神燈海鮮酒家 (18廣場)

朋友好鍾意食义燒及乳豬，佢上次响神燈食完之後就推介叫我哋一定要去試下，包保我哋食完都俾心心💕，講到咁正，當然要去試下喇😝。🥢即燒乳豬(1/4)$258乳豬皮質光滑，皮薄酥脆，肉質軟嫩，唔會太肥膩亦唔會太瘦，口感正，肉味甜香👍。🥢伊比利亞叉燒皇$258厚切叉燒，烤得好靚仔，色水潤澤又有濃邊，肥瘦適中，脂肪入口即溶，肉質鬆軟中亦不失口感，蜜味濃郁亦帶點焦香🤩。🥢星洲麥皮蝦$268用上連殼原隻大蝦，肉汁完全被鎖住，鮮甜多汁又爽彈，與麥皮甜香脆卜卜嘅口感合併，鹹鮮味美嘅配搭😋。🥢濃湯一級浸翡翠$168菜心削去外皮，爽脆鮮嫩，一級竹笙果然好厚身，口感爽滑，兩者完全吸收哂濃濃嘅湯汁，滋味😙。🍚白飯有咁靚嘅义燒當然要叫碗白飯喇，飯質都唔錯喎。🍮牛奶布甸$25口感滑溜綿密，奶味香濃。…查看更多

先講下環境，旺中帶靜，交通方便，不過生意太好所以啲枱排到密質質，好在部份有張乾淨透明膠隔住、感覺好啲😉 不過客人太多冷氣差少少，兼夾對住後門，唔知點解成日有人行出行入⋯⋯真係好熱🫠🦀 糯米炒膏蟹 $598最期待嘅一道菜、賣成六百蚊一隻蟹、真心貴、不過哩隻蟹堅爆膏、好食嘅😋不過本人覺得咁樣煑嘥咗⋯蟹嘅鮮味膏嘅甘香味似乎被其他調味料蓋過🦀🦀🦀🦐 星洲麥皮蝦 $278急凍中蝦鮮味欠奉、同新馬嘅口味頗有出入、原本做法係油泡蝦撈錬奶加麥皮同炒、味道偏甜，不過哩到嘅做法有啲似避風塘，但又唔夠惹味，麻麻哋啫⋯⋯🪿黑松露玻璃燒鵝 $238雖然話係黑松露啫，但係點解會咁黑嘅呢？真係黑人問號？哩個餸要提前訂、外皮有少少黑松露味、點埋個醬、－定有黑松露味啦！不過又唔會over，唔錯嘅但又未至於好正，同出面坊間燒鵝差唔多，勝在走晒肥膏👍🏻👍🏻 賣二百幾例排，得咁少，真係有啲貴💲💲💲🥬啫啫芥蘭煲 $128唔知係個煲太大亦話份量少🤔 味道方面都係一般般，唔夠惹味⋯小食「琥珀合桃」$25誠意小食、收$25都合理😋茶$15/位回頭率：49%…查看更多

有我鐘意既懷舊小菜，地方比較迫，但平日都可以keep 住full house, 因為確實太好味🤤🤤1. 星洲麥皮蝦 💰268蝦夠大隻，肉質爽彈，面頭既脆脆都好好食，媽咪平時怕熱氣，佢都話食咗幾羹😂2.招牌焗魚腸 💰118懷舊菜式，而家巳經唔係好多地方有得食，係我最鐘意既，差唔多每枱都叫。不過我就覺得蛋熟得滯變咗老蛋，同d 魚腸唔夠香3. 神燈小炒皇 💰168有卜卜脆既油炸鬼，配豬板筋，四季豆，馬蹄，蝦乾，腰果😋😋甜中帶微辣好惹味，口感脆中帶爽，又有蝦乾既香。極力推介👍🏻👍🏻4. 有米佬豬手 💰298神燈推介，肉質軟淋淋配埋豬皮既collagen ,好味，d 炒米脆口內裡mix 埋豆豉同辣椒，所以食到有辣辣地，建議多人先好叫，因為有d 滯👍🏻5.黑松露玻璃燒鵝 1/2💰468呢個一定要必叫❤️‍🔥❤️‍🔥訂枱時已訂咗半隻，黑松露香口，肉質鮮嫩，配埋黑松露酸梅醬，再昇華咗🤤🤤🤤真係超好食，必叫推介👍🏻❤️‍🔥👍🏻❤️‍🔥6.即燒乳豬 1/4 💰258即燒夠皮脆肉嫩，好好味樣樣都咁好食，好飽😂仲有好多好多個菜想叫，但5個人已食唔晒，唯有留返下次再黎啦…查看更多

