bunny_woof's Profile

呢間韓國人主理嘅意大利Cafe 主打手工意粉 用窯爐即焗嘅拿玻里薄餅🍕餐廳環境真係唔錯🥂白色簡約風格 高樓底設計 有置身韓國Cafe嗰種精緻又空間感大嘅感覺✨Bar枱仲可以望晒成個烹飪過程🥂 氛圍感滿分 絕對會為此再黎🌟之前新開張係要排隊 當日平日午餐完全唔使排！——— ———————————————————餐前附送嘅Focaccia薄脆柔軟橄欖油香氣滿分 可以！🍝 Truffle White Ragu ($150)手工意粉質地煙韌彈牙芝士嘅鹹香同埋松露嘅香氣混合配埋牛豬肉醬 的確濃香整體濃稠掛汁 推薦！🐰耳仔飛起指數：9/10🍕Margarita ($188)脹卜卜嘅批邊真係好靚質地鬆軟綿綿 彈性煙靭 不錯但麵粉香冇乜 純食批邊會冇乜味茄底似純蕃茄打成蓉 感覺天然幾raw 清新微酸澀 帶一絲羅勒香氣 0油感係中規中矩 健康天然嘅Margarita🐰耳仔飛起指數：5/10🍰 Tiramisu ($70)三粒字 非常甜 甜到遮蓋咗咖啡味佢唔似用手指餅 似濕啲嘅磅蛋糕質感密度偏高 口感偏粗嚡感覺同Cream分離 唔係走傳統路線 食幾啖就停咗口🐰耳仔飛起指數：0/10——————————————————————…Read More

呢間曾經被譽為全球Top 50同亞洲第五嘅burger店 連友人都話係佢心目中香港no.1嘅burger 店🫡——————————————————————🐮 Cheeseburger ($120)用上100% USDA Black Angus Beef肉餅外層以鐵板高溫煎焦🔥內裏仍留有肉汁 食落牛脂香甚濃✨夾上酸瓜 生菜 蕃茄 紅洋蔥 呢啲經典嘅配料再用埋獨有嘅法國牛油包 Brioche bun🍔令整體多股牛油醇香 經典中又多翻韻味🧈友人食完表示仍然係佢心目中第一！🐔雞肉漢堡生炸雞扒同之前一樣乾咗少少🙏🏻不過雞扒幾厚身 所以中間位都ok！同樣夾上經典嘅配料~🍅再配以甜甜嘅蜜糖芥末醬🍯食落罪惡感冇牛堡冇咁重🙈——————————————————————🍟小食識食一定係揀炸薯波！水牛城雞翼都係必食之一以生炸方式炸出酥脆外皮加埋佢特別酸嘅醬料 係勁開胃！而家買啤酒仲送雞翼 建議衝🙏🏻🥤奶昔肥仔啲叫做Oreo味🥺飲落成個溶版麥旋風咁🤩 但太肥仔建議share 🫡——————————————————————┍━。━。━。━。━。━。━。━。━。━。━。┑🏠 Burger Joys (灣仔)📍灣仔駱克道42-50號君悅居地下E號舖📍西環西營盤第一街27-29號太益樓地舖┕━━━━━━━━━━━━━━━━━━━━━━┙…Read More

上環新開咗間主打Lasagna嘅餐館 沿用意大利袓母嘅家傳秘方 幾正宗咁 加埋紅白餐枱布 棕木色家具 極有意大利家庭餐館嘅感覺😙 間中1kg T-bone有半價 $600有找😲 平日Lunch set $148起unlimited salad + garlic bread + 1 Lasagna + drink 都幾抵食！——————————————————————🧄 Garlic bread 個包內裏軟綿得黎 外皮又有法包嘅脆 🤩加埋焗到焦黃拉絲嘅熱溶芝士🧀整體咸芝士>>>> 蒜蓉牛油食完都冇成口蒜蓉臭味 🙏🏻幾啱唔鐘意太蒜 食到成口味嘅人有啲似mother of pizza 蒜蓉包嘅加脆版建議沾埋Lasagna食蕃茄醬食 仲正！🐰耳仔飛起指數：10/10🐮 Beef Short Rob Lasagna Classic Lasagna 以鐵鍋焗起上枱🥘夾雜一絲絲嘅紅酒牛小排軟嫩帶勁牛味又重 喺呢個Lasagna一大加分位✅配以感覺天然清嘅蕃茄蓉醬🍅加埋兩款芝士 經典又無容置疑嘅美味！✨🐰耳仔飛起指數：10/10🦀 Seafood Lasagna (+$20)原來海鮮醬汁喺白汁底😮‍💨有啲似稀又淡版周打蜆湯佢其實幾足料 入面有好多蟹肉絲😲但蝦肉 龍蝦肉口質有啲腍同散😖加埋煮得偏腍嘅Lasagna 整體食落似糊仔 味道都偏淡⋯🫠係面對有啲脆芝士碎先好啲⋯覺得蘑菇味可能口感仲好⋯🫣🐰耳仔飛起指數：2/10——————————————————————…Read More

