牛極 (譚公道) (已結業)

牛極(11/10) 星期一 下午6點左右特式：牛極係多區都有分店，主打石燒牛，紅磡呢間我去個時係啱啱開張無耐。食物：亂切牛排180g - 我去親牛極都係叫呢個亂切牛，佢好聽d就會包含唔同級數嘅牛或者唔同部位，唔好聽就係比晒d頭頭尾尾你，叫呢個既好處係你會食到唔同位置，好彩既就係用相對平既價錢食到貴價既部位，唔好彩既就會係晒d下價貨，所以好唔好食真係完全睇彩數，但勝左唔洗諗。任食區 - 有湯/飯/沙律菜任食。湯 - 通常都係用佢d頭頭尾尾牛肉去做一個類似羅宋湯咁既餐湯，味道叫做中規中矩，但任飲嚟講質數算唔錯，起碼唔係例水咁差，如果屋企少湯水飲，去飲返佢5~6碗都幾著數。飯 - 係白飯可以加佢d飯素調味，我建議除左佢d飯素之外仲可以加少少蒜蓉同燒肉汁，自制一個牛極飯，如果手勢好，分分鐘可以媲美牛角飯。沙律菜 - 都新鮮，但每次去都唔見佢有用野蓋住，衛生程度麻麻，見過有烏蠅係上面出現，另有兩款沙律汁（沙律醋/胡麻醬）。飲品 - 有提供自助冷水自取。環境：餐廳環境都坐得舒服，有好多卡位，可能新開人唔多所以唔嘈唔迫，感覺都唔錯。服務：服務態度唔錯，不過因為佢大部分野都自助，所以對服務都無太大評價

近幾年「焼き肉」呢種方式黎到香港，形形色色既石燒牛店開左，不過牛極呢個價錢真心吸引，食到今次食第三次，呢日行過土瓜灣見有分店又走左入去。餐廳以喺自動販賣機點餐，選好餐後就可以等店員送餐，送上整到一成熟既牛，然後就按自己喜好放喺鐵板度熱到自己想要既熟成程度。自助任食區內有沙律菜，可自由配黑醋/日式芝麻醬，足料牛肉湯同白飯都係任裝。醬料方面，提供左生蒜蓉，燒肉汁同燒汁俾客人自由配搭。食左咁多次之後，覺得最好既食法係拎定多隻碗，將未食既牛放落碗仔度，食到邊先切到邊。如果石板唔夠熱可以叫店員幫忙換過塊熱石板繼續燒。.⚑⚐゛牛肩肉 180g $80牛肩肉質鮮嫩，筋部較小，脂肪比例均勻，配埋生蒜蓉同燒肉汁一齊燒，再伴住菜同白飯食，食食吓就食哂180g牛肉，油膩感亦因為有菜伴住隨之消失.⚑⚐゛亂切牛排 200g $90單睇餐牌圖片，一舊一舊碎上就無咁靚仔架喇，但勝在CP值夠高，俾多十蚊，一次過可以試到唔同部位既牛，牛肩、牛柳,、肉眼，牛胸腹等等。其中有幾舊牛味仲非常濃厚～✰ 其實食到中段都開始飽飽地✰ 佢仲有個午市套餐有雞扒鰻魚同牛舌餐，價錢仲由$55開始有計傾，非常之咁值得試。