cherry426's Profile

有朋友住係三聖所以平時都會去搵佢食下海鮮，因我住係九龍區，好少入嚟屯門所以入得嚟就多數會去比較出名嘅南記，好少試其他餐廳。但因有朋友話想試下其他餐廳，咁我地就係Openrice search下有邊間好評，就揾到呢間泰海鮮都幾多人like，不過我地都唔抱太大期望點知竟然有驚喜！我地4人行叫咗7道菜先嚟有花生一碟—花生好脆，應該係自己炒，因有少少油，但好香可接受1:海鮮湯—用好多殼類海鮮熬成湯底，都幾鮮味2:炸帶子—用新鮮帶子外脆內軟唔會over cook3:豉油皇中蝦—比餃濃味，蝦好新鮮勁有鮮味4:青山灣焗龍蝦(2隻開邊4份)—芝士味焗但唔會搶咗龍蝦本身嘅鮮味5:豉椒蟶子皇米粉底—米粉底好脆，蟶子勁新鮮，豉椒比較濃味但都無搶賓奪主，好正6:砵酒焗桶蠔—呢個要強烈推介蠔勁鮮甜，好juicy,勁好味7:避風塘炒肉蟹—外殼汁濃味但保全到肉質鮮甜總括嚟講全部海鮮都無over cook唔會韌剛剛熟，因本人好怕海鮮煮得太熟over cook咗廚師煮法都比較濃味但完全冇搶咗海鮮嘅味道，食落去海鮮係好有鮮味。所以下次都會再同朋友去多次…Read More

雖然已經一年無得去旅行，不過好彩香港仲係美食天堂想食咩國家既菜式都易如反掌突然好想食韓燒，搵到呢間有1++韓牛食喎價錢仲相當相宜! Lunch $248一位仲有入會優惠添坐底不久，很快已經拎左碟1++韓牛拼盤俾我哋左起: 頂級雪花牛小排，美國大理石，牛肉片，1++韓牛頸脊，1++韓牛腿肉，1++韓牛腩包肉一黎當然要食左韓牛先啦不過燒呢啲肉都需要時間，所以就叫啲小食, 熱食黎食住先蘿蔔粒好好食，簡直係開胃小食酸酸地，口感好爽脆韓式炸雞呢個係新鮮炸起的，咬開係好juicy，真係一啲都唔hea食左小量前菜，就開始要食主角喇韓牛既牛味比較突出，牛既餘韻一直停留係口腔雖然目測有好多脂肪，但比想像中無咁膩腩包肉原來係鎮店之寶，油香比較豐富，令肉質更細滑！除左韓牛令我地食唔停口，其他牛例如美國大理石，牛肉片，肉眼扒都比一般既韓燒餐廳高質。除左牛之外，仲有豬, 雞, 海鮮豬扒&韓式雞肉都唔錯，值得加單再叫反而豬腩片就有啲韌海蝦都幾大隻喎呢啲五顏六色既蔬菜係我最愛每一件都係大大塊，一啲都唔吝嗇！而且全部都好乾淨新鮮想食火鍋呢度都可以滿足到火鍋控不過今次我地就無食到火鍋，因為食韓燒都食到飽飽了！最後食埋杯雪糕作完美句號！…Read More

今年因為疫情，都少左好多出街食好西。經過介紹後，呢間 La Moo Moo's steak ＆ Fries 係朋友極力堆介佢地既牛扒餐。 一入到餐廳，好用心既聖誕佈置，而我個人就最鐘意電子屏幕版既火爐，看上去仲幾有真實感！頭盤有Garden Fresh Romaine Salad 沙律菜新鮮爽甜，麵包粒係有香草係入面，每粒都好脆好香口。個自制麵包被烘過，有輕微脆口配上少有既玉桂醬，好特別。8oz Premium USDA Ribeye Steak 做得好好燒過既Rose Mary放係牛扒面，令牛扒除咗肉香，仲有rose mary既香上菜既時候有陣陣既香草煙薰味，以味奪人🤣 今次叫左7成熟，做到封鎖肉汁既效果而個紅椒汁食得出係用新鮮紅椒打醬而成，好香紅椒味。…Read More

