玉桃軒酒家 (鱷魚恤中心)

营业中

休息中

預早已知道母親節正日未能與媽媽外出食飯，當然要識做哩~~~知道她喜歡食「片皮鴨」，就物色地點，並作岀果斷的決定，預早三日前，已特別預訂了她的摯愛「片皮鴨」上到酒樓，服務員帶領我們入坐後，見我地有四人，並主動介紹「冬瓜盅龍蝦餐」俾我地，望一望個餐又幾吸引 wow~~~海皇冬瓜盅，裡面好足料，湯又甜，瓜又厚肉豉油皇雞，雞肉嫩滑，好香豉油味北京片皮鴨，配料搭埋薄皮，卷住一齊食好好味，好香鴨味、皮又脆西蘭花帶子珊瑚蚌，帶子夠甜、珊瑚蚌夠爽脆，我還配上蝦醬一齊食上湯焗波士頓龍蝦，分量破大，龍蝦又很有肉清蒸沙巴海斑仔，魚肉夠鮮甜，蒸的時間恰到好處桂花糕，很香的桂花味，內𥚃還加雜果冬瓜盅龍蝦餐，七百幾蚊已經有雞、龍蝦、魚及冬瓜盅......，再加埋隻片皮鴨，已經飽到我哋幾個捧住個肚落樓晚膳地方夠大，服務員又專業

7個女仔嘅Group，港島、九龍、新界都有人住！3月中約食飯，傾到今晚食飯喇～今日晏奏先決定到食呢間，新界港島區嗰位又怕遠，食夜左無車返屋企🚗油尖旺區揾得少嗰位，又怕食得貴唔夠錢俾💰所以精挑細選下揀左呢度！當中有朋友生日，買左Birthday Cake，呢度要收切餅費$50都合理嘅～OK！本身有朋友想食片皮鴨，但原來要book位先可以留，話因爲好受歡迎，咁我地係walk-in，咁就無緣食喇😭睇餐牌有個4人餐都ok，就諗住叫呢個加幾碟小菜！$788～龍蝦沙巴龍䠢餐但個餐入面係無龍䠢嘅😂而且我地20:30入座，即晚飯時間嘅第二輪，餐入面嘅紅燒鮑參翅肚無哂，轉左魚肚羹，跟住因為我地唔想食雞，問左話可以俾我地免費轉樣小菜，咁我地就轉左蜜桃咕嚕黑豚肉另外上湯焗波士頓龍蝦可+$48轉芝士焗我地另外再叫蜜汁义燒、菜圃葱花肉碎煎蛋、秘製粉絲虎蝦煲，虎蝦煲落單時個部長話一煲得4隻蝦，所以叫左2煲，煲係最後先到，我地都已經食到8、9死飽，個煲仲要唔少，仲有粉絲，我地真係食唔落，結論係打包～個人建議如果想食，又多過4個人食，可以問下可唔可以將4隻蝦開邊，可以的話咁就Good魚肚羹～因係4人餐，所以每人大半碗

觀塘玉桃軒, 入到去座位舒適, 富麗堂皇, 啱晒同一家人食或飲宴, 而且待應服務好好超值名貴套餐「冬瓜盅龍蝦宴」, 有六個菜,先上海皇冬瓜盅, 成個連旁邊的海鮮伴邊, 好靚, 好大個, 材料十足, 湯水超鮮甜, 有蟹肉, 帶子、蝦肉、螺片、豬肉、蘑菇、蓮子、瑤柱、菜花頭, 每啖都有料, 冬瓜肉索晒湯,主菜有上湯焗龍蝦伊麵, 原來上湯都咁好食, 平時愛吃芝士的我, 今晚也添了多碗伊麵, 龍蝦肉好彈牙, 新鮮, 好鮮味, 好好食, 連鉗都好多肉, 肉質結實,西蘭花帶子珊瑚蚌,珊瑚蚌好大塊, 爽口呀,清蒸沙巴海斑仔, 新鮮鱼鮮味, 火喉較得剛好!還有椒絲腐乳通菜, 腐乳不會咸, 好清爽最後還有醤皇頭抽雞, 雞肉好甜, 很滑,最後還有喳咋糖水及桂花糕作甜品, 不會太甜, 清甜, 正呀! 

