尖咀新开本地茶饮店 水墨画风芝麻乌龙麻糬鲜奶
2018-12-07

经过一阵台风茶饮店嘅攻占期之後,最近有间本地茶饮店了发围了。喺尖咀一个商场内,开咗间以水墨画为主题嘅舖头,有打卡able嘅茶饮、茶味雪糕同茶味甜品。

每杯茶都好似一幅艺术画作咁,以独家水墨笔刷画杯,有纹有理,最靓嘅就系呢杯黑白画风嘅芝麻乌龙麻糬鲜奶。以台湾高山乌龙茶冲泡而成嘅茶汤,再加自家打成嘅芝麻酱同奶味麻糬粒,茶味系几甘香嘅,仲有阵阵芝麻香。同埋预设甜度系50%,相比平时饮开嘅台茶系冇咁甜,当然大家都可以根据自己喜好拣甜度啦。

紫薯控要拣紫薯铁观音坚果奶盖,紫白色调有种浪漫感。白色系以腰果、开心果、杏仁、夏威夷果仁、合桃自家打成嘅坚果奶,加埋日本紫薯,而奶盖则一反传统,唔用芝士,改用铁观音同坚果奶打成,口感绵密,亦都冇咁heavy。

至於呢杯黑糖珍珠奶茶,仲加入咗吕宋芒果汁,色水就几靓喇,但啲珍珠口感就偏软腍咗啲。

火龙果铁观音坚果奶盖饮落甜甜酸酸,几清爽;而麻糬玄米抹茶鲜奶就有阵玄米茶香。佢哋嘅茶系用独家专利嘅六段式萃茶机制作,将茶叶磨成唔同嘅粗幼度之後,经六次唔同嘅水压同温度嚟冲泡。

除咗茶饮,呢度仲有联乘本地品牌「慕茶」,设立茶雪糕专柜,有多款独家自制茶味gelato雪糕,包括日本玄米抹茶、高山乌龙茶、焙茶、茉莉花茶味雪糕等等,仲要低糖低脂喎,食多几球都唔使怕肥。

呢4件靓靓cake系戚风寿司,即系戚风蛋糕。蓝紫啡白4只味分别系云呢嗱、香芋、伯爵茶同芝麻味。

之後会陆陆续续推出其他茶味爆谷,暂时系抹茶味。

茶墨
地址:尖沙咀弥敦道100号The ONE 4楼L411号舖

文、相、片:Kar

关键字
尖沙咀
茶饮店
珍珠奶茶
抹茶
雪糕
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】最後倒数!即将结业的老字号及人气小店
2020-07-21
【随时更新】零食速报 每周新款零食、酒品点评
2020-07-31
全城抗炎!北角酒店最新应变 自助餐都有得外卖?
2020-07-17
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-07-30
好人好店! 餐厅全日禁堂食 民间自发开放午膳空间地点一览
2020-07-29