炭爐高溫更能鎖住食物的鮮味，更配上好食材加主廚的心機，令人心滿意足的一餐剛開始主廚就細心為我哋介紹不同醬料與食物配搭，再來又有清酒介紹，令人愉快的開始。清酒依然係揀返一枝易入口、小小甜，入口純香。依家重做梗同樣的買一送一再來是必食的甲羅燒係我的大愛，濃厚的鮮味，重有少少的蟹肉，配以餅乾，yummy~主角上場-牛肉盛合有不同部位的牛牛，未燒已經見到均勻的油花，開始由油脂最豐富的燒起，最後係由口感彈性的牛舌作結。和牛三角胸小排 - 入口即化，口感柔軟和牛牛背峰 - 油脂分布更細緻和牛腩 - 牛味更濃，而更有口感牛心 - 味道較重，配以店內自家製蕃茄汁變得fresh，而且口感爽口牛舌 - 最令人驚喜，咬口非常有彈性，似彈牙的脂肪，完全沒有腥味👍🏻👍🏻👍🏻炭燒虎蝦 - 主廚幫手燒既好處就係唔會燒過龍，自己燒永遠都係完熟，特別大大隻果d，今次啱啱好，中間未完全燒到實色，彈牙爽口唔好以為係燒春雞........係燒鵪鶉，肉質更嫩滑。而且要好有心機去燒，又要完熟又唔可以燒燶翼尖炭火雞......呢個除左有視覺享受，炭燒味更突出，肉質嫩滑。免治雞肉餅呢個真係令人滿足既聖誕LUNCH 埋單時仲有驚喜折扣優惠…Read More

西環海邊有好多餐廳，一直都好多人去食！好彩我哋有book位今日係weekday都滿座！西餐必備既包，做到外脆內有咬口洋薊心蝦沙律 第一次食洋薊心，原來無咩味但個沙律菜淋左個酸酸地既汁，食落好醒胃，蝦有輕味燒燶既味道，但肉身唔會好乾，仍然爽口以starter 黎講，不錯法式香草焗田螺 田螺肉爽口厚肉，薯蓉好幼滑醃製三文魚第一眼望到，覺得都係普通三文魚加左少少醬少少青瓜，無咩特別。但食落原來唔係青瓜，係青蘋果。。。出奇地夾，可以稍為減低三文魚油膩感黑松露雪魚蓉 比較普通！唔係好重黑松露味，而下層既包，包邊偏硬！香煎魷魚仔配西班牙肉腸 肉腸有輕微辣味，唔會好咸魷魚仔唔韌又有魷魚鮮味凱撒沙律 細細碟但好足料，用左鯷魚，味道偏濃！帶起成個沙律既味道，個沙律醬好特別，吞左之後會有輕微辣既感覺原來是日湯係磨菇湯 明顯食到菇粒，有微微咬口，唔會好cream，偏稀身法式乳豬 香港唔多地方有呢款乳豬食！而家又無得去澳門食葡式乳豬乳豬皮脆得黎好鬆化唔痴牙係油膩左少少，但食得呢款菜，就預左真係為左層皮先會叫。。。。法式烤乳鴿 一上台以為有2隻，原來係1隻開4件:)有D滷水味但肉感比起平時既炸乳鴿會比較緊致厚實，食翼位有脆口既感覺。。。口感幾特別墊底既飯，係意大利飯，同個乳鴿都好match是日甜品 好出色既檸檬批，好清新檸檬香味！蘋果批，我比較欣賞個邊位，好香脆，好香牛油味，即使飽飽地，食落都唔覺好滯口！食埋個甜品，完美的句號食飽仲可以去海邊行一陣…Read More

今日放假，無得去旅行，但又好想有chill又relax既感覺！一諗就諗到K11 Musea見到呢間餐廳好有田園氣息，岩哂我黎一路食野，一路放空，無壓狀態呢度既dishes好特別，海南雞risotto今日我哋決定慢活一日，所以叫住小食食下先！「炸蝦芒果米紙卷」個wrap皮好薄呀輕輕既煙韌度更能突出埋炸蝦&芒果既口感令成個感覺豐富左「布拉塔芝士沙律」原來呢個沙律係有黑松露架！唔太岩我口味不過呢個沙律除左沙律菜外，仲有好多水果&杏仁「秘製乳豬燴意大利飯」有啲似焗飯，同平時食開既risotto唔同乳豬感覺有啲乾乾地！不過我好鍾意粒粒飯，係正宗意大利飯黎架，比平時既焗飯更分明「韓式龍蝦香辣豆腐湯」勁大隻龍蝦呀！仲有青口&沙白，個湯超重海鮮味豆腐滑到呢......一啲都無誇張「香蕉火焰焦糖燉蛋」第一次食咁好食既creme brulee，原本已經好飽，但我哋竟然KO得哂！焦糖同香蕉係超夾，燉蛋滑到難以形容！呢個係一定要食的…Read More

