特浓芫茜汤车仔面、传统手吊烧鸡 尖沙咀新开怀旧港式茶室(有片)
2019-07-29

尖沙咀戏曲中心继传统中菜馆後,最近多咗一间怀旧港式茶室进驻。食物方面够晒多元化,无论系港式车仔面、中式吊烧鸡、特色卤水同埋西式小食都有得你拣~


芫茜汤车仔面

讲到车仔面,都可以话系香港代表食物之一。芫茜汤基底系用原只鸡熬制嘅鸡汤,再加上浓郁自制芫茜酱,全个汤都系浓郁茜味啊~芫茜控唔可以走宝。唔知拣咩面底嘅推荐呢款台湾百年老字号手造面,质感有啲似平时食开嘅油面,但就比较弹牙。

配料秘制原件花胶有成只手掌咁大,充满骨胶原。

芫茜控食完车仔面唔够喉,可以试埋呢个芫茜滑蛋烟三文鱼三文治。


虾兵蟹将海鲜汤车仔面

呢个世界当然有好多开饭仔囡们系唔敢食芫茜嘅!唔驶怕,呢个虾兵蟹将海鲜汤都系唔错嘅选择,用上三点蟹及基围虾熬制,惹味之余仲带有淡淡鲜甜。

配料包括入味溏心蛋、即炸响铃及麻辣鸭血,即炸响铃香脆,麻辣鸭血好有台湾风味。


传统手吊烧鸡

餐厅特别订制一个高智能大型风柜,经过风乾後,烧鸡外皮更加香脆,但鸡肉仍然保持嫩滑多汁。


汕头陈师傅特色卤水

餐厅嘅卤水由潮菜大师陈泽嘉师傅亲手主理,以大量中式香料精心熬制。包括专诚搜罗来自潮州嘅南姜、来自揭阳嘅顶级酱油、顶级桂皮、川椒、八角及蒜等。卤水包括鹅片、鹅肝、鹅肠、五花腩、猪大肠,味道唔会过咸,但带有浓浓香料味。


更多【新店直击】:
1. 七十年代香港怀旧风!铜锣湾新开9000尺火锅馆 极上牛肉刺身+稀少爽脆猪脚筋(有片)
2. 人气虾汤拉面店进驻中环 新店夏日限定虾汁胡麻冷面
3. 舒淇KiKi面实体店登陆中环!香港店限定鲍鱼花胶浓汤面+台湾招牌麻辣鸭血面


金牌卤水鹅片饭配首创咸柠檬炖鹅汤、丝苗白饭、芽菜及咸菜,配埋芽菜及酸菜食更加突显鹅味。而台山兴哥手工黄鳝煲仔饭用砂锅上,味道特别香。


小食西班牙红虾多士及怀旧鬼马双星,红虾多士够脆身,怀旧鬼马双星分别系鲮鱼肉及墨鱼胶,点埋沙律酱食好惹味。


游园.茶记

地址: 尖沙咀柯士甸道西88号戏曲中心地下2-3号舖




文、相、片: Yanica


关键字
尖沙咀
戏曲中心
港式
怀旧茶室
芫茜
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
7天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12