記起兒時父親大人最喜歡去某某大酒樓指定食冬瓜盅、每次父親大人都會摸摸我個頭仔、然後話係我鐘意食才叫的。其實當時的我真的不太喜好囉！不知怎的、人大了就漸漸喜歡、每次都會回憶起父親大人巨大的手掌在我頭上拍下拍下、好懷念！冬瓜盅龍蝦餐（＄788四位用）海皇冬瓜盅清甜透心涼、香花香氣誘人上湯焗波士頓龍蝦配伊麵底龍蝦爽口彈牙鮮美、可惜伊麵調味方面過鹹、食後有口渴感西蘭花帶子珊瑚蚌帶子炒得嫩滑、珊瑚蚌有嚼口、西蘭花亦鮮綠脆口清蒸沙巴海斑仔蒸煮時間剛好、肉質嫩滑、越吃越滋味椒絲腐乳通菜椒絲、腐乳爆香勁惹味豉油皇雞半隻雞肉嫩滑無比、幸好沒太多脂肪、比例平均精美糕點有微微桂花香味、還有粒粒杞子、不過甜今時今日、每位平均只二百多元、有冬瓜盅又有龍蝦算是平宜、記起當年一個冬瓜盅取價都要二百多、算貴價。想起當時的我真幸福…喔！ 

爸爸媽媽喜愛食中菜, 爸爸偏愛龍蝦菜式而媽媽喜愛清淡如冬瓜盅等, 見到酒樓有冬瓜盅龍蝦餐可以一次過滿足唔同要求, 一於提早慶祝母親節唔使到時只可以食指定套餐.是晚冇豉油雞改為炸子雞, 炸子雞皮脆肉嫩冇血水.上湯焗波士頓龍蝦配伊麵底, 波士頓龍蝦味道雖然不及澳洲龍蝦鮮甜, 不過兩隻蟹蚶就比較好肉, 爸爸媽媽可以一人一隻. 伊麵底份量好大, 唔叫白飯都夠食.海皇冬瓜盅料多清甜味鮮, 四個人每人可分到兩碗.西蘭花帶子珊瑚蚌, 帶子鮮甜珊瑚蚌爽口西蘭花清爽唔硬.清蒸沙巴海斑仔新鮮要快食, 如果唔係浸豉油太耐就冇咁好食.椒絲腐乳通菜青通新上市鮮嫩冇渣.桂花杞子糕少少甜作為甜品不錯.爸媽今晚食得滿足, 做仔女見到就最高興.

平時到觀塘只會想到去APM, 但真係太多人的地方, 所以去了隔離的大廈 - 玉桃軒,因早唻, 所以還有位, 不用等, 座位好寬敞呀! 見到餐牌, 有個超值但名貴的套餐「冬瓜盅龍蝦宴」$788, 好正, 有六個菜,先上海皇冬瓜盅, 好大個, 大廚好有心機將海絴放在盅頂, 好美觀, 色香味俱全, 湯底好濃的海鮮甜味, 材料豐富, 有大舊蟹肉, 彈牙帶子、蝦肉、螺片、豬肉、蘑菇、蓮子、瑤柱、菜花頭, 好足料呀, 冬瓜肉極稔, 索晒湯水, 好清甜,主菜有上湯焗龍蝦伊麵, 好大舊的龍蝦肉, 好彈牙, 新鮮, 好鮮味, 個上湯沾滿個伊麵底, 不會太稀, 好食喎, 而且好大隻, 好多肉, 平時要好貴先食到呢個質素, 估唔到呢個價錢都食到, 好名貴呀海鮮一浪接一浪, 賣相充滿色彩的有, 西蘭花帶子珊瑚蚌,珊瑚蚌好大塊, 爽口呀,清蒸沙巴海斑仔, 新鮮肉滑, 面頭放滿蔥花蒸, 鱼鮮味濃厚!還有椒絲腐乳通菜, 通菜爽脆,最後還有醤皇頭抽雞半隻, 雞肉很滑嫩, 真係好滿足的一餐, 原來仲有糖水及桂花糕作甜品, 真係不得了, 好完滿。