行完銅鑼灣DONKI就搵野食記得之前經過登龍街有間新餐廳，即刻帶埋朋友去見到個MENU其實都好抵食，二話不說決定入去食:)前菜：洋蔥柚子雞腎好清香柚子味，幾特別，唔錯唔錯。。芝士玉子燒芝士食物，少不免黎張拉絲相啦 食落淡淡鰹魚香，仲有少少紫蘇葉香味，第一次食呢幾種食材配搭出黎既菜式，再加廚師精湛既廚藝，好水潤既一個玉子燒，超正一夜干雞扒 成個餐又沙律，又漬物，又炒飯，仲有個麵豉湯咁多野食都只係78蚊，太過份 因為食物分開上，樣樣都食過個雞扒好香雞味，輕微脆皮，就算傾耐左，凍左食都完全唔乾。推介之選 呢2日突然好想食大阪燒，咁岩呢間餐廳有，即叫。。。果然無失望，爆多料，唔會食到一pat pat粉漿，每一口都充滿疏菜，豬肉，燒汁同沙律醬都好澎湃。令人好滿足既大阪燒。呢個炒面飯，好得意，初次見面。口感似日式炒麵，麵質輕微彈牙，唔太林身除左燒汁味極重青椒味，原來個青椒經醃製過先炒，好濃既青椒味，好特別。其實食入口，係完全唔覺食緊飯，會偏向似食炒麵多D。值得一試…Read More

又一次捐窿捐罅食好西，今次比我搵到呢間較少人知的Australian-style steakhouse. 餐廳裝飾、氣氛都令人好放鬆，有點走進國外朋友家中的感覺。而且侍應親切的上前問候，詢問又能詳盡的解答，進餐時又給予空間時間，不會有壓力，可以盡情與朋友慢食聊天。餐廳對於食物有選擇困難的人是十分好的，因為只有一個steak set，當中包括Bread Roll、Romaine Salad、Ribeye Steak、Crispy Golden Fries。Bread Roll是自家制的，特別軟熟，其中一面更輕微的焊了，更香脆，但不會過份干身，保持其軟熟，再配肉桂味的牛油。牛油本身沒有鹽的，需要自行再加入適量的鹽去引出味道。接著是十分鮮鮮脆口的Romaine Salad，即是Caesar salad，但勝在新鮮再加上自家制的沙津醬，令人特別開胃。主菜，8oz的Premium Ribeye 選擇medium,，廚師煮得剛剛好，切開十分平衡的粉紅色，不會過了火。口感雖然不是和牛的入口即溶，但頂級的牛扒，絕對不會韌，口感剛剛好，又有牛肉的香。如果擔心唔夠喉的，仲有free flow薯條任食!…Read More

上環永安鈄對面，搭電梯果陣覺得地方有d舊，電梯只可以坐4至5人。點知入到去，好闊落，好乾淨，感覺幾好。黑蒜姬松茸脊骨煲，識食一定飲碗湯先，足料湯勁好飲。脊骨手掌咁大舊，每舊都連大舊肉，肉林骨香。姬松茸煮咁耐仲好香脆口，黑蒜係我第一次擺入口，原來係無咩味，口感似勁林薯仔。竹笙，本身竹笙無味，但吸哂個湯既精華鮮味，完整一大條身夠厚，爽口鮮味。大魚頭。大大碟。好新鮮，無腥味，碟底亦無咩血水，入口好滑好鮮。味噌大根豚肉餃，大根吸哂味噌味道，大根本身煮得夠入味又重水份，一食入口有種好juice 既感覺，建議唔好煮太耐。水餃。係簿皮水餃👍略嚴細仔左少少。唔夠喉。😁😁係我最愛既墨魚滑，上台一刻，有半秒呆左，pizza咁款,又幾特別。入口軟綿綿，唔係好爽口果種。有墨魚粒增加口感，唔錯唔錯。不得不介紹呢個蝦蟹醬。我同侍應講，你地個XO醬好好味。。呢個唔係XO醬黎咖，係蝦蟹醬，用左蝦乾蝦子蟹x自己炒出黎咖。 食完餐飯已經唔記得左係蟹咩😂好食好好食，必試推介。…Read More

