花斑茶社 (海之戀商場) (已搬遷)

依個新商場開左日本名超市之後，人流即刻多左好多！依日行完超市經過依間飲品店，俾佢既花花牆吸引左黑糖珍珠烏龍奶茶...叫左少甜少冰，下次試下要半糖先！因為原來珍珠都好夠甜味，仲係濃濃既蜂蜜味啊！質感好煙韌彈牙一d都唔淋唔硬，好好咬啊烏龍奶茶茶底同奶味好夾，半糖應該仲正啊！宇治抹茶紅豆鮮奶... 叫左少甜少冰，抹茶係有少少回甘嫁同鮮奶攪勻左都唔會好淡，仲有粒粒綿紅豆，唔會好甜，整體來講唔錯啊。黎到緊係要喺花花牆度影相啦做背景一流啊！…查看更多

去荃灣Donki🐧順便買啲野飲下，緊係揀黃店飲啦😎🤟🏼。荃灣分店仲有幅好靚既玫瑰花花牆🌹😍，同埋木牌連儂牆打卡📸。🍵宇治抹茶紅豆鮮奶💲34＋寒天💲3（無糖）抹茶同紅豆係史上最perfect既matching 💞，機本上都冇得輸😎。宇治抹茶既甘香，粒粒紅豆既香甜，再配上明治4.3特濃鮮奶，飲落好滿足，好幸福🤗。寒天好有咬口👍🏼.🍑白桃烏龍💲26＋寒天💲3（微糖//少冰）烏龍茶做base，茶味好香濃，而且每一啖都夾雜住白桃既果香，比預期中更好飲😋。…查看更多

終於都有機會嚟到荃灣新開嘅海之戀商場，去朝聖企鵝店之餘，都不忘幫襯下一啲本地小店，支持黃色經濟圈。喺門口已經見到大大隻嘅pepe望實我地，入邊仲有啲許願嘅掛牌，俾客人寫上願望，真係幾有心思同創意。我哋兩個人，一人叫咗一杯飲品，大大力支持黃店。間店佈置得好靚，有一幅牆全部都係粉紅色嘅玫瑰花，打卡一流呀。我要宇治抹茶紅豆鮮奶，顏色分明，而且有種好柔和嘅感覺。第一啖已經飲得出係用靚既綠茶粉沖出黎，濃郁嘅綠茶味加上香滑嘅鮮奶，配合軟綿綿嘅紅豆增加口感，非常夾。下次行過繼續懲罰下佢，兩杯以上仲有八折添，真心抵飲。…查看更多

朝頭早同老公去食早餐發現原來花斑茶社開咗喺呢個新商場由於當時太早 人哋未開門加上早餐飲台式茶飲好似太罪惡😂於是拜託老公收工買2杯返嚟做宵夜(但最後都係第二日嘅下午茶先飲🤣)今次試咗杯宇治抹茶紅豆鮮奶雖然過咗十幾個鐘頭先飲啲冰都已經溶晒但仍然係好飲嘅！抹茶味好濃 但又唔會苦飲落同鮮奶好夾至於個甜度係少糖喺溶晒冰嘅情況下啱啱好可能未溶冰就會太甜？不過疑點利益歸於被告😂下次即叫即飲再試真啲至於老公嗰杯柳丁綠茶由於係走冰嘅關係相信時間對味道嘅影響會細啲綠茶有好香茉莉花味飲落好refreshing 加埋柳丁嘅青澀味成件事好light如果食完飯飲呢杯嘢會幾解膩老公就好鐘意呢杯茶我自己就鐘意啲heavy口感嘢所以比較滿意杯宇治抹茶紅豆鮮奶(廢話😂杯嘢飲係我哋自己叫㗎嘛🤣)…查看更多