 將碗白飯都倒在胡椒豬肚湯裡, 變成<士林胡椒鹹菜豬肚湯泡飯>. 滷水豆腐     自己喜歡軟綿綿的豆腐, 只需另加8個大洋, 所以要來一份.  豆腐需要長時間燉煮, 豆腐中間的細孔在加熱膨漲後, 滷水才會入味. 自己才不會花時間和煤氣來煮滷豆腐呢! 這豆腐的中芯位是啡色, 已證明是滷得夠入味, 所以個人覺得這碟滷水豆腐是物超所值!   紅綠豆薏米黑糖冰仙草    因為自己點了湯飯, 所以不選特飲, 反而想要甜品. 小米對牛奶敏感, 要在多款甜品中, 剔除含有牛奶的ITEM後, 看來只有黑糖仙草才合格.   而小米又看中紅豆綠豆薏米, 所以點這個.    黑糖冰仙草是跟主食差不多時間呈上的, 消滅了湯飯和麵後, 仙草已經不再冰凍, 即係容易入口.   以小碗分出部份, 好讓小米慢慢享用.  紅豆綠豆薏米容易認出, 而黑糖砂冰, 早已溶在其中了.  小米覺得仙草似龜苓膏, 都是黑色的. 其實這個仙草味道上似涼粉, 而口感更似台灣夜市的愛玉.  小米卻在龜苓膏的概念上, 追問 : 係咪要劏左隻龜? 不想跟小米講太多了, 自己還是專心享用這個没有牛奶的甜品吧! 紅豆綠豆薏米不起沙, 不太甜, 仍嚐到豆衣的存在和各個原味.    甜味應該是來自那堆黑糖沙冰.  甜品是提前上枱, 溫度早已升高, 仍感到涼浸浸感覺. 原來是薄荷葉帶來清涼的口感. 整體甜而不膩, 忍不住一口一口的食呀食!  來到最後一口, 仍然想食下去.........   蜂蜜綠茶    因為點了冰凍的甜品, 所以選擇熱的蜂蜜綠茶.    我倆食得飽飽的, 捧著肚子回家去. …查看更多

之前在將軍澳廣場品嚐過新開的桂花小幸，對食物質素相當滿意 ，今次在寶琳逛街也發現了Tea Mikoo的四季良晨 食物款式相近，飲品款式這店好像比較多一些選擇餐牌款式大致一樣滷水豬手飯定食 $78 配上上湯浸娃娃菜配上原盅燉湯-無花果山藥燉排骨+$6 白飯轉雞肉飯+$6 小食-滷水豆腐豬手炆得好入味也非常淋身，有入口即溶的感覺雖然只加$6的豆腐份量也不少，用上了豆腐乾滷水雞肉飯用上了雞胸肉肉質比較實，另配上了乾蒜，因為沒有加上任何醬汁食落會比較乾身，個人更喜歡滷肉飯古早味滷水拼盤 $58 拼盤包4款-雞翼 牛𦟌 牛肚 滷蛋牛肉濃湯水餃 $28 牛肉湯有少少微辣，希望餐牌上有寫水餃每隻都非常大隻，包住了大大粒的豬肉蕃茄濃湯水餃 $28 蕃茄濃湯甜甜的也配上了一樣的水餃芝士奶蓋阿華田 $25 阿華田不太甜滿適合女士飲用，還配上了非常邪惡的芝士奶蓋 奶蓋也滑身但芝士味道不太濃，也許是為了不宣賓奪主仙氣火龍果茶 $30 用上了新鮮的火龍果配上淡淡的烏龍茶，味道也很清新味道 賣相 衞生 服務 抵食 推介 …查看更多

又食台灣菜*好味🤩*, 新都城二期百佳對面有間靚靚台式cafe, 裝修文青, 價錢街坊, 難怪咁多捧場饕客, 個人覺得午市尤其抵食, 隨餐附送嘅三小碟好好味. 裡面嘅姨姨仲非常之nice, 熟悉餐牌之餘仲會運用walkie溝通而唔係咩都大聲嗌過遠處問. >滷水豬手•台灣麵•紅燒牛肉湯 (HKD63)就算唔係午餐都有多款抵食Add On揀, 想講啲豬手真心高質, 皮厚而滑, 吃時滿滿骨膠原😍, 台灣麵有質地帶點彈牙口感, 而微辣嘅牛肉湯呷幾多口都無口渴感, 食得出係用心製作.>涼拌黑醋茄子🍆 (+HKD12)我地四個都係茄子控, 當然要加個涼拌一人少少share, 溫和黑醋好入味, 茄子蒸得軟腍度洽到好處👍🏻.>滷水豆腐 (+HKD6)濃味滷水豆腐切成小粒, 每一寸都滲滿醎香滷水味道.>麻辣牛肚麵•麻辣小辣•午餐 (HKD61)重點推介*麻辣小辣*嗰碟辣醬🔥, 以為小辣都係輕輕辣下, 原來辣度好有層次, 點左一小口, 餘辣係會留在口唇麻個夠本🔥. 我地直頭每一口麵都Dip落碟辣醬, 味道升哂level. 牛肚份量我會以”佛心”黎形容-一定多過平時酒樓飲茶嘅一籠份量, 而且感覺內臟來說超乾淨.>台式三小碟茄子🍆+蒜拍青瓜+油醋木耳好開胃🤤.>煲仔•塔香三杯雞 (HKD48)幾個fd一齊食嘅好處當然係食多幾款美食! 吱吱聲嘅台式三杯雞好好味, 九層搭嘅香氣同麻油, 酒, 醬油合埋嘅味道炒得雞肉非常惹味呢.>幸福紅豆與豆乳 *熱* (HKD24>HKD19) 熱豆漿mix紅豆微甜嘅味道, 外賣熱杯方便邊得邊enjoy.>夏日水漾鮮果茶 *凍* (HKD30>HKD25)每日店家SOLD OUT得最快嘅就係li杯充滿唔同款切粒水果嘅鮮果茶. 青檸, 火龍果, 西柚, 藍莓, 檸檬.....多到講唔哂嘅鮮果, 甜度適中, 頁天飲真係超refreshing.…查看更多

