星海薈 (利舞臺廣場)

营业中

休息中

準備結婚了,  預祝表弟美滿良緣.   大喜日子宴請親友,  留個美好回憶 ,  必要選擇間合心意酒樓. 銅鑼灣 星海薈,  交通方便,  位於利舞臺廣場五樓, 有獨立電梯直達. 酒樓裝修高貴, 樓底高, 落地玻璃大窗, 水晶吊燈添浪漫, 旋轉樓梯佈滿花朵,  香檳雲朵花藝擺設好靚, 映相打卡一流.步入大禮堂, 寬敞四正冇阻擋,  舞台在正中,  巨型吊燈好靚.  婚宴場地好美觀.牆上多部彩色電視,  賓客可以近距離看見禮堂.今晚我們一行四人, 陪表弟預試師傅廚藝.   餐具精美, 座位闊落. 服務員招呼 好好,  我們坐下, 點了鐵觀音茶,  水滾茶靚, 小食糸酸蕎頭, 開胃也助消化. 餐牌有多頁, 食物選擇多, 價錢適中.   有散叫菜式, 亦有套餐.   推廣菜好吸引.龍蝦,  雞.    超抵食,  晚飯必叫皇牌菜. 精選小菜,  燒味,  風味小食........ 點餐無難度. 我們叫了大廚拿手菜,  得獎金磚脆豆腐,   一塊塊長方形金磚的造型, 剛炸起, 熱辣辣, 金黃香脆, 豆腐滑溜溜, 口感非常好,  果物實至名歸, 值得推介 川貝海底椰鱷魚肉燉花膠湯,足料靚湯, 有

啱啱上星期母親節，年年都去同一間酒樓慶祝，今年諗住試試新意思，就book咗位於利舞臺呢間星海薈🤩入面裝修好堂皇，仲有一條長嘅樓梯可以打卡🤣應該係俾人地擺酒新娘行落嚟嘅👰🏻‍♀️～花雕醉雞 $68前菜叫左醉雞，以前菜/小食嚟講份量都算多，啲雞肉好重酒味同埋好嫩滑，正😋👍🏻金銀蛋浸菜苗 $138平時好鍾意食浸菜，啲菜索哂啲湯汁，而且入面有好多鹹蛋同皮蛋，味道唔錯！得獎金磚脆豆腐 $88見到佢menu 寫係得獎菜式，又點可以唔嗌嚟試下！一試果然對得住佢個名，豆腐外皮炸到脆卜卜，入面仲係熱辣辣同軟熟，好出色，我興奮到食左2 舊先記得影相🤣🤣🤭🤭士多啤利大蝦球 $188好有驚喜，第一次試士多啤利蝦球，蝦球每一粒都好大，出面包住酸酸甜甜嘅士多啤利醬，好開胃同特別，唯一美中不足就係佢得6 舊，所以唔夠喉呀😭❤️粟米龍躉斑塊 $188餐廳好貼心，驚啲斑塊會浸淋哂，所以將粟米汁同班塊分開上，所以食落去每一啖個外層都係好脆，而且斑塊好大舊，鍾意啖啖肉又唔識lur 骨嘅你就最適合😝松露野菌炒帶子 $188四季豆同三色椒都好甜，帶子好大粒同埋彈牙，加埋黑松露黎炒，香氣四溢，我一個人都食左半碟🤪燒汁珍菌霜降牛肉 $

小妹出年結婚啦👰🤵，早排睇緊啲婚宴場地，星海薈就係其中一個，今日同未來老公仔嚟睇下個場，順便試埋菜。星海薈其實條譽宴集團近年創立嘅一個全新主打婚宴嘅品牌。開頭睇中佢嘅一個重大原因係佢門口嘅一條長長旋轉雲石樓梯，新娘子March in夠晒睇頭💖。 呢度以全新Club Wedding概念，設有Clubhouse常見嘅娛樂設施，例如：美式桌球🎱同卡啦OK音響設施🎤，令賓客享受奢華嘅消閒體驗。全場以浪費玫瑰金色為主調，配以華細緻水晶燈同埋華麗舞台，營造摩登時尚風格。一入座，店員即時拎咗一大鍋滾水比我哋清洗消毒餐具，安全意識做得好好👍。食物方面，店員推介咗我哋試下佢哋嘅鮮菠蘿脆皮咕嚕肉，同埋得獎金磚脆豆腐，另外我哋自己點咗一個者者馬友蝦乾芥蘭同埋黑蒜雞湯。首先飯前飲個湯先，近年好似都好興食黑蒜，黑蒜嘅好處真係多不勝數，總之呢個湯超養生，無得輸！個湯望落雖然黑忟忟，但飲落去好甜，又有啲似肉骨茶嘅味。鮮菠蘿🍍脆皮咕嚕肉：講真，真係未食過咁好食嘅咕嚕肉，無諗過原來咕嚕肉可以好食得咁緊要。首先伴碟有1/4 知真菠蘿🍍，賣相可嘉，配料都係用真菠蘿，唔係罐頭菠蘿。個皮嘅粉唔會太厚，咬落去好鬆化，肉質外脆肉軟

譽宴嘅茶點質素毋庸置疑，晚飯小菜亦係我杯茶，一直深得我心，今晚約咗媽咪撐枱腳，二話不說就揀咗呢度。一入座見到蒜蓉蒸龍蝦做緊優惠$88，的確係開心價，媽咪買開餸都話抵，當然要一客。每次必點嘅香片茶味甘醇，茶香同花香恰到好處，口感溫潤。前菜用上好特別嘅白木耳，非常有新鮮感，口感同黑木耳相近，酸爽開胃。最先上枱嘅係燉湯，本來揸唔定主意，侍應介紹呢款黑蒜螺頭燉雞湯，可以增強抵抗力，二話不說點頭！湯味鮮甜，黑蒜味道濃郁，少咗生蒜嘅刺激感，多一分甜味，仲帶有隱隱約約嘅微酸味，非常刺激食慾。另一款同樣係侍應推介嘅係得獎菜式——金磚脆豆腐，外形雖然普通，但一試之下非常有驚喜！外表睇落雖然同普通炸豆腐冇分別，但表皮炸得夠香脆，而且一啲都唔油膩，調味帶有避風塘風味，非常惹味！一咬落去係細滑無比嘅嫩豆腐，同香脆嘅外皮形成極大對比，非常滋味，連媽咪咁嘴刁都讚不絕口。蒜蒸龍蝦用嘅係本地龍蝦，夠哂新鮮，加入大量蒜蓉，香氣撲鼻，完全係餸飯首選。本地龍蝦尺寸都唔細，肉質結實彈牙，配上蒜蓉令鮮味更突出。白飯殺手當然唔少得咕嚕肉，份量頗多，而且造型突出。菠蘿用上鮮果而非罐頭生果，多一分清新，少一分死甜。無骨咕嚕肉外皮超脆