日本食评网高分!连续四年米芝莲推介多贺野拉面抵港 粟国塩味拉面、豚鸭沾面(有片)
2019-08-26

连续四年获得东京米芝莲推介嘅多贺野拉面正式登陆尖沙咀!多贺野系位於东京一间拉面小店,由高野先生及其太太两夫妇小本经营,已经有23年历史,亦喺日本食评网tabelog曾夺得3.99高分,拉面专家们一定要嚟试吓佢!

店内装潢走日式摩登风,有部份枱有趟门隔开,私隐度高。而且亦有唔少打卡位置。


香港店嘅菜单同日本店有八成相似,所有煮法都由日本嘅高野家亲自传授,保证食客食得返日本嘅味道!而且香港店亦秉承日本嘅态度,所有食物都坚持自己造,即叫即制,所以食客要畀啲心理准备要等耐少少啦。


店内有透明玻璃畀食客望住制面过程,拉面每日於店内新鲜制作,烟韧、挂汤力强,仔细嘴嚼後会散发出阵阵麦香。负责人话,会严格控制住制面房嘅温度及湿度,因为每一个因素对面质嘅影响都好大。


粟国塩味拉面($128)

自家制清汤底加上栗国产嘅盐。粟国位於冲绳西北方约60公里,对於日本人嚟讲,呢个地方出产嘅盐系最纯正,而且价格比普通海盐贵六倍。汤底味道清淡,带有阵阵盐香。


多贺野酱油拉面($128)

於清汤底加入猪骨及鸡由朝到晚慢火熬煮,再加上自制浓汤。汤底清澈鲜甜,而且一啲都唔油腻,酱油味都恰到好处。


酸辣担担面($138)

锺意食浓味啲嘅朋友,不妨试吓呢个酸辣担担面。汤底由清汤及酸辣汤组成,加入大量日式香辛料,如胡椒、唐辛子、花山椒及鱼介等,嚐辣者必试。


更多【新店直击】:
1. 幸福Pancake首次进驻九龙!尖沙咀新店限定宇治抹茶浓厚慕斯班戟
2. 上环新开实验风台日式茶饮 旅游达人引入伦敦人气抹茶粉
3. 童年回忆!上环新开怀旧风小卖部 食自家制猪油捞饭、米磨肠粉(有片)


豚鸭沾面($168)

沾面亦都系餐厅另一招牌!沾面汁用上猪、鸡、鸭及鱼干熬制,味道浓郁之余有清新感,一啲都唔会漏~


蟹肉薯饼($68)、吉列炸蚝($78)

餐厅另有供应多款小食,炸物嘅粉浆都相当出色吓,松脆之外仲够晒薄。吉列炸蚝好多汁,而蟹肉薯饼蟹肉味都几重吓。


甜品方面有菠萝雪葩($68)同椰子雪葩($68)食,食完拉面後食返个简直就完美啦!


餐厅连拉面碗都藏有小心思,当客人饮晒所有汤後,会发现碗底印有「最後一滴最欢喜」嘅日文字。


多贺野  

地址: 尖沙咀梳士巴利道18号K11 MUSEA 2楼220号舖







文: Yanica

相、片: Tom Li


关键字
日本
米芝莲
拉面
东京
尖沙咀
过江龙
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
6天前
【随时更新】全城抗炎!多间集团餐厅及老字号宣布 暂停晚巿或休业 (内附名单)
3天前