呢間文記車仔麵榮獲多年米芝蓮 喺深水埗福榮街有成四間分店 有成種60種配料 今次第一次食 體驗吓咩叫車仔麵嘅高度😂 不過可能佢太多外賣單 堂食都等咗成20分鐘先有——————————————————————湯底：本身有瑞士汁 行偏甜路線揀咗咖喱小辣 但冇乜咖喱味🧐加花椒油 即刻變咗譚仔咁會適合鍾意偏甜湯底嘅人🙏🏻配料：玻璃辣魷魚：勁多！有哂身同腳！爽脆 唔算辣✨蠔皇小花菇 ：又係勁多！厚身爽彈！炆得幾夠蠔油甜味🌟清甜蘿蔔：勁多但有啲零碎 淋得黎夠甜 索埋偏甜嘅瑞士汁湯底 很可以✨上湯花膠：有一大塊 炆得腍身 ok自制韮菜餃：皮太厚 饀料少 唔叫都得🙏🏻陳皮魚蛋：一般 唔叫都得🙏🏻瑞士雞中翼：似屋企整嘅質素 冇嘉樂冰廳咁爆肉汁 ——————————————————————整體覺得會係性價比幾高嘅車仔麵三餸大概60幾蚊 但係份量好足😙下次喺深水埗唔知食咩 都會encore但就未必會特別再入嚟食了…Read More

想試呢間超人氣雞白湯好耐🥺決心要去排隊食！今次星期六中午去 估唔到都唔係排咗好奈😝 當日情況如下：13:00去到拎咗43號票 + 叫到20頭13:35 見到派到53號 + 叫到30頭13:45 中途不斷叫票但冇人 結果入得！⚠️留意排隊規則：1）企喺門口等職員得閒就會出嚟俾飛 唔好入去打擾佢哋 2）拎票要齊人先拎得Btw 原來道係附近開咗間新嘅拉麵分線 主打沾麵同醬油拉麵 唔想等嘅人都可以去試吓！——————————————————————雞係用上本地繁殖飼養農舍雞🐔自家製麵條採用九龍麵粉廠mix日本麵粉仲有分多加水 低加水 去配合唔同湯頭🙏🏻不得不稱讚小店嘅用心✨🧂鹽雞清湯拉麵 （$98）清澈金黃嘅雞湯頭非常悦目湯上浮著層閃亮嘅雞油🌟但入口卻雞味欠奉 清淡 略有鹽味🙏🏻未必適合追求湯頭香氣 複雜層次嘅人 不過佢嘅嫩雞卷就好高質！👅外層包著雞皮 肉間夾着雞脂口感軟嫩 帶有煙燻香 好出色！👍🏻🐰耳仔飛起指數：6/10🐔雞白湯拉麵 （$98）每枱必點人氣之選🔥 同樣都有嫩雞卷奶白色湯頭雖則不黏杰厚身但一入口便感受到雞白湯嘅醇厚濃重🤌🏻有種食緊忌廉蘑菇意粉嘅錯覺⋯但佢嘅濃郁感係重得容易膩口😖連及後加嘅檸檬葉都冇乜幫助相比灣仔黑龍⋯黑龍雞白湯入口初帶雞油的膻味🤌🏻及後甘醇鮮甜 層次分明 冇咁易濟😖個人覺得黑龍仍位居第一😣🐰耳仔飛起指數：7/10🥩特盛 （+$60）建議嚟到一定要叫特盛試吓$60有成三款肉 各有2塊 豬肩肉似輕鹽版prama ham慢煮雞胸做到日本高質拉麵店嘅質素山椒鴨胸係最為驚為天人！！軟腍滑嫩 有食日本牛舌嘅質地估唔到呢度嘅肉先係我最鍾意⋯🍗唐揚炸雞 （$28/2件）即叫即炸 炸得皮脆如薄片肉身亦的確大件厚嫩 但調味太咸 配埋雞白湯更膩⋯🙏🏻🐰耳仔飛起指數：5/10——————————————————————…Read More

