帝樂 - 德國餐廳 (美利樓)

星期六下午，三五知己相約到赤柱閒逛，經過這間餐廳裝潢已感覺吸引，我們立即進場一試，食物種類在下午茶自助餐來說真心多款式，食物質素亦非常高，餐廳環境超正，當日天氣非常好，坐室外感受到自然的微風，享受到海邊美景👍還有美食當前，真的寫意。值得推介是德國咸豬手，皮脆肉嫩配酸椰菜，真的美味，甜品亦十分多選擇。…查看更多

已經黎過幾次，多數都係慶祝日先黎。呢間既豬手好出名，每次黎都會叫。訂枱既時候有得比你揀坐室內定室外，我每次都會坐室外，仲會坐邊邊位，一路食一路睇海景好治癒。今次既豬手都好好味，外脆內軟。但始終兩個人食，第一舊係好好食好juicy，第二舊都好食但開始注意到佢既脂肪，第三舊已經要慢慢食，可能佢幫我地切得大舊掛。豬手夾d酸菜同芥茉醬都好味。另外，佢既牛肉蕃茄湯都推薦。湯有好濃既牛肉味，肉既份量多，趁熱飲更好飲。另外叫左個炒雜菇沙律，呢個冇咩特別，只有蘑菇會比較香d。因為有沙律，所以有d菇會同醋一齊食，但個味唔係好夾。個人比較喜歡炒菇要用牛油炒。雖然望海好正，不過環境只係值4分。因為靠邊既枱好細，同埋地方有d窄，會同隔離枱好近。…查看更多

週日係家庭日，加上赤柱有一個「聖誕市集活動」舉行，因此索性在個多星期前 book定呢間餐廳嘅午市自助餐， 咁就可以食、買、玩在赤柱消磨一個下午!因為book位時已經講明可以帶寵物， 所以揀選露台位置，又望到海景望到沙灘，當日天氣清涼又有少許陽光，淨係坐喺度望下海景都覺得好正，加埋食住嘢去享受更加之好！食品主題都係以德國式食物為主，最出名嘅德國咸豬手呢度都可以叫做冇得輸！即燒即切，皮脆肉嫩，尤其是嗰「浸」皮脆到好似薯片一樣， 另外仲有即燒各式香腸、燒羊髀、雞髀， 等同一般酒店燒肉種類，任君選擇。海鮮只有青口、蝦、螺選擇，一般貨色。熱食選擇不多，當中有一款蛋餅，既有特色味道又可口，咖哩雞正常大路口味不太辣，凍食都係凍肉同埋沙律， 番茄仔有兩款，一款紅色一款橙色， 都係大粒清甜， 當然仲有德國式配菜~酸菜絲，食德國腸及豬手嘅最佳配搭。 特別一提湯只有一款~就係周打青口湯， creamy得嚟青口肉亦多，令我忍唔住都「隊」咗兩碗甜品有熱食嘅麵包布甸，同埋兩款芝士餅、曲奇餅、迷你件裝蛋糕、毛士等等。 因為整個自助餐都没有特別較貴價食材，但加番個海景搭夠(室內有卡位及大細枱都比較寬敞啲)，收略高於一般中價自助午餐價錢我覺得可以接受！飲品要另外加錢~ 30蚊可以無限添飲汽水及果汁，其他啤酒及特別飲品照價付款，大家一定要注意，唔好到時拗數話一杯飲品都唔包搞到「老尷」！ 但整體嚟講呢間餐廳呢個時段及價錢係值得 encore！…查看更多

天氣好，心情好，又有幾日假孖住放就緊係去遠D鬆一鬆啦！入返轉赤柱行下 relex 下咁係確實幾舒服。 本來冇乜目標，休悠悠咁見到邊間合眼緣就入邊間，點知行到去美利樓，二樓間西班牙菜大大個牌寫住 憑中銀信用卡午餐/晚餐，在主餐牌消費滿400元減100 酒類飲品除外(記住加一係另計架！)。雖然睇落幾底，但是西班牙菜唔係我杯茶，跟手行上三樓的德國菜館，同樣有這個中銀信用卡優惠，本來星期六有自助餐，連埋加一大約300蚊一位，不過計落還是用中銀信用卡散叫價錢比較化算。所以二話不說就入呢間啦！更何況德國咸豬手係我的至愛。我們一行四人，叫了兩隻德國咸豬手、一杯德國麥啤、一杯凍檸蜜、一客欖油蒜子炒意粉、一客蕃茄牛尾千層麵、再加一個甜品。用中銀信用卡找數全單扣了200蚊，實際付款$810。一個字“抵”！德國咸豬手一如以往的外皮脆脆卜卜，食得出係新鮮即炸的，加埋酸菜一起食，冇咁油膩，我鐘意啊！呢個牛番茄牛尾千層麵是我的最愛，先將牛尾蚊淋再起肉，夾在千層面裡邊，啖啖肉超好味！而且個欖油蒜子炒意粉味道就一般普普通通。再加這個甜品90蚊可能貴咗少少但是那個雪糕非常好味，細細份四個人分其實唔係幾夠食。總括來講這個德國餐廳食物水準高，價錢其實唔平，但是有這個優惠叫做相當化算。食午餐可能唔覺平，不過呢個中銀價惠，午市同晚市都用得，吃晚飯都係呢個價就真係無敵喇！…查看更多

