淥鼎記

又一間無限時任食, 最啱咁耐冇見, 成班人一齊吹水, 仲要佢個名堂夠勁, 同埋比佢個所謂"御善火鍋十二宮"吸引, 真係要去見識見識~又係我第一個打頭陣, 咁早去到又未齊人, 梗係周圍八下, 視察下環境先................呢度成層都係佢, 所以地方都算好大, 裝修又真係幾宮廷式, 靠窗係全卡位, 靠門口係半卡位, 中間係普通方枱, 但都有d八人大卡位, 估唔到唔係假期前夕都咁多人, 見到d八人卡位要搭枱, 雖然中間有塊板隔一隔, 但我都係鍾意自己一張枱, 吹水都暢快d~拎飲品同醬料係分開兩邊, 裝飲品個雪櫃夠開揚, 一入門口就會見到, 而放醬料地方就要入少少, 同埋好似暗d, 不過佢裝醬料果d器皿又好鬼死古式, 就算响中式酒樓都未必見得到, 非常有特式~姐姐見到我得一個人, 同埋果陣又未有乜客, 就問駛唔駛介紹一下, 定係等齊人先介紹? 咁反正我同佢都得閒, 咪由佢介紹下先, 廢事等陣人多開始忙就冇咁好招呼~原來係要按佢指定次序去食, 佢會等你食完一個程序, 佢先會繼續下一個程序, 每張枱上面都有張指示圖, 因為佢有12個程序, 所以叫做"御善火鍋十二宮", 咁話哂係中式, 梗係由子時開始, 即係11點方向, 一步一步去食..................1)自助健康飲品 (差不多廿款)兩個大雪櫃裝得滿滿, 一個雪櫃係一般的汽水及茶類罐裝/紙包飲品外, 另一個雪櫃先最吸引, 因為佢係一杯杯啤好哂的飲品, 有低糖豆漿、竹蔗茅根、羅漢果五花茶.................打邊爐咁熱氣, 梗係飲竹蔗茅根潤一潤同埋羅漢果五花茶下一下火啦~ 兩種都唔係太甜, 味道亦唔會太濃, 你會見到佢每杯都有1/3杯係材料, 證明比你睇真材實料, 唔係沖出嚟架~1.5) 特別版姐姐問我食唔食住前菜等, 咁梗係食啦~ 咁佢幫我每樣執d, 到我拎定飲品返嚟啱啱好有得食...........- 有炸到脆卜卜的鹽酥雞, 細細粒, 但炸漿又唔係話好厚, 不過就唔係好夠味~- 有熱辣辣的地瓜條, 即係炸蕃薯, 好甜, 有黃色同紫色~- 有好入味的鮑汁雞腳, 一睇佢個色水就知夠哂入味, 雖然係咁, 但d雞腳唔會煮到爛哂, 仍然好完整, 唔會甩腳趾, d皮都冇爛, 好完美~** 其實呢d小食, 係應該係响上火鍋湯底果陣先叫的, 但姐姐可能見我咁陰公豬, 所以中途加插**2) 錦繡前菜 (有4款)枝豆 - 唔知點解個色咁黃, 好似d菜煮完焗到黃哂咁樣, 我見佢個樣唔係我平時認識的, 所以唔敢試~涼瓜 - 又係好似枝豆黃哂, 不過朋友話爽爽地, 幾好食, 咁我先敢試, 估佢唔到個樣好似炆完排骨咁林, 但食落又唔係~秋葵 - 呢個d色終於正常返, 係翠綠, 不過得4條, 連呢d都限一人一條, 有點兒那過~木耳 - 正常爽口3) 季節旬魚之刺身盛合 冇得選擇, 睇下果日入咗咩貨, 即係佢地聲稱季節合時令的刺身............