健康谷物茶饮配桃胶!尖沙咀新开文青感台式饮品店
2020-09-03

成日都心思思想买杯手摇饮又怕有罪恶感?尖沙咀呢间台中过江龙品牌就无呢个问题!茶底选用唔同谷物同豆,每款都有唔同功效,又用桃胶、黑木耳等有益食材嚟取代珍珠,好饮有咬口仲更健康呀。特别推介决明子同薏仁系列,前者味道似咖啡但无咖啡因,後者有助美白祛水肿好啱女士饮㗎。
 


植作茶品牌嚟自台中,由两位香港90後女生带到嚟香港。首店位於尖沙咀山林道,装修以木同自然风格为主,唔单止希望畀大家打卡咁简单,仲摆咗唔少本地文创作品,好似独立乐队嘅单曲,文学杂志等等,连畀大家休息嘅木凳都系同香港木工坊订制,落足心思。
 


黑糖桃胶决明子鲜奶($32)

品牌一大特色系用低温烘焙嘅豆谷去取代平时饮开嘅茶饮去冲茶,所以全部都无咖啡因,好似呢杯就用决明子茶配搭黑糖桃胶同鲜奶。决明子有助清肝明目,饮落带少少类似咖啡嘅甘苦味同带少少麦味,加埋柔顺嘅牛奶更易入口。而桃胶高纤同高蛋白质,加黑糖煮过食落爽口微甜,配搭讨喜。
 


紫米茶鲜奶小芋圆($32)

紫米茶带天然紫色感觉特别梦幻,当中嘅花青素仲有抗氧化功能,紫米亦有助补血养气、调整气色,味道就系淡淡嘅米香。大部分食材都从由台湾直送,不过小芋圆就系香港制造,坚持无添加任何防腐剂或添加剂,口感软糯烟韧。
 

更多【新店直击】:
1. 和洋风格轻食配自选豆咖啡 何文田新开纯白精品咖啡店
2. 去上环型食叉烧!新开杯装叉烧外卖店 创意辛麻及柚香口味
3. 尖沙咀新开手工冬甩期间限定店 多款创意咸甜冬甩 奶茶味大推



薏仁鲜奶($29)

薏仁有助美白祛水肿,小店更特别用大薏仁同小薏仁,因为坊间一般煲薏仁汤或者薏仁水都会用易熟嘅小薏仁,但其实功效嚟计大薏仁会比较好!所以佢哋会将大薏仁煮好再打碎,而小薏仁就保留粒粒口感,咁就既有咬口又有益啦。
 


红豆茶露($30)

台湾唔少女生都会饮红豆水去湿,特别系祛下半身水肿!品牌选用台湾万丹红豆熬煮而唔系用即冲粉剂,饮起嚟甜甜哋无豆腥味。而配搭嘅茶露其实系黑木耳碎,比桃胶更爽脆,而且富含膳食纤维及微量元素,有「血管清道夫」之称唷。
 


全部饮品唔单止无咖啡因,豆谷都系低温烘焙保留营养成分。饮品无任何化学添加剂,亦唔会用奶精,饮品加嘅都系鲜奶。所以要留意返摆室温嘅话要两个钟之内饮完,放喺雪柜亦最多可以摆三日咋。
 





植作茶
地址:尖沙咀山林道10-12号山林阁地下2B号舖




文:Cathy
相、片:Calvin Kwok

关键字
尖沙咀
台式饮品
决明子
紫米茶
薏仁
红豆水
无咖啡因
植作茶
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】零食速报 每周新款零食、酒品点评
2021-05-03
【2021生日优惠】持续更新!5月食日本直送海鲜送西班牙红/白酒
6天前
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15