新匯聚餐廳小廚

諗起小炒, 必定會諗到 [新匯聚餐廳小廚], 因為佢地的小炒真係無得頂, 因為人流多, 海鮮亦會好新鮮。而且又唔駛加一好吸引。今晚同朋友聚舊揀左新匯聚餐廳小廚, 記得記得一定要訂位, 因為小店經常客滿, 我地準時入座, 因為太早所以暫時未有太多人, 仲可以坐到卡位。冬天就有出名羊腩煲及臘味糯米飯, 不過得2個人好難食到咁大份量, 所以都係叫小菜。我地今次叫左 :*招牌話梅骨 $115*芥末脆鯇魚片 $135*啫啫通菜 (改唐生菜) $88* 蘋果雪梨水 $20* 白飯 $18*椰汁馬荳糕 (免費)等食期間, 都係會見到熟口熟面的伙計, 好多食客都係熟客, 一入黎就已經傾晒計, 好溫馨, 而且職員會好熱心介紹熱門小炒, 新鮮到貨的海鮮。招牌話梅骨 $115用黎送飯真係一流, 每粒排骨炸得均勻, 話梅味濃, 又不會過酸，份量又大碟, 水準甚高芥末脆鯇魚片 $135脆鯇魚片食得多, 用芥末炒就第一次, 脆鯇魚片伴有好多蔥, 蔥炒得好香, 而且附有芥末味, 朋友本身唔食蔥, 都忍唔住大讚。脆鯇魚片當然炒得香, 而且夠新鮮，香味好濃。啫啫通菜 (改唐生菜) $88改唐生菜一樣咁惹味, 底部有肉碎, 記得要食埋, 用黎撈飯一流。蘋果雪梨水 $20原本諗住開壺茶, 職員大力推薦佢地自家煲的蘋果雪梨水, $20一杯, 大大杯而且好清潤, 飲得出係自家煲, 好味免費贈送 : 椰汁馬荳糕欣賞佢地堅持會有小甜品送比食客, 今次係椰汁馬荳糕, 椰汁味好香, 食埋甜品就完美啦到放工時間, 已經差不多坐滿了, 還有不少WALK IN客人, 職員都會問有沒有訂位 ? 所以要食就要預早訂位啦 !…查看更多

因為想要就番響觀塘夜食，同埋朋友仔繼續揀食中菜，不過呢間真係冇下次，今晚叫嘅呢4款冇樣好食#蠔餅 因為我要走蔥，但係又唔使要啲蠔多過脆漿嘅，好立一啲都唔鬆化#招牌話梅骨 呢個招牌只係好一般#辣子田雞 顛覆咗我食咁耐辣子田雞嘅印象，明明只係個辣田雞煲，仲好意思響 menu 度寫明話係乾身，同埋啲蔥多度呢#芥辣炒新鮮脆鯇片 又係啲蔥多到我以為係叫咗碟咩菜炒脆鯇片係咁催問我地叫嘢飲，好似一定要另外叫嘢飲咁，唯一好嘅係上菜好快，可惜唔好食，而且價錢一啲都唔平…查看更多

屋企人鍾情鑊氣小炒，剛巧電視節目介紹這間我曾經也光顧過數次，位於觀塘廠區內的食肆 ，印象也不錯，所以便提議帶他們來試試。餐廳環境和以前沒有大分別，老闆依舊會親自走到每一檯，和客人打交道，交流煮餸心得，遇上眼闊肚窄的客人， 偶爾會給予溫馨提示；夥記也很勤快，會主動提議今天有哪些撚手小菜，新鮮食材。【 滷水鵝片  $ 120 】喜歡這裏的鹵水鵝片，片片均等，厚薄適中，滷汁清香、入味，肉質軟嫩得來又有嚼勁，蘸少少醋，風味絕佳。底層還鋪了厚身綿滑滷豆腐，將豆腐完全揸乾水後再滷，故此非常入味。【 煎蠔仔餅 $88】非常大份，足料，滿滿一整碟，彷彿食極都仲有。 蠔仔粒粒飽滿、鮮味，金黃香脆，粉漿炸得很乾身，完全沒有油膩感，蘸漁露或胡椒粉最合適 【 乳鴿 $70 】老板話一日來貨約廿隻以內，即叫即炸，香味隨熱力四散，令人垂涎。較普通乳鴿大，多肉之餘，肉味亦濃，醃得入口，皮薄甘香、肉嫩多汁，質素不俗。【 招牌話梅骨 $115】話梅骨一口一顆，肉質纖細富彈性，醬汁稀稠適中，夾雜著話梅肉細碎，所以每一口都酸甜有致，老板話經過篩選，才決定用這批味道較為中容的話梅，不會太搶味，没有糖醋骨那種甜酸霸氣，亦更顯話梅生津止喝的特質。話明招牌菜，果真實至名歸。【 瑤柱蛋白炒飯 $100】熱辣辣，好好味，配料有瑤柱絲，蛋白、葱花、蝦仁等等，炒飯粒粒分明，不會過乾或太濕，口感非常好，有蛋香，老父也添了好幾碗，吃得津津有味。【 餐後甜品馬豆糕】雖然是免費，但味道也不錯，有椰汁味，糕糕馬豆，軟滑清甜飯店今天依然客似雲來，論食物質素、份量，絶對得到在座客人的認同，屋企人對今晚每一道菜也很滿意，若一大班朋友聚首，這裏確是一間經濟實惠的好選擇。…查看更多