是日有帶子、蝦、魚, 其實我唔係好食刺身, 所以唔知佢係乜蝦同乜魚, 不過見佢個樣又真係好新鮮, 顏色又靚, 帶子同魚都好鮮味, 唯獨事我其中一個朋友話d蝦差少少, 唔係好爽, 令佢感覺唔良好, 所以放棄咗, 但其餘3個人又覺得冇乜嘢, 好彩食完都冇特別排毒, 證明冇事啦~4) 重慶麻辣雞煲/老壇酸菜魚鍋二選一, 雖然兩樣都係辣, 但火鍋已經好多肉, 所以一致決定係要食酸菜魚.............嘩.............見到個酸菜魚鍋, 比佢上面d辣椒嚇親, 駛唔駛咁多辣椒呀? 我見到咁勁, 已經投降, 但佢個湯汁又唔係紅當當, 我d朋友係咁叫我夾旁邊冇辣椒掂到果d, 幾對眼望住我食, 佢地自己又唔食, 原來等我試咗辣唔辣先? 呢d咪夠朋友囉, 全枱人係我最唔食得辣, 反而叫我食先, 當我話其實都唔係好辣, 可以接受, 佢地先開始動筷~ 佢d魚片真係煮到剛剛熟, 好嫩滑又唔腥, 我地問姐姐係咩魚, 佢話係黑魚, 我地話咩黑魚, 佢淨係話咪黑魚囉~ 好明顯佢都唔知, 咁我地都無謂迫佢~ 個酸菜都幾好食, 我朋友話可唔可以比碗白飯佢~5) 御善養生湯底 (我地4個人只有6款選擇)响果張黃色指示圖, 中間位置有6種湯底選擇, 除非你係6人或10人以上, 咁先有額外款式選擇, 咁剔除果d好普通同埋辣的湯底, 最吸引梗係"花膠美人鍋", 最後都係一致決定叫呢個湯底~連個鍋都宮殿式過人, 有少少似細細個去飲宴果陣, 上翅用果個金鼎, 好夠派頭, 不過好阻定.............估唔到湯個湯底的花膠都係限一人一塊, 不過唔緊要, 因為冇希望過會一人有一塊花膠, 所以已經好滿足, 但湯都好夠味, 同埋都膠膠地, 應該都係宜材實料, 起碼有基本效果, 當然之後加果d湯, 無論你係咩湯底都係果壼湯, 所以趁仲係真正花膠湯時, 飲多幾啖先好烚嘢食呀~6) 海鮮大拼盤總共有6種海鮮, 都係睇下果日入咗咩貨, 可能有驚喜, 但又可能好普通, 我地果日有鮑魚、蠔、蝦、蚌、蜆、墨魚, 數量又係依據每枱人數, 每款每人一件, 除非同枱有人唔食, 如果唔係冇人可以食多, 夠哂公平, 最多爭食大舊d..............除咗蠔之外, 就算飽魚, 姐姐都話可以連殼掉落去一齊烚, 聲稱已經洗過d殼, 雖然我地想全部去殼, 但始終唔係自己屋企,唔齊架生, 唯有飲多啖湯先掉哂佢地落去烚, 唔想污染咗個靚湯~每種海鮮都好新鮮, 好有鮮味, 唔似係死咗好耐果d, 最衰每人限食1件( 其實可以加錢), 搞到到喉唔到肺咁............7) 美國雪花牛小排成隻牛上, 就算唔食得都睇得, 正所謂輸人唔輸陣, 不過唔知佢呢只牛全場有幾多隻? 如果個個好似我地咁唔係一嘢食哂, 係有排擺的話, 唔知佢會唔會問"可唔可以將d牛肉轉過隻碟?"我已經冇食牛好一段時間, 但根據以前食牛的經驗, 佢d牛肉應該幾有牛味, 唔係差, 只可惜而家唔食牛, 所以留返比食牛的朋友食哂佢~8) 金牌手工丸有3種, 全部都似係手打, 唔記得係咪蝦丸、墨魚丸、豬肉丸? 