榮哥廚房私房菜

訂咗$499 per head慶祝朋友生日 第一印象店員好nice 位置燈光昏暗 冷氣唔太夠 我哋全程自己開風扇仔頭盤最出色 所以俾咗個假希望🥺本地米耕沙律菜伴芝麻醬✅ 鍾意芝麻醬係重麻醬味 唔會好漏京滬味香伴海蜇頭 雙色墨魚仔 ✅茄燒流心蛋伴黑魚子醬配厚切茄子✅原盅燉意大利牛肝菌豬肉雞腳甘筍湯☑️ 好在熱辣辣 但卻冇任何一個味道突出溫室南瓜北海道特級帶子🤮離譜no. 1 南瓜原來只係一個裝飾 所謂北海道特級帶子 都係得一粒放喺面頭 南瓜入面將啲哈密瓜同青瓜撈埋一啲怪味醬 味道極奇怪金黃沙獻澳洲大虎蝦✅焗薯蓉鋪底夠香 士多啤梨黑豚肉排骨🤮 離譜no. 2 我哋食落口嗰下簡直感到可怕 佢係甜品嗰隻廉價士多啤梨醬就咁唧落去 極多碎骨頭 米通同佢都離奇地唔夾魚湯浸黑松菌日本百合配時令鮮蔬🤮 離譜no. 3 嗰啲放到我面前已經覺得好腥 菠菜正常 但個湯我冇辦法接受卜卜脆米海中鮮豚粒炒飯✅ 有少少脆米係幾好食嘅 此外就係一個正常嘅炒飯時令甜品☑️頹到唔想再試 木瓜雪耳糖水 朋友話okay餐廳冇壽桃亦都冇特別慶祝 都free咗四支可樂俾我哋嘅…Read More

中秋節同屋企人食飯又去觀塘食私房菜 (第三間了)😂預先經openrice book位，之後有專人whatsapp菜單詳情俾我有套餐選擇或散叫項目費事麻煩，揀咗6位 $2688套餐🙈套餐入面都仲可以揀，好flexible《前菜》擺盤精緻，用日式木盤▶️ 本地水耕沙律菜伴芝麻醬將生菜同青瓜打成一個結，配上深煎芝麻醬同少少山葵，成件事好日式▶️ 榮哥自家甜酸齌 涼伴黑白木耳甜酸齌由麵筋整成，索入酸甜醬汁涼伴黑白木耳口感爽脆，帶少少麻油味第一次見白色木耳🤍▶️ 茶燻流心蛋伴黑魚子醬配厚切茄子茶燻流心蛋味道淡啲，不過蛋黃晶凝剔透成漿狀🥚厚切茄子特別🍆上面有啲粉粉地嘅嘢，下面係甜黑魚子醬，層次豐富《足料燉湯》每人可以自選一款，唔洗「跟大隊」▶️ 原盅燉川貝陳皮海底椰鱷魚肉湯▶️ 原盅燉姬松茸淮山甘荀黑毛豚肉湯▶️ 原盅藥膳龍躉骨鮮淮山湯▶️ 原盅燉哈蜜瓜螺頭黑毛豚肉湯我揀咗呢款，材料好足有熟哈密瓜🍈龍眼、黑毛豚脊骨、淮山上枱熱辣辣，飲落清甜黑毛豚脊骨好多肉😍似食緊清燉spare ribs《主菜》▶️ 黑松露醬炒花尾躉斑球配鮮露筍花尾躉斑球大大塊🐟肉質實正唔鬆散味道新鮮，配上濃濃黑松露香配菜有香菇同大量粗身露筍，咬落清脆▶️ 金流黃沙獻大虎蝦賣相好澎湃🤯按人頭計每人一隻底部係薯蓉，薯仔味重🥔入口幼滑，面頭焗到燶燶哋，好香脆😍大虎蝦巨型到成條龍蝦咁🦐肉質爽彈外殼佈滿流沙鹹蛋黃，勁惹味連殼食都得，好似軟殼蟹屋企人最鍾意呢度餸！▶️ 醬燒爽厚豚頰肉配柳丁汁青木瓜絲青木瓜絲用柳丁汁浸泡，加入檸檬汁，食落酸酸甜甜帶果味，好開胃😮厚豚頰肉用醬燒汁調味，經過慢烤肉質粉嫩，口感似豬頸肉咁爽彈🐷菜式帶有東南亞風味🇹🇭非一般豬扒▶️ 奶油日本小南瓜麵包盒好似人哋泰式咖喱包咁，超正正方方靚仔🍞日本小南瓜切條，又蓉又甜😍伴入草菇同三色椒，食食吓覺得好似食緊pizza🍕醬汁由南瓜同忌廉整成，似西餐南瓜湯同麵包好夾🎃食落冇咁乾個麵包勁好食！