东京蕃茄沾面专门店进驻中环 香港限定芫荽蕃茄捞面(有片)
2019-10-14

近年多咗主打唔同汤底嘅日本拉面店嚟到香港,今次中环呢间就主打健康蕃茄沾面!以有机蕃茄做汤底,而且可以自选辣度,打造独特嘅和洋风格。老板仲为香港人设计咗两款捞面,包括超多芫荽嘅香菜蕃茄汁捞面呀。
 


The Tomatoman嚟自日本东京,香港首间分店选址中环,皆因餐厅主打嘅蕃茄沾面糅合日式同西式风格。沾汤选用有机意大利蕃茄加和风汤头制作,而蕃茄含有嘅茄红素有抗氧化、防止血管老化等功效,亦符合现今追求健康饮食嘅潮流。
 


而面条当然亦有考究,沿用日本制面配方,再喺香港搵本地制面厂改良制作。做出嚟嘅面条偏粗身,口感烟韧有嚼劲,同时亦够挂汤。而沾汤可以从微辣至特级辣(+$10)共6款辣度当中选择。
 


达人招牌番茄汁沾面($128)

达人招牌沾面简单一句:即系有齐咁多特色配料!包括大大块用日本黑毛猪制作嘅叉烧、特制煮猪肉、本地新鲜芫荽、溏心蛋、紫椰菜、紫菜、青瓜渍物,另附柠檬,畀大家按自己喜好挤出柠檬汁,令沾面味道更清新。
 


沾汤望落相当浓郁,但食落其实蕃茄味道无想象中浓郁,感觉似带蕃茄酸味嘅蔬菜汤。而且沾汤有秋葵、西兰花等蔬菜,就咁饮其实几有咬口。同埋唔好睇少佢哋嘅辣度,老板用咗几款唔同辣椒,唔食得辣嘅开饭仔食微辣都系勉强挑战成功......
 


香菜番茄汁沾面($98)

而特别锺意食芫荽嘅各位「荽友」,就要试呢份香菜番茄汁沾面啦!落咗特别多本地新鲜芫荽,芫荽嘅清香同蕃茄嘅微酸非常夹。而且芫荽有丰富膳食纤维、维他命A、C同胡萝卜素,即系食落更健康呀喂!
 


芝士粉饭($25/迷你版)

呢度其中一个特别食法,系先食沾面,唔够饱再点一份加咗车打芝士粉嘅饭,将剩低嘅沾汤倒落热辣辣嘅饭上面,自制意大利芝士烩饭!芝士粉唔算特别多,胜在沾汤同车打芝士味道都夹。
 

更多【新店直击】:
1. 韩国人气三进鱼糕抵港 鱿鱼鱼饼棒、甘薯奶酪棒鱼饼、蟹肉花鱼饼
2. 原只八爪鱼!元朗新开章鱼小丸子专门店 必试人气黑松露及明太子味
3. 全用MÖVENPICK 雪糕、鲜牛奶及鲜果制造 尖沙咀新开美式奶昔店

 

香菜蕃茄汁捞面($108)


番茄汁捞面($98)

老板为香港特别设计嘅两款番茄汁捞面!以招牌蕃茄沾汤为基础,再加秘制酱汁,辛辣味道更突出。前者加咗更多本地新鲜芫荽,又系各位「荽友」必试!


炸鸡件定食($98)


生姜烧猪肉定食($108)

除咗沾面同捞面,呢度亦有唔同小食同定食,好似炸鸡件定食同生姜烧猪肉定食,都好有日本家庭料理嘅感觉。
 


溏心蛋紫菜番茄汁沾面($108)




The Tomatoman
地址:中环歌赋街13号地舖




文、相、片:Cathy

关键字
中环
拉面
蕃茄沾面
芫荽蕃茄捞面
The Tomatoman
蕃茄达人
新店直击
走在最前线,为大家搜罗及报道有关新开餐厅的资讯。
餐厅资料
本月热门
【随时更新】最後倒数!即将结业的老字号及人气小店
2020-05-19
【随时更新】零食速报 每周新款零食、酒品点评
1天前
全城抗炎!人气酒店自助餐重开 每位送鲍鱼、带子
2020-05-11
全城抗炎!喺屋企做大厨 懒人煮食包/套餐集合文
2020-05-13
【随时更新】全城抗炎!多间集团餐厅及老字号宣布 暂停晚巿或休业 (内附名单)
2020-04-29