但總之全部都好爽滑彈牙, 一粒一粒放响匙羮度, 賣相好靚, 確認好睇又好食~9) 四十幾款火鍋配料有6大種類, 包括小食、火鍋配料、麵類、餃子類、特色丸類、蔬菜類, 總共都有四十幾款, 都算係幾多款式, 最鍾意佢夠環保, 每樣食物都係寫要幾多件, 而唔係一般的要幾多碟, 我地真係有數過, 有9成都啱數, 大家真係要諗清諗楚要食幾多, 自己要負責任的, 咁樣做真係幾好, 起碼有d款式只係想一人一件試下, 咁就唔怕叫左成碟, 但最後又浪費咗, 真係值得一讚~ 雖然話可以樣樣試一件, 但當然冇咁樣做, 因為實在太多款式, 而且唔係樣樣都啱胃口, 都係選擇自己喜歡的去叫, 基本上都唔差, 大部份都好新鮮, 唔似隔好多夜~10) 八方田園蔬菜籃原來要自己去雪櫃拎, 等我仲以為佢會拎埋嚟, 因為呢個菜籃响十二宮格入面係自己一格, 唔怪之得等極都未見上枱, 後來覺得唔對路問問, 先知要自己去拎, 果時已經所剩無己~ 佢唔係一大籃比你夾, 而係一兜兜裝好, 然後用保鮮紙包好放响雪櫃, 感覺會衛生d~11) 一品御飯太飽冇食到, 其實有叫佢比一碗我地成枱人試, 不過最終姐姐可能以為我地講笑, 所以冇比到, 又或者比唔到一碗份量............唯有下次有機會先叫佢上咗比我地先~12) 宮廷美點好靚的紫色, 呢個仲要專人表演一下先上到枱, 因為要倒液態氮, 營造仙境效果~ 有d似台式甜品, 有d芋頭、丸子、菊花, 最勁係個椰奶味, 都少少偏甜, 不過都係一人一碗仔, 都可以接受, 始終食埋甜品食叫完滿架嘛~唔知係咪我地坐到最盡, 雖然仲有幾枱人, 但都差不多十一點, 我估計大約十點左右, 埋單後已經開始執嘢清潔, 所以响十點後左右已經好難搵到人招呼, 而且我地仲要坐到好入, 真係呼天不應叫地不聞, 直頭要走去吧枱搵人上甜品, 所以坐得入有好有唔好~原價每位$338, 電話訂位同like佢fb有92折, 如果比cash再多98折, 搞咁多嘢, 其實最尾條數即係冇加一, 為咗每人慳三十幾蚊, 唯有跟佢額外搞咁多嘢啦~  雖然三百幾打邊爐好似貴咗少少, 但折下折下, 又坐成4個幾鐘, 又任飲任食, 其實計返條數都係抵, 所以下次有機會都會再嚟食~…查看更多

想試好耐的淥鼎記火鍋，有好多款野食，而且主打食宮庭養身火鍋，好期待。店舖裝修以中國風為主，以木為主。睇餐牌，叫了御膳火鍋十二宮餐，響Apps購買星期日餐都有88折優惠，店員送上錦繡前菜和小食，包括鮑汁雞腳、麻醬秋葵、酸汁苦瓜、胡麻醬秋葵、麻辣木耳，酥炸百花球。之後送上季節旬魚刺身盛盒，眼前一亮，先食大大隻牡丹蝦，好彈牙；還有至愛鮮甜的帶子和三文魚籽；還有深海池魚。重慶麻辣鮮雞煲送上，我們要了小辣，好大煲，香噴噴的，而且寫明任食，但原來預的份量已好足夠，留肚仲有好多道菜。食過雞煲後，就換上御膳養身湯底打邊爐，湯底有四款選擇，我們選了花膠鮮雞美人鍋，湯底鮮甜還帶有花膠的膠質，花膠爽口彈牙。 火鍋叫了花膠鮮雞美人鍋，有五十款可任點。點了第一輪火鍋料，而指定的美國雪花牛小排也送上了，個器皿好特別係整隻金牛，牛肉灼一陣便可食，牛香味好濃。同時海鮮大拼盤也送上，有竹簽蝦、肥美生蠔、還有大大隻的蜆殼類，包括馬刀貝和北寄貝、還有名貴的鮮鮑魚和鮮墨魚。之後送上金牌手工丸，包括手打蝦丸、墨魚丸、鯪魚丸，食時非常彈牙。再來一品御飯，原來係櫻花蝦蘑菇飯。宮庭甜品，凝做到好似個仙境的甜品，好似啲透明涼粉咁，材料有西瓜粒、龍眼肉、清清甜甜，好好味。…查看更多

