深水埗新开马拉茶啡厅 必试肉骨茶、奶油虾、蓝花饭
2018-12-07

锺意食马来西亚菜嘅朋友有口福啦!深水埗呢间新开嘅茶啡厅有餐牌选择非常丰富,由大家食开嘅肉骨茶、虾面,到比较少见嘅海鲜菜式都有,饭仲有四种颜色拣!其中一位老板系居港马来西亚人,保证风味正宗。
 



捌哥.捌哥特色马拉茶啡厅位於深水埗汝州街,墙上有手绘画同马来西亚老板娘自己拍嘅马来风光相。餐厅名捌哥嚟自马拉话Bagus嘅音译,有「好的」、「杰出的」意思,亦系餐厅嘅目标,希望成为香港一间好嘅地道马来西亚餐厅。
 


呢度剩系饭都有四款颜色:蓝色系辣死他啦蓝花饭,绿色系加咗班兰叶嘅辣死你吗椰浆饭,黄色系黄姜饭,白色就系做辣死加多敲门饭嘅。
 


辣死他啦配咖喱鱼($55)

每份辣死他啦都会配参巴酱、椰菜丝、红洋葱、鱼饼等配料,非常丰富。马来西亚人会先整碎咸蛋、薯仔等比较大件嘅配料,再将所有嘢捞埋一齐食。
 


咁样食落味道同口感都最为丰富,既有参巴酱嘅香辣、洋葱丝嘅爽脆、咸蛋嘅咸香、咖喱鱼嘅厚实口感对比分明但又可以融为一体,越食反而越有开胃感。
 


捌哥肉骨茶(大骨)($88)

呢度嘅肉骨茶汤底闻落非常重药材香,味道就甜中带甘,唔会辣亦唔会太苦,饮多几啖仲有少少暖胃感几易入口。有一字骨、猪手仔、三层肉、猪尾等等唔同部位任拣,开饭仔就拣咗大骨,肉厚入味得嚟唔会煲到嚡哂,反而仲几嫩滑。点黑豉油加蒜蓉嚟食最啱味!
 


奶油虾($108)

呢度有唔同虾、鱿鱼同蚬菜式,最易入口嘅就要数到呢碟奶油虾。奶油酱汁Creamy,带微辣同虾嘅鲜味。虾肉亦够弹牙,系一道大人小朋友都会锺意嘅菜式。
 


炸馒头($18/3个,$32/半打)

奶油虾嘅酱汁唔好嘥,除咗捞饭,仲可以点一份炸馒头点嚟食。馒头炸至外脆内软,撕开後吸满奶油酱汁再食,小心会食到停唔到口!
 

更多【新店直击】:
1. 特浓龙虾汤底+灸烧叉烧 湾仔抵食博多风拉面
2. 尖咀新开本地茶饮店 水墨画风芝麻乌龙麻糬鲜奶
3. 黄大仙竹园夜市新开张 一站式扫皱皮肠粉+船面+花胶翅

 

青辣椒蚬($78)

而青辣椒蚬就系马来西亚人食开嘅香辣口味,青辣椒食落嘴唇会有少少麻,辣味突出。一样好啱送返碗饭。
 


沙劳越喇沙($48)

面食一样好好多选择:福建虾面、老鼠粉、白咖喱面、娘惹喇沙等。比较少见嘅有呢碗沙劳越喇沙,喺马来西亚东部流行,比西部嘅喇沙颜色更深,用巴拉盏同虾壳熬制再加上椰浆,所以除咗浓郁香料味之外仲有一阵椰香。记得将巴拉盏倒埋落去捞面,味道层次更上一层楼。
 


美禄恐龙(单点$26,跟餐$16)

食咗唔少辣嘢,不妨饮返杯饮品解辣。呢杯美禄恐龙够哂足料,饮落啖啖都好浓郁!上面仲有蜜糖星星装饰,亦系唔少小朋友嘅心水呀。
 








捌哥.捌哥特色马拉茶啡厅
地址:深水埗汝州街188号地下




文、相、片:Cathy

关键字
深水埗
马来西亚菜
肉骨茶
奶油虾
辣死他啦
辣死你吗
喇沙
捌哥.捌哥特色马拉茶啡厅
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
1天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12