遇辣愈辣 Pizza店推好狠辣Pizza挑战味蕾(有片)
2017-06-13

夏天总系热辣辣热辣热辣辣好热好热,然後爱辣嘅朋友就会遇辣愈辣。有Pizza店就趁住呢个时势推出咗一个劲辣Pizza同4款辣辣小食,召唤一众辣椒仔女去挑机。

呢个「好狠辣」Pizza系薄批嚟嘅,就咁睇个样,咪又系普通pizza一个,有牛肉、有芒果喺上面,睇唔出有几辣。不过拎上手,闻一闻,就开始知道有料到了。再食一啖、两啖、三啖,OMG!条脷开始麻喇,再慢慢渗到落喉咙,有啲㷫。初初有料佐住食都还好,去到最尾啲边边位,得返啲酱,就系打大佬嘅时间喇!脷测,应该等於谭仔嘅大辣,就连食得下辣嘅开饭仔,都唔可以一鼓作气咁食晒件pizza,必须抖一抖,饮下嘢,回一回气先再继续食到呀。

究竟点解咁辣嘅呢?原来系师傅特制嘅酱汁呀,系由指天椒啦、香茅啦、柠檬叶、姜、香蒜等等加埋一齐而成。

另外几款小食辣嘅程度就相对嚟讲轻好多喇。其中特色香草鸡肉串烧伴葡萄叶包蕃茄饭,外形都几有气势,记得要点酱食,辣汁中渗有椰香,鸡肉本身就有中东香料味,辣得嚟够香。其余仲有水牛城鸡翼、炸鱼墨西哥卷饼等等。

要解辣都唔系冇办法嘅。叫返杯Corona Beerita,啤酒倒插喺鲜果沙冰上面,可以拣插一支或者三支,系霸气嘅。果汁有红绿黄三款拣,分别系士多啤梨加西瓜加红莓、苹果加青苹果加青柠加薄荷,同埋香蕉加菠萝加热情果。




Wildfire
分店地址

文、相:Kar

关键字
铜锣湾
pizza
串烧
牛肉
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】最後倒数!即将结业的老字号及人气小店
2020-04-01
【随时更新】零食速报 每周新款零食、酒品点评
5天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】全城抗炎!多间集团餐厅及老字号宣布 暂停晚巿或休业 (内附名单)
5天前