赶走郁闷打打气!5至6月下午茶推介
2019-05-20
一到五、六月,天气又热又湿。如果你做嘢冇心机,又成日觉得好攰嘅话⋯可能你患上咗「季节性懒惰症候群」!要及早求诊,一个够赏心悦目、够特色嘅下午茶,畀自己relax吓,可能会令大家有返啲精神。下午茶放松一下呢嗰良方绝对系万试万灵!

  Mövenpick雪糕火锅 香港逸东酒店普庆     
呢间下午茶系第一次同Mövenpick合作推出雪糕火锅主题,有无限refill嘅黑白朱古力火锅、加上20几款配料选择,生果、曲奇饼、蛋糕、蛋白脆饼、棉花糖等任你mix&mathch!完全唔使就住食~
雪糕有成10款口味拣,包括冧酒提子、意式芝士蛋糕、焦糖炖蛋等。而且仲有多款咸点,点止得雪糕咁dry!仲有IG创意雪糕火锅摄影比赛玩,真系准备又食又拎。

Mövenpick雪糕火锅下午茶自助餐
价钱:$ 228 /位 (另收加一服务费)
供应日期:即日起至9月30日,逢周末及公众假期(15:15-17:15)

越法风味之旅  帝苑酒店Le Soleil
主打越法菜嘅下午茶是咪唔多见呢?呢嗰好似迷你版嘅巴黎铁塔架上放咗唔少清新嘅越南特色小食,最吸引嘅一定系乾冰上台嘅波士顿龙虾!另外今次餐厅仲同法国巴黎嘅医学美容品牌英格蜜儿crossover,所以啲甜品都系以护肤品嘅材料、颜色做主题,啲蛋糕全部都好吸睛同colourful𠻹!依家嚟食嘅话仲有skincare礼品包,同免费疗程体验券送,先到先得啊~

越法风味下午茶
价钱:$ 438 /两位 (另收加一服务费)
供应日期:即日起至6月30日(15:00-17:30)

 榴槤控必须出席 太子酒店add@Prince     
以榴槤为主题嘅下午茶,简直就系榴槤Fans嘅天堂!到时成间餐厅都应该真系充斥住榴槤嘅飘香~而呢嗰下午茶就设计咗十几款嘅榴槤蛋糕同甜品,而且全部都劲靓,嗰榴槤造型嘅忌廉蛋糕真心够cute。既有住细腻嘅外表,浓浓嘅榴槤香更加系挡唔住。仲有一系列嘅榴槤炖蛋、榴槤挞、榴槤乜乜乜等,出面都未必可以一次过食到咁多!

榴槤周末下午茶
价钱:成人$ 268 /位,小童$ 168 /位 (另收加一服务费)
供应日期:即日起至6月30日,逢周末及公众假期(15:15-17:00)

 Les Néréides首饰概念下午茶 香港嘉里酒店大堂茶座

呢嗰同着名法国首饰品牌Les Néréides合作嘅法式下午茶,应该系女仔见到都会心郁郁!因为呢嗰下午茶系以品牌嘅其中两个首饰系列为主题而去创作餐点。以精致嘅首饰为题,点会唔靓先?好似金箔可可豆咁,真系成粒耳环咁靓,真心边舍得食㗎!Btw除咗喺度叹完嗰下午茶之外,仲有限量版品牌手链同购物礼券送返㗎。不过数量有限,所以要快手先得啦~

大堂茶座法式华丽庭园下午茶
价钱:$ 638 /两位(另收加一服务费)
供应日期:5月17日至8月18日,星期一至五(14:30-17:30),星期六、日及公众假期(14:00-18:00)

 法式生活品味 港丽酒店乐聚廊
由法国Lillet利口酒做主题嘅下午茶,而Lillet嘅酒有独特嘅柑橘果香,锺意果香就啱晒~餐厅仲特别设计咗唔少法式小食畀你一路叹酒一路食,有啲材料仲系真・法国嚟㗎!就好似入面件香烤法国鳕鱼咁,就用咗法国南部卢瓦尔河嘅鳕鱼伴上简单嘅牛油酱汁,一啲都唔腻。讲明法式生活就梗系有甜品啦,香橙蜂蜜芝士蛋糕就同Lillet利口酒味道最夹,一样咁酸甜清新!

温馨提示:下午茶包咗一杯Lillet Marie鸡尾酒,而两位嘅下午茶仲免费赠送法国欧莱雅柔润哑致唇膏,送完即止㗎。

French Chiu Summer下午茶
价钱:$318 /位,$ 538元 /两位(另收加一服务费)
供应日期:即日起日至7月31日,5月31日除外,(15:00-17:30)

钻石品牌典雅滋味 半岛酒店大堂茶座
今次半岛酒店同有「钻石之王」之称嘅珠宝品牌海瑞温斯顿(Harry Winston)合作,以品牌旗下四个经典花卉系列嘅珠宝为灵感去设计menu。如果系品牌嘅Fans就要慢慢叹(同埋欣赏)个tea了~因为唔止啲茶点设计造形靓,就连啲餐具都用咗海瑞温斯顿特色图案标志,同埋经典嘅宝蓝色色调做点缀~唔影返多几张相都对唔住只咁靓嘅碟啦!
呢几款甜品嘅味道都唔会太甜,其中鲜芒果忌廉卷应该系最得人欢心,另外几款朱古力亦各有花香,朱古力挞混入玫瑰茶、另一款则加入薰衣草!咸点亦走清新健康路线,特别系香草青瓜蕃茄包,蕃茄味浓,用青瓜做馅仲够晒健康。


而且惠顾下午茶嘅客人可以到半岛购物商场海瑞温斯顿专门店,以礼品券换领一对以「温斯顿花园」为主题嘅茶匙𠻹~

Winston Garden at The Peninsula经典下午茶
价钱:$398 /位,$ 718元 /两位(另收加一服务费)
供应日期:6月1日至7月31日,(14:00-18:00)

潮食科幻分子料理  DK Cuppa Tea     

透过「全息图」嘅3D图像投影技术,结合到精致嘅下午茶上,真系边食边玩又边睇,嗰感觉极度像真!除咗大玩投影之外,仲有高科技嘅嘢食,就好似用鲍鱼分子料理制作嘅香草蕃茄冻汤,同埋加咗唔少潮流劲兴嘅Superfood:藜麦、螺旋藻、冻乾生果之类,无论系对健康定贪靓都有用!

Btw呢嗰下午茶仲帮你靓埋个心,皆因下午茶收益嘅10%将会捐畀「寻觅烛光.燃点希望」呢个活动嘅相关受惠癌症机构㗎。

iJolly创新「全息图」科幻下午茶
价钱:$298 /位(另收加一服务费)

文:Yanny

关键字
下午茶
酒店
Mövenpick
法国
榴槤
半岛
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
4天前
【2021生日优惠】超爽着数!免费任饮任食日式烧肉/火锅(持续更新)
2021-04-12
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
带妈妈味游异国!母亲节Brunch六选
2021-04-20
3月份好评餐厅十强
2021-04-08