香港一年四季都可以打邊爐，今晚就去試新場！今次食物質素高質外，食材都十分有驚喜，湯底必須一讚酸菜白肉鍋開胃酸菜蕃茄底，再配搭日本雞頸肉，口感新體驗- 爽口不韌。而且配以雙層鍋爐，雞肉就係中間，可以慢慢逐一逐一食，啱晒慢食既我地。頭盤，當然食返個刺身-牡丹蝦，係我手指既一倍，鮮甜爽脆，再配返杯冰凍竹蔗水，降一降暑～打邊爐當然點少得靈魂食物-Prime手切肥牛，好有肉味，肉質嫩滑。重有手打四寶丸：牛丸、蝦丸、鯪魚丸、墨魚丸，保證手打，口感十足。即炸響鈴、即炸午餐肉，午餐肉明顯係高級牌最後就係蔬菜籃打邊爐，來來去去都食果d野食，所以要食一定要揀高質。…Read More

今日去到觀塘工業區搵到間日式餐廳，簡約普通的裝修，店內大慨可容納10多位客人，但原來都可以食到特別的日式料理。我揀左「廚師發辦」的料理，主理人話我知合共有21款菜式，由於有另外客人要食齋，所以可能出菜會比較慢，雖然這樣也令我特別窩心，讓我們有心理準備也剛好可與閨蜜談心。前菜 牛油清酒花螺熱熱地 有淡淡的牛油味 而且爽口。平時食開的魚生，多是直接給你食原味，但這裡特別的是，會加以特別的烹調，配合出特別的菜式， 重點的是本人其實不喜愛食魚，但今天我食了勁多😂🤣😂金目鯛嘩.....他將魚皮燒至香脆，脆卜卜口感一流呀。粒貝口感脆爽，估唔到的是它一早加以麻油，好特別的口味，yummy五三竹特別的外型，十分吸引，口感爽脆，正！拖羅師父新鮮砌出來，嘩....好肥味呀😍白玉粟米街外好小食到，我也是第一次嘗試，原來生食也十分甜美。金鯛嘩嘩嘩，外貌十分吸引呀....主理人將魚皮連鱗燒至金黃色，脆卜卜好好食呀😋 （估唔到魚鱗也可食，正呀）龍蝦今次加以海膽炒成出來的龍蝦，非常特別！而且他將龍蝦沒有炒至全熟，口感也非常特別。和牛有濃厚的牛味，good!漬物好爽口美味，估唔到普通的漬物，也吸引了我4件壽司魴魚 赤貝 小肌 赤身， 也有保持著新鮮感龍蝦湯十分清甜，有龍蝦味海膽刺身飯內有不同類別的海膽，一次過食了3種的刺身，正呀！甜品最喜愛的蜜瓜😋#特別見到美味的串串車里茄，主理人見到我地心心眼，特意請我地食，在煮熟過程加以牛油，味覺特別也十分好味，並說了如早一個月來，蕃茄會更美味。I will be back😋😋…Read More

之前同d同事黎呢間食過lunch,覺得唔錯，幾好食，環境舒服。今晚專登同朋友黎試試佢晚飯，晚飯無咁多人👍西餐例牌黎個包包，熱熱地，好好味！外脆內軟餐前包。燒北海道帶子藜麥沙律配柚子橙香醋汁。用柚子橙做沙律，完全無奇怪垃圾味，真係帶到橙香清新味道，沙律菜有簡過，塊塊都好青綠色👍👍南瓜蟹肉忌廉湯。一上台就聞到蟹香味，證明湯夠熱👍而且係勁多蟹肉，好香蟹肉味肉。好似食緊原隻蟹咁。見佢個餐前包包咁好食。就試試佢既焗芝士蒜蓉包，如果可以用水牛芝士會更好食。 一份有5件。2個人黎講多左D主菜。燒西班牙黑毛豬架。火候控制好好。中間仲有少少少少粉紅色。剛剛好熟。唔會燒到好乾身。唔錯唔錯。見到啲甜品都好吸引下次一定要留肚食:)…Read More