今日係呢個星期內第二次黎呢度食野！今次和家人一起來吃，可以叫多點！看餐廳介紹，新匯聚以前是大排檔，所以這裡飯菜的份量全部都是大排檔的份量大大份！招牌話梅骨：話梅骨外層炸到酥脆，外層再裹上甜甜的話梅醬，送飯一流。雖然是炸排骨，但肉質不會過硬，仍能保持肉汁。滷水鵝肉：鵝肉和花生都滷得入味，值得一讚的是鵝肉下面的豆腐，吸收了所有滷水的精華，而且非常有豆味。金銀蛋浸娃娃菜：特登叫了這個菜，可以有青菜吃也有湯喝，湯頭很甜，再加上鹹蛋和皮蛋，是這餐相對清淡的一個菜式。福建炒飯：炒飯有加蛋炒底，吃到鑊氣的味道！而且芡汁夠杰，蝦仁和雞肉豆吸收了芡汁的味道，忍不住吃了幾碗😝！蜂蜜梳打水：侍應介紹這個鎮店特飲，裡面還有一片檸檬，成日覺得吃大排檔的煎炸食物一定要配汽水，這個比起汽水的罪惡感沒咁大！…查看更多

近觀塘港鐵站，步行約十分鐘內，位於工廠大廈，是近期食過，又覺得非常值得推薦下嘅中式炒餸小菜餐廳，個人認為比很多酒樓飯店更美味，廚師手藝鑊氣都很一流，本星期在觀塘附近有事情做，已經幫襯了兩次，暫時前後已經試過三次，不同菜式都沒有失望。地方就工廠食堂格局，店舖有一樓，比較舊，地下叫打冷，但其實一樣，但裝修新又比較舒適，柯打的菜式是一樣，沒有分別。芝麻雞皮脆，唯肉乾了小許，但總算很好味，薑蔥魚扣，招牌話梅骨，蜜糖欖角骨，豆腐班腩，小炒王，薯仔牛柳粒，家鄉魚腸，炒粉絲，蠔餅， 樣樣都可以，沒有負評。但有心理準備，雖然工廠大廈，但價錢都不算平宜，和酒樓差不多，平均一百元個餸菜。…查看更多

中午的時間，我和家人在觀塘逛街，經過這餐廳，來到餐廳門外看到餐牌上食物的賣相非常吸引，選擇很多，價錢挺合理，便決定入去試一試，進入店鋪後，看見店內環境非常寬敞和清潔衛生，座位非常多，給我一種很舒服的感覺芥蘭炒牛肉($45)新鮮鮮甜的芥蘭爽口微彈,香稔軟嫩的牛肉，芥蘭和牛肉的份量足夠多招牌話梅骨($80)用話梅製成的芡，酸上帶點甜，話梅骨非常香稔軟嫩和鬆綿，這樣配撘令人非常開胃檸蜜疏打，味道酸中帶點甜，非常解渴，適合這炎炎的夏日飲用整體來說，食物的選擇非常多，食物的質素非常高，食物的份量非常多，價錢相對十分合理，店員有良好的服務態度和有禮貌，亦會介紹店內他推介的食物，給我非常貼心的感覺，每張枱都會提供紙巾給客人使用，亦有免費的wifi給客人使用，非常細心，所以我認為這間餐廳值得再去惠顧…查看更多