一行15人嘅家庭聚會就揀咗佐敦嘅神燈海鮮酒家！一早打電話book枱，員工話要留定啲特別菜式:)我哋分別點左糯米炒糕蟹($568)呢個糯米飯真係一定要叫！勁多蟹膏，啖啖肉😋😋😋！份量絕對唔少。星洲麥皮蝦($278)食落去殻肉分離，絕對新鮮！炸咗嘅麥皮超好食黑松露玻璃燒鵝 ($888)第一次見嘅黑色燒鵝😗必叫嘅黑松露燒鵝！真係超級好味🤤皮脆肉嫩，呢度菜絕對要留，如果唔係好快賣晒😘有米佬豬手 ($298)非常香口，豬手脆卜卜蟹肉菠菜豆腐盒 不過不失生炸黃油雞 ($338)又係皮脆肉嫩好味道👅總括而言，絕對可以encore嘅一間餐廳。雖然坐得迫啲😂…查看更多

今晚一行五人黎到神燈海鮮酒家食飯😊大家都未食過呢間，第一次嘗試。訂位時佢話除左長腳蟹都可以即場叫，但黎到7點半叫左起碼4-5樣都賣晒😂😂會唔會太快😅😅例如糯米炒糕蟹，燒鵝，叉燒等等……..我諗大家都係係book 位時預訂菜式比較穩陣😅😅🔸即燒乳豬 （1/4隻）$258▪️皮脆，但皮同肉完全分離😂 肉非常瘦，所以唔係太好味😅😅😅🔸金磚豆腐 $68▪️豆腐酥脆又香，裏面口感嫩滑，非常好味！🔸蜜汁燒脆鱔 $268▪️脆鱔口感好淋，做唔到香脆效果，又唔香，份量又細，唔好食👎🏻👎🏻👎🏻🔸星洲麥皮蝦 $248▪️炸左既麥皮非常好食，香口又帶有微微既甜味，蝦🦐炸得好脆👍🏻唯一美中不足係食得出蝦唔係好新鮮，有少少梅😅😅🔸神燈小炒皇 $158▪️呢個好味！入面有豬板筋，油條，四季豆，馬蹄，腰果，蝦乾。卡幫妮勁鐘意食佢既油條😂😂好味道👍🏻👍🏻🔸蟶子 （5隻）$300▪️$60一隻大大隻，好鮮美👍🏻🔸麵醬干福魚雲煲 $228▪️一上枱超香！魚雲好滑加埋麵醬味道，非常入味👍🏻👍🏻👍🏻🔸薑汁芥蘭 $98 ▪️正正常常 🔸台風炒新竹米粉 $118▪️都係正正常常😂埋單5位$2028。好既係唔收開瓶費同切餅費☺️可以盡情帶酒黎飲🙌🏻🙌🏻…查看更多

