5大搵食贴士!一App睇尽全港餐饮笋工
2019-08-29

紧贴住香港饮食潮流嘅各位「搵食」达人,睇过我哋嘅报道就会发现,近年多咗好多过江龙餐厅进驻香港,好似上年年底登陆嘅班戟店J.S. Foodies、最近新开嘅日本天丼店金子半之助咁,以後搵食唔使出国都得。 (记得睇到最尾!有彩蛋送你搵食Tips啊)

 

btw你哋知唔知道搵食搵到尽头系乜嘢?系「搵食」呀!为咗可以搵到更多好嘢食、为咗可以近水楼台先得「食」,梗系加入埋成为餐厅嘅一份子啦~ 机会嚟喇飞云!而家除咗可以喺OpenRice度搵到有咩餐厅好食之外,仲可以喺度搵埋工,实行真‧搵食!

搵食流程:
方法一:OpenRice主页>> 餐饮笋工>>按工种选择

无论你想做餐饮业嘅前线营运,定系後勤部门,只要揿入「餐饮笋工」一栏,就可以按照自己嘅专长同喜好,立即「搵食」!大厨、侍应、调酒师、酒店管理……都搵到,就算想拣埋理想返工地区、受雇形式或者人工嘅range,都唔系问题。

方法二:餐厅页面>>招聘中(右上角)>>一次过睇同一餐厅所有招聘职位

又或者,咁啱你搵紧食边间餐厅时见到餐厅请人中,缘分嘅嘢……仲谂?即刻揿「应徵」啦!有部分工作(只限使用手机app嘅用户)仲可以透过WhatsApp申请添~

餐厅老板或者负责人亦同样可以喺度刊登招聘启示,选择啱心水嘅应徴者。

最後,送多几个「搵食」小贴士畀大家:

==侍应篇==

1. 做足功课
临时演员都系演员嚟㗎,何况你系去见工?背熟「台词」系基本啦。首先要了解面试餐厅嘅背景、文化、餐牌等,最好事前自己真系有去食过一次啦,咁样可以对餐厅所提供嘅食物同服务都有多少少掌握嘛。

2. 食得咸鱼抵得渴
做饮食业呢行,众所周知工时长又假期少,好多时星期六日同公假都要返工,分分钟就算打风都冇得休息,要做好心理准备先至入行啊。

3. 衣着得体
面试当日早少少起身,执靓个头,拣件大方得体嘅衫,女生化埋个淡妆就更理想,睇落精神爽利啲。如果系应徵经理或以上嘅级别,建议着返套suit。

4. 应变力高
面试时,或者会被问及一啲处境题,从对答中睇下你嘅应变能力同埋说话态度。记住任何时候都要保持笑容同埋礼貌呀。

5. 锺意食嘢
唔好笑!呢个真系好重要。正所谓「敬业乐业」,尤其是做侍应经常需要面对客人,向佢哋推介餐厅嘅菜式。要自己都真心锺意,先至会推介得有力嘛。当雇主都感受到你对食物嘅热情时,你嘅成功机会就大咗一半啦。

下次再同大家分享其他小贴士啦~ 希望大家「搵食」成功!
即刻搵笋工:https://www.openrice.com/zh/hongkong/jobs/functions



关键字
餐饮笋工
搵工
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
【随时更新】便利店寻宝 每周新品速报
6天前
尖沙咀新商场开幕 过江龙餐厅一览
2019-08-30
【2019中秋】最新人气话题+送礼靓盒月饼集合
2019-09-09
台中人气手工芋泥甜品登陆尖沙咀 必试招牌双芋仙草奶冻、神仙奶
2019-09-03
伦敦牛油果主题人气餐厅 最新登陆尖东商场 牛油果汉堡+牛油果brownie
2019-09-12