【2020圣诞】休闲打卡 堂食外卖均有选择 圣诞下午茶推介
2020-12-23

就快圣诞节,往年就话去旅行啫,今年冇得飞、冇得去外国感受白色圣诞就要plan下节目喇。唔少酒店同餐厅都陆续推出圣诞下午茶,搵个下昼畀个机会自己放松下啦~不过呢排疫情咁严峻,想留喺屋企安全啲嘅,都一样可以叹到Tea,有外卖下午茶呀都。

外卖

圣诞外卖下午茶   香港四季酒店

喺屋企一样可以叹下午茶。香港四季酒店嘅外卖下午茶,以红色圣诞树造型嘅三层架盛载住4款咸点、5款甜点,加招牌松饼,充满节日气氛。其中几款甜点更以圣诞为主题,例如迷你朱古力柑橘圣诞树干蛋糕、红酒烩野莓雪人法式蛋白杏仁饼同迷你姜饼人等,又睇得又食得。

价钱:$628(2人)
供应期:即日起 至12月17日

Waltz of Festive Joys 节庆下午茶    乐聚廊

金钟呢间酒店则同Perrier-Jouët法国巴黎之花香槟合作,推出节庆下午茶,墨绿色嘅下午茶盒设计有啲似姜饼屋,内藏多款圣诞主题嘅咸甜点,要数最吸睛嘅当然系圣诞老人同圣诞树造型嘅圣诞曲奇啦,够晒cutie。另外有传统嘅英式圣诞甜馅饼,内馅系酸香乾果同辛料同云呢嗱忌廉;法式栗子蛋糕以时令栗子制成栗子蓉入馔,啖啖香口,师傅仲特意加多咗粒小铃铛上去增添气氛。

价钱:$502(2人),另赠送限量圣诞小熊玩偶乙只及TeaWG 香茗茶包两份
供应期:即日起 至2021年1月3日

Tiffany 四件装甜品盒   The Tiffany Blue Box Cafe

外卖下午茶愈嚟愈盛行,连呢间打卡界嘅大大,The Tiffany Blue Box Café都首次推出外带甜品礼盒。虽然系外卖,但依然贯彻餐厅一向嘅纽约风格,以纯白色礼盒盛载,充满贵气。四件装甜品盒包括以佛手柑玫瑰慕丝同红桑子士多啤梨内馅制成嘅迷你 Blue Box 蛋糕、焦糖爆谷朱古力挞、栗子忌廉蛋糕,同埋纽约芝士蛋糕。另外,平时只可以堂食享用到嘅海盐焦糖白芝麻味The Blue Box Celebration Cake,而家都可以带走返屋企啦~ 呢个圣诞要喺屋企打个靓卡都唔系问题啦~

供应期:12月10日起接受预订

堂食

 德国Steiff小熊节庆下午茶 Café 103   


锺意熊仔嘅你,就唔可以错过呢个下午茶啦~香港丽思卡尔顿酒店嘅Café 103联同德国传统公仔品牌Steiff合作推出一系列充满德国风情嘅下午茶,包括咗10款糕点。特别推介黑森林慕丝杯呢个德国必食嘅甜品,一层层嘅Valrhona朱古力海绵蛋糕、樱桃蜜饯同慕丝再配上淡淡嘅Kirsch樱桃酒,甜入心~喺12月24号至26号呢几日仲有派完即止嘅可爱Steiff小熊锁匙扣一个𠻹。

Steiff小熊节庆下午茶
供应期:2020年12月1日至2021年1月3日
价钱:$458/一位,$788/两位
(2020年12月24日至26日除外;有关节日价钱,请餐厅参阅冬日节庆活动列表)

 「圣诞糖果世界」下午茶 廷廊 

廷廊推出嘅呢个下午茶set,呈现咗一个高贵优雅嘅糖果世界出嚟,将九款精美嘅甜品放喺三层架上面,再加入可爱嘅圣诞元素上去,令人好似走咗入童话世界咁,充满童心。圣诞tea set包括咗传统开胃嘅圣诞猪包毯、迷你姜饼人曲奇、红丝绒树头蛋糕同自家制嘅招牌英式松饼,九款糕点慢慢叹,啱晒畀大家同闺蜜年尾嚟chill一chill!

「圣诞糖果世界」下午茶
供应时间:2020年12月1日至2021年1月3日
价钱:$698/两位、$958/两位(包括香槟一杯) (每位$298升级两小时无限量供应香槟)

梦幻佳节香调下午茶 Gradini 

今次Gradini联同法国传奇香氛品牌GOUTAL推出圣诞节限定下午茶set。大厨将橙花柑橘同玫瑰嘅香气加入食物,令到食物带有淡淡花香。下午茶包括四款咸点同五款甜点,如蟹肉、柚子及飞鱼籽脆饼、青瓜配刁草忌廉芝士三文治同玫瑰白朱古力慕丝。除咗品嚐Tea WG嘅茗茶之外,大家仲可以额外升级试下GOUTAL「梦幻香调」无酒精饮品同鸡尾酒,全方位畀啲香气包围住,感觉好放松~另外,凡惠顾呢个下午茶,仲可以获GOUTAL限量精美礼品乙份,包括香水随行装(5ml/7ml)乙份(款式随机送出)、GOUTAL购物礼券同「香.遇GOUTAL」美酒体验工作坊礼遇卡乙张添~

梦幻佳节香调下午茶
供应日期:即日起至2021年1月10日 
供应时间:15:00-17:30
价钱:HK$298一位用;HK$528两位用
额外HK$48享用GOUTAL「梦幻香调」无酒精饮品一杯或HK$78享用GOUTAL「小甜心」鸡尾酒一杯

欧陆圣诞下午茶 Popinjays   

香港美利酒店嘅天台酒吧同餐厅嘅下午茶足足有12款咸甜点,份量十足,有英式松饼、美味曲奇同埋各款特色蛋糕等。喺天台餐厅睇住美景同闺蜜打下卡,倾下计,一齐享受呢份精致奢华嘅下午茶,就再写意不过~

圣诞下午茶
供应日期:2020年11月30日2021年至1月5日
价钱:$698/两位

比利时风节日下午茶 Artisan Lounge 


尖沙咀呢间开放式嘅餐厅酒吧就同比利时王室御用皮具品牌Delvaux合作,推出特别版节日下午茶。以品牌年末推出嘅「Constellations」星空系列为灵感,将漫天繁星同海军蓝色带到茶点当中。同时亦有比利时特色,例如将下午茶常见嘅英式松饼换成比利时松饼。

Festive Afternoon Tea
供应日期:2020年12月8日2021年至1月4日
 


文:Hailey
编:Kar


关键字
圣诞
圣诞节
下午茶
开饭专题
开饭仔为你提供各类型最新饮食情报及优惠,全面照顾你的饮食喜好。
餐厅资料
更多
收起
本月热门
【随时更新】零食速报 每周新款零食、酒品点评
2021-05-03
【2021生日优惠】持续更新!5月食日本直送海鲜送西班牙红/白酒
2021-05-07
带妈妈味游异国!母亲节Brunch六选
2021-04-20
期间限定$1抹茶菠萝包、$3竹炭菠萝油 佐敦新开 2500 尺新派点心小厨
2021-04-30
荃湾新开 人气名古屋班戟分店 首推冲绳紫薯梳乎厘班戟+班戟汉堡
2021-04-15