淥鼎記是一家很有特色的火鍋店，其主打按流程的上菜菜單，因此大部份客人均有同款的菜式第一道是錦鏽前菜，酸酸甜甜很開胃，另點了兩份小食-天婦羅及酥炸鯪魚球，同樣炸的不錯第二道是刺身盛合，油甘魚、元貝、三文魚子及鮮蝦均非常新鮮第三道是重慶麻辣鮮雞煲，選了中辣，非常入味，配以兩只鮑魚及香滑的鮮雞件，美味然後到了重頭戲養食湯底，點了美人湯，很是清甜金牌手打丸及雪花牛小排同樣嫩滑及新鮮海鮮大拼盤的海鮮新鮮極了，鮮蝦及蟶子甚至還在動一品御飯普普通通，可能太飽了甜品是有乾冰效果的桂花龍眼肉啫喱，小甜而可口，是一個完美結尾有關自助飲品，可選自家製竹蔗茅根、羅漢果五花茶及低糖豆漿，每款用料十足，誠意加分…查看更多

近日香港集會及暴力事件不斷， 令人感到非常擔憂。是日我和朋友就約定下班後在 壹亞太中心內的淥鼎記火鍋， 食一頓豐富的晚餐， 把不安的情緒都掃走。餐廳裝修摩登，座位舒適，侍應一直在旁照顧，跟著餐廳設定好的次序上菜， 令人感覺放鬆。先來的是各款新穎前菜， 包括有：酸紅蘿蔔，芝麻木耳，炸鯪魚球， 田園天婦羅等， 其中最特別的是醃苦瓜，酸苦共融，別具創意。旬魚刺身盛合，主角旬魚配上醬油鮮味突出，大蝦和帶子新鮮彈牙。重慶麻辣雞煲可自選辣度，中辣對我和朋友來說剛剛好， 雞肉香辣惹味而且很嫩滑。重點是可以任叫，鄰卓兩小姐姐連續食了2 份雞煲，好味程度不言而喻。重頭戲---花膠鮮雞美人鍋, 濃郁的雞湯配上花膠，著實是女性的滋補恩物。雪花牛小排， 吸收湯汁的精華後，香軟嫩都齊備，很高質素。最喜歡這裏自家制的健康飲品， 可以任飲，而且獨立包裝，有竹蔗茅根水， 羅漢果五花茶和超級濃郁的豆漿，很有家的感覺。配合養生主題的龍眼啫喱糖水， 賣相精美又養生。…查看更多

最近火鍋癮從來未停過，仲越熱越想打邊爐，今日無畏酷熱天氣警告，一早就安排同朋友去打邊爐。今晚同朋友去了雜誌成日見到的淥鼎記食宮庭養身火鍋，店舖位於食肆林立的觀塘壹亞太中心，鄰近觀塘地鐵站，一進店舖就有兩種唔同的感覺，一入去有古典的宮庭間隔屏風，再入一些就有現代化的落地玻璃窗，景觀好開揚，坐得好舒服。人人入去都係食這個無限時御膳火鍋十二宮餐，入面的款式多元化，啱晒我樣樣都想食的人。有自助飲品，入面有時尚得來又無糖健康的冷泡茶，好足料兼且清熱下火的自家製竹蔗茅根馬蹄甘荀飲品，少甜豆漿和不同的罐裝飲品；有自助的蔬菜藍，入面的蔬菜好翠綠好新鮮；有自助調味吧，調味款式不少喔。首先店員送上錦繡前菜，錦繡前菜包括麻醬秋葵、桂花蘿蔔、醋味紅菜頭和酸紅蘿蔔，開胃醒胃，也是健康的前菜。