今个圣诞,HABITŪ同名模Amanda S合作,推出一系列法式圣诞甜品,每款卖相好有圣诞感觉,但甜品味道与众不同,大部分材料均由法国运来,用料够靓,味道自然加分,快啲睇下各款甜品卖相先!
获名厨Ludovic Douteau指导嘅Amanda S喺早前举行嘅传媒预览中,亲自介绍联乘甜品系列嘅灵感来源、甜品用料等等。
Amanda表示,佢好enjoy喺法国度过嘅圣诞节,喺暖暖火炉旁边欣类窗外嘅白色雪景,从而构思出呢个白色圣诞概念。
呢个White Christmas Log Cake($688/个),以香草意大利芝士蛋糕做base,再加入红莓、欧洲酸樱桃果冻及红莓杏仁蛋白饼做内馅,口感好有层次。造型好似传统嘅法式树干蛋糕,不过呢个白色版法式树干蛋糕睇落更有圣诞感。
因为红莓、欧洲酸樱桃果冻嘅关系,蛋糕味道酸酸甜甜,无一般蛋糕咁斋甜,食落清新啲!
如果怕食唔晒一整个白色树干蛋糕,大可以选择呢款迷你版白色树干蛋糕,食落都系咁fresh,价钱为$52/件!
呢款Santa’s Chestnut Pound Cake以法式牛油蛋糕配以栗子酱、栗子蜜、比利时朱古力等材料,经典又好味。
更多【饮食潮流】: |
红莓朱古力榛子味曲奇Rudolph’s Biscuits都与别不同,特别用果仁磨成嘅面粉,再加埋牛油、糖及红莓去制作曲奇,味道充满红莓味道之余仲渗出淡淡果仁香气,价钱为$98/盒。
其他圣诞蛋糕
圣诞限定饮品
即日起,HABITŪ再次推出白松露栗子鲜奶咖啡($58/杯)及白松露栗子朱古力($58/杯),外卖杯装更附有白色翅膀,增添节日气氛;堂食则跟送松露天使翼曲奇。
堂食节日大餐
HABITŪ亦为节日设计出几款限定菜式,有烟火鸡扁意粉配红菜头忌廉汁($128)、蜜糖圣诞蜜汁火腿拼松露啤梨薯配烤厚切新鲜菠萝($168)、以色列无花果火箭菜沙津配草莓意大利陈醋($78)以及香煎比目鱼扒拼开心果粒意大利青瓜面配无花果陈醋($178)。供应期至2018年1月14日。
节日大餐一定要食甜品,尤其是呢个松露香橙焦糖布丁。
节庆到会菜式
除咗堂食,HABITŪ亦准备咗3款节庆到会menu,价钱由$1,988起,菜式有烟燻慢烤猪肋骨、香煎比目鱼扒拼开心果粒意大利青瓜面配无花果陈醋、威灵顿红菜头甜薯卷、自家烟熏三文鱼、牛油果有机藜麦及羽衣甘蓝凯萨沙律、香煎珍宝扇贝脆烟肉卷、海胆Avruga鱼子酱卡邦尼意粉等等。而且餐厅仲包埋餐枱布置服务,令你哋嘅party更有气氛!供应期为2017年12月4日至2018年1月1日,客人须於派对前三日预订。
有乜送礼之选?
HABITŪ有3款节日礼品set,有姜饼巨人曲奇嘅Warm Christmas($178)、有毛公仔同埋曲奇饼嘅Christmas with RABITU($298)以及以咖啡为主嘅Brewrista di HABITU($428)。
HABITŪ
地址:金钟夏慤道10号和记大厦地下G22-27号舖
文:Joy