元朗心机小店 叹两食牛肉面+手工肉燥(有片)
2018-06-11

香港人对台湾菜嘅爱似乎有增无减,继台式饮品开到成行成市,去到元朗转角位亦搵到呢间新开嘅小店,家庭式经营全靠落足心思同时间:每日去街市买新鲜牛骨、足料熬煮嘅红烧汤、焖至入味嘅肉燥等等。难怪已经系唔少同区街坊嘅推介,仲有客人跨区嚟试!
 

二悦由店主同屋企人一齐经营,所以小店只有10个座位,确保服务同食物维持水准。二悦既指「二月」,即系店主生日月份;亦系希望客人「易悦」,食完餐厅嘅出品後容易觉得喜悦呀。
 


 二悦红烧牛肉面($68)

装盘非常特别嘅牛肉面,皆因有两种食法:拌面同汤面。手工日晒面条从台湾入口,煮好後加入酱油同葱油拌匀。食落味道咸淡适中,无盖过面条嘅面粉香又有葱香。背後原因系佢地嘅葱油系自家制,爆足两个钟令香味充分发挥。厚切嘅牛腱属半筋半肉,富含胶质,甚至有少少黏口嘅口感。牛肚亦非常入味,爽口唔韧。
 

 

建议大家先食拌面,之後就可以用汤碗试下红烧汤底嘅味道,最後按自己口味加汤变汤面。红烧汤底系用牛骨汤加上多款蔬菜,好似蕃茄、红萝卜、洋葱等,同香料熬煮约两个钟。汤底闻落有好香嘅蕃茄同香料味,而且用茶壶奉上有助保温。味道比酱油咸少少,但带蔬菜嘅自然甜味,加上无油腻感,香浓讨喜。
 


手工肉燥乾拌面定食($62) 

另一面食推介系肉燥拌面,肉燥系人手切碎再焖煮约两日至完全入味,食落酱汁粘稠,瘦肉有咬口而唔柴,肥肉入口即溶。酱油嘅咸香、猪肉嘅油润,同冬菇嘅香味拌以滑溜嘅手工面条,食落味道啱啱好。
 


而定食仲会附牛汤一碗、前菜一碟同两款自选小食。牛汤系餐厅每日去街市买新鲜牛大骨,熬煮1-2日而成。奶白色嘅牛汤闻起嚟已经相当香,味道带牛骨嘅淡淡甜味,滑而唔腻。小食方面开饭仔就拣咗糖心蛋同牛腱,前者流心效果非常诱人,而後者入味富胶质。
 

更多【新店直击】:
1. 太安楼扫街攻略 必扫4大最新小吃
2. 将军澳新开日式快餐店 一人前一口和牛铁板烧
3. 炭烧原条韩牛肋眼上盖 旺角新开韩烤店

 

手工肉燥茄子($25)


菠萝青柠蜜($18) 

除咗面食之外,小店仲有小食同饮品选择。茄子炸过後保持柔软,又相当容易吸收酱汁,加上肉燥汁够香,系非常惹味嘅一道小食。而菠萝青柠蜜无额外添加糖浆,甜味天然又够消暑。
 

最後温馨提示一句,小店不设加一,不过会定期休息,唔想摸门钉就记得上佢地Facebook Page睇睇。味道或者唔算最地道,但佢地欢迎任何意见,好似有街坊话之前嘅铁壶唔够保暖,佢地而家就转咗做茶壶,系几有心思嘅!
 





二悦
元朗合益路9-15号纪业楼地下G号舖




文、相、片:Cathy

关键字
元朗
台湾菜
牛肉面
手工肉燥
拌面
二悦
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
7天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】最後倒数!即将结业的老字号及人气小店
2天前
2月份好评餐厅十强
2020-03-05