再送上小食，包括炆得入味軟滑的鮑汁雞腳、炸得脆卜卜的黃金百花球和香而不膩的炸魚皮。食得咁上下，店員送上季節旬魚刺身盛盒，包括有入口鮮甜帶爽脆的深海池魚、大大隻鮮甜牡丹蝦、鮮甜的貝柱和粒粒脆卜卜的三文魚籽。之後就到重慶麻辣鮮雞煲，我們要了小辣，一掀起蓋就香味四溢，帶有少量麻辣味。雞煲是任食的，食到咁上下店員還主動問我們夠唔夠，需唔需要加雞煲，服務唔錯握。食過雞煲後，就換上御膳養身湯底打邊爐，湯底有四款選擇，我們選了花膠鮮雞美人鍋，湯底鮮甜還帶有花膠的膠質，花膠爽口彈牙。接著就是海鮮大拼盤，包括送上時還郁緊的鮮蝦、煲過後仍是脹卜卜的生蠔、鮮甜的馬刀貝、大隻得來又爽口鮮美的北寄貝、新鮮爽彈的鮮鮑魚、脆口的脆鯇和爽彈的象拔蚌。美國雪花牛小排，雪花紋好靚，牛味香濃。金牌手工丸，包括手打蝦丸、墨魚丸、鯪魚丸和雞丸骨丸，都是真材實料，入口爽彈。其實吃過以上的食物都已經飽得九九十十，唔夠飽的話，仲有多款配料任食的。我們貪口痕，捧著肚子也叫了小籠包和韓式泡菜餃子，煲過後的小籠包入面好多肉汁。套餐還包括一品御飯，由於我們實在太飽，所以直接同店員說不要御飯，直接上宮庭甜品就夠了。是日宮庭甜品類似一鍋板的水玄信餅，配上甜度適中的黑糖、紅棗及龍眼肉等，好滋潤。這個無限時御膳火鍋十二宮餐，又有刺身、又有雞煲、又有海鮮火鍋，又有任飲任食，一次過滿足我們無窮的慾望。…查看更多

一班愛吃的好友聚會，這次選擇在觀塘區新張的無限時的火鍋店。座落在觀塘區一亞太中心，這座設計特別的大廈之中，整座都是食店林立。走進店內，大大的空間，整齊排列的枱椅，也有多個貴賓房，合適好友聚會，又或公司聚餐包場。店內有著數個凍飲品櫃，除了一般飲品，也有自家制作的涼茶，全都是自助形式。這裡的火鍋，有著特別的名稱：「御膳火鍋十二宮」。從餐牌上得知，先會有江南八小碟、刺身，任食的重慶雞煲、手工丸、其他火鍋配料等。成人每位$335，價錢包含所有，感覺相當相宜，非常豐富，大家都滿心期待，也各自取了喜歡的飲品。不用多久，江南八小碟送上，令大家眼前一亮。麻香蓮藕片、醬油蘿蔔花，龍井河蝦仁、八味香豆腐、紅燒肉、鮑汁扣雞腳、四喜烤及蒜燒蘿蔔。放在中央的醬油蘿蔔花，大家也說非常美麗，不捨得吃。個人最喜愛的是龍井河蝦仁及八味香豆腐。這個江南八小碟，原來是因應天氣季節而不同，所以若再來的話，又會是另外的八小碟，這點有點令人嚮往，很想知道下次的是如何八小碟。當大家還討論那碟好吃，那碟是什麼的時候，日本直送原條時令魚生刺身為大送上，深海池魚，帶子、凡立貝、赤蝦以及三文魚籽。深海池魚，帶子，口感特別鮮甜，鮮味十足，大家也讚不絶口。吃過日本原條刺身後，江南八小碟也被吃光，重慶麻辣雞煲隨即送上。我們當中有朋友不太甚吃辣，也怕太辣而吃不下，先要小辣。雖是小辣，麻辣帶來的陣陣辣香絶無影響，雞肉嫩滑，麻辣醬汁令雞味更為香，更為惹味。重慶麻辣雞煲雖可無限添加，大家更期待御膳火鍋。從餐牌上得知，養身湯底有四種，習慣了雞煲的辣味，大家更添辣味，所以要了大紅袍麻辣湯鍋，並選了中辣。