幸福班戟新界首店!沙田新店限定日本士多啤梨宇治抹茶炼奶班戟(有片)
2019-12-11

由日本红到嚟香港嘅班戟专门店,第三间香港分店终於开到去新界区啦!新店仲有限定口味:日本士多啤梨宇治抹茶炼奶班戟,宇治抹茶鲜忌廉上面系香甜日本士多啤梨同特制炼奶酱汁,啖啖和风滋味啊~
 


日本士多啤梨宇治抹茶炼奶班戟($108)

幸福班戟沙田新店限定嘅就系呢份日本士多啤梨宇治抹茶炼奶班戟,原味梳乎厘班戟一贯蓬松微甜而充满空气感,上面系大量使用京都宇治高级抹茶制作嘅宇治抹茶鲜忌廉、一粒粒日本士多啤梨果肉,同特制练奶酱汁。
 


士多啤梨酸甜多汁,衬托出抹茶嘅幽香同回甘,加上少少练奶酱汁嘅甜味,味道层次丰富。不留意返因为日本士多啤梨供应期有限,所以系期间限定供应。
 


热朱古力班戟配自家制谷麦($88)

天气转凉,班戟都想食热啲?呢款热朱古力班戟配自家制谷麦就有暖笠笠嘅朱古力酱,香浓得嚟唔会太甜盖过班戟本身嘅香味,加上牛奶味超香又柔滑嘅忌廉,自家制谷麦香脆又有咬口,食完一定够满足。
 


珍珠抹茶拿铁($68)

 尖沙咀同沙田外卖店限定嘅珍珠饮品系列,有奶茶、拿铁、梳打唔同口味选择,抹茶拿铁饮落味道柔和,有茶香但略欠微甘。拿铁顺喉,珍珠烟韧有咬口。
 


装修由日本室内设计师设计,以绿色、木等为主,感觉自然柔和。而且沙田比较多小朋友,所以同尖沙咀店一样,特别请嚟日本人气漫画少女Lara做壁画设计,最啱各位自拍打卡!
 


沙田店秉承用料严谨精神,采用自家合约农场嘅新鲜鸡蛋、新鲜牛奶制作嘅发酵牛油、纽西兰最高级麦芦卡蜂蜜等等。亦一样系即叫即制,所以班戟落单後要等大概20分钟呀留意返。
 


外卖店使用纸盒同粟米造嘅可生物分解环保餐具




幸福班戟
地址:沙田沙田正街2-8号新城市广场3期3楼A326号舖




文、相、片:Cathy

关键字
沙田
Pancake
幸福班戟
班戟
甜品
幸せのパンケーキ
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
5天前
九龙城$388 大闸蟹+台式小吃放题 任食多膏大闸蟹、肥美蚵仔卤肉饭
2020-10-27
优雅小聚 11月下午茶推介
2020-11-03
【订座感谢祭】 快闪$20餐饮券第八弹 激抵烧烤优惠
2020-11-06
Wine & Dine 2020预告 免费网上学品酒 精选品酒套装率先睇
6天前