聽講深水埗Cafe多 但呢間可以無限時坐 而且環境幾好 水泥風格 有得坐梳化 同其他枱位都有距離 感覺自己擁有一個空間 不過少不免低消兩杯飲品🥂 假日黎都排咗三個字先入得 ——————————————————————🦀蟹肉煙肉三重芝士三文治 （$98）剛焗好嘅飛碟香氣撲鼻 脆卜卜好正！不過餡料就有啲匪夷所思蟹肉同煙肉純粹喺口感上刷存在感佢唔係用好有咸香 識拉絲嘅芝士反而似茄醬同ricotta cheese嘅混合物雖然同預期中唔同 但都好食！🐰耳仔飛起指數：7/10🍊蒜香柚子章魚魷魚意粉 （$128）佢的確有少少咖喱味柚子酸爽味後來湧出整體味道偏辣 比較表面唔濃味但幾鐘意佢灑上櫻花蝦同魚子醬 多啲口感🐰耳仔飛起指數：6/10——————————————————————🍰豆腐芝士蛋糕 （$58）見有人推薦就突登黎試下賣相一般 質地偏涷餅mousses咁食落微豆味 但似豆奶多啲面頭灑上紅糖碎 配埋消化餅底普通正常 下次想試茶味卷蛋多啲啦🐰耳仔飛起指數：6/10☕️Mimi momo ($68)焙茶咖啡沙冰 建議唔好走糖！——————————————————————雖然今次食物整體唔係話好出色 但係環境一流 而且其他食物款式都幾特別 覺得會再嚟！…Read More

網上聽人講喺最強台式火鍋 就星期日午市黎試試佢 午市主要分三款 一人鍋；75分鐘定量肉；無限時至1530嘅肉類任食 今次就叫咗最平$170任食5款肉 ——————————————————————🌽火鍋配料原來佢除咗嗰5款肉同3款小食其他配料都要自己喺出面攞 主要係蔬菜同丸類 都幾少款吓😵金菇 嫩豆腐 水魷 響鈴 芋絲 通通都冇😵但食物質素都ok 同有啲特別款🤔例如黑椒豬肚丸 金沙丸 包心咖喱丸 金菜大甲芋頭都幾好食 又粉又香但係款式少真係一大罪行❌🥩肉類方面 質素都幾穩定花雕雞嘅酒甜香幾正 同埋幾滑🫡但搞笑係無論你叫幾多 佢都係淨係比三件你🫣 🍧甜品方面就比較多有個corner俾你整雪花冰有超過10款配料俾你任加🤩桃膠 愛玉 寒天 布丁 紅豆 紫米⋯芋丸Q彈 有真芋頭番薯味 🤌🏻整體質素可以 有食咗鮮芋仙嘅感覺佢仲有兩款Häagen-Dazs雪糕不過雪糕筒中途冇晒 一直都冇refill 🤧🍟熟食款式都算多但除咗鹽酥雞好食之外其他都不外如事 不需要寄望🤧尤其是係嗰地瓜球 一嚿實嘅炸粉咁😵總括而言 牛大人依然穩健居第一——————————————————————…Read More

沙田新城市近排有個甜品節開到7/10/25😗有見到好多出名嘅甜品舖都有開pop store 😲而當中呢間喺觀塘主打酥皮撻嘅最具話題性✨有幾款中秋限定口味嘅酥皮撻🌟包括紫菜肉鬆鹹蛋黃撻🌕黑芝麻湯圓撻🌚流心奶黃麻糬撻 今次就揀咗一個試！——————————————————————🥧黑芝麻湯圓撻 ($32)見啲人影到黑芝麻醬流心咁好似好正🤤酥皮望落層次分明 內饀都多層次😙濃黑芝麻醬 芝麻奶醬 蛋漿 麻薯 芝麻奶酥不過食落冇嗰種好重嘅烘芝麻香 🤨主要係煙韌又冇乜味嘅麻薯做主導酥皮的確酥脆輕薄 但牛油香欠奉整體感覺酥皮 黑芝麻 麻薯比例 2:3:5🤨三者未能融合 比想像中清淡無負擔 🧐但呢個價錢貴過好多烘焙店 😖🐰耳仔飛起指數：6/10——————————————————————…Read More

