影片
更多
2022-07-13
128 浏览
牛極(11/10) 星期一 下午6點左右特式：牛極係多區都有分店，主打石燒牛，紅磡呢間我去個時係啱啱開張無耐。食物：亂切牛排180g - 我去親牛極都係叫呢個亂切牛，佢好聽d就會包含唔同級數嘅牛或者唔同部位，唔好聽就係比晒d頭頭尾尾你，叫呢個既好處係你會食到唔同位置，好彩既就係用相對平既價錢食到貴價既部位，唔好彩既就會係晒d下價貨，所以好唔好食真係完全睇彩數，但勝左唔洗諗。任食區 - 有湯/飯/沙律菜任食。湯 - 通常都係用佢d頭頭尾尾牛肉去做一個類似羅宋湯咁既餐湯，味道叫做中規中矩，但任飲嚟講質數算唔錯，起碼唔係例水咁差，如果屋企少湯水飲，去飲返佢5~6碗都幾著數。飯 - 係白飯可以加佢d飯素調味，我建議除左佢d飯素之外仲可以加少少蒜蓉同燒肉汁，自制一個牛極飯，如果手勢好，分分鐘可以媲美牛角飯。沙律菜 - 都新鮮，但每次去都唔見佢有用野蓋住，衛生程度麻麻，見過有烏蠅係上面出現，另有兩款沙律汁（沙律醋/胡麻醬）。飲品 - 有提供自助冷水自取。環境：餐廳環境都坐得舒服，有好多卡位，可能新開人唔多所以唔嘈唔迫，感覺都唔錯。服務：服務態度唔錯，不過因為佢大部分野都自助，所以對服務都無太大評價
(11/10) 星期一 下午6點左右
特式：牛極係多區都有分店，主打石燒牛，紅磡呢間我去個時係啱啱開張無耐。
食物：
亂切牛排180g - 我去親牛極都係叫呢個亂切牛，佢好聽d就會包含唔同級數嘅牛或者唔同部位，唔好聽就係比晒d頭頭尾尾你，叫呢個既好處係你會食到唔同位置，好彩既就係用相對平既價錢食到貴價既部位，唔好彩既就會係晒d下價貨，所以好唔好食真係完全睇彩數，但勝左唔洗諗。
任食區 - 有湯/飯/沙律菜任食。
湯 - 通常都係用佢d頭頭尾尾牛肉去做一個類似羅宋湯咁既餐湯，味道叫做中規中矩，但任飲嚟講質數算唔錯，起碼唔係例水咁差，如果屋企少湯水飲，去飲返佢5~6碗都幾著數。
飯 - 係白飯可以加佢d飯素調味，我建議除左佢d飯素之外仲可以加少少蒜蓉同燒肉汁，自制一個牛極飯，如果手勢好，分分鐘可以媲美牛角飯。
沙律菜 - 都新鮮，但每次去都唔見佢有用野蓋住，衛生程度麻麻，見過有烏蠅係上面出現，另有兩款沙律汁（沙律醋/胡麻醬）。
飲品 - 有提供自助冷水自取。
環境：餐廳環境都坐得舒服，有好多卡位，可能新開人唔多所以唔嘈唔迫，感覺都唔錯。
服務：服務態度唔錯，不過因為佢大部分野都自助，所以對服務都無太大評價。
價錢：人均大約100左右。
總結：有時見食下牛，又唔想去連鎖快餐店或者扒房都可以考慮下，佢餐湯又唔錯，鐘意飲羅宋湯既朋友都建議去食下。
羅宋湯/自制牛極飯/沙律菜
9 浏览
0 赞好
0 留言
亂切牛排
$98
16 浏览
0 赞好
0 留言
亂切牛排
$98
77 浏览
1 赞好
0 留言
张贴