大紅袍麻辣湯鍋以一個左右兩邊以龍頭作手柄裝飾的湯鍋送上，氣勢非凡，龍頭做工極為精細，更顯龍形的霸氣。店家貼心的為每人送上一碗魚骨清雞湯，作用是清清口中的雞煲的肥膩感，以及清去雞煲的濃厚味道，吃火鍋時就更添味道。海鮮大拼盤，當中有著多種海鮮，大蜆、青口、花枝片及生蠔等，當中生蠔最為吸引，珍珠白的，大大的，非常誘人。美國雪花牛小排及金牌手工丸同時送上，兩者也非常特別，以一個牛形的器皿送上牛小排，以一個花形的碟排放著。火鍋配料也是無限添加，當中有著多種，最特別是響鈴，是即叫即做，自家制作的。火鍋當中有日本鯛魚片、韓國生蠔、日本稻庭烏冬、有機魔芋絲及日本黑薯糕，這些都非常特別，非一般常見的火鍋配料。最後是宮廷美點，抹茶布甸配紅豆沙，抹茶味剛好，配紅豆沙吃，兩者甜味配合。水信玄餅，清淡帶花香，水晶晶，美得太想去破壞它。甜品後，最後送上的是清香的高山龍井，完美中更覺完美。…查看更多

日忙夜忙，難得今晚可以與舊好友一聚，又是食火鍋的好日子。 剛好聽說觀塘有間新火鍋店叫"淥鼎記"，二話不說就上去會一會它。 "淥鼎記"的餐單比較簡單，只有無限時任食火鍋或6-10人的氣鍋宴，我們當然要嘗一嘗它的御膳火鍋十二宮。 頭盤是江南八小碟及日本直送原條時令魚刺身 江南八小碟就是八碟不同的開胃菜，有酸紅蘿白、 四喜烤麩、醬蘿白、麻辣蓮藕、炒蝦仁、椒鹽豆腐等，碟碟都不同味道。 今天的時令刺身是池魚，部長向我們介紹刺身都是由日本直送到港，食落口覺得池魚十分之新鮮，肉質爽滑彈牙。 然後到主菜(上半場)︰重慶麻辣鮮雞煲 鮮雞煲果然是鮮雞煲，雞肉非常嫩滑，加上麻辣刺激口腔，我們都一件接一件地食過不停。 雖然雞煲的分量不少，但因為麻辣和雞是絕配的，我們差不多把它全吃光。 飲品 所有飲品都是自助式的，除汽水以外，亦有用料十足的健康飲品，如竹蔗茅根、羅漢果等。 一邊食麻辣雞煲，另一邊又點可以少了竹蔗茅根，飲了一口凍凍的竹蔗茅根，立即熱氣全消。竹蔗茅根除飲之外，其中的馬蹄、甘筍甚至可以食。 主菜(下半場)︰四選一的御膳養身湯店(選了花膠鮮雞美人鍋) 花膠鮮雞美人鍋的湯是黃黃的，部長在我們面前放進兩大片花膠，按他的說明，湯都是師傅每一天早上就開始煮到現在的。 然後部長就著我們馬上飲頭啖湯，未入口已經聞到湯中濃濃的雞同花膠的香味，入口後材料的味道更濃郁，咸甜析中，我們每亦飲了足足兩大碗才開始煮其他火鍋配料。 海鮮大拼盤十分之新鮮，我們發現其中的瀨水蝦依然在動，其他的主要都是甲殼類同韓國生蠔，我們更發現生蠔是在任點任食的名單之中。淥完的海鮮都是嫩嫩滑滑的，有十足的鮮甜。 金牌手打丸分別有蝦丸、墨魚丸、鯪魚丸和牛丸，手打和機造的分別就是不同，手打的每一粒的口感都是實在而且彈牙，每一粒丸都充滿了本身材料的味道，十分之明顯突出。 美國雪花牛小排是位於胸腔左右兩側，富大理石紋脂肪，比普通的肥牛更有牛味同咬口。 一品御飯就是黃金色的雞油飯，比平時常食的海南雞的雞油飯更有雞味，可惜已經十分之飽，若不是我肯定可以食兩大碗。 