外皮烘焗到香脆，入面鬆軟煙韌又索汁係我最鍾意嘅菜式，出邊冇機會食到～可惜真係好大份同飽飽地，食唔晒又打包唔走🥺▶️ 招牌茶王燻雞佢哋招牌菜之一，多肉少骨外皮薄脆🍵帶茶葉煙燻香肉質鮮嫩滑捋捋，同時附有雞油雖然起咁多道菜式入面相對冇咁驚艷，但稱得上好食🐔▶️ 有機時令鮮蔬（魚湯)時令鮮蔬係菠菜，翠綠新鮮🥬上面有杞子，魚湯清淡味道較普通，勝在健康▶️ 大紅大紫炒飯配日本櫻花蝦第一次見又紅又紫嘅炒飯💜顏色來自紅菜頭，少女心爆發配料主要係紫薯粒，少見嘅配搭🍠健康得來又好食炒得乾身唔油膩👍🏻面頭有脆脆嘅日本櫻花蝦雖然大家食到尾都已經好飽，但最後只剩返少少🤣好勁《時令甜品》唔好睇小細細一個甜品，一樣咁多功夫外面係剔透嘅桂花啫喱，入面係白雪雪奶凍 淡淡桂花味配上牛奶香🥛唔甜且滿足到甜品口癮-係一個較fusion私房菜，唔淨止得中式元素又日式又有東南亞風味由前菜到甜品都好有驚喜🎖️無可挑剔最鍾意係「奶油日本小南瓜麵包盒」同「金流黃沙獻大虎蝦」賣相精緻，近乎Fine Dining份量好足，食到超飽🤰🏻最後打包咗薯蓉同少少炒飯環境以私房菜嚟講舒服企理，俾咗間房我哋，有私隱度又闊落地理位置方便，觀塘站D4出口行幾分鐘就到服務ok，上菜有次序且快手，差唔多一次過上晒主菜，唔需要等性價比唔錯，計埋服務費，平均$450/人免三支酒水費亦冇切餅費，適合嚟開party🍷中秋節仲有每位減$50優惠，滿$2400再送張$50超市禮券非常高質嘅私房菜😌屋企人全部都大贊好食，我自己都有意外驚喜除咗我哋都仲有三四台客，推介大家同朋友話屋企人過節嚟試～…Read More

觀塘因為近工廠區 所以有大量食店 很多唔同嘅國家和城市小菜都有 自己選擇 朋友Y生日🎂因為佢工作地點在秀茂坪 所以特意選擇觀塘 我們因為想安靜地慶祝 所以選擇私房菜 開始時都想用Openrice 訂位和買團購 但原來食店都有固有模式 就是先落訂和選菜 才會正式受理 還要最少一星期前 有套餐有散點 自己選擇 這點有好有壞 隨後才分析 在未上主菜前 先奉上前菜兩碟 其實兩碟都好差 味道係零 份量都係少 之後就一人一份這個頭盤 賣相幾靚 沒有加錢轉日本蛋 但其實唔轉都唔會太差 沙律菜太少 墨魚仔味道還可以 不過一人一份係開心嘅 之後就上咗每人兩碗魚頭湯 味道清甜 湯渣睇落都係足料嘅 每人一個 里面有一些哈密瓜和蔬菜 每人一粒帶子 帶子合理地好食 但其實我覺得最值得欣賞係蔬菜和廚師的心思 因為其實成個食晒都可以的 一人一個大虾 老實講除咗大之外 其實真係唔覺得有什麼好食嘅地方 普通大虾🍤 這個牛仔柳 其實係失望 因為肉質很軟身 根本沒有那種牛肉的質感 牛肉份量也不夠多 如果只為了這道菜而來就一定失望 這隻熏雞很好吃 雖然肉嘅比例唔算太多 但係它們的雞皮真的燒得很脆 四個人份量剛剛好 之前我們已經選定要浸湯時令菜 這樣會比較適合我們這些不太喜歡油膩感嘅人 分量剛剛好口感很滿意 這個福建炒飯有鮑魚粒很足料 師傅炒功尚算滿意 不過如果再炒多啲時間 這樣會更好吃 甜品時間 湯丸兩粒 味道超好 應該係買貨 我見收銀有台灣福元湯丸宣傳單張 應該都係買這間貨 兩粒大大粒嘅湯丸 剛好作一個完滿總結這間餐廳如果用現金可以免茶和加一服務費 