Sanrio粉丝今个圣诞最开心，因为周围都有好多Sanrio嘅嘢食呀，其中有个品牌仲推出士多啤梨祭添呀。

啲士多啤梨由日本直送嘅，圣诞版士多啤梨瑞士卷有3款卡通，蛋黄哥、My Melody同Little Twin Stars着晒圣诞装，件装好、原条好，都一样有原粒士多啤梨喺中间，一切落去嗰下仲会爆cream添~

而呢几个木盒，拣返自己锺意嘅卡通啦。入面装嘅全部都一样，系近年好兴嘅北海道双重芝士蛋糕，加咗士多啤梨果蓉嘅，酸酸甜甜感觉唔太腻。

呢几个樽你哋见惯见熟啦，啲乳酪脆脆朱古力由英国入口，都系士多啤梨味，食完个樽仲可以循环再用添。

另一款朱古力，系原粒士多啤梨抹茶朱古力呀，咬开系有粒果乾嘅，但抹茶朱古力层略嫌厚咗少少，甜咗少少。

至於呢几个罐就系爆谷嚟，我听到啲粉丝嘅OS：个罐咁靓，为咗个罐而买都唔系好过份啫，可？

Last but not least，三间分店分别会推出三种雪糕呀，去边间入货就睇你想要食咩口味喇，屯门店系豆腐味，马鞍山店系特浓士多啤梨味，至於即将新开嘅荷里活店就有Cremia系列添呀！

山下菓子新店地址：钻石山荷里活广场一楼142 号舖
预订网站：https://kingsleycafe.com

文、相：Kar