日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
2021-02-18

呢间来自京都嘅过江龙吉列牛排店京都胜牛早喺2019年已经宣布会登陆香港,等咗一年半,餐厅终於正式抵港,於铜锣湾开设香港首间分店!京都胜牛2014 於日本关西京都发迹,喺日本超过50间分店,系日本市场占有率第一嘅吉列牛排店,早前亦於韩国、台湾等地开设分店。招牌吉列牛排沿用「黄金六十秒」快炸秘方,牛排外层酥脆肉质依然鲜嫩!香港店听日正式开业。


京都胜牛三味套餐($218 )

香港店所有吉列牛排,将沿用总店做法、牛种及部位,裹浆采用日本技术乾面包糠、面粉、鸡蛋制作并按照指定黄金比例调配,牛扒以摄氏190 高温炸至金黄酥脆,上枱时保持完美三分熟,食落酥脆轻盈,食多两旧都唔会咁易腻。


招牌京都胜牛三味套餐啱晒牛魔王,包含炸翼板、菲力及薄片酱味牛,可以嚐尽三款唔同嘅牛排口感,亦会供应九款唔同调味及酱料畀大家配搭。推介翼板牛可配绿芥末;菲力可蘸咖哩酱食,而薄切牛肉同日式温泉蛋食就最夹!而且怕有客人口味唔同,更特意另设烧炉畀大家自行烧至锺意嘅熟成程度,好贴心~所有套餐均随餐送上麦饭、椰菜沙律及味噌汤。


M9 和牛丼伴温泉蛋($198)

注重健康嘅人士如果唔想食油炸品,可以试呢个M9 和牛丼伴温泉蛋。选用 M9 澳洲牛肉,油花分布均匀富嚼劲, 肉香浓厚,配埋流心蛋黄简直一流~呢个餐每日限量供应,想食要早啲去呀。


东京风牛排锅膳套餐($138)

锺意咸甜咸甜嘅滋味,就一定唔可以错过东京风牛排锅膳套餐!坊间都系见到日式滑蛋猪扒多,配牛真系比较少见。餐厅更用上罕有嘅牛肩胛芯,每只牛身上只有三至四公斤,油花均匀细致,先将牛肩胛芯炸过再加上酱汁同煮,入口爽腍,配埋滑蛋汁及甜甜嘅洋葱酱,送饭一流!


更多【新店直击】:
1. 楚捻记新line!荃湾新开饺子店 必试黑松露什菌饺+香煎潮汕韭菜粿
2. Burger Joys副线!荃湾新开平民汉堡外卖店 $48安格斯手打牛肉汉堡
3. 感受韩国居酒屋气氛!中环苏豪新开韩式Sool-Jip 招牌拉丝甜辣炖排骨


霙花猪里脊猪排套餐($148)

唔食牛嘅朋友都有猪及各类海鲜选择,霙花猪里脊猪排套餐可配上椪柑醋酱一齐食,酸酸地好解腻,而特制嘅芝麻猪扒酱一样香浓惹味。


炸三文鱼柳套餐($148)

炸三文鱼柳呈粉橙色,熟成程度啱啱好,点自制他他酱及萝卜蓉食,清新不油腻。


麻糬雪糕糯米糍

食完炸物,当然要食返个甜品中和吓,呢个麻糬雪糕糯米糍系绿茶口味,麻糬外皮烟韧,绿茶雪糕香甜回甘。


京都胜牛

地址: 铜锣湾谢斐道535号Tower 535地库B01号舖





文: Yanica

相: Tom Li


关键字
铜锣湾
过江龙
吉列牛排
日本菜
新店预告
走在最前线,为大家搜罗及报道有关即将开张的话题新餐厅资讯。
餐厅资料
本月热门
【随时更新】零食速报 每周新款零食、酒品点评
6天前
悠长假期 复活节下午茶推介
2021-03-26
【2021生日优惠】超爽着数!免费任饮任食日式烧肉/火锅(持续更新)
6天前
【最平$298最贵$938】佐敦新开日式和牛烧肉放题 独家引入鹿儿岛小田和牛
2021-04-09
【只想专注做好牛腩】金融经纪转行湾仔开浓汤牛腩面店 招牌牛骨浓汤崩沙腩河
2021-04-01