我們沒有點任何飲品 點了龍井茶 味道很濃帶點苦 這個四人餐份量很足夠 開始時也擔心需不需要再加單 但原來有很多菜式都是一人一份 那就一定夠食 彩色沒有什麼大驚喜 也不是什麼矜貴菜式 餐廳裏的格局都很具私隱 我們這台他們也有用甲板隔住 其實這裏比較嘈吵 因為很多食店都會飲酒和大聲講嘢 如果怕嘈就要考慮一下 其實觀塘有很多不同嘅餐廳選擇 其實需要落訂，才可以留位這個方法真是不太習慣 因為有很多朋友可能會突然有事或唔舒服 這樣就會欠靈活性這裏不用收切餅費 這個都係優點之一 職員服務態度尚算滿意 但有些都欠缺積極 未能貼心體會食客心態 例如極快速上菜 …Read More

到咗8月生日月, 今次約埋3個舊同事, 一行4人聚舊飯局.其中一個提議兼訂埋呢私房菜.地點非常就腳, 港鐵一出來都到, 落雨都唔洗開遮.環境地方以中式裝潢為主, 地方闊落.枱與枱間距好大, 私隠度十足.食得私房菜, 當然係廚師發辦.每枱根據時令,人數,喜好,價錢, 菜單各有不同.首先上枱係前菜:1. <<本地水耕沙律菜伴芝麻醬>>2. <<雙色墨魚仔>>3. <<茶燻流心蛋伴黑魚子醬配厚切茄子>>先估唔到中式菜擺盤都咁精緻.一人一份, 以小竹盤上枱.沙律菜好新鮮, 好清爽.兩隻墨魚仔分別有兩種口味, 一隻辣一隻唔辣, 彈牙鮮味.最吸引嘅係流心蛋茄子!!似日式溏心蛋軟綿綿, 本身有茶香; 再加上少少魚子醬, 未食已經流口水.茄子雖然好厚身, 但炸得好靚, 外脆内軟.同時上枱仲有餐前小吃:1. <<榮哥自家甜酸齋>>2. <<黑白木耳>>各一碟. 酸甜爽口, 好開胃.<<原鼎燉龍利葉青欖柑桔黑毛豚肉湯>>燉湯份量十足, 每人可以飲兩大碗.龍利葉清熱潤肺, 青欖生津止渴解酒毒, 柑桔抗氧化降血壓, 好適合香港人夏天飲!!仲見到食到起碼仲有無花果, 淮山, 桂圓, 螺頭等等材料.啖啖清甜滋潤, 果香十足.桂圓美味甘甜!!<<黑松露醬炒花尾躉斑球配鮮露筍>>黑松露當然香氣滿滿, 斑球啖啖肉, 魚味濃! 竹筍清新爽口, 夠入味.<<韓泡汁煮牛面肉配雙色蘿蔔>>牛面肉稔到不得了, 味微辣.最快清哂係D蘿蔔, 吸收哂D精華!!<<蜜椒比利時杜洛克 St. Louis 橄欖豬肋骨>>一人只得一件, 非常精緻.豬肋骨香口而juicy, 夠離骨.杜洛克橄欖豬肉質果然軟腍!!<<招牌茶王燻雞>>一上枱, 上等龍井香片已經香氣四溢; 雞皮香脆,雞肉嫩滑!!細緻中見真章! <<米王有機時令鮮蔬>>淡淡米香配上有機菠菜苗,  外表翠綠, 入口爽而無澀味!<<他鄉炒米絲>>炒得乾身, 唔油膩.份量十足, 起碼有6大碗.以高級黑毛豬火腿, 配以莆田米粉.又睇得又食得.<<姜汁芝麻湯圓>>湯圓皮薄到一眼已經芝麻.口感軟腍Q彈, 以此甜品為美好嘅呢一餐作總結, 非常滿足.…Read More

