四季良晨 (新都城中心) (已結業) 查看

今日同女友系宝琳睇完电影，去左位于同一商场既四季良晨。七点左右去到已经满座，好彩好快就有位。装潢几有特色，墙上每一个格大小不一，入面放嘅东西各不相关却充满和谐感。四季良晨除左系台式餐厅，仲有Counter专卖台式饮品。我叫左木瓜纯鲜奶。配搭相当新𩓙，天然甜。女友就叫左白桃乌龙茶，味道较清甜。食物方面，三盛牛肉面既三盛指腱心牛肉、牛腩同牛丸。面条比较腍，汤底辣得过瘾，分量十足。牛腩煮得几腍，唔会咬极都咬唔开。加$6仲有卤水豆腐，平均$1一件，几入味。蕃茄浓汤水饺总共有四只，酸酸地非常开胃。至于女友叫既晩市定食套餐仲超值。盐酥鸡扒唔粉，炸到金黄色脆卜卜。卤肉饭肥瘦适中，而且卤肉分量几足够，唔会去到最后净系食白饭。另外仲有炖汤同菜，真系抵食。