佐敦人氣米芝蓮泰國菜喺中環都開咗分店 ❗️餐廳概念同泰國人氣船面thongsmith一樣 仲有蠔餅蟹肉奄列等多款泰國街頭美食👅聽聞9成食材都是從泰國直接入口😲本身定價喺中環嚟講已經係幾抵食嘅泰國菜！聽聞午巿仲平啲 仲可以加$8起有嘢飲🤩！今次假日前夕20:00黎 見到大排長龍 一直人龍不絕😳——————————————————————🦐醉貓虎蝦炒河（$128）上次佐敦食過翻尋味😋先唔講佢有鑊氣 出哂煙勁香口👅佢隻河粉好似薯粉咁煙韌軟腍有彈性🤩大蝦大隻爽彈 粟米荀香甜脆口豆角芥蘭亦夠爽脆 連配菜都好食 💫整體咸香得黎 小小辣 衝得🥬生菜包香葉豬肉碎 （$108）佢嘅豬肉碎炒得乾身散碎中間混合咗啲脆籽 幾有口感🤌🏻入口酸度很足 火燒辣感隨後湧上🔥整體調味偏重口刺激 酸辣得有層次👍🏻不過比起傳統泰店 份量就細啲啦🙏🏻🦪泰式蠔餅（$158）側邊炸皮酥脆鬆口 🫶🏻中間蛋膜口感軟嫩🤌🏻蠔仔飽滿又勁多 幾足料整體感覺同潮州蠔餅差不多但炸得鬆啲 亦冇咁油膩 🙏🏻建議加埋胡椒粉仲香✨但一份真係勁多 建議至少三人食🥭熱情芒果沙冰 （$58）芒果味佔九成 香甜清爽 可！——————————————————————…Read More

延續burger hopping 試吓呢間burger小店😝 每次經過都會聞到好香嘅煎牛味🥹 今次平日19:45到都滿座 勁誇張！🙀—————————————————————聽聞麵包同牛肉餅都係當日手造 🤌🏻每日淨係整200個包 21:30前通常都賣晒😿佢嘅麵包唔係走鬆軟Fluffy路線 事前會喺鐵板煎焦煎脆🔥形狀扁平 咬落質感柔韌扎實配合到佢多醬得嚟又唔會浸濕嗰包😙🐮黑松露蘑菇安格斯牛漢堡 ($125)手打安格斯牛肉餅熱壓煎香🔥淋上拌勻黑松露醬嘅蘑菇片鋪上芝士 再不斷潑上肉汁 🤫以令每樣材料融為一體 🧏🏻‍♂️濃重牛肉油脂香配上黑松露香一香一濃 喺味覺嘅奢華盛宴💎唔怪之得咁多人推介佢🙏🏻🐔香脆雞扒漢堡 ($98)佢同日式炸雞炸法差唔多雞扒炸起切件疊成幾層😳一啖真係食唔到成個包😣欣賞佢連配料都唔馬虎🥹蕃茄夠厚同新鮮 令整體更清爽！🍟黑松露薯條 ($65)以黑白松露混成嘅醬汁比得慷慨薯條喺幼長挺身香脆嗰種所有嘢都係即叫即做熱辣辣炸起喺冇得輸🔥🍗日式炸雞 ($68)嗰味有啲似脆香雞翼嘅唔辣版重點係真係做到外脆內嫩另配有酸甜滑順嘅自調醬料建議點埋薯條嘅黑松露醬仲正！！——————————————————————┍━。━。━。━。━。━。━。━。━。━。━。┑🏠 Burger Mate (尖沙咀)📍尖沙咀金巴利道78號金輝閣地下A號舖┕━━━━━━━━━━━━━━━━━━━━━━┙…Read More

