風雲排檔

营业中

休息中

今次再訪「麻辣風雲」食川菜，點知原來餐廳已經搖身一變變咗港式大排檔「風雲排檔」！除咗有原本嘅惹味川菜之外，仲多咗好多款港式鑊氣小炒啊！環境依舊闊落舒適，真係好適合同朋友們聚餐～✨黃金酥炸脆蠔餅蠔餅個size超巨大！餅嘅部份口感酥脆，內裡嘅蠔肉新鮮又多汁！係進店必食嘅菜式之一👍🏻～✨椒鹽九肚魚九肚魚外皮酥脆，內裡肉質嫩滑細膩，惹味嘅椒鹽仲為九肚魚增添咗微辣咸香嘅味道，令人回味無窮～✨蔥爆牛肉牛肉柔軟多汁，仲帶有淡淡嘅蔥香味，鑊氣十足～✨雜果賓治雜果賓治充滿果香，底層仲有口感豐富嘅粒粒椰果，係相當經典嘅港式特飲～

𓌉◯𓇋【風 雲 排 檔 】原來以前一路食開嘅麻辣風雲轉型做大排檔多左吾少新菜式可以食 最新優惠係12月1日星期日至四晚市消費滿$300送香辣雞煲 1 份🔥🔥快啲約埋朋友一齊去食啦❤️❤️‼️注意: 優惠不適用於12月24-26、31日12月營業時間：11:30am -11:00pm▹◃┄▸◂┄▹◃┄▸◂┄▹◃┄▸◂┄▹◃┄▸◂┄▹◃❀ 招牌酸菜魚($148)叫左二人份🤤但份量都勁多🐟魚片全部去晒骨 岩晒懶人🙊🙊湯底連辣到麻度都有得揀！好彈性仲有唔少萵筍，蓮藕金菇做配菜👍🏻👍🏻❀ 香辣鴛鴦雞煲($188)🐥雞煲加入咗田雞 令雞煲變得有特色叫咗小辣唔係好夠喉 下次應該會再叫辣啲！欣賞佢下面有個小火爐 令溫度得以保持👍🏻👍🏻❀椒鹽九肚魚 ($98)食大排檔必叫既九肚魚🙈新鮮熱辣炸起yum yum🥰仲有勁多炸蒜！重口味人士會勁中意的🤤❀蒜蓉炒萵荀 （$88）簡簡單單先係最美味既~萵荀炒得爽脆 調味剛好~❀ 大大杯水蜜桃雜果茶 （$38）大杯勁抵飲 食辣野🔥必須要有飲品🤩⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰全部10分為滿分✨ღ味道：8ღ環境：8.5ღ性價比：8.5ღ回頭再食機會: 8.

返工唔方便吐苦水，等放工約出嚟飲酒水囉旺角間麻辣風雲轉型變咗風雲排檔，䟴䟴腳食小炒最適合不過呢度依然仲有酸菜魚，兩人份量仲係好大兜，魚肉好嫩口冇骨，好過公司啲小人講嘢有骨，湯底夠香濃，辣辣地夠晒泄憤食埋吸汁嘅豆卜同寬粉，嚐盡人間辛辣九肚魚好似之前係冇嘅，用咗好避風塘嘅手法烹調，上面嘅辣椒同炸蒜變咗九肚魚嘅避風塘咁，cover晒撩吓撩吓夾出嚟，質感滑得好似茄子，細骨都好易入口所謂蘇炸，唔係寫錯字，真係用咁紫蘇葉，連埋蠔一齊炸，炸得非常脆口，火候夠晒十足，蠔肉都變得爽脆呢度嘅啤酒大大支價錢都合理，飲ASAHI都飲咗半餐飯唔夠再嗌嘉士伯，仲有冰凍酒杯提供，夠晒細心