有朋友對中菜好有研究，之前見佢分享過呢間就同屋企人試下，見餐廳名有「神燈」二字，估唔到裝修行典雅園林風，樓梯有條曲橋裝飾。員工好醒目，每隔一段時間就換碟，見我地食唔晒又主動畀外賣盒。雖然價錢少貴，但所有菜式都頗有水準～ (w/ 10% service charge)🍽糯米炒膏蟹 Steamed Glutinous Rice with Mud Crab($568)呢度嘅招牌菜，睇蟹蓋就知啲蟹膏多得幾誇張，炒埋落啲糯米飯度幾香口，糯米飯煙韌乾身，瓦煲夠熱個底仲有飯焦，配鮮甜結實嘅蟹肉食好滿足。🍽星洲麥皮蝦 Grilled Prawns with Oatmeal($248)喺新加坡食過一試難忘，見餐牌有當然唔可以錯過，麥片炸至脆身，微辣鹹香得黎帶啲奶香，份量多到堆成一座小山，六隻大蝦非常厚肉，可惜唔算好彈牙。🍽砵酒桶蠔煲 Hot Pot Shucked Oysters in Port Wine ($198)一開蓋已經好香酒味，四隻蠔都同手心差唔多大，肥美肉嫩，個邊被瓦煲焗到脆脆地，用砵酒煮過完全唔覺得有腥味，底下嘅紅洋蔥索晒啲汁都好正。🍽即燒乳豬(1/4隻) Roast Suckling Pig (One-Fourth) ($258)店員推薦佢哋嘅燒味就叫左黎試，乳豬皮又薄又脆，豬肉偏瘦無平時節日飯局嗰啲成層膏咁油膩，但而且帶炭香，估唔到唔係海鮮都OK，係份量少左啲，見隔離枱叫叉燒賣相都唔錯。🍽乾煸四季豆 Dry-Fried String Beans ($108)成餐大魚大肉叫返個菜平衡下，四季豆夠軟身，炒得幾入味，再辣啲就好。食完仲有桂花糕同桃膠糖水送，好滋補~餐牌：…查看更多

同屋企人出去食飯，諗住搵間酒樓食海鮮，朋友就介紹我去神燈海鮮酒家。去到餐廳時，爸爸話呢間酒樓好出名，喺佢後生嘅時候就已經有，嗰陣時係開喺旺角嘅。聽到佢咁講，即係我🈚️帶錯佢哋嚟呢度啦😆糯米炒膏蟹一打開蓋就聽到滋滋聲，真係新鮮滾熱辣🤩膏蟹好大隻又勁多膏，d肉好鮮甜。糯米飯味道啱啱好，而且仲有飯焦添～😋星洲麥皮蝦嘅大頭蝦隻隻都有返咁上下份量‼️蝦頭有膏肉質彈口，再加埋鹹中帶甜嘅香脆麥皮，非常惹味🤤就咁空口食都正😆叫咗1/4隻即燒乳豬過下口癮😆乳豬皮唔會好厚，燒🉐️脆卜卜，而乳豬肉唔會過鹹，味道啱啱👌🏼懷舊菜式又點可以少得成個缽放落去炸嘅招牌焗魚腸😍蛋嘅表面同油炸鬼炸🉐️香脆，而入面嘅蛋仲keep到滑溜多汁👍🏼魚腸夠肥美，仲有叉燒令口感更豐富。我哋另外重點左一個幾特別嘅小食脆皮嫩鴨紅🦆以脆皮炸豆腐嘅方法炸小粒鴨血，外脆內軟。…查看更多

食得西餐同日本嘢多，有時都會想食下中餐🍜早幾日就同左爸媽仔仔一齊去咗神燈海鮮酒家食晚飯🥢見到好多人都點海鮮，所以我哋都點左糯米炒膏蟹同星洲麥皮蝦。大大隻嘅膏蟹真係有好多膏又啖啖肉😍肉質鮮味又夠厚實，好新鮮。糯米飯口感夠煙韌又夠入味，連仔仔都話yummy😋大頭蝦都好大隻，肉質彈牙，剝咗殼之後再沾上惹味香脆嘅麥皮，真係好香口👍🏼就咁攞嚟送飯都好正😆即燒脆皮乳豬嘅乳豬皮真係特別香脆，咬落脆卜卜，一上枱已經聞到好香嘅燒烤味👃🏻豬仔腳呢個菜式真係唔係度度有得食🤩所以我同媽咪一見到就即刻要點。果然冇令我哋失望，滷水唔會死鹹啱啱好，豬仔腳肉質夠林而外皮又夠軟，真係食唔停口🤤媽咪特登點紅燒妙齡乳鴿比仔仔食。外皮炸得香脆，肉質嫩滑多汁。雲耳百合炒鮮淮山清清地，所有食材口感爽脆。…查看更多