屋企人生日，揀左去呢間餐廳慶祝。一聽到私房菜，感覺就係價錢比較貴、裝潢高尚堂煌，不過今次呢間設於工廈嘅私房菜，無論價格同裝潢都係比較平民貼地一啲，但食物質素亦認真唔錯，用料上乘。環境亦非常寧靜，用餐當晚目測全場只有唔夠十張枱，就算坐滿晒客人，空間都仍然非常寬敞，好適合一家大細嚟開餐😋.訂咗位之後，店員會預先透過Whatsapp聯絡，將菜單發俾我，方便預先點餐以及先繳付訂金 ($200/位)。而當晚我哋一家7口用餐，所以我就揀咗個6人餐加多一位。.👉 前菜：- 本地水耕沙律菜伴芝麻醬- 雙色墨魚仔- 茶燻流心蛋伴黑魚子醬配厚切茄子擺盤好精緻，而且味道好清新，特別係沙律菜非常之鮮甜！.👉 原盅位上時令燉湯：- 哈蜜瓜螺頭黑毛豚肉湯- 川貝陳皮海底椰鱷魚肉湯兩款湯都好好味，唔會太咸冇好強嘅味精味道，而且非常足料，同埋因為係原盅燉嘅，所以每位都可以自己揀選唔同嘅款式。值得一提，個湯嘅保温效果驚人！由於冬甩妹條脷抵受唔到好高溫度，所以飲湯速度較慢，飲咗接近半個鐘，個湯都仲係微熱！.👉 主菜：澳洲皇帝蝦王 (金流黃沙獻) 外層金流黃沙非常出色！屋企人連蝦殼都食埋😆 隻蝦都好新鮮好好味，雖然都頗大隻，不過每人得一隻感覺有啲唔夠喉，另一可惜之處係，伴碟嘅薯蓉比較遜色，薯仔味唔濃亦冇奶香，完全唔好食。.👉 清蒸生猛沙巴龍躉斑龍躉斑就比較普通，無咩特別，不過條魚都好肥美、好新鮮。.👉 士多啤梨黑豚肉排骨士多啤梨味酸酸甜甜，幾好味，而且黑豚肉排骨肉質好嫩滑，推介👍 不過伴碟嘅米通一啲都唔脆而且完全無味，有點可惜。.👉 奶油日本小南瓜麵包盒可能食到呢一味菜，大家已經有7成飽，呢個時候再來一個咁飽肚嘅麵包，感覺有點太膩。另外，對於本身都幾鐘意食南瓜嘅冬甩妹黎講，呢款日本小南瓜唔係我杯茶，可能小南瓜用咗黎煮汁嘅關係，令到味道略為變淡咗啲，而且南瓜醬汁同個麵包亦唔係好夾。.👉 招牌茶王燻雞雞肉非常嫩滑，連雞胸位置都完全唔「鞋」，相信燻煮時間需要非常準確，先可以保持到肉質如此嫩滑多汁。而且雞皮烘烤得極之香脆，唔錯唔錯！.👉 有機時令鮮蔬 (魚湯) .👉 他鄉炒米絲 (24個月西班牙黑毛豬火腿配福建蒲田米粉) 冬甩妹本身未食過蒲田米粉，原來好好味架！米粉呈超幼絲狀，而且炒得非常乾身，再配上黑毛豬火腿絲，別有一番風味😋 而且份量都好多，最後仲打包咗留返第二日食。(第二日返熱都仲係好好味！) .👉 甜品：福元爆漿芝麻湯圓呢個真心好好味！冬甩妹本身都好鐘意食芝麻湯圓，今次呢個芝麻湯圓近乎完美。有流心效果，而且餡料好幼滑，冇任何過大嘅顆粒，口感一流👍 而且外層好薄、芝麻餡夠多、甜度亦都非常適中，用如此高質嘅甜品作為呢一餐嘅結尾，實在係太滿足啦！😇.👉總結：💲人均消費約$400/位總括而言，呢間餐廳好適合家庭聚會/多人聚會，特別係慶祝生日，因為餐廳唔收切餅費。而食物味道亦不過不失，個別有幾道菜係特別出色的👍 比較少食私房菜嘅朋友值得來試一試。.👉注意事項：最低消費每位$380 (未包加一) 付現金可免茶芥$15/位自攜酒水，頭兩支免收費無切餅費…Read More