呢間西班牙餐廳好有情調，好岩情侶黎慶祝:)今晚既Menu係tailormade架鮮藩茄醬，焗包 。包邊脆而唔介口，唔會擦損上岳 藩茄醬，無草青味，唔會太酸，仲有少少香草配合，味道好清新。魚湯焗蜆每隻都漲卜卜，無沙，焗既時間剛剛好，唔會焗老左湯底真係好濃，好甜既一個濃湯炒墨魚粒伴生蒜醬生蒜醬用左雞蛋，橄欖酒同蕃茜打成，用壓縮槍擠出黎，好高視覺藝術度。炒墨魚唔銀，好香，伴少少蒜蓉醬輕微辣辣地，好好食。西班牙蒜蝦大量橄欖油，蒜片去煮 雖然勁多橄欖油去煮，但入口唔油膩。蕃茄凍湯，一入口。。辣既，原來又係蒜蓉， 個湯入口輕微辣，有好濃香葉味，湯既味道有D印度味，好重香葉味。飲完個湯，黎一個雜莓雪葩加左粒黑醋魚子。好輕微酸味，清清味覺，食主菜:)尾聲有個西班牙海鮮飯，係用魚湯蝦湯煮成，好香，飯係煙韌偏硬少少，好重海鮮味，食到尾反而有少少覺得濃味左D, 加返幾滴檸檬青新dd又可以食多幾啖， 廚師控制火候功夫好好，蝦唔會焗到乾哂，食既時候仲keep到蝦肉彈性。。。👍👍👍甜品係西班牙出名既 Catalonia cream,個樣同cream burlee好似，不過味道同口感完全2回事，Catalonia cream係用蛋，檸檬，玉桂同糖去做，口感似souffle 入口即溶，可能餐飯有太多蒜，顯得用檸檬做既甜品味道特別清新店主特別介紹食tiramisu 既時候要將匙羹不到落底食，果然一啖食落有cheese既幼滑 有餅香脆 有咖啡香氣，最後仲有少少酒味散出黎。好好味既tiramisu 。手做雜莓雪糕輕輕酸味，中和到少少留係口既蒜味。👍總括今餐係意料之外，好好味，諗住咁近公司帶同事黎試，點知佢地只做晚市，店主話因為準備功夫太多，其實食得出佢地既心機，同誠意。一定會介紹比身邊朋友黎試。…Read More

Happy Thursday! 今晚去左食串燒飲啤酒得閒食下串燒，壓力當下就會消除哂呢間串燒店仲有一間房，好private ar同埋座位都好闊落急不及待已經叫左杯啤酒青檸柚子梳打燒爆醬芝士牛丸牛丸係全手打的好爽口彈牙，中間既芝士好足料，連續食兩粒會有少少膩不過牛丸打得好好食魚湯清酒煮花甲每隻花甲都有肉的唔係淨係得個殻，而且仲好大隻黃金燒大虎蝦黃金醬有起沙的不過燒得有點乾川燒豆腐燒牛脷芯口感好嫩，又夠爽口一啲都唔硬燒手打免治雞肉串呢個雞肉串好好食同平時食既好唔同，雞肉好實在，味道又岩岩好燒手打墨魚海鮮捧燒芝麻湯圓呢個好好食，外脆內軟…Read More

收工同閨蜜搵好野食，到左旺角搵樓上cafe， 俾我地搵到間環境不錯的餐廳, 裝修間約，食物也有驚喜。首先我地先叫2個小食「芝士熔岩薯條」即炸粗薯，不嬲都是我的最愛， 熔岩芝士名不虛傳，真的滿滿芝士口感，芝士烘的我心心眼了。再來的小食叫 「西班牙火腿蕃茄莎莎多士」絕對是開胃菜式，碎蕃茄加入了酸汁及新鮮蔬菜，yummy!食完小食再來一個頭盤 「西班牙辣肉腸炒海鮮」辣辣地配合海鮮不錯的配搭而且大蝦炸後好香口，正！我地叫左個湯，「法式龍蝦湯」濃厚的龍蝦味.....配上熱辣辣的芝麻法飽再來的是主菜，我們叫了「炭燒西班牙豬鞍架」肉質爽口，真的是不錯之算。閨蜜飯局點會少了甜品「心太軟」，一切朱古力即流出，正爆呀！加上雲里拿雪羔！一熱一冷！yummy!我地慢慢嘆，又不會吹我地走，爽呀！傾過痛快！聊天飯局一流地方👍🏻…Read More