🌗1422 即燒伊比利亞叉燒皇 $228上枱仲係溫熱，叉燒肉質柔軟又唔肥，同「乾」、「柴」絕對扯唔上一絲關係，但份量較少，一碟只有八件，價錢真係有啲貴。🌗1301 星洲麥皮蝦 $248蝦夠晒大隻，但似乎唔算非常新鮮，蝦肉無黐殻，唔算梅但唔彈牙🤔。🌖1506 神燈小炒皇 $158呢道小炒有驚喜！食開嘅小炒皇都係鹹味居多，呢個竟然係甜嘅！材料有豬板筋、油條、四季豆、馬蹄、腰果、蝦乾，我都估唔到平時唔鍾意食小炒皇嘅我竟然會食唔停口。🌗1528 麵醬干煏魚雲煲 $228一碟有八件魚雲，每件都有麵豉，加埋個熱煲，夠味又夠曬鑊氣。🌗4003 砂窩蟹粥 $168一鍋蟹粥大概分到六至七碗，見到有一隻蟹係入面，但係蟹味仍略嫌不足。🌗雪耳桃膠糖水免費餐後糖水，都有幾多料唔係淨得水。見隔離枱食帝皇蟹，大大個蟹蓋盛滿蟹膏拎左去整甲羅燒，蟹腳就拎去花雕蒸，好鬼死吸引添🤤🤤🤤…查看更多

👍🏻星洲麥皮蝦 $248好香椒鹽味，鹹鹹辣辣超惹味👹！有啲似避風塘炒蝦，但上面灑上大量既係麥皮而唔係炸蒜蝦好大隻厚肉，不過肉質唔算好彈牙蝦殼炸到脆卜卜可以食埋，好香口🤪👍🏻味道：8/10性價比：6/10-👍🏻糯米炒膏蟹 $548膏蟹好大隻！肉多蟹膏多😛斬件炒，蟹膏炒埋落啲糯米飯度，不過蟹膏味略嫌唔算突出蟹肉就炒到熟哂比較結實，唔係好juicy個隻瓦煲夠哂熱，糯米飯煙煙韌韌，好有焦香，調味亦啱啱好😋味道：8/10性價比：6/10-👍🏻即燒乳豬1/4隻 $258乳豬皮超薄脆！凍左都無變硬變韌😝肉好香炭燒味，肥瘦適中，肉質有彈性肉味濃郁又充滿油香，高質🤤！味道：9/10性價比：6/10-晚市仲送糕點同糖水當晚有即叫即蒸既紅棗糕、薑汁糕、黑糖蜂巢糕同杏汁紅棗雪耳羹，勁滿足😋-📍#神燈海鮮酒家佐敦長樂街14-20號18廣場地下及1樓#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #佐敦 #佐敦美食 #佐敦好去處…查看更多