大學嗰時成日食呢間 志在一大班人share鍋物 自家menu 款式幾特別 而且坐得舒服 氣氛幾好 尖沙咀仲有部機可以影相印出嚟🤣 ——————————————————————🦑海鮮炒年糕 （$328）魚糕 年糕 金菇 椰菜炒入甜辣醬再擺上原隻脆炸魷魚 非常𥄫睛👁️鐘意佢嗰醬汁濃杰得能牢牢掛上食材令每口都有佢甜而帶辣嘅炒香🤌🏻配埋仲有蝦仁 小帶子 紫菜飯仲有外邊啲腸仔 粟米 拉絲芝士 勁豐富！一大班人食就啱哂！😽🍙炭豚紫菜飯捲 （$98）飯捲包入炭燒豬肉片 各種蔬菜🥬🥕經典正路 沾埋炒年糕嘅甜辣醬仲正！🍶米酒Outdark最出名喺佢啲特調米酒😽用大木碗 木匙裝嚟飲勁有feel 不過兩個人飲唔到咁多 唯有叫杯裝佢以鮮果製成冰花混入米酒所以飲落冰涼 又fresh又爽 🧊中意口感厚身嘅 可以揀酸甜士多啤梨昧🍓柚子尾調會帶有苦澀味🍊蜜糖則味道單純 質地更厚實🍯——————————————————————┍━。━。━。━。━。━。━。━。━。━。━。┑🏠 Outdark (尖沙咀)📍尖沙咀厚福街8號H8 17樓📍旺角彌敦道613號飛達商業中心2樓┕━━━━━━━━━━━━━━━━━━━━━━┙…Read More

尖沙咀最近多咗間主打韓式中華料理嘅小店✨ 聽到店員講住韓文溝通 感覺啲嘢食會好正宗 睇吓有冇得重拾返喺韓國食香港0410店嘅感覺！——————————————————————🦀海鮮炒碼麵 （$128）看似紅噹噹的湯底沒想像中的辣😲反而炒海鮮的香氣很搶很濃😳陣味似韓國不倒翁海鮮辣湯麵包辣油食落好香口惹味！昇華咗成碗湯底！✨麵身雖然軟腍但掛到湯底🤏🏻海鮮有蟹有青口仲有大量蜆肉配埋大白菜 蘿蔔絲 算係多料！🍜炸醬麵 ($125)醬汁以發酵黑豆 醬油 砂糖製成濃杰得能牢牢黏上蛋麵條👍🏻食落甜味偏重 唔會好重口味搭配豬肉洋蔥丁 加埋隻太陽蛋係面🐷糖醋肉 ($168)用上比較瘦 冇乜脂肪嘅豬里脊相對比較有肉感 但同時冇乜肉汁沾上稠杰且白醋味重嘅醬汁味道酸爽 冇香港咕嚕肉咁甜！份量都幾多 建議三個人食！🥟蒸餃子 ($78)軟Q嘅外皮同重胡椒味嘅豬肉饀味道和口感都是典型嘅韓國餃子但如果醬汁多加調配應該仲正！——————————————————————…Read More

堅尼地城海傍附近新開咗間Gelato✨仲可以用雞蛋仔做cone 拎去海傍打卡慢慢食 真係幾chill🎐 Gelato有十隻味✨錫蘭紅茶清幽淡雅 開心果有果仁粒 芒果雪芭似芒果乾🥭 店員勁friendly比試唔同味🥺 完全感受到小店嘅人情味🥺✨要支持吓🥺——————————————————————🍨Gelato (2 Scoop + 雞蛋仔 cone) $78最後揀咗啤梨雪芭同椰子斑蘭味～Gelato口感綿密 奶油比例的不高食落的確比較清爽不膩囗👍🏻就算椰子斑蘭味亦冇厚重之感✨斑蘭味濃重突出 似斑蘭戚風蛋糕！啤梨雪芭相對就清新啲 甜少少🤏🏻似黃色雪梨嘅Gelato版 幾少見 重點喺可以+$10 要雞蛋仔cone🤩仲要焗得脆卜卜 好有口感🥺蛋香連埋冰涷Gelato又喺另一個味道層次$10有呢個質素 有呢個層次配搭 建議唔使諗 直接加！！🍫薄荷朱古力Gelato佢唔係牙膏味 略帶有淡淡嘅清涼感入面有好多苦少少嘅朱古力碎喺發揮正常嘅薄荷朱古力😚夏天帶埋去海邊食喺最爽🥺——————————————————————┍━。━。━。━。━。━。━。━。━。━。━。┑🏠 NOOK. Eggwaffles & Gelato (西環)📍西環堅尼地城吉席街99號地舖┕━━━━━━━━━━━━━━━━━━━━━━┙…Read More