週末到牧場和近1個月無見面的馬騮仔玩，小孩終於開金口叫人了 ! 真的希望小孩能快快追回進度。新都城的食店不少，而且時有新店，不過，星期六的下午，想去酒樓飲下午茶也不容易，所以我們就轉移陣地，改到其他餐廳下午茶。到百佳買生果時，看到這間四季良辰不錯，就決定試一試。店內有不少書架作裝飾，飄來點點文青味道。 提供台式麵食、定食和小食等，不過週末就不提供下午茶套餐。我們3大1小，點了3份主食。四季良晨是先點餐付款買飛，再由待應送餐的。點餐後不到5分鐘，食物就陸續上枱了。養生清燉牛腩麵 – 所用的是台灣麵，份量頗足，3件麻將大小的牛腩煮得淋軟入味，湯底有點點藥材味道，不會太重口味，還配了芽菜、白菜仔、白蘿蔔和紅蘿蔔，整體豐富滷水牛肚米線 – 相比牛腩，牛肚就有些硬了，雖然金錢肚切得幼身，但也是比較硬，選了清雞湯，雖說不辣，但也帶點點的辛香。米線很滑，加了芽菜更添爽脆口感。加配了飲品，原本是點蜜糖綠茶的，沒留意落錯單，變成了梅子綠茶=.=”。梅子的味道有點複雜，甜中有點酸又帶點鹹，本來炎炎夏日，酸酸咪咪是開胃醒神的，只是本牛個人對梅子的味道真的很一般，而所加的珍珠，口感非常Q彈，還帶點點甜味，馬騮仔很喜歡，連吃了好幾粒。台式雞肉飯定食 – 飯的份量比較少，但配3款涼菜、紫菜魚蛋湯和灼菜，也算是豐富。…查看更多

今日同女友係寶琳睇完電影，去左位於同一商場既四季良晨。七點左右去到已經滿座，好彩好快就有位。裝潢幾有特色，牆上每一個格大小不一，入面放嘅東西各不相關卻充滿和諧感。四季良晨除左係台式餐廳，仲有Counter專賣台式飲品。我叫左木瓜純鮮奶。配搭相當新𩓙，天然甜。女友就叫左白桃烏龍茶，味道較清甜。食物方面，三盛牛肉麵既三盛指腱心牛肉、牛腩同牛丸。麵條比較腍，湯底辣得過癮，分量十足。牛腩煮得幾腍，唔會咬極都咬唔開。加$6仲有滷水豆腐，平均$1一件，幾入味。蕃茄濃湯水餃總共有四隻，酸酸地非常開胃。至於女友叫既晩市定食套餐仲超值。鹽酥雞扒唔粉，炸到金黃色脆卜卜。滷肉飯肥瘦適中，而且滷肉分量幾足夠，唔會去到最後淨係食白飯。另外仲有燉湯同菜，真係抵食。…查看更多

夜晚8點幾間餐廳都仲有好幾個人等位，入到去坐低要先去收銀買嘢食，之後再有人送餐。叫咗個三盛紅燒牛肉麵，有牛丸牛腩牛腱，都幾大碗同牛腩好淋，男朋友都話好飽。仲叫咗碗蕃茄雞扒麵，加咗滷水豆腐同椒鹽花枝丸。個雞扒炸得唔厚粉，皮脆亦有肉汁。豆腐都好食，唔會乾到有渣咁。而花枝丸係比我想像中大粒！都不錯！好可惜賣哂珍珠(下次要飲返珍珠奶茶！)，所以就叫咗杯紅豆抹茶同奶蓋白桃烏龍茶，抹茶味濃，而奶蓋好似雪糕忌廉咁，所以我覺得半甜烏龍飲落差不多啦。兩個人飲埋杯嘢都幾飽幾滿足哈哈呢間嘢裝修得幾靚，側面仲有一排書架，係令人感覺幾舒服。…查看更多