伦敦牛油果主题人气餐厅 最新登陆尖东商场 牛油果汉堡+牛油果brownie (有片)
2019-09-12

等到啦!嚟自伦敦嘅牛油果主题餐厅,即将要喺香港开业喇!作为全球首间嘅海外分店,餐厅菜式同伦敦店一样,都系以牛油果做主打,由前菜、沙律到主菜甚至甜品,样样都以牛油果入馔,其余食材亦多以健康有营嘅superfood为主,够晒健康!

呢度嘅牛油果,主力选用秘鲁或者墨西哥国内可持续种植方法栽培而成嘅品种,营养价值高,有成20种维他命、矿物质等。

咁多款菜式,以两款特色汉堡最为吸引!绿色嘅「包」面,系去咗核嘅牛油果嚟,一款配以红扁豆同炸蕃薯饼,另一款则配上龙虾同芒果热情果酱,前者嘅蕃薯甜身带焦香,後者则啖啖酸甜。牛油果质感软滑清新,值得一试。

而Smashed Chilli Avo则将多士换成甜薯,搽上牛油果酱,再配埋辣椒同椰子乳酪,味道清甜中又带有微微嘅辣。

牛油果控就必须要试呢个终极牛油果多士(The Ultimate Avo Toast)喇!又牛油果蓉,又牛油果片,仲有牛油果lime jam,一个牛油果有几款唔同texture可以一次过食晒系大满足嘅,锺意点样配搭都得,加多只黄姜水波蛋,成个摆盘仲有啲all day breakfast嘅feel咁好丰富。

鳕鱼蘑菇牛油果 Risotto则喺面头唧上一层牛油果foam,轻盈软滑嘅口感减轻Risotto嘅腻度,必须要讲嘅系,烤过嘅鳕鱼超香,系全碟嘅精髓,甚至仲抢fo过牛油果科科。

记得要留quota喺度食埋甜品,同样都系加入咗牛油果㗎!抹茶班戟加咗自家制嘅牛油果酱,绿上加绿!兼且仲可以自行选择想配咸定甜味嘅馅料。

而牛油果朱古力brownie亦相当有惊喜,一大块brownie方砖中, 原来内藏牛油果肉喺中间,即使系甜,都有几种唔同层次嘅甜啊。

各位牛油果控是咪睇到好想食呢?9月16日先至开业啊留意返,等多几日啦。到时应该仲会有多款牛油果cocktails添呀。


Avobar
地址:尖沙咀梳士巴利道18号Victoria Dockside K11 Musea B2楼B201-4号舖


文:Kar
相、片:Tom Li


关键字
尖沙咀
过江龙
牛油果
英国
伦敦
新店预告
走在最前线,为大家搜罗及报道有关即将开张的话题新餐厅资讯。
餐厅资料
本月热门
【随时更新】零食速报 每周新款零食、酒品点评
4天前
【随时更新】最後倒数!即将结业的老字号及人气小店
7天前
全城抗炎! 5间酒店自助餐转型 任点任食海鲜/主食/甜品 变阵保卫生
2020-03-17
【特约分享】超抵外卖陪你抗疫 即睇将军澳饮食地图!
2020-03-10
【随时更新】全城抗炎!多间集团餐厅及老字号宣布 暂停晚巿或休业 (内附名单)
4天前