Odelice! (新城市廣場一期)

結婚7週年偷咗少少時間去來個小慶祝於是揀咗之前食過很不錯嘅 Odelice依舊來個Set for 2💕呢晚係飲南瓜湯好smooth好甜佢哋嘅法包加海鹽牛油真係好好食Starter就要咗法國田螺🐌 Love it!Main就揀左豬鞍同原隻烤龍蝦😋豬鞍煮得啱啱好～完全唔會鞋仲好嫰滑👍🏻而龍蝦就超彈牙而且好多膏～鮮甜MAX!經理話啲龍蝦係每日新鮮運嚟香港🤩最後當然嚟返個crepe☺️為今晚嘅小date night畫上完美嘅句號❤️多謝餐廳幫手寫上Happy 7th Anniversary💞…查看更多

今年連埋端午節一連三日假期，一起身老公就話要食個假日brunch set。餐廳吹歐陸風，好似去左小島海邊餐廳咁，職員用英文介紹menu。Brunch set有頭盤、主菜及飲品，每款都好多選擇。頭盤有4款，主菜都有18款。我哋叫左兩個set，另外再加左個extra bites item同甜品。是日餐湯：老公叫揀左南瓜湯，南瓜味重，甜甜地，濃結適中，幾好。炸黑松露蘑菇球：外面炸到好脆，咬落去軟軟。每口充滿黑松露忌廉蘑菇醬，味道好濃，真係好好食。巴斯克甜椒煮蜆：蜆肉新鮮，大隻帶鮮甜味道。醬汁用左蕃茄做底汁，另外仲加左紅黃椒同洋蔥，甜甜地帶酸，開胃之選。阿根廷安格斯肉眼牛排：叫左五成熟，牛扒肉質較軟，牛味濃，入口帶肉汁，旁邊黑松露紅酒汁調味好好，點埋佢仲好食，唔錯。伴菜有薯條，分量多，剛炸起，夠熱好味。盲鰽魚海鮮鍋：魚肉質厚實，有口感。魚皮煎到金黃，裡面有青口同蜆做配菜，食材新鮮，仲有煎過嘅薯仔粒。整體海鮮味濃，我就幾鐘意。榛子朱古力醬煎香蕉可麗餅：可麗餅即係法式烤餅，法國嘅傳統煎餅。餅皮濕潤帶蛋香，搽埋滿滿榛子朱古力醬，煎香蕉上面仲有層薄薄脆焦糖，整體好夾，食完好滿足。飲品：叫左泡沫咖啡同鮮奶咖啡，咖啡味剛好，唔會過濃。鮮奶咖啡有拉花，仲可以用黎呃吓like添。…查看更多

和友人行開新城市，經過依間法國餐廳，發現係新開無耐的。環境唔錯幾開揚，是晚二人套餐啱我食，一於去試試，輕呷一口美酒和美食，夠晒Chill夠晒寫意。 從生蠔到甜點，每一道菜都令人回味無窮。法國產地直送生蠔4隻 $134新鮮的生蠔散發出濃郁的海水味和蠔味，口感順滑，讓人一口接一口，一定要品嚐。法國小館雙人套餐 $788南瓜湯x2南瓜湯口感綿綿，味道濃郁，讓人感到溫暖和舒服。火燒大虎蝦三隻大虎蝦新鮮彈牙，店員即場以法國茴香酒火燒，淋上虎蝦，場面壯觀，香噴噴的。甜椒鷹嘴豆莎莎開胃好好味。馬賽龍蝦海鮮鍋海鮮拼盤豐富，有半隻龍蝦、黑青口、大蜆、盲槽魚和魷魚其中，其中，龍蝦新鮮彈牙，青口大蜆大隻鮮甜，盲槽魚魚皮脆口魚肉嫩滑好鮮甜魚味。個湯汁係精髓所在，係法國傳統馬賽魚湯，以蕃茄、洋蔥、香草、橄欖油熬製，味道濃郁，吸收了海鮮的精華，鮮味十足，香氣撲鼻，整體鮮甜美味。配有兩塊酸種麵包可索盡醬汁食晒。香煎三文魚三文魚扒厚身，魚皮煎得香脆，肉質鮮嫩絲絲肉質帶少許油脂，配以日曬蕃茄醬汁酸甜美味，非常好的搭配，食完唔覺油膩。配菜燒茴香清新口感爽脆。薯蓉綿滑有薯牛油味濃，整體的確唔錯。火焰橙酒可麗餅配雪糕店員將可麗餅呈上，我們的味蕾已興奮不已。火焰橙酒的香氣在餐廳中彌漫開來，燃燒的火焰更是為整個用餐體驗增添了一份戲劇性。可麗餅皮薄口感煙韌，表面塗滿柚子醬，味道香甜果味濃郁。配以士多啤雲梨雪糕，更加甜美，口感冷熱交融，非常滿足味。氣泡酒 $70  甜白葡萄酒 $60店員推薦下試了2款酒，氣泡酒酒精味較濃，友人飲左2啖面都紅曬，而甜白葡萄酒啖啖香甜，好易入口，岩晒飲酒新手。…查看更多