吃過很多次了，仍然回味。位於赤柱美利樓的「KING LUDWIG BEERHALL」一向人氣旺盛。每次來都很多人排隊，所以如想不用排隊，請先訂位。就算有訂，只留座10分鐘（15分鐘?）。這次應該是我第四次來赤柱這間分店，每次都不同人。可是就必定會點一樣的菜式﹣農夫包﹠豬手。來之前當然也是有訂枱了，所以不用等直接進去。因為當天很曬，我們選擇坐裡面。一行七人，坐到大枱子。旁邊有很多擺設，很有特色。二話不說，就點了兩個農夫包。農夫包配牛仔肝醬及芝士醬 $40農夫包很香，微脆的外皮加上微暖的包心，加上牛仔肝醬，真的超好吃！農夫包一如概往的鬆軟，雖然沒有鹹香，但有面粉的香味。包是配角啦，我最愛的是牛仔肝醬。牛仔肝醬帶有很濃郁的香味，而且口感細滑，齒夾留香！相比之下芝士醬就沒有那麼出色。但仍然是很不錯的醬，也是很濃滑的。除了農夫包，怎少得了豬手呢？德國豬手 $215每次來都一定會點的豬手。上桌時，店員會問我們要否拍照。等我們拍完照之後，才幫我們把它切分。豬手還是很熱的，外皮超脆。豬皮的豬油都被烤走了，剩下很脆的豬皮。而肉呢，就是像吃硬一點的薰蹄。很好吃，而且好香。不過，是會比較鹹。另外是配在旁邊的炸薯，也做得很出色。好惹味！還有配在一起的酸葉也很讚！完全可以解膩！忘了是甚麼菜名-茄醬肉丸粉團這一道是新嘗試。也算是不錯的一道菜吧。蕃茄醬很夠味，帶起了整道菜的味道。肉丸不是很好吃，肉質是軟的，感覺很鬆散。味道也做的不太好。忘了是甚麼菜名-海鮮意粉用料十足，帶子大大一只，其他海鮮都OK新鮮。味道也很不錯，蕃茸醬很香濃。不過意粉有點煮過了頭呢！另外一道是沙律。忘了是甚麼菜名-豬頸肉柚子沙律很好吃！在吃完一大堆肉食，濃味食物之後，來一道清新的沙律真的超滿足的。柚子清新，新鮮。味道不太酸偏甜，又多汁。上層豬頸肉也不 錯。值得推介！飲品是一杯綠色的奇異果沙冰，好喝，清新。最後一道甜品就令人失望了。分兩個醬，一個是藍莓醬，另一個像是奶酪醬。我個人是偏好奶酪白色的那個醬，不過整個吃起來就是怪怪的，不是很好吃。挺令人失望的。…查看更多

入到赤柱, 大概4:30, 因為無book 檯既關係, 我地又無食lunch, 所以去King Ludwig Beerhall 食個早飯. 聽到有個家庭想book 夜晚食飯, 侍應己經話今晚full 晒無得book. 證明我地既決定無錯. 4點幾5點有好多位, 可以選坐出面定入面.太陽已經唔猛烈, 又有d 風, 決定坐出面欣賞海景.農夫包一個$25, 一個醬(牛仔肝醬or 芝士醬)$15. 但佢有個set $40 有農夫包連2個醬.農夫包上檯既時候係微暖, 算鬆軟唔un. 不過再熱d 會好d. 點牛仔肝醬或芝士醬都好味. 不過牛仔肝醬會香d.德國麵包圈 $38, 佢menu 寫一個, 不過佢黎係一份2個.德國麵包圈黎既時候係室溫, 好軟熟. 個人覺得農夫包好食d.豬手($215)等左好耐, 差唔多9個字, 吹佢佢話再要等多3分鐘. 上檯既時係熱辣辣, 侍應仲問我地切之前使唔使影張相. 咁當然好啦.切好啦, d 皮好脆, 入口鬆化, d 肉有少少得意, 一絲絲, 不過係嫩滑既. 而佢係豬手唔係好咸, 皮脆肉嫩, 墊底既酸菜只係微酸, 開胃得黎又易入口. 伴菜既薯仔香口好味. 不過已經好飽, 所以都食唔晒.…查看更多