🌶️麻辣風雲大家應該都吾陌生，主打係🐟酸菜魚。依家轉咗做風雲排檔，主打港式風味嘅大排檔小菜，當然都仲有一啲🌶️川菜，例如：🐟酸菜魚、水煮魚、水煮牛肉🐂等等嘅菜式可供選擇。招牌水煮牛肉（2人份）$158- 小辣🌶️- 中麻🌶️每次嚟都叫酸菜魚，今次叫下水煮牛肉🐂試吓，結果味道都係好出色，水煮牛肉煮到好入味，入面仲有大量嘅配菜，包括豆卜、木耳、菇🍄、薯粉🍝等等。除咗豆卜冇咁入味之外，其他都好入味，而且唔會食到成口好油💯，最欣賞嘅係叫小辣同中麻係真係做到我想要嘅味道。而啲麻椒真係好香👅。鍾意食辣🌶️嘢嘅必點啊！🫚薑蔥魚腩煲$108呢個真係人氣必點，入面有勁多舊🐟魚腩，每一嚿都煮到好入味，再加上用咗乾薑🫚同大量蔥煮成嘅醬汁，食落真係好開胃🤤，魚腩方面都好新鮮唔多骨🤩。🧂椒鹽九肚魚$98九肚魚都算新鮮，炸到外脆內軟🤩，略嫌椒鹽味有啲鹹，份量唔算多。

🌶️麻辣風雲🍃最近改名叫麻辣排檔，專攻港式小炒🔥🇭🇰，而且係帶有川茶風味嘅小炒🧑‍🍳，比起傳統大排檔口味更多添一點辣！😎雖然改做麻辣排檔，馳名嘅菜式倒如諸葛亮炸饅頭⛴️，同埋荔枝樹❤️都依然有保留！⛴️🥯炸饅頭 $58難得嚟到當然要一份諸葛亮炸饅頭打一打卡！船底部放有乾冰，所以上菜時真係幾有氣勢，炸饅頭熱辣，外皮脆質感鬆軟，一家大細一人一件都未必夠喉🤣🔥🦆招牌脆皮BB鴿 $58Size 都算大隻多肉，勝在熱辣辣又多肉汁真係幾惹味！🔥🐚鑊氣豉椒炒蜆 $108惹味豉椒炒蜆，食港式小炒又點會叫佢呢！🔥🎣椒鹽九肚魚 $98避風塘風味嘅椒鹽九肚魚，比平時大排檔食到有啲分別。因為配有大量避風塘嘅炸蒜，而且帶有微微麻辣口味，而且九肚魚咬落會有脆口嘅感覺。🥬🧄蒜蓉炒萵筍 $88估唔到炒萵筍都可以咁香，大大粒蒜蓉炒起嚟真係好好味！蔬菜類之中真係可以試試佢！新餐牌：

原來餐廳轉左名叫”風雲☁️排檔“，本來既招牌菜式仍然係到，但我哋想試下大排檔風味既小菜。🌈瑤柱蛋白菜粒炒飯炒飯夠干身，配料豐富，如果吾係想比檸茶食，我應該會叫另一款“風雲特色香辣炒飯”。🌈椒鹽九肚魚魚肉表皮酥脆肉質嫩滑，上面鋪滿勁多蒜粒。🌈霸王辣子雞（大辣）平時辣子雞好少入味到咁，真係超級後悔叫左大辣，今次係人生第二次辣到上頭，真係辣到顛左🌶️🌶️🌶️，下次中辣好啦。🌈招牌脆皮bb鴿乳鴿一啲都吾細隻，新鮮炸起，皮脆肉嫩👍。📌風雲排檔📍旺角彌敦道628號瓊華中心10樓

星期五約咗兩個朋友食晚飯，幾個人又好耐冇食中菜，見到呢間前身係食麻辣嘢嘅轉型做咗大排檔小炒，一於嚟試吓。花多眼亂都好多餸菜選擇，其中避風塘小炒好多配搭，因為椒鹽九肚魚都幾難煮，見到佢有所以叫嚟試，調味啱啱好，九肚魚又唔炸到爛晒，好味呀。見到餐牌第一行係乳鴿，即刻叫嚟試。叫完海鮮叫咗個肉，梗係要叫個菜啦，佢有金銀蛋莧菜，鹹蛋黃都好足夠，正呀。即係港式小炒，京都豬扒，酸酸甜甜，豬扒份量好多。呢個薑蔥魚腩煲，足料，又夠薑，又夠蔥去爆，惹味。叫咗啤酒同埋菠蘿冰，菠蘿冰上枱勁大杯，飲品都多選擇。