必试松叶蟹甲罗盛煲仔饭!土瓜湾新开创意Fusion餐厅(有片)
2020-02-25

松叶蟹甲罗盛配煲仔饭?黑糖珍珠奶茶变Cocktail?无错,土瓜湾呢间新开嘅Fusion酒吧餐厅主打各款创意菜式,有新鲜感得嚟又好味。加上选用嚟自法国、日本等地嘅优质食材,即叫即做,心机真系加晒分!
 


Nonsense位於土瓜湾,负责人话系因为想悭返啲租金,用靓啲嘅食材希望以质素取胜!其中一位负责人之前系做食品批发,所以可以搵到唔少优质食材,再由厨师创作各款别树一帜嘅菜式。加上近门口有大窗做半开放式空间,通风都好啲。
 


冬荫功·炸软壳蟹($108)

以泰式冬阴功为灵感,大大只软壳蟹炸至金黄香脆再加各款香料,食落香辣惹味,醒胃之余其实都几啱送酒!记得加少少青柠汁,酸酸辣辣咁真系几有冬荫功Feel㗎。
 


叻沙·龙虾尾·炒意粉($138)

开业两个月但佢哋一直改良餐牌,好似呢个炒意粉之前系用大虾,一次改用龙虾之後发现大受欢迎,就决定改用波士顿龙虾尾。厨师好细心已经帮大家开好壳,食落啖啖弹牙龙虾肉好满足!而意粉加香料味浓郁嘅叻沙酱亦够香口,如果虾香再突出啲就更好喇。
 


慢煮黑毛猪鞍扒·八珍甜醋汁·焦糖苹果($258)

餐厅热卖主菜之一,肉厚嘅猪鞍扒慢煮後保持肉嫩多汁。而八珍甜醋汁更加系亮点,味道酸中带甜,配猪鞍扒可以减低腻度。焦糖苹果无想象中咁甜,口感软腍Juicy,令呢碟菜式整体更清爽,好啱女仔同小朋友食。
 

更多【新店直击】:
1. 九龙湾泰菜推泰式小食及啤酒放题 港篮球员兼老板:香港人都要加油
2. 太子蜜瓜饮品专门店 200g日本蜜瓜奶 即叫即制
3. 本地第二代蚝民开蚝主题粉面小店 必试鲜蚝汤米线、大大粒香脆蚝饼

 

北海道松叶蟹甲罗盛·大虾·海鲜日式煲仔饭($238,配白味噌汤)

唔少香港人冬天都锺意食煲仔饭,改成日式唔单止将米改成珍珠米,亦将豉油改为自家调配嘅酱汁一齐煲,令粒粒分明嘅饭充分入味。配料方面就换成北海道松叶蟹甲罗盛同各款海鲜:大虾、蚝、青口、带子、鱿鱼。
 


主角松叶蟹甲罗盛嘅蟹膏味相当香,加上蛋黄捞匀就可以捞饭食!而饭焦除咗就咁食之外,亦可以加落配搭嘅白味噌汤一齐食㗎。
 

 

Okinawa Black Sugar Milk Tea($58)

叫得酒吧餐厅,呢度亦供应红酒、白酒、各式鸡尾酒同特饮。呢杯Okinawa Black Sugar Milk Tea有Cocktail同Mocktail两个版本,都系用咗冲绳黑糖浆加上奶茶作为基底,最後洒上朱古力粉令饮品睇落有啲似盘栽,味道香甜。
 


Perfume Fruit Oolong Tea($58)


另一杯特饮推介系Perfume Fruit Oolong Tea,饮之前可以按自己喜好喷上玫瑰糖浆,令呢杯水果茶增加香气,成为色香味俱全嘅饮品!水果茶用乌龙茶、苹果汁、热情果酱等调配,酸甜清新。如果介绍呢两杯都唔啱心水,不妨试下同Bartender倾计,佢可以按你嘅心情帮你调配出属於你嘅Cocktail。

而家用OpenRice订座,惠顾晚饭,可免费享用一杯特饮或红白酒!
 




Nonsense  
地址:土瓜湾北帝街143-155号顺辉大厦地下4号舖




文:Cathy
相、片:Calvin Kwok

关键字
土瓜湾
Fusion菜
日式煲仔饭
Cocktail
Nonsense
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
3天前
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
7天前
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12