亲,属於情侣嘅放闪节又嚟啦!单身族,一个人,又如何?有咩好怕喎!虽然今年大条道理可以留喺屋企「避炎」、「避闪」,但如果「无饭家族」嘅朋友,开饭仔陪你……搵几间好啱一个人开餐嘅餐厅!
足料虾汤拉面 缘屋 札幌元袓虾汤拉面
香港咁多间拉面店,点解呢间特别啱一个人食呢?全因餐厅绝大部份都系「面壁」或者bar台嘅单人位!一个人食都唔怕要同人搭台、面对面食咁老尴~另外,呢间拉面店主打日本直送嘅甜虾头熬煮汤底,重口味嘅朋友就要试下味噌虾浓汤拉面啦,超有虾味嘅汤底,鲜甜之中又有味噌浓郁嘅香味,饮晒成碗汤都唔觉口渴先最厉害!
文青茶品café TEA HUB
想安静享受一个人嘅时光,呢间清新嘅文青café绝对系不二之选!一如其名主打各式茶饮,无论系中国潮州乌龙茶、泰式拉茶,定印度阿萨母红茶都有。而且提供一人份嘅茶食套餐,以茶入馔,有茶渍饭、茶汤面,再慢慢饮埋杯茶,悠悠闲闲就一个下昼/夜晚啦~
一个人食石烧牛 神
边个话一个人唔可以锯扒?!呢间石烧牛餐厅提供牛柳、西冷、安格斯等,位位一块铁板就可以自己食自己。牛肉juicy,而且可以按返自己喜好,锺意食几成熟都冇问题。仲有无限任添白饭、沙律,好好享受一个人的浪漫啦。
寂寞有如一口牛扒 Pepper Lunch
图﹕soya1314
每年都会有餐厅推出情人节一人餐,呢间连锁餐厅今年就第一次推出嘞!「我现时自己肯做饭」餐,呢个餐冇嘢多,最多就系一粒粒粉嫩嘅一口牛扒,有名堂架,叫「寂寞有如一口牛扒」,软腍得嚟又有肉汁,仲有菜有粟米有嘢饮,唔算寂寞啦~
供应日期: 2月14日-2月16日
文﹕Kiko
编:Kar