32
4
0
食評 (37)
聽朋友講山林道新開左間好特別嘅茶飲店,主打唔係平時嘅珍珠奶茶,而係養生又零咖啡因嘅穀類飲品。雖然舖位細細,不過木系裝潢都幾覺眼,放左好多乾花、稻草、相片等,配搭非常舒服。一到門口,見到Menu寫嘅材料都唔常見,例如決明子、玄米、黑豆、紅麥等等,仲手寫埋有咩功效,令我心大心細左好耐。本來想點黑豆茶,但店員話當日鮮奶系列做緊九折,就點左薏仁鮮奶(去冰無糖,原價$29,折後$26)。Menu寫薏仁鮮奶可以美白、消水腫同祛濕毒,有冇效就未知,但奶味非常香,薏仁超級足料,我估起碼有四分一杯。由於我叫無糖,薏仁係比較淡口但帶有穀物香味,好甜嘅朋友可能要叫多少少糖份啦。順便一提,店內飲管有分紙飲管同膠飲管,我無留意就攞左紙飲管,自己飲野慢,飲飲下紙飲管爛左,有少少尷尬。如果你想飲好似薏仁鮮奶之類比較足料嘅野飲,就最好唔好攞紙飲管。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-29
94 瀏覽
[唔試會後悔嘅健康台茶店]植作茶係我其中一間最鍾意嘅台茶店,佢地唔賣奶蓋同珍珠,反而賣桃膠、茶露、決明子茶、黑豆茶......呢啲係香港唔係最受歡迎嘅飲品,默默地係山林道堅持佢地嘅理念。佢地以低溫烘焙嘅豆同穀物代替一般嘅泡茶,而且全部都無咖啡因(夜晚飲唔怕訓唔著😳)材料方面除左芋圓係made in hk,其他原材料全部係台灣入口,睇得出佢地對品質嘅追求。另一個鍾意植作茶嘅原因係因為佢地「有靈魂」✨手寫嘅詩句、有翻動痕跡嘅文集、有自己名嘅兩張木凳.......目之所及,皆是心思。有興趣可以follow佢地instagram,好有意思:)飲過佢地幾款飲品,推薦下......🐨黑糖桃膠冬瓜混麥茶入口飲到冬瓜獨有嘅焦糖香,但因為溝左麥茶,所以緊接而來嘅反而係麥茶嘅醇香,唔會好甜好膩,配埋桃膠啱啱好😛🐨決明子鮮奶 相信唔係好多人知決明子咩味,用店主嘅話就係「咖啡」味😂呢杯野飲落就好似latte咁☕️但又無咖啡因!🐨蜂蜜玫瑰紫米茶 蜂蜜玫瑰系列係糖度固定嘅,令我一開始都有啲卻步,但試過一次就🤯雖然係甜,但似得出係蜂蜜味嘅甜,而且玫瑰味超濃,係幾少女嘅一杯茶😂(起初我以為紫米茶入面係有紫米,但係我錯了......)如果平時係飲得落半糖少糖嘅真係可以試吓! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-12
201 瀏覽
台式茶飲可能喝慣了,有時候會心思思想試試新口味。早前友人大力推介這間位於山林道的茶飲店,說很喜歡店家的蕎麥茶系列,這天我剛好經過可以試試。小小的店面,店家擺放了不少裝飾。左邊有如一個小型展覽,右邊擺放書籍,充滿文化氣息。店裡擺放了手抄的詩和一些書籍,雖然寫明有興趣可以看看,但我怕會弄髒所以沒有。雖然友人推薦蕎麥茶但我想喝紅豆系列。店家超貼心的提供微溫選擇,暖暖地可以立即入口感覺很窩心。紅豆茶鮮奶$30,微溫微糖。雖然價錢不便宜,但是入口散發淡香紅豆味,加上鮮奶口感很幼滑細膩,感覺用料新鮮,這個價錢是值得的。另一抵讚之處是店員很熱心,一直怕你要等,會時不時請你等等,很友善~如果再經過會想再多試試其他口味最後附上餐牌給大家參考。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-12-08
101 瀏覽
除左厚福街之外 而家山林道都慢慢形成一條黃店街😍而家仲要進駐多一間主打健康既台式茶飲店 為食之人又可以多一個選擇 實在太好了!😚佢地賣既飲品同坊間台式飲品店好唔同 比較小清新配料好多新奇嘢 有決明子、茶露、薏仁等等 好特別😻研究咗好耐先決定到揀蜂蜜玫瑰紅麥茶飲甜度固定無得調較 但飲落唔太甜 甚至有啲清淡但茶既麥味好香好濃郁 如果夏天飲一定好舒服平時飲開奶蓋呀黑糖呀 有時都覺得太膩偶爾有啲清新健康既選擇都唔錯🥰 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-20
159 瀏覽
早排留意到依度開左一間飲品店 剛好經過就順便幫襯一下 外表是一間好有日系感覺的小店 但實際其實係賣健康飲品 絕對值得一試價錢方面唔算貴 門口貼有的Menu也有細心的寫上功效 方便一啲想針對指定要求既客人選擇今次就試左黑糖冬瓜茶 價錢算貴 $20 飲品好快都整好 份量比想像中大 算係幾抵味道方面 一入口都好重黑糖味 完全cover哂冬瓜茶既味道 黑糖味相當重 如果可以減少啲會更好🤔其實希望下次再經過 幫襯下其他的飲品😂😂😂 繼續閱讀
(以上食評乃用戶個人意見 , 並不代表OpenRice之觀點。)