在蘭州

营业中

休息中

西九龍中心8樓，三十幾蚊碗蘭州牛肉麵價錢合理叫咗傳統牛肉麵（小辣），起初見佢碗仔細細以為份量好少，抄起撈均又唔算少拉麵質地其實唔錯，有少少筋勁，而且都幾掛湯，但是唔知師父係咪唔小心將個麵頭都掉埋落去煮，搞到個麵變咗一大餅，要自己分返開，同埋個大舊麵頭位煮唔透呢舊麵頭位煮唔透湯都算唔錯，都幾似係大陸食到嘅果陣味牛肉就麻麻地，得一兩塊係肉，其他嘅似係一啲筋位定唔知內臟咁🤔食到小一舊似係栢葉嘅位置，果堆野（內臟？）食落都係偏靭而且冇乜味，類似煲完湯出晒味嘅湯渣咁整體嚟講一試無妨，價錢抵食，而且香港比較少餐廳係食蘭州拉麵🍜，加上師傅係即場拉麵，加分！👍

喺深水埗返工嘅好處就係有食不完嘅美食，呢度食肆餐廳夠晒多，選擇豐富，而且因為競爭大，汰弱留強，所以成日都會有新店開幕，今日就約埋幾個同事去到西九龍中心8樓美食廣場試吓新開嘅在蘭州牛肉拉麵。原來呢度選擇唔太多，暫時只有五款蘭州拉麵，勝在價錢非常相宜，真係糧尾恩物。仲可以選擇幼麵、粗麵、韭葉、薄寬同皮帶麵。另外加錢可以配埋飲品，雖然只係罐裝飲品，但選擇都多。而且仲喺落單位置大大隻字寫住「支持多麵」，大胃王請留意！不過千其唔好做大嘥鬼，真係食得晒先好嗌。原來呢度嘅拉麵全部都係即場製作，眼見師傅非常熟手，佢就係用一個麵團，製作出唔同形狀嘅拉麵，有粗有幼、厚薄不同，真係千變萬化，雖然看似複雜，但師傅三兩下手勢就已經製作出各款拉麵來。外賣包裝仲好細心，麵同湯係分開上，呢個價錢仲有咁嘅服務真係值得感動！先來一個最簡單嘅傳統牛肉麵配幼麵，清湯底配上大量蔥花令湯底變得清香，牛肉夠林身，仲有幾片蘿蔔，我覺得最驚喜嘅係佢嘅拉麵帶點煙韌嘅口感，由於係全人手製作嘅拉麵，所以粗幼唔會完全一致，正因如此就令拉麵口感更加豐富。第二款我哋揀咗五香牛𦟌麵配韭葉，牛𦟌經醃製過夠晒入味，而麵條就正如佢嘅名稱咁，薄薄長長，十足

西九龍𝙵𝚘𝚘𝚍 𝚌𝚘𝚞𝚛𝚝選擇一向都多🪄 想係重重既餐廳入邊突圍而出真係有點困難😶簡約樸素既門面反而吸引我眼球👀 企係門口已經睇到廚房非常有條理、乾淨整齊 值得一讚☺️ 餐牌簡單 只有五款超抵價既手工拉麵 最貴都只係$42 在蘭州 (深水埗)🦦深水埗欽州街37號西九龍中心8樓美食廣場8F-12號舖🥕傳統牛肉麵 $36當然要試下佢有幾正宗啦😗 全部即叫即製 有幸睇到師傅表演啦👀 由搓麵團 到分成小麵團 再搓成長條 對摺拉扯幾次 放入鍋🤪 其實喺門口已經睇到佢有兩大個鍋 其中一煲應該係老湯啦💕 目測真係清徹見底 而且企門口都聞到淡淡既牛肉香味! 老湯既精粹就係每日煮既湯要留低一盆 mix落第二日新熬既湯😍 飲落口係必須要清 唔加任何醬油之類有色既調味 仲有淡淡既香料同牛味 麵條都非常有韌勁😍 蘭州拉面既重點其實係飲湯同食麵😚 所以佢既配料：牛肉 係偏薄細 但肉既份量都好多😇 雖然薄但都feel到彈牙😂 一清（湯清）二白（蘿蔔白淨）三紅（辣油紅艷）四綠（香菜翠綠）五黃 （麵條黃亮）佢都做到🥰 🥕香菇肉沫炸醬麵 $42呢一個就試吓薄寬🥰 因為得0.1公釐厚 所以超級入味 用黎撈就最好食😋 甜甜