九龙城一人“牛边” $88骟牯牛颈脊有乜咁巴闭?
2017-12-20

呢排天气咁冻,打边炉是常识吧!成日食“吉边”都嫌闷啦,不如改试九龙城呢间一人“牛边”,价钱相若,但系用嘅都系高质靓骟牯牛颈脊。听个名似乎好架势,但实情呢个骟牯牛颈脊有乜咁巴闭呢?

骟牯即指已阉割嘅牛只,被阉割嘅牛只嘅活动比起未被阉割嘅牛只无咁多,比较斯文啲,因此骟牯牛身脂肪较多,牛味亦更浓郁,口感亦比较嫩滑而不韧。店子用嘅系骟牯秦川和牛,肉纹好完整,而且无乜油花。

至於牛颈脊,系牛只活动最多嘅部位,比起其他牛肉部位,脂肪亦比较少。肉质同一般肥牛、肉眼、西冷都好唔同,肉味亦相对浓郁。

一只牛只有少量牛颈脊部分,来货价格自然贵,店子用嘅仲要系本地新鲜牛肉,购自拥有30多年经验嘅香港第一牛肉买手莫景雄,牛颈脊每日从屠房新鲜直送到店,由店子手切上碟,绝无雪藏气味,畀各位牛魔品嚐高质素、「牛汁牛味」嘅“牛边”,实属难得。

有靓牛,都要有好味汤底衬托。店子用超过50斤牛骨牛颈肉、胡椒、香叶熬煮超过6个钟头。汤色偏深,单单汤底就已经好有牛膻味,味道好鲜甜,亦好浓,浓到连平日火锅沾嘅调味酱都可以唔要,而且明显饮得出无添加味精。

汤底滚起後,放入牛颈脊,大约10秒左右就可夹起食得。牛颈脊纹路分明,无乜脂肪,食落有咬口得嚟而唔会韧,咀嚼时间越长,阵阵牛味不断渗出,身为牛魔嘅开饭仔表示好正!美中不足嘅系,“牛边”只跟一碟6块牛颈脊,如果想食多几块,就要追加牛颈脊啦,价钱系$48!

更多【饮食潮流】:
1. 呢个圣诞最「芝」味!The Cheesecake Factory圣诞推介
2. 快餐店出火锅! 超足料姬松茸花胶鸡锅
3. 麦当劳冬日新品!$28 北海道三文鱼菠萝堡餐

除咗牛颈脊,“牛边”亦包咗牛丸、鱼蛋、菜肉云吞、时令蔬菜、鸡蛋、粉面及葱花。牛丸、鱼蛋均由店子手打,牛丸好似牛筋丸咁好有肉感、有咬口,内里嘅油香渗满整个口腔,赞;四方形嘅白鱼蛋非常弹牙,渌起即食嘅话仲会爆汤汁添!

菜肉云吞来自北京水饺店,味道清新,能减轻浓郁嘅牛膻味,惟云吞皮略嫌过厚。

粉面有粗面、幼面、河粉、米粉、伊面(加$4)选择,开饭仔就选择河粉,河粉比较幼身滑溜,容易煮熟之余,亦好吸牛骨汤精华,客人好容易一边食河粉,一边饮晒牛骨汤底。不过唔使担心,店子可免费加汤架!

鸡蛋Special食法!

“牛边”包括来自湖北嘅鸡蛋,蛋汁比较深色,蛋白较少,而且充满蛋香。老板Kenny建议两种食法,第一种就将鸡蛋打入碗中,并加入葱花、少许牛骨汤拌匀,就做成牛肉嘅沾酱,口感更滑溜。

第二种就系,将鸡蛋打入汤中,然後快速搅匀形成蛋花,煮成牛骨蛋花汤,品嚐牛味至极致。

口渴点算好?只要like店子Facebook page,即刻送你汽水1支,so easy。

食材追加价目表:
本地手切牛颈脊 $48/6片、手打牛丸 $38/7粒、手打鱼蛋 $38/7粒、菜肉云吞 $42/6只、酥炸鱼皮 $26/碗、时令蔬菜 $23/碟、鲜鸡蛋 $5/只

牛魔王火锅
供应时间:6pm-10pm
价钱:$88/位
注:只限晚市供应

同场加映!首推牛颈骨煲

除咗牛魔王火锅,餐厅亦推出牛颈骨煲!以马来西亚肉骨茶作为灵感,用牛味好浓嘅牛颈骨熬汤,加埋煲得软腍嘅牛筋、吸收汤汁嘅萝卜,好鲜甜。仲配埋白饭1碗,滋味又饱肚。


坤记牛腩
地址:九龙城侯王道2B号地下


文:Joy

关键字
火锅
牛边
一人火锅
牛颈脊
打边炉
九龙城
饮食潮流
开饭仔为大家发掘香港这个美食之都的最新美食资讯,分享饮食潮流文化。
餐厅资料
本月热门
【随时更新】便利店寻宝 每周新品速报
2019-11-29
【2019圣诞】早鸟优惠! 圣诞自助餐推介
2019-11-27
秋风起!5间大闸蟹放题食店集合
2019-11-19
【2019圣诞】年尾叉电 圣诞下午茶集合推介
2019-11-19
【2019圣诞】约会之选 圣诞市集推介
1天前