88
30
5
港鐵深水埗站 A2 出口, 步行約2分鐘 繼續閱讀
電話號碼
22536911
營業時間
今日營業
07:00 - 22:00
星期一至日
07:00 - 22:00
付款方式
Visa Master AlipayHK 支付寶 現金 八達通 AE 微信支付
其他資料
電話訂座
當面支付
食評 (141)
等級4 2019-10-19
1410 瀏覽
吃得港式、中式和西式早餐多,愛嚐新的我總是心思思想久不久吃個日式、泰式或南洋星馬早餐滿足自己的饞嘴。在香港,吃南洋菜的茶室餐廳不多,有早餐吃的更是絕無僅有。香港南洋茶室始祖「蘇媽 蘇媽馬來西亞餐室」好便好了,奈何沒有早餐吃;位於大角咀的「麥金 麥金馬拉特色茶啡室 」我不知道有沒有早餐可吃,但這店子網上口碑欠佳,就讓我對它不感興趣。近日竟然給我在深水埗「新香園堅記」新店旁邊發現一間名叫「捌哥 捌哥特色馬拉茶啡廳」的南洋茶室餐廳,不但有南洋早餐吃,而且選擇不少,給我帶來意外驚喜。餐廳吃的是另類早餐,大部分香港人可能不太習慣,所以我先後兩次光顧,早餐時間大概八九點,餐室內客人一點不多,顯得餐室內的地方份外寬敝,一室明亮的餐室,點綴以多幅餐室內的食物介紹字樣與馬來亞的照片,跟「蘇媽 蘇媽」如出一轍,不過一幅黑白素描畫,就與別不同,份外搶眼,整間餐室,在簡單中流露出簡約的美感。先後兩次到來,一次只得我一個,另一次就與愛人同行,吃了數款食品,感覺相當不錯,在早餐時段可以吃到地道的南洋風味,新鮮感與滿足度都甚高。這兒的早餐,主要有六款,價錢由$28-$38不等,凍飲加 $3,特飲就加 $6,只要另加 $15,便可在四款跟餐粉麵中揀選一款,就更加豐富和飽肚了。 客人只要用炭筆在膠質的界菜單上填劃資料,然後遞交店員,不用等待太久,一份特色馬來早餐便會送到。「咖央多士」沒有「蘇媽 蘇媽」的香脆,不過咖央醬的味道不錯,趁熱吃,也不差。「半熟蛋」與「土司工坊」的相似,下點甜醬油,撒點胡椒粉,把蛋送進嘴巴,帶來的,是滿足和幸福的感覺。「跟餐咖喱喇沙」份量比預期的多,真材實料,味道也十分正宗,跟餐價十五元,抵!「檳城香炸滷肉卷」炸得香脆,份量多,餡料也豐,不過我就不太喜歡。「凍馬來亞拉茶」味道濃甜,也有水準。「凍桔仔話梅水」酸中有甜,甜中有酸,開胃,好喝。偶然來一次南洋早餐,甚好!  繼續閱讀
(以上食評乃用戶個人意見 , 並不代表OpenRice之觀點。)
等級4 2019-08-22
2499 瀏覽
友人中意飲肉骨茶,今次帶佢黎到呢間位於深水埗的馬來風味餐廳試下!星期六的下午唔算好多人,起碼唔駛排隊等位,餐廳內裡的牆上掛滿餐廳的招牌菜式名字,而且一入門口的牆上還有一幅壁畫,大概是畫了馬來西亞街頭的景況,幾靚!餐牌上有很多不同的食物揀選,附有一張點菜紙,只要自行填上編號,再給店員便可。只要點了肉骨茶,店員便會先為你呈上每人一碗肉骨茶先,可以先喝一碗,然後再品嚐稍後送上的肉骨茶材料。