油尖旺一帶有很多中式酒家，但大部份都是連鎖店，想找有特色的和父母慶祝生日也不容易，最後在網上找來這間比較近港鐵站，名字又有些特別的酒家位置（9/10）：位於長樂街中間，由港鐵佐敦站B1出口步行約2-3分鐘，旁邊是彌敦道，交通自己很方便環境（8/10）：酒家有兩層，座位多亦不算迫，中式裝修，以白色牆及木為主，環境光鮮整潔，空調亦夠舒適服務（9/10）：與一般酒家一樣會提供熱水及水碗供客人清洗碗筷。點湯的話店員會幫忙分湯，亦會主動幫忙加湯及換碟，服務算是不錯食物（9/10）：走高級酒家路線，當然以中菜為主，主打海鮮菜式及乳豬，較為有創意，較傳統酒家款式更特別而味道亦更好茶 ～ $15/位 前菜 ～ $25未下單前，晚市會先上茶及前菜，茶是傳統的選擇，而前菜則是炸銀魚仔，沒想到會這麼香脆，味道鮮而不油膩招牌名菜盛宴 ～ $1688/4位用由於我們四個人，於是便點了這份四人餐，包括以下食物：經典即燒脆乳豬（單點1/4隻 $258 / 半隻$498）因為家母喜歡食乳豬，跟餐1/4當然不夠，於是便加錢配共半隻乳豬。乳豬皮相當香脆鬆軟，咬下去有融化的口感，乳豬肉嫩而不膩，沾上乳豬醬甜美順口，整體味道令人難忘滋補燉靚湯跟餐的湯品，用上雞腳、豬排骨、海底椰及川貝等食材來燉，鮮甜味美，滋潤順口，份量足八碗，即每人有兩碗招牌糯米炒糕蟹（單點 $568）用上一整隻糕蟹來炒糯米飯，香氣滿溢，糕蟹除了蟹蓋上有大量鮮美的蟹膏外，蟹肉亦有不少而且鮮甜，炒出來的糯米飯夠鮮夠香，口感軟滑，味道不錯星洲麥皮蝦（單點 $248）用麥皮、香葉及三色椒去炒半煎炸至香脆的鮮蝦，賣相討好，香濃惹味，蝦肉結實鮮甜，麥皮蛋黃香味十足，令整道菜更為美味神燈小炒皇（單點 $158）據了解這道小炒，師傅是用上豬板筋、馬蹄、油炸鬼、蝦乾、腰果及四季豆，口感相當豐富，甜香而鮮味，油炸鬼炸得香脆，加上腰果，令菜式多了一份煎炸香氣，同時起提鮮作用生炸黃油雞（半隻）(單點 $168) 黃油雞炸得香但夠乾身，雞皮香而不膩，雞肉嫩滑有雞味，比不少酒家的炸子雞更為出色神燈美點是日的甜品是雪耳桃膠，清甜潤喉，不會太甜整體來說，這間酒家不論位置、環境及服務都很不錯，而味道更加予人驚喜，喜歡酒樓卻又願意嘗新的朋友不妨一試:)🌺神燈海鮮酒家🌺地址：佐敦長樂街14-20號18廣場地下及1樓…查看更多

屹立佐敦多年神燈出名食懷舊粵菜，適逢秋風起又到食蟹季節，屋企人到指定去佐敦神燈，估唔到疫情下平日7點幾座無虛席，想食最好電話訂枱  上一層樓梯，中式雅致裝修，枱與枱之間有透明膠板隔開，防疫措施做足，食得都放心  精美茶壺，竹卷menu好有特色，餐廳有卡位坐得舒服，餐廳運作模D類，員工已完成接種新冠疫苗，可以12人同枱，同屋企人食飯好方便  金錢雞金錢雞主要用梅頭肉、冰肉及雞膶用長鐵針串上燒香。冰肉係用肥膏加糖醃製1個月，經過糖化效果醃製到半透明的冰肉狀態。入口冰肉油香四溢，尾隨有雞膶after taste肝香留係口腔，可以點旁邊有柚子醬balance油膩感覺，傳統古法菜加上柚子醬幾特別配搭  百花炸釀松葉蟹鉗 
蟹鉗可以逐件order $58隻，大大隻真材實料，入口超級彈牙  1/4隻燒乳豬乳豬即叫即燒，唔會即時上碟，食好野預左要等，乳豬外皮鬆脆，唔係死實實硬脆，中間無脂肪層，而且肉好嫩滑  星洲麥皮蝦六隻大蝦沾滿蒜香麥皮，蝦肉新鮮彈牙，麥皮炸到酥脆食落好有避風塘感覺，非常惹味香口  糯米炒膏蟹生炒糯米飯係好考功夫，要糯米炒得乾爽，飯粒分明軟硬適中。神燈膏蟹用14兩斗門蟹，膏蟹中都幾大隻，非常多膏，每一啖糯米飯都有蟹膏鮮香 石澳梅菜蒸菜芯
梅菜清甜，唔會死咸，配上菜芯岩岩好  最後侍應送桃膠紅棗雪耳糖水，入口膠質，感覺很滋補養顏  Overall 服務好細心，金錢雞我同朋友share食，好細心切開兩件。侍應換碟頻密，加上無開瓶費，的確晚飯小菜好選擇…查看更多