香港嘅台灣火鍋黎講暫時牛大人都係穩居第一🙏🏻 質素穩定 款式多 無論火鍋配料定熟食都好多選擇 雪糕仲有Movenpick任食😲 今次叫咗最貴嘅日本黑毛和牛A4+套餐 比前一級多咗款靚牛同豬 仲有4款熟食鮑魚同海鮮拼盤 叫咗期間限定嘅木瓜椰皇嫩雞湯同麻辣湯！——————————————————————🥩肉類⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯日本黑毛和牛A4+果然唔同啲🤩油花呈細緻網狀分佈 色澤粉撲🥺食落軟嫩 脂香喺口中擴散回盪✨膩時可以用美國黑牛呢啲肉感重嘅隔住食！伊比利亞黑毛豬喺平時都鐘意食嘅肉種肉味香濃 肉汁豐富卻不油膩✨個人亦推薦佢嘅台灣鱸魚片👍🏻——————————————————————🔥火鍋配料&熟食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯選擇多到係冇一次試得哂🫨除咗出面拎蔬菜 菇 瓜 丸類仲可以叫花膠 各款海鮮漿 沙白 鴨血⋯✨仲有啲特別台灣配料 - 蛋餃 水蓮 黑輪⋯個人大推沙沙粉粉嘅芋泥丸！😋熟食方面～鮑魚爽口彈牙 但炸款就油膩少少🤏🏻期間限定嘅黃金椰絲蝦丸都好正🫵🏻有啲泰式蝦餅粒粒蝦肉嘅感覺！——————————————————————🧁甜品⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯甜品竟然有驚喜！！佢有Movenpick嘅薄荷朱古力！🤩自家豆腐雪糕同比Ganto更有豆味⋯🙏🏻仲可以揀香芋椰漿脆脆同仙草凍🙏🏻建議一班人嚟食就可以試晒🥹——————————————————————…Read More

位於銅鑼灣主打手工意粉嘅Cafe小店 🍝 聽聞佢嘅甜品 例如抹茶麻糬巴斯克蛋糕 Tiamisu都好出色😲✨ 餐廳以暖色木調為主 有露台室外位置都幾chill 😙 價錢同一般cafe差不多 但係銅鑼灣 而且係手工意粉 性價比幾好！——————————————————————🧀卡邦尼手工圓粗麵 （$138）手工麵一貫爽彈嘅口感🤏🏻醬汁以芝士 蛋黃 豬肉製成🥚形成金黃外表 唔係creamy路線以煎香風乾豬面頰肉嘅咸香為主🐖整體係幾正宗嘅卡邦尼意粉！⭐️🍅意式香草肉丸辣番茄芝士忌廉手工寛麵條（$138）肉丸似淋身嘅香草腸仔 正正常常但個人鐘意呢款多過卡邦尼😆寛麵身更突顯佢爽彈口感✨醬汁味道亦相對更多層次🤩多了翻辣勁 番茄的酸 忌廉的醇 不錯！🐓灸燒白松露燒雞翼 （$58）開頭會有淡淡松露香氣🤏🏻唔係脆皮 比較似蜜糖雞翼 勝咗大隻+內裏嫩滑 正常發揮！☕️Tiramisu ($78)睇色水好似偏淡🤨 但食落咖啡味幾濃！😲Mascarpone cheese雖蛋味不重亦打得細緻幼滑 甜度不高剛剛好 加上存放溫度得宜 令手指餅變得鬆軟💦食落比其他餐廳輕身帶空氣感☁️又幾特別 係不錯的Tiramisu！🌟🥛奶蓋桂花鮮奶烏龍茶 （$48)🍵抹茶奶蓋草莓鮮奶 ($52)呢度嘅奶蓋都幾特別 😲😲前者係牛奶味感覺比較輕盈嘅奶蓋☁️後者係有如用抹茶粉打成濃苦嘅抹茶奶蓋比起坊間嘅芝士奶蓋 感覺冇咁邪惡🤣——————————————————————…Read More