花斑茶社 (海之戀商場)

依個新商場開左日本名超市之後，人流即刻多左好多！依日行完超市經過依間飲品店，俾佢既花花牆吸引左

黑糖珍珠烏龍奶茶

黑糖珍珠烏龍奶茶...叫左少甜少冰，下次試下要半糖先！因為原來珍珠都好夠甜味，仲係濃濃既蜂蜜味啊！質感好煙韌彈牙一d都唔淋唔硬，好好咬啊烏龍奶茶茶底同奶味好夾，半糖應該仲正啊！

宇治抹茶紅豆鮮奶

宇治抹茶紅豆鮮奶... 叫左少甜少冰，抹茶係有少少回甘嫁同鮮奶攪勻左都唔會好淡，仲有粒粒綿紅豆，唔會好甜，整體來講唔錯啊。

黎到緊係要喺花花牆度影相啦做背景一流啊！