朋友升職加人工話請我食飯叫我揀餐廳，諗起之前有朋友介紹過榮哥，所以即刻預約左✌🏻朋友話食好少少所以訂咗$968嘅2人餐😊本地有機沙律水耕菜伴芝麻醬: 用青瓜一捲捲包住啲菜，好新鮮爽脆👍🏻涼伴黑木耳:酸酸地好開胃🤤岩鹽花枝豆:鹹鹹香香😊茶燻流心蛋伴黑魚子醬配厚切茄子: 蛋有茶香蛋味濃，茄子厚得嚟又唔油膩😊原壺舞茸菇杞子螺頭黑毛豚肉湯(位上): 勁足料飲落好清甜唔油膩👍🏻我哋連湯渣都有食到😍溫室南瓜北海道特級帶子: 帶子好厚肉，南瓜清甜配埋青瓜同哈密瓜好清新，仲要好靚好精緻😍四品胡椒匯澳洲皇帝蝦王: 蝦肉好大隻，好香胡椒味但略嫌煮得韌咗少少😂士多啤梨黑豚肉排骨: 酸酸甜甜，下面墊住嗰塊米通好鬆化搭埋一齊食口感好好🤤米王有機時令鮮蔬:小棠菜清甜😋荷香蒜蓉海斑片原籠蒸紅白米飯: 海斑片好嫩滑，米飯粒粒分明👍🏻蒜蓉好香撈埋啲飯一齊食勁好食❤時令甜品:椰汁桂花糕，味道清香唔會太過甜✌🏻侍應好有禮貌，同埋會留意住人客嘅進度上菜👍🏻菜式夠精緻，今餐唔單止胃連眼球都好滿足❤…Read More

聽到朋友介紹這間私房菜不錯， 特意遠道過來試試， 完全沒有令人失望。前菜有四道菜，每一道是水準之作。沙律菜在芝麻醬之上再加了黑松露醋和柚子，無諗過沙律菜都可以咁好食。 流心蛋的醬汁亦非常有心思，食完都唔捨得比人收走，結果留低左點其他菜。湯一飲就知足料，不必多說。成晚其實都無邊度菜係唔好食，特別深刻既係海斑。海斑用了兩種方式煮，一種是黑松露醬，一種是梅醬，海斑肉質新鮮，這間餐廳出色的配汁完全無浪費到條魚。士多啤梨骨同菜苗都係水準之選。整個晚餐都沒有令我失望， 每一道菜都食得出廚師的用心， 如果住得近， 真係日日都嚟食，誠意推薦!…Read More

今晚要去觀塘，又想同老婆食得特別少少，所以book咗依間私房菜。放工紅雨，幸好間私房菜好近地鐵站。入到去，好似去咗歐洲d唐人餐館咁！前菜淮山紫薯小碟：淮山綿丶紫薯甜，加埋香料和芝麻就提昇咗整體的味道。涼拌黑木耳：好爽口，好香麻油味。有機沙律菜：沙律菜新鮮到好似啱啱擇落嚟咁，後尾走果陣先發現門口有座水耕種植系統！難怪有咁嘅直覺。沙律加咗柚子丶陳醋丶麻醬和少許芥辣，配搭好夾丶好開胃，好清新的感覺。茶燻流心蛋伴黑魚子醬配厚切茄子賣相極度吸引，唔捨得食。蛋是新鮮鴨蛋，有極濃烈的煙燻味，生熟恰到好處。蛋黃極度流心，上面有數粒魚子醬錦上添花。茄子輕輕炸過吓，炸粉係白色的，所以肯定唔係用萬年油炸出嚟。炸粉好薄，要油溫控制恰到好處方有如此效果。配埋d汁是perfect match。d汁芫茜味好出，極度啱芫茜控。原盅燉哈密瓜螺頭黑毛豚肉湯有桂圓，飲得出有哈蜜瓜的香味和香濃的果皮味。d螺頭出曬味，好明顯佢真係燉咗好耐。湯好足料，好多肉但冇肥油，味道清甜丶飲完之後冇口渴，相信佢冇落味精。蝦球水芙蓉面頭有炸薑絲，好有心思，唔辣但薑味都出。蝦球好大粒，好爽口且有蝦味。蛋白蒸得好滑，完全冇過火。蒜香芝士焗老外蠔王上菜果陣d汁仲滾緊！蠔嘅鮮味出曬喺d汁度。芝士同埋蒜頭冇蓋過蠔的鮮味。隻蠔好大隻丶好肥美，唔會好似出邊果d煮完就縮到好細。隻蠔夠曬蠔味！士多啤梨骨賣相討好，d醬唔係d人造士多啤梨醬味，而且有d橙皮香，舊肉唔韌，肥瘦恰到好處。魚湯浸溫室菜苗我最怕菜苗的草青味，但呢度冇呢個問題。魚湯亦冇老婆怕的腥味，兩者加埋清清地實在不錯。荷香蒜蓉海斑片籠蒸鴛鴦飯未食已經聞到荷葉和蒜蓉嘅香味。魚係龍躉，d肉係實嘅。除咗白飯外原來仲有紅米，夠曬健康。因為係蒸的關係，d飯粒唔會黏成一團，而係粒粒分明，有嚼口，有荷葉味丶蒜香和飯香。鮮果拼盆新鮮生果成為整個套餐的happy ending。…Read More