$98原条即烧鳗鱼丼二食!铜锣湾新开抵食鳗鱼主题店(有片)
2019-10-18

铜锣湾最近开咗间鳗鱼控值得去试嘅日本餐厅!主打日本鳗鱼,全部即叫即烧,鳗鱼丼最平$68份,原条约170g嘅蒲烧鳗鱼丼都系$98仲唔使加一呀。再豪啲有三重丼,想特别啲又有鳗鱼饭堡。最正嘅系所有鳗鱼丼都可以加高汤自己DIY茶渍饭,二食感觉更抵!
 


鳗工房店如其名主打鳗鱼,日本鳗鱼会按时令挑选最好嘅出产地。有各款鳗鱼丼同鳗鱼小食选择,难怪一入舖头已经闻到阵阵烧鳗鱼嘅香气。
 


原条蒲烧鳗鱼丼($98,转套餐+$30)

最受欢迎嘅一款鳗鱼丼,每条鳗鱼约170g重,加酱汁喺炉上面烧至皮脆肉香再切成四件方便食用。鳗鱼肉唔算非常厚,胜在口感结实,而且烧汁香甜,送饭一流!饭亦特别加上紫菜、自家制蛋丝,绝对够香口。
 


所有主食都可以加$30转成套餐,包括温泉蛋、咸菜、鳗鱼肝白贝汤同玄米茶。鳗鱼肝白贝汤更加特别用鳗鱼骨、鱼头、鱼肝加白贝熬成,味道清甜。
 


而所有丼饭都有二食法:餐厅建议食剩差唔多三分之一嘅时候,请店员畀一碗热昆布高汤,将鳗鱼同饭倒入去,再按自己口味加入白芝麻同紫菜丝,就系鳗鱼茶渍饭啦!昆布高汤清澈,带淡淡鲜味,可以令味道浓郁蒲烧鳗鱼无咁腻。
 


三重鳗鱼丼($198)

三重鳗鱼系指一份有齐穴子、白烧生鳗鱼,同蒲烧鳗鱼三款,建议按返呢个顺序由淡味食到浓味。穴子香气淡雅而且无泥味。白烧生鳗鱼即系无加烧汁从生烧至熟,鳗鱼皮特别香脆而且脂香突出,系最有惊喜嘅一款。蒲烧鳗鱼就最香最惹味。
 

更多【新店直击】:
1. 尖咀新开南非鲍鱼主题餐厅 Happy Hour叹鲍鱼+任饮汽泡白酒两个钟
2. 东京蕃茄沾面专门店进驻中环 香港限定芫荽蕃茄捞面
3. 原只八爪鱼!元朗新开章鱼小丸子专门店 必试人气黑松露及明太子味

 

鳗鱼饭堡($78)

特别啲嘅有呢份饭堡,饭本身已经有调味再烧香,加上牛油生菜、蒲烧鳗鱼、芝士同鸡蛋,睇落细细份但满足度不减。餐厅仲好贴心咁畀埋两块紫菜大家可以包住饭堡食,就唔怕食到成枱都系啦。烧过嘅饭外脆内糯,口感有啲似烧饭团,而鳗鱼同芝士嘅香味又好夹。
 


鳗鱼芝士玉子烧($68)

玉子烧里面系半融芝士同蒲烧鳗鱼,玉子烧嘅淡淡甜味可以衬托鳗鱼嘅蒲烧香味,加埋芝士味道就更加丰富!而且玉子烧熟得啱啱好,嫩滑多汁。
 







鳗工房
地址:铜锣湾谢斐道468号百达中心地下D号舖




文、相、片:Cathy

关键字
铜锣湾
鳗鱼
鳗鱼丼
饭堡
茶渍饭
鳗工房
新店直击
走在最前线,为大家搜罗及报道有关新开餐厅的资讯。
餐厅资料
本月热门
2021及历届米芝莲香港澳门指南完全版
2021-01-27
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
3天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10