咖央多士($22),馬來西亞食物又點少得咖央多,這裡的咖央多醬料比例剛剛好,唔會太多亦唔會太少,唔怕整污槽手,亦唔怕唔夠醬料,咖央味道唔會太甜,多士幾脆口!辣死他啦配咖哩雞肉($54),終於都試左這裡的藍色飯,淨係賣相都已經好靚,有好多唔同的顏色!雞肉同薯仔都好香咖哩味,有少少辣,附有參巴醬,參巴醬就真係幾辣啦!除了有薯仔同雞肉,仲有蝦片同咸蛋,用黎送飯一流呀!!!咖哩喇沙($54),湯底好香咖哩味,帶有少少辣,配料仲有雞肉同薯仔!麵底有幾款可以揀,已我就揀了油麵,味道唔錯!大骨肉骨茶($88),舊骨真係好大,這款會用火爐熱住下面,等茶可以保持住溫度。茶入面仲有豆卜和金菇,兩者都吸收哂肉骨茶的味道,特別惹味!而這裡的肉朋茶味道剛剛好,有藥材味但又唔會太過火!美祿恐龍($16)、怡保香咖啡($13),我又飲我最愛的美祿啦!飲果陣可以飲埋美祿粉,好有口感,而且甜度剛剛好,唔會好淡,如果可以再大杯D就好啦!而咖啡順滑香濃,但咖啡味又唔會太過濃!一定會再黎食呢度的藍色飯同埋飲肉骨茶! 繼續閱讀
(以上食評乃用戶個人意見 , 並不代表OpenRice之觀點。)
等級3 2020-01-08
0 瀏覽
一班同事一齊試新野,最好就係可以開心share~~~餐廳裝修好似附近既一間馬拉店整體都好乾淨企理。檳城福建蝦麵 $60首推,小小辣,好足料,而且麵質有咬口,非常非常惹味❤️肉骨茶 $72係馬拉款既肉骨茶,藥材味較重,接受唔到胡椒味既可以一試,送飯一流,而且任添肉骨茶,所以價錢較高(我估😜)老鼠粉 $48 (前) & 芽菜雞+黃薑飯 $68 (後)老鼠粉加左炸豬油粒,好脆好惹味,而且唔會好油,配埋個醬汁都幾好味。芽菜雞一般,雞下面墊咗好多芽菜,仲有豉油source。無太大驚喜,可以不試。辣死你嗎配咖哩雞 $68個人對咖哩不太大興趣,視覺效果好靚,飯亦有椰漿味,不過咖哩雞味道一般馬拉拉茶 (跟餐)都幾滑幾香,下次都會再叫🥰 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-06
0 瀏覽
🇲🇾🇲🇾🇲🇾🇲🇾🇲🇾終於都嚟食喇👅👅👅Walk In即有位👍🏻👍🏻👍🏻唔駛好似蘇媽要門口等食風一嚟就叫呢幾樣😋🔸辣死你嗎(椰漿飯)配娘惹雞肉🔸一字骨肉骨茶🔸玻璃魷魚雍菜🔸咖央多士🔸檸檬薏米水2️⃣0️⃣1️⃣8️⃣年最後晚餐😜最後一天嘅晚餐要食飽D🤣🤣🤣呢一年黎都好滿足🙏🏻想食乜都食到😋😋😋雖然仲有好多Bookmark咗都未去品嚐🥴2️⃣0️⃣1️⃣9️⃣繼續做一個吃貨👅👅👅🤤食多D正嘢😏 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-03
0 瀏覽
上年去完馬來西亞旅行回港後,想在香港找到比較正宗的馬來西亞菜,深水埗的另一間嘅馬來西亞已經試過一次,所以今晚來試試這一間,今晚叫了肉骨茶,肉骨茶可以無限添加,肉骨茶味道和馬來西亞口味十分相似,還跳了喇沙和㗎央多和拉茶,奶茶很香濃,滿分 繼續閱讀
(以上食評乃用戶個人意見 , 並不代表OpenRice之觀點。)