飯後濃茶連同紫紗茶具，好在朋友懂得如何沖泡，又好玩又消滯；部長介紹茶是由台灣來的名茶，茶香、味道勻衡。 宮廷美點很別致，最特別是有水信玄餅，透明而且圓圓的像史莢姆一樣，中間更有一朵花。在網上一查，找到了它的食法︰第一口：原味吃會吃到淡淡花香味道第二口：沾黑糖醬吃第三口：黑糖醬跟黃豆粉一起吃三口不同的食法確實會試到不同的感覺，個人就最喜愛黑糖醬跟黃豆粉一起吃，甜甜的又有黃豆粉同花香。同場加影︰香蕉拔絲是其他客人(需要)早一天下單的，聽部長說這拔絲是要兩位廚師用四十分鐘造的，可惜我們今次無緣一試，只好留待下一次。 …查看更多

今日朋友聚會！就去食呢間試業中嘅雞煲火鍋放題睇睇menu 先我一坐底就諗住叫個雞煲，點知被店員stop 咗原來係要跟住個flow 食架由江南八小碟開始順時針咁食到宮廷美點！感覺都幾pro 平時食雞煲放題 都唔會care 點食法就食哂d雞就開始邊爐，今次有新嘗試！江南八小碟，賣相幾靚！感覺幾有氣勢，而且擺到好似自己真係食緊宮廷料理咁！由蝦仁順時針咁講啦1.蝦仁，食落味道同平時食蝦餃餡嘅味差唔多，呢個感覺多咗d芡汁！而有d炸過嘅葉，食落有少少紫菜味脆脆地，但又唔係紫菜。應該係用黎裝飾嘅2.木耳豆腐乾食落係滷水嘅味！個人都幾鐘意食木耳爽口！加分而且豆腐乾夠哂入味架3.黑蘿蔔切成菱形，食落個汁都係偏甜嘅滷水味！雖然賣相係黑色幾舊野，但個人幾欣賞嘅係佢入味，入口即溶！完全冇「楂」！抵讚4.（中間）紅蘿蔔🥕本身都唔係幾敢試因為驚有陣草青味！呢個又冇喎佢係用醋醃過，所以幾酸架！都可以當係開下胃咁啦！呢個要讚下排得幾靚！成朵花咁！5.雞腳食落又係滷水汁嘅味！個人對於雞腳冇咩特別喜好！呢碟還好啦！6.紅燒肉食落再一次係滷水汁味食落有1-2舊偏瘦，而且瘦嘅位肉質係偏硬！其他都算肥瘦均勻！要煮好紅燒肉真係好難，所以呢個味道都算係咁，但肉質可以再好好控制一下會更好7.炸脆豆腐食落都幾脆，唔厚粉！外皮夠味，入面豆腐都幾滑！內脆外軟突然發現原來得7小碟，小食！我自己估啦 應該係得7道小食！但中國人對七呢個數字都唔係太鐘意所以就改做江南8小碟！個人覺得冇咩野嘅！但最好就係加多碟符合翻個名啦！要讚嘅係份量算係幾多，因為無論2個人食定幾多個人都有咁多碟！咁岩今次我地2個人食，所以都幾多！另外個人覺得味道不錯，但有幾碟都係一樣嘅滷水味，覺得可以調教下唔同嘅味令佢唔會咁單一！到刺身啦！個人係幾欣賞佢排食物嘅賣相同佢d放野食嘅容器！好有中國風！刺身一共有3種 1.池魚當日時令魚係池魚，佢有2種食法第一種係平時咁樣魚生片點豉油加wasabi另一種就係放係紫菜上面夾住黎食！有一點扣咗少少分嘅係魚生片其中一片有魚鱗！而個人喜好呢！都係鐘意魚生片食法今次池魚個人覺得肉質係爽嘅，都算唔錯2.帶子都算幾鮮味架！個人覺得細粒咗d！不過有d三文魚籽搭翻夠！3.大蝦個人唔太識分係咩蝦，總之就係好大隻！差唔多有筷子咁長！而且蝦頭都有膏！算幾新鮮架到雞煲了！份量方面今次還好 因為任食 唔夠可以再叫！咁樣可以防止浪費食物！另外味道方面有得揀bb 辣，小辣,中辣同大辣！