【鼠年开饭】步步「糕」昇 新年新款糕点图监+优惠
2020-01-07

好快就到农历新年喇!又系一年一度一日三餐都食糕嘅日子喇!餐餐都食糕,梗要搵多几款口味嘅糕先冇咁闷啦~ 今年有唔少餐厅同酒店都有新款糕品呀~ 睇下有冇拣啱边款?早啲入货仲有优惠添呀。

姜蜜白玉丹年糕 国金轩

国金轩今年新推出嘅呢款姜蜜白玉丹年糕,食落有冬姜、姜蜜嘅微辣,同时又有蜜糖嘅滋润感,富有层次。而且加入粒粒海底椰,特别有嚼头,兼且仲有清热润肺之效,新年食咁多煎炸热气嘢,有得中和返啦~

元贝淮山糕   翠亨邨

呢款元贝淮山糕全城独家㗎!以高纤鲜淮山、爽甜沙葛配生晒虾米制作糕点,食落好有口感,仲唔使怕愈食愈腻添~切成方形粒炒香,加埋辣酱就好惹味啦~

Sanrio可爱年糕 奇华饼家

Sanrio粉丝就开心啦,呢间饼家今年再次推出好可爱嘅Sanrio孖装年糕礼盒,有印有Hello Kitty嘅「迷你亚嫲糖年糕」,同My Melody嘅「迷你椰汁糖年糕」,咬落够晒烟韧!买礼盒仲附送限量版嘅Sanrio 环保袋添~讲开又讲,另外仲有6款糖果礼盒呢~

麻辣萝卜糕 大师姐X 大班楼

辣椒酱、萝卜糕绝对系天作之合!呢两个品牌今年携手合作,推出麻辣萝卜糕!辣酱以青花椒、二荆条等多款辣椒煮成,辣度十足,再配埋川味腊肠、腊肉嘅萝卜糕,以辣酱带出萝卜嘅鲜甜,麻辣控听到都流晒口水喇。

健康全素糕点   Green Common

要健康过年一啲都唔难!近年好兴嘅Omnipork新猪肉,呢间素食餐厅就用咗嚟制作全素糕点,好似新猪肉XO酱红藜麦萝卜糕咁,除咗以新猪肉代替传统猪肉之外,仲加入健康嘅红藜麦,纯素XO酱则以香菇、金针菇、辣椒等制成,热量较低呢!而桃胶胎菊马蹄糕闻落就有淡淡嘅香味,甜而不腻,仲可以滋阴养颜添~

四款全新糕点  L’hotel Group

呢个集团今年首次推出贺年糕点,而且一系唔出,一出就出成四款!分别有瑶柱腊味XO酱萝卜糕、五香腊味芋头糕、如心金糖年糕及桂花燕窝马蹄糕,特别推介女士必食嘅桂花燕窝马蹄糕,好味之余又有得养颜。

集团旗下餐厅有售: 如粤沪中菜厅 / forte / canton pot / Corner 18 / LIS Café / 川流

至尊奶黄糕  圣安娜

上年大受欢迎嘅至尊奶黄糕今年再度登场,仲升咗级添~ 以椰丝代替椰奶,椰香比往年更浓郁,口感亦更软糯。锺意椰香嘅朋友仲可以拣埋黄金榚,椰汁甜度刚好。

米芝莲二星糕点    新同乐鱼翅酒家 优惠餐饮券

新年想食好啲嘅,不妨试下呢间米芝莲二星餐厅嘅糕品吖,瑶柱腊味萝卜糕够晒香口,套装可选配多盒鲜椰汁年糕、桂花红豆糕或者五香腊味芋头糕。如果咩都想试啲嘅,四式锦盒就满足到啦~ 四款齐晒。而家经OpenRice购买餐饮券仲有66折优惠添!

即买餐饮券:贺年糕点套装四式锦盒


文:Kiko
编:Kar

关键字
新年
年糕
萝卜糕
马蹄糕
Sanrio
开饭专题
开饭仔为你提供各类型最新饮食情报及优惠,全面照顾你的饮食喜好。
本月热门
全城抗炎!送上门懒人煮食包及套餐大合集2.0 花胶炖汤/火锅/铁板烧
2020-10-07
牛大人火锅姊妹店!旺角新开台式烧肉吃到饱 任食澳洲 M5 和牛、SRF极黑牛霜降牛肉眼
2020-10-19
【即睇10月生日】酒店半价放题 Tiffany & Co.旗舰店导赏
2020-10-06
高级意大利菜餐厅尖沙咀重开 拥无敌海景 即席炮制经典芝士黑松露意粉+抵食3道菜午餐
2020-10-12
滋味到家!新鲜海野海鲜+逾200款蔬果肉类 食材直送上门网站推介2.0
2020-10-08