踏入情人节嘅月份，各位情侣们谂到点庆祝未呢？无论你哋系第一年庆祝，定系已经庆祝咗好多年，心思都系必须嘅。如果另一半热衷打卡嘅话，以下呢4间衬晒色tone嘅主题下午茶一定可以帮你加分，记得衬埋衫去为放闪做准备呀。

目录

「紫缀金炫」焕肌下午茶 alibi    

紫色总系畀人一种高贵同浪漫嘅感觉，呢间酒店推出 「紫缀金炫」焕肌下午茶，包括前菜紫甘蓝腌三文鱼配西芹头沙律及烤薄脆饼、森林蘑菇马卡龙、鲜味弹牙嘅加拿大龙虾可乐饼同白毛猪火腿曼彻格芝士多士。甜品就多以天然紫色食材如蓝莓及紫薯入馔，清香幼滑嘅无花果乳酪意式奶冻、浓厚绵密嘅紫薯抹茶慕丝蛋糕同多重层次口感嘅蓝莓伊斯法罕马卡龙，食材天然又好味，仲好啱打卡呀！

供应时间：2023年1月9日至2月28日，每天下午3时至5时30分

「粉红甜蜜 ‧ 果漾下午茶」 pitstop 

粉红控要出动喇！呢个下午茶以多种优质野莓同香桃入馔，无论甜咸点嘅配搭都令人惊喜，而且粉红色真系好梦幻。咸点推介士多啤梨粉红大虾鸡尾酒，虾肉鲜甜爽弹，士多啤梨鸡尾酒酱又够开胃。软壳蟹三文鱼籽鱼松卷以米饭包裹金黄酥脆嘅软壳蟹，味道咸香又多层次～甜品方面红桑子白朱古力挞同玫瑰玛德莲蛋糕都好吸引，前者以香浓嘅朱古力配新鲜红桑子，酸酸甜甜唔会甜腻，後者松软带淡淡玫瑰香。

供应时间：即日起至2023年3月31日下午2时30分至5时30分

抹茶下午茶套餐 Matchali x Moxie  

中环西式咖啡店同本地现代抹茶品牌合作，推出以抹茶为主题嘅下午茶！成个tea都系绿色~ 下午茶三层架套餐包括3道 Moxie招牌咸味小食同4道甜品，咸味小食有黑芝麻虾多士、炸鹰嘴豆配红椒酱等；甜品均采用 Matchali嘅茶道级抹茶同手工焙茶，款款茶味都好香浓又精致，抹茶控不可错过。

供应时间：即日起至2023年3月9日

「沁人柑香」下午茶 YAMA     

见到咁多橙色嘅甜咸点真系令人难以抗拒！温州蜜柑带有恰到好处嘅酸味同浓郁甜味，用嚟整甜品就最啱。以时令温州蜜柑入馔嘅「沁人柑香」下午茶，岩盐蜜柑挞以蜜柑果肉点缀香脆嘅岩盐牛油挞，味道香甜而不腻。柚子芝士慕丝伴柑果冻嘅mousse香滑浓郁，顶部洒上酸甜清爽嘅柚子碎，超清香～另外当然唔少得咸点，包括日本甜番茄伴酢啫喱、特上刺身盛合同自选串烧三款，除咗视觉，绝对满足埋味觉！

供应时间：即日起至2023年2月26日，星期六、日及公众假期3pm - 5pm (最後点餐4:30 pm)

文: Yanica
编：Kar