我地揀咗bb 辣!覺得都幾惹味，而且幾好嘅係 上枱後炒2炒就可以轉細火開始食！肉質幾好唔會老！邊爐部分，開始！我地叫咗花膠鮮雞美人鍋個鍋又係靚靚地咁☺️一黎到店員會先放花膠落去！然後會叫我地飲頭啖湯！一開始都有d驚見到勁多雞油，驚會太油膩！但飲落又唔會喎⋯⋯都幾鮮甜，之後店員會幫我地撇油（泡泡）海鮮拼盤！都幾正種類都幾多架而且幾新鮮，因為仲郁架佢地嚇親！d蝦幾好唔會「梅」肉！其他海鮮都唔錯！呢個小牛排！肥瘦均勻！睇圖都知好啦⋯⋯食落都幾有牛味！而且都入到d雞湯嘅味！我覺得有驚喜喎！而且唔洗特別點醬油都夠味手工丸一共有4款個人覺得都幾彈牙！蝦丸：推推推，有蝦味而且都算入味墨魚丸：都算入味豬肉丸 ：冇咩肉味，唔係幾似豬肉丸 鯪魚肉丸：個人本身唔太鐘意，總係覺得腥腥地！而且好大陣芫荽味其實仲可以任叫其他火鍋料架，果d唔多講！就係平時食開果d大路野都有之後仲有個雞油飯，食落唔會好油膩！而且味道都不錯👍🏻唔會係得個色！都算有d味加埋蟹子！口感升華咗少少！如果太飽可以唔要或者叫少飯架呢個幾特別嘅係有得比一包茶葉你泡茶！可以解膩！呢隻茶特別澀！而黑色個茶壺下面係用平時古野家打邊爐嘅火燒住.....個人覺得有d慢先滾d水最後係甜品！都幾特別嘅配搭又日式又西式甜品西瓜都幾甜！芝士蛋糕都做得唔錯個餅地算係實實地！而且味道唔會太甜！水信玄餅，覺得打卡一洗好bling bling!閃閃下好靚，但呢個水信玄餅冇咩味，應該本身係咁的！ 要靠外面d黑糖同黃豆粉先有味！所以要有少少技巧咁食！就係中間開少少位流d糖入去最後埋單每人285左右！覺得都唔錯！覺得呢個食物中規中矩！但服務真係一流！係一個唔錯嘅體驗！食高級版嘅雞煲放題！…查看更多

一大班朋友話要reunion, 有d 鍾意火鍋, 有d 鍾意食雞煲, 有d 又話要食刺身, 都幾傷腦筋好彩見到亞太中心8樓呢間淥鼎記, 就同朋友提議去食下有刺身有雞煲有火鍋有海鮮, 仲要座位寬敞, 坐得舒服自然多d 計可以傾傾到口乾任你飲, 其中最有新意既係佢有多款健康飲品, 拎左竹蔗矛根同夏枯草, 清清熱氣都好😂江南八小碟八小碟各有特式, 醃蘿蔔餐前食令你醒神開胃, 爽脆雲耳令你精神爽利, 扣肉幾件, 仲有d 剝好殼既蝦仁, 用黎送酒就一流👍日本直送時令魚刺身本身以為佢係以火鍋為主既餐廳, 刺身唔會有太大期望, 但竟然有時令既深海池魚😍原條切薄片比你, 而且擺碟都擺得好靚👍重慶麻辣鮮雞煲呢度既雞煲係任食架, 食完一兜唔夠可以再叫👍而且唔算太鹹, 雞都ok 嫩滑又入味😍花膠鮮雞美人鍋呢個鍋肯定係女性恩物, 大大舊花膠放入湯底度, 而且仲有成隻雞添, 煲滾後飲一碗頭啖湯, 又養顏又健康海鮮大拼盤有蠔有青口有蝦有蜆都幾豐富架, 如果有埋魚就更加好😂最好係白鱔或者脆肉鯇🤤美國雪花牛小排明睇人一睇d 脂肪分布就知佢非池中之物, 喺湯底燙幾下就食得, 非常鮮嫩肉香😍金牌手打丸每款2粒, 好事成雙嘛😂擺碟擺得好精美, 食落彈牙味濃食完仲會有個茶煲仔比你沖茶, 送甜品一流😋…查看更多