星期日晚飯時間黎到佐敦呢一間酒家，假日時間都比較多人，好彩一早訂枱又早到，所以有卡位坐😊。點了普洱茶（$15/位），侍應遞上了香口餐前小食琥珀合桃（$25）🐖 ¼隻燒乳豬 $259燒乳豬外皮脆卜卜，已清理脂肪層，感覺相對健康，係肥瘦適中嘅啖啖肉😄。🍍鮮鳳梨咕嚕肉 $118帶酸味多個甜味嘅一道菜，咕嚕肉炸粉份量恰好，外脆內軟，連埋菠蘿一齊食酸酸甜甜非常開胃。🍤星洲麥皮蝦 $248共有六隻開邊大蝦，啱晒我呢啲懶剝蝦殼嘅人，整碟舖滿爽身嘅麥皮和少量蒜香，非常香口惹味。🐷有米佬豬手 （需時30分鐘）$298呢道係必點菜式，剩係賣相都有別於一般的豬手，滿滿嘅香脆米通加埋肉質嫩、滑爽口嘅豬手一齊食十分特別。米通比較輕身，比起傳統蒸炒嘅烹調方法冇咁飽滯。好開心臨走前有糖水送😋「桃膠紅棗雪耳糖水」，整碗糖水都充滿啫喱、膠質，感覺很滋補養顏😊，凍凍地啱晒而家夏天飲用，食完甜品之後成餐飯都感覺圓滿。…查看更多

同屋企人食海鮮既話, 中式係比較好! 今日試左佐敦一間海鮮酒家~ 🦁 服務｜好細心 會問上菜方式想一次過上定有咩上咩. 食到中間會換碟 真係好似去酒店飲咁~🦁 環境｜裝修雅致. 精美既茶壺🫖, 竹書menu, 拱橋既裝置都好有特色! 岩business meal, 朋友/屋企人聚會~-🦁 獅心推薦百花炸釀松葉蟹鉗 ($58@1)｜伊比利亞叉燒王 ($228)｜星洲麥皮蝦 ($248)平時去飲都係好鍾意食蟹鉗, 依個即炸熱辣辣 仲啖啖肉! 叉燒肥瘦均勻 夠鬆化!-🦁 其他菜式招牌焗魚腸 ($108)｜越式牛肋骨 ($168)魚腸唔係道道食到, 因為工序太繁複. 依個好出色! 魚腸既油香加滑蛋🤩-🦁 神燈海鮮酒家佐敦長樂街14-20號18廣場地下及1樓🦁獅子變貓咪指數: ❣️❣️❣️❣️/5…查看更多

朋友提議嚟個中式晚餐, 飲下酒食下酒小菜～ 店員推介有三款必點特色小菜, 講到咁好食, 我哋就照板煮碗叫咗嗰三樣signature嘢喇：🌟百花炸釀松葉蟹鉗 HK$58/隻即叫即炸, 熱辣辣, 喜歡佢嘅炸粉唔會過厚, 脆卜卜, 咬落去係彈牙嘅蝦滑及蟹鉗肉🦀 水準分分鐘好過喺酒店婚宴上食嗰啲🤪🌟伊比利亞叉燒王 HK$228不得了, 一夾起就見到叉燒呈半肥瘦紋理, 厚切之餘仲有「燶邊」, 超嫩滑又juicy～ 落單時有諗過, 點解咁貴嘅⁉️食完一嚿之後就明白曬喇🤣 值得嘅‼️旁邊放咗啲醃蘿蔔襯托, 好開胃～🌟星洲麥皮蝦 HK$248 椒鹽蝦就食得多啦, 麥皮蝦真係第一次食🍤估唔到都有成6隻大蝦, 上枱嗰陣已經香噴噴🤤 大蝦食落啖啖肉, 仲有滿滿蝦膏添‼️麥皮炸得香脆, 仲健康過平時嘅炸蒜, 好食😋食落覺得質素真係唔錯所以我哋再加碼叫嘢食🤣🥢椒鹽豬手 HK$58/隻 (2隻起)OMG, 估唔到都幾大件又厚肉, 切開後有肉汁流出, 一啖咬入去成口都充滿骨膠原‼️🥢豉椒炒牛雙寶 ~HK$138 牛肚+牛胸爽, 好惹味, 加埋大量青椒紅椒洋蔥, 送酒一流🍻🍮食到尾聲, 店員仲送咗桂花糕畀我哋添💝🍵茶位 HK$15/位我哋叫咗囉綠茶玄米茶～ 個茶壺超有質感, 好重手添🤣…查看更多