前後來過兩次, 計埋呢次是第三次, 這店主打炸物, 小炒, 海鮮, 本人試過的以炸物為主, 炸物水準係同類型餐廳裡來講算是有實力的一間, 30/Sep又係週末晚上嘅好友飯聚, 友人KW在車電話內已發柯打- 牆上的荳腐!?話說牆上有張之”飽魚荳腐卷”料理嘅照片, $100/ 6件 好像算是着力推銷的菜式之一,但這道菜真的是令人有點失望, 因為荳腐同腐皮係無任何濃味的東西而那片罐頭飽片更是無任何鮮味的擦紙膠口感嘅物體, 只能靠個簿簿的蠔油獻汁帯一帯, 實在可以當作素菜一碟唯一有點味的是條菜芯, 豬肉菜式有招牌話梅骨$75同最尾叫的秘製鎮江肉排$75, 兩樣都係炸物一如既往無失手, 兩個都是最後來一個甜甜嘅獻汁, 話梅骨以價錢來說算好有份量的一碟,個獻汁其實唔會有話梅味,事實要將乾咸且酸嘅話梅跟炸排骨扯上關係,聽上去都覺得是物理上行不通,做得出也會是分子料理店的菜式不會是中菜館出現的菜式! 鎮江肉排則以斬大件的肉排一字排開上碟賣相是比較有些諗頭的了這獻汁亦不會吃不出是什麼鎮江醋嘅味道?只有個醋色- 比較上赤紅色就當係架啦,因為大部份客人只要有件甜甜地嘅炸排骨已經唔會投訴了, 反而食到醋嘅酸味才會投訴太酸! 芝麻雞半只$120比較一般嘅雪雞, 雞肉尙算有點味道亦唔覺嚡口, 薑蔥爆魚卜$95呢個菜不是自己杯茶, 但見一拿出來都好大份量下,本人只會揀薑蔥食, 食薑蔥時食得出夠鑊氣, 酥炸咸豬手$110但這晚的酥炸咸豬手似乎係半小時前完成的, 豬皮不脆肉也有點乾硬化了, 但總括來說肉比皮好食, 店方真的要注意一下此菜炸起來即刻交到客人枱上, 始終呢個菜式重點在於皮脆!吹水墨魚咀$75 墨魚咀似乎是新鮮貨做的, 切得相當大舊下加些炸粉一炸變得更大舊, 做唔到一口過嘅效果而且質地較難嚼, 蒜茸炒時菜$52 當晚是炒小白菜, 炒得好好, 沒有炒過頭,味道亦剛剛好這晚上早開飯所以10點前已經吃完, 食物質素當晚只是一般但勝在良朋共聚吃什麼沒那麼重要, 價位亦是令人輕鬆過關, 飯市唔多唔少一定是比較喧鬧的了! 服務員態度不會太自我, 動作快得黎亦一眼關七, 斟水斟茶永無怠慢,抵讚…查看更多

幸好有book 位不用等待, 一來到已見十多二十人等待, 非常爆滿, 周圍環境乾淨清潔, 地板也算是乾淨, 一坐下店員便送上熱水茶, 供自行清洗碗筷先來些頭盤, 麻辣貢菜鮑魚絲, 不會很辣, 但麻味十足, 貢菜爽口, 加上趙口重的鮑魚絲, 口感豐富又有麻味刺激味雷, 配啤酒一流椒鹽雞軟骨, 炸得非常脆, 有咬口, 有避風糖炒蟹的味道, 味道重,微辣, 一粒一口雞軟骨, 一樣配啤酒一流招牌話梅骨, 肉質細嫩, 每一口都充滿話梅味道, 甜甜酸酸, 配飯一流椒鹽鮮魷, 味道跟雞軟骨差不多, 同樣是非常野味, 鮮魷爽口新鮮, 同樣有避風糖炒蟹的味道, 味道重,微辣, 配啤酒一流!杏汁燉豬肺湯, 一上枱要以嘩一聲迎接, 遠遠已聞到濃濃的杏汁味, 店員會幫忙分配, 也會先把湯渣分到碟上, 非常濃郁, 充滿杏仁味, 會一度懷疑自己是在吃杏仁糊, 非常足料, 吃了數舊豬肺, 入口即溶, 無臭味, 但雞肉像香口膠, 好不好見人見智口者口者芥蘭煲, 芥蘭爽口野味, 微辣, 碎肉味道非常濃, 有點偏咸, 配飯一流家鄉煎藕餅, 做法驚喜, 以避風塘炒蟹做法, 微辣外面脆口, 內裡軟滑, 年藕味一樣保留, 必試有汽鮮檸蜜, 就是普通汽水+檸蜜, 味道像neway 的檸蜜芝麻雞, 必食, 外脆, 肉質非常嫩滑, 口感很特別, 有點像在吃熱煎堆, 但入面係嫩滑雞肉, 一點也不"鞋"口值得一試再試有空就試的餐廳!…查看更多