VIP生日當然要D花心思啦! 集合各方意見後決定到赤柱美利樓呢間德國餐廳!講到美利樓的環境當然相當唔錯啦!~由於一早BOOK左枱加上係平日的關係, 我同VIP就坐左露台無咁多人的一面...由於小的未食過德國菜, 都唔知食乜好...於是叫左個SET DINNER FOR TWO加多一杯麥啤特別推介:農夫包: 配香草芝士醬及牛肝菌醬, 個人鍾意牛肝菌醬多D, 真係好濃味德國咸豬手: 餐廳可以幫你切埋, 外脆內多汁, 好好味, 不過咸左D, 配德國麥啤來食就剛剛好別喇!最後有個甜品拼盤, 駐場歌手唱生日歌, 生日禮物...完美的結束這一餐~…查看更多

日頭入赤柱已經打算夜晚係 king ludwig beerhall 度食, 但係又冇 book 位, 所以食完 lunch 就去問下有冇位, 服務員話一係 8:30pm 後, 但係冇露台位, 一係就 5:30pm 可以有露台位, 早 d 就早 d 啦.. 5:30pm 黎到直入唔使等, order 左佢地果日既 set dinner, 加埋佢地同名既 king ludwig 啤酒, 首先係德國農夫包, waiter 話係芝士同牛肝醬, 我地兩公婆正諗緊牛肝醬會唔會食唔慣? 但係食落又幾好味..之後黎個凍既芒果湯, 飲落都幾似楊枝金露, 不過入面係有肉, 我覺得真係幾好飲, 主菜有 salad, 帶子, 蝦同闊條麵, 不過點都唔夠主角犀利, 就係隻德國咸豬手, 咬落 d 皮好脆, d 肉都唔算太肥, 而且配埋酸菜, 唔會覺得漏..下次食再食德國菜既話, 都會考慮再入過黎赤柱..…查看更多

其實大致上真係唔係好記得每一樣野食叫咩名.....我引象中係記得樣樣野都好大碟..叫main courese 前會有一籃既麵包...我地咁岩就試佢既全麥包..好食..好多麥係上邊...好健康....成個包都好香麥味...好得意既就係台台既麵包都係唔同款式...會隨意挑選比客人食...因為我地見台台都唔同樣....重問waitress係咪可以散叫...點解好似台台都唔同咁既..先知道我地分別叫左二個MAIN COURSE德國香腸拼盤 - 熱辣辣咁上就緊係好食過自己買番黎架喇..好juice..份量好足..有d酸椰菜.. 食落去幾開胃....不過因為全部肉..所以都幾流...不過佢個main都有跟個薯容 咁可以中和下...唔洗下下都係肉......德國咸豬手 - 食完個咁流既香腸拼盤..基本上個肚都無咩位再食...不過叫左無計..照食.. 睇佢上碟嚇死人..好大隻...不過切開又好似唔係好多舊...眼望囉..都真係食曬...好滯..其實係好食..只係太飽....叫左兩杯野飲.....兩杯都唔係好記得叫咩野名...不過我記得麻麻地喇...唔算好飲又唔係好難飲成個環境基本上好好...旅遊區岩曬...…查看更多

2010情人節　沙漠王子心血來潮地選擇了去美利樓吃情人節晚餐，一search之下發現King Ludwig評價最好，便預先訂了位，完全忘記了這間跟生日時去合和的那間是同一間本來希望情人節可以試新地方的，不過天意如此，也只得隨遇而安了情人節套餐$880/2，散叫則人均最低消費$280，套餐不合心意，決定散叫，今次budget增加，可以試一些平時不會試的東西德國腸沙律：份量較小，腸仔很多，但跟平時吃的沒太大分別，沒覺得有醬汁，蔬菜也只有一點點，實在不值得再試～海鮮湯：$70一杯實在很貴，湯夠creamy，也有海鮮味，但實在有點太貴了～薯餅煎蛋肉眼扒：$90份量很足，三大塊薯餅，外表金黃香脆，內裏是切絲的薯仔，保留薯味，非常好吃！煎蛋是太陽蛋，肉眼扒即是火腿扒，整體不錯，值得再吃德國咸豬手：每次必點，與合和分店相比，這裏燒得更香脆，感覺皮比肉多，味道還是一樣的好～蘋果餡餅：其實King Ludwig的dessert沒有我喜歡的款式，點蘋果餡餅是覺得比較特別餡餅即是pancake，是熱食的，蘋果餡很多，與rasin配合，酸酸甜甜，不會太膩，配上custard，味道實在不錯，可惜依然不是my favoriteStrawberry Smoothies：冰打得不夠碎，與一般fruit smoothies一樣，流於藥水味，只為一試而已情人節每枱有錦盒作為情人節禮物，內有兩顆流心朱古力，很好吃呢！Waiter會幫每枱情侶免費拍一張即影即有照片，waiters們服務很好很nice，加上一路有live music相伴，令整個用餐過程非常enjoyable最後，謝謝你給我一個這麼浪漫的情人節！…查看更多