【鼓励健康饮食文化】四间少盐少糖港式餐厅推介
7天前

一提起港式餐厅,都会谂起乾炒牛河、沙嗲牛面、西多士等传统美食,所以唔少人对港式餐厅嘅印象都系重口味及油腻,一啲注重健康嘅人士更会避之则吉。但其实香港本地餐厅都有供应少盐少糖菜式,位置遍布全港,今次搵咗四间参与咗少盐少糖食店计划嘅港式餐厅介绍畀大家,希望大家支持本地饮食文化之余更食得健康啲。仲有呀,呢啲少盐少糖菜式唔少都可以打破大家对本地餐厅食物嘅样板式倒模印象!


华星冰室


牛油果鸡蛋多士

今次华星冰室供应嘅三道少盐少糖菜式,都系由艺人及营养学家欧倩怡负责设计,尽显心思!首先要介绍系招牌菜牛油果鸡蛋多士,牛油果系近年被誉为超级食物,属较高纤生果,提供碳水化合物及纤维,亦含丰富单元不饱和脂肪酸及多元不饱和脂肪酸,有助降低血液内胆固醇含量,保护心血管。餐厅坚持选用澳洲或智利顶级牛油果烹制而成以保证其鲜味,配合埋同样营养丰富嘅鸡蛋以及采用天然调味料即柠檬汁及黑胡椒碎调味,不需添加额外嘅盐和糖,一道简单好味又有营养嘅菜式就诞生咗!

 

蘑菇炒蛋配英式方包

坊间好多面包出售时已经加入唔同配料调味,所以餐厅连面包都系自家制,盐嘅份量比平时少一半。配合埋优质农场提供嘅新鲜蘑菇及鸡蛋,蘑菇含有天然嘅谷氨酸盐,不但增添鲜味,更可替食物提供咸味,所以成道菜都无加盐及糖调味,只系配合天然香料黑胡椒、乾燥罗勒叶及青葱等味道已经好足够。


生菜吞拿鱼三文治      

创作少盐少糖菜式,除咗调味外,於选择食材方面已经要下功夫。好似呢味生菜吞拿鱼三文治,餐厅特意选择水浸吞拿鱼取替常用嘅盐水,因为盐水会增加钠嘅摄取量。加入新鲜生菜及黑胡椒碎,带出吞拿鱼本身嘅味道,就唔需要另加盐或糖。


茶餐厅2.0


红菜头野菌意大利饭

好多时意大利饭都会加入奶油烹调,虽然味道会更浓郁,但相对上就无咁健康。餐厅就使用新鲜红菜头打汁,以鲜菜头嘅鲜甜味取代砂糖调制酱汁,配合埋新鲜什菌,无论视觉定味觉都一样咁满足。


榄油蒜片鲜虾意大利粉

一道好简单嘅意粉菜式,食材包括鲜虾、初榨橄榄油及蒜片,比平时落少咗四分之一嘅盐,主要食返香蒜原始嘅味道及用初榨橄榄油带出虾嘅鲜味。


香草牛油烤焗比目鱼

呢道香草牛油烤焗比目鱼主要系想突出返食材本身嘅味道,采用鲜牛油配以香草烹调,提升比目鱼嘅鲜味,比平时落少咗四分之一嘅盐,而且经过烤焗嘅比目鱼外脆内软,鱼肉嫩滑有肉汁。


谢谢侬


干贝赛螃蟹  

干贝赛螃蟹食材包括蛋白、干贝、甘荀角、蘑菇及毛豆,因为蛋白本身系一样味道唔重嘅食物,所以好多时都会加好多调味料烹煮,餐厅今次就用清汤烹调方式取替油炒方式,蛋白吸收清汤味道,咁盐糖份量就可减半,做到较低油又较低钠,食落特别清新。 


田园狮子头

狮子头平时都系一款重口味菜式,餐厅一改以往浓油麻酱做法,将油、盐及糖份量减半,务求做到健康田园风味,更可突出返狮子头肉味,食多两件都无问题!



清炒河虾仁

食海鲜当然系食鲜味喇!清炒河虾仁都一改以往烹调手法,改为用自家制嘅清鸡汤去烹调,盐少糖减半,健康啲又食得出河虾鲜甜。         

    

翠华餐厅

未来肉碎煎蛋饭

采用纯植物成份嘅Omnipork 新猪肉代替免治猪肉,比传统猪肉更少盐分,其独有纯素蛋白质配方主要来自豌豆、非基改大豆、冬菇及米。大厨将白菌粒、甘笋粒、西芹粒、香草等炒香後,加入新鲜番茄及茄茸煮成汁,再加上新猪肉烩煮成浓郁酱料,配上流心煎蛋及肉碎拌匀後捞饭食,一样咁惹味同埋更加健康!


冰镇秋葵或芥兰(配芥辣豉油) 

秋葵或芥兰只用滚水灼熟,之後浸冰水几分钟,沥乾水後即可上碟,煮食过程中完全无用盐糖等调味料。客人可根据喜好减少或避免蘸点酱油以减少盐分吸收。



* 资料由客户提供 


关键字
少盐少糖
港式
健康
客户专讯
餐厅资料
更多
收起
本月热门
2021及历届米芝莲香港澳门指南完全版
2021-01-27
情人节爱意满泻 甜蜜蜜堂食/外卖下午茶推介
2021-02-01
【随时更新】零食速报 每周新款零食、酒品点评
2天前
日本吉列牛排店京都胜牛进驻铜锣湾 黄金六十秒炸法 推介京都胜牛三味套餐
7天前
楚捻记新line!荃湾新开饺子店 必试黑松露什菌饺+香煎潮汕韭菜粿
2021-02-10