又係搵食時間 今晚同老友搵食搵到工廈去工廈中的大排檔 大 另一番風味😌😌 招牌話梅骨 上枱時已經香噴噴外層先炸到香脆 再沾上獨有醬汁 十分惹味話梅骨入口依然保持肉質juicy👍🏼👍🏼豆豉鯪魚炒油麥菜 油麥菜十分爽甜不過略嫌豆豉鯪魚太少⋯ 蒸筍殻魚 魚味香濃 肉質嫩滑鮮甜👍🏼👍🏼👍🏼 …查看更多

今晚約咗朋友喺觀塘工業區食飯，小妹喺牛頭角返工，6點鐘就準時收工，距離食飯時間仲有個半鐘，咁就慢慢沿住觀塘海濱長廊行去觀塘啦。今日雖然好熱，但黃昏時份，溫和嘅陽光，伴隨著陣陣嘅海風，感覺還好。喺海邊慢慢散步，遠眺郵輪碼頭，欣賞徐徐嘅日落，望住海面上泛起金光閃閃嘅海水，真係一天嘅煩惱都消失晒。行下行下，又行到觀塘廣場附近，就見到成業街，而喺成運工業大廈一樓嘅新匯聚亦都好易搵，樓下有個大燈箱，上一層樓梯就到門口了。本來對於工廈裡面嘅食肆嘅環境都無咩期望，但入到去見到裝修都還可以，近門口有個魚缸養住少量嘅魚蝦蟹，內裡環境燈光火猛，企企理理，唔似果啲舊式工廠大廈食堂。呢度多數都係圓枱，側邊就有幾張卡位，掛牆亦都有幾部電視，冷氣亦都好足夠，就當晚所見到全場滿座，真係估唔到放工後嘅工廠區都會咁熱鬧。同老闆傾開計先知原來佢以前係喺牛頭角下邨開大排檔，想當年我都幫襯過幾次，特別鍾意佢嘅小炒菜式夠鑊氣。估唔到老闆原來轉址繼續經營，實在難得。出嚟食飯就當然叫啲平時喺屋企唔會煮嘅巧手餸菜，又或者係廚師推介實無死錯人啦，我哋叫左個出名嘅杏汁燉豬肺湯、四川手撕雞、招牌話梅骨、蝦湯浸勝瓜。先飲個 杏汁燉豬肺湯試下先，奶白色嘅湯底，見到裡面有好足料，師傅話要落雞就係要取其鮮味。聞落有淡淡嘅杏仁味，就好似杏霜嘅味咁，雖然係用雞嚟燉制，但一啲都唔怕油膩，個湯仲好鮮甜。杏仁本身潤肺養顏，豬肺又可補肺，雞湯又夠滋補，真係滋潤到入心入肺，飲完個個都爭住要添飲。連我本身唔會飲杏霜嘅，都接受到呢個湯，只係聞落有少少杏仁味，但飲落就係雞湯味，所以唔鍾意杏霜嘅人亦可以一試。天氣熱我都鍾意食啲涼拌菜式， 四川手撕雞睇個樣已經好吸引，有辣椒、青瓜、番茄、洋蔥、芝麻。我最鍾意手撕雞啖啖肉，一啖咬落去，皮爽肉滑，好香麻油味，仲有洋蔥同辣椒渗出少少辣味，唧埋青檸汁落去酸酸辣辣仲開胃，真係越食越想食，我相信我一個人都可以食晒一碟呀。呢度嘅 招牌話梅骨望落好似京都骨咁，食落有點酸酸微微嘅話梅味，又少少甜甜哋，骨肉均稱。原來老闆專登用起出話梅肉烘乾，再磨成粉末加入調味料之中，咁就可以令到每一件排骨都沾有話梅的香氣，果然好有心呀，抵讚。 蝦湯浸勝瓜，蝦湯好鮮甜味道唔嗆喉，湯裡有大量嘅蝦米增添蝦湯嘅咸鮮味，煮到啲勝瓜好入味，又唔怕煮得太淋，簡簡單單，又清清哋嘅一道菜。…查看更多

同朋友系APM行完街，就系工廠區搵地方食野朋友平時午餐都有幫襯，味道不錯。所以入左去試下晚市小菜。有小菜同打邊爐選擇。老闆好nice～推介峰蜜梳打，墨魚咀。人流中規中矩。除了水煮肥牛，其他小菜評價都好好。頭盤-北海道花皮口感好爽口，微辣。墨魚咀同椒鹽鮮魷都好香口，味道一流。話梅骨個汁好開胃。辣